Rɔmɛ̀n-anmàn-bɔ̀ 10:2 - Ɛmɛẅi ankà ankrànkràn 2003

² Annanwɔrɛ mɛ̀n lɔ, me le di yɔ dalɛfue tɛ̀ le, edùyì yɩ́ y'ɛnbɔrɛ lɔ Ɔwɔ kɔ̀hɔ̀n-hán mɛ̀n, tɛ́n y'edùyì lɔ kè sɩ̀ dù ankà-nyrì yri-kàn mɛ̀n.

Rɔmɛ̀n-anmàn-bɔ̀ 10:2 Iomraidhean Croise

Zhan 16:2

Yɛ lɛ wrɔ́ nyɛ̀n Ɔwɔ-sɛ́n-wɔn hɔ̀n lɔ mɛ̀n. Kɩ ɔmu lɔ, ɛnvra kɛ lɛ và, zɛtɛn anwrɔn hɔ̀n léyi ke le wri nyɛ̀n nɔn, ke le tro le Ɔwɔ kɔhɔ̀n de yɔ hán ɔmu lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 21:20

Ɛnvra léyi yɔ yá n'ankà lɔ trɔ nɔn, yɔ mrɛ́n Ɔwɔ. Zɛtɛn yɔ dɔ́ Pɔlɛ̀n le: “Ɛ kàn, ɔwrɔn-nɛ́n-mùan-ẅì, Zhüifɛ̀n-bɔ̀ tɛ̀bru kru ɛbɛ́ de srɔ Zhezü sɛ̀nkɛn-bɔ̀: yɔ lɔ fɛn, yɔ ẅɛn ɛnyànmàn ɛshishiemɛ̀n yɔ hɛ́n.

Ɔkɔ̀hɔ̀n-wá-bɔ̀ kɔ̀hɔ̀n hán 21:28

kɩ yɔ di bobo yɔ dɔ̀ le: “Izraɛlɛ̀n-bɔ̀, nyɛ́n wá bɔ̀ ɛkɔrɛ̀! Nyàn ɔwrɔn léyi ke yé ɛyri lɔ fɛn anwrɔn ezì-kɛ́n-ankà tán Izraɛlɛ̀n fɛcüè, Mohizì nyànmàn mán Ɔwɔ-cice-wɔn ndɔ lɔ nɔn. Kɩ zɛtɛn nɛ̀n bɩ́ anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, bru Ɔwɔ-cice-wɔn lɔ mɛ̀n, kɩ wá ɛyri prɔnprɔn ndɔ lɔ ɛnbrá edòmɛ̀n!”

Ɔkɔ̀hɔ̀n-wá-bɔ̀ kɔ̀hɔ̀n hán 22:22

Fɛcüè die Pɔlɛ̀n nukù hàn kɩ nɛ̀n dɔ́ ankà trɔ; tɛ́n zɛtɛn, yɔ lɔ fɛn yɔ bukru yɔ di bobo yɔ dɔ̀ le: “Nyɛ́n hán ɔwrɔn ndɔ lɔ kɛ̀ zrɛ́n! Owù dú nɛ tɛn! Nɛ̀n sɩ̀ krɔ̀n ɔmu le ná dú ɛnhi ndɔ lɔ wú nɔn!”

Ɔkɔ̀hɔ̀n-wá-bɔ̀ kɔ̀hɔ̀n hán 22:3

“Mɛ̀n dú Zhüifɛ̀n-wrɔn, ye bî mɛ̀n Tarsɛ̀n anmàn Silisi kpɔsɔ wú; tɛ́n ɛnu Zherüzalɛmɛ̀n anmàn de yɛ wá mɛ̀n kɩ m'ankà-yé-wrɔn dú Gamaliɛlɛ̀n, nɛ́n de nɛ̀n hán mɛ̀n nyri, bɔ́ nancüì hɔ̀n nyànmàn lɔ nɔn. Me yɩ́ edù Ɔwɔ kɔ̀hɔ̀n-hán mɛ̀n, hán ɔmu le nyɛ́n lɛ fɛn nyɛ́n dú ɛnyɔnci lɔ nɔn.

Rɔmɛ̀n-anmàn-bɔ̀ 10:1

Anwrɔn-nɛ́n-muan-ẅì hɔ̀n, eci léyi m'ɛnbɔrɛ ke zeze kɛ cüɛ̀n nɔn, dú hɩ le mɛ lɛ sán Ɔwɔ ô Zhüifɛ̀n-bɔ̀ kɛ cɔ́ ebɩ̀die nɔn.

Rɔmɛ̀n-anmàn-bɔ̀ 10:3

Annanwɔrɛ mɛ̀n lɔ, yɔ sɩ̀ nyrì ɔmu le Ɔwɔ kɛ srɔ anwrɔnẅì ɛnyrɔnnan-bɔ̀ n'ezìwú, kɩ yɔ ji, ô yɔ wá yɔ mumù eci léyi kɛ lɛ srɔ yɔ ɛnyrɔnnan-bɔ̀ nɔn. Ɔmu lɔ de yɔ sɩ̀ sɩ̀ y'edomɛ̀n ɛnhi ɛnkru-kɔrɛ̀-nyànmàn léyi Ɔwɔ tán nɔn zìwú.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

2 Korɛntɛ̀n anmàn-bɔ̀ 4:6

Ɛnbiɛhɛ́n vra lɔ, Ɔwɔ dɔ̀ le: “Ke ji le ɛyri-kàn kɛ̀ gbrɛ́n ɛyri yɔwɔ wanzi!” Ɔmu zri lɔ, nɛ́n de nɛ̀n vru nɛ̀n hán ɛyri-kàn kɛ̀ gbrɛ́n bɔ́ ɛnbɔrɛ hɔ̀n lɔ mɛ̀n, ô kɛ̀ tán bɔ̀ eci-nyrì yri-kàn léyi dú n'Ɔwɔ ci-zrɔ lɔ mɛ̀n kɛ gbrɛ́n Krisì zìwú nɔn.

2 Korɛntɛ̀n anmàn-bɔ̀ 8:3

Mɛ̀n dú yɔ dalɛfuɛ-di-wrɔn, yɔ tán hɩ le krɔn yɔ ɛkɔrɛ̀ mùan nɔn, kɩ vru fɛ ɛwú, kɩ ndɔ lɔ ɛnbɔrɛ zriemɛ̀n.

Galasi anmàn-bɔ̀ 1:14

Annyran hɔ̀n sùgbàn-bɔ̀ mɛ̀n, mɛ̀n wi yɔ ezì Zhüifɛ̀n-bɔ̀-Wɔ kɔ̀hɔ̀n-hán lɔ mɛ̀n; edù ke yɩ́ mɛ̀n kɛ vrán yɔ, bɔ́ nancüì hɔ̀n nyànmàn ci-hán mɛ̀n.

Galasi anmàn-bɔ̀ 4:15

Nyɛ́n dú ɛnbɔrɛ-bruemɛ̀n anvrɛnvrɛn mɛ̀n! Ankà tán de srɔ́n nyɛ̀n esù nɛ́n? Me le dí nyɛ̀n dalɛfuɛ ndɔ lɔ tɛ̀: ke dú kɛ kè dú eci-hán-ci hô, nye le frɛ ny'anvɛ̀ hɔ̀n lɔ nyɛ́n tán mɛ̀n!

Filipɛ̀n anmàn-bɔ̀ 1:9

Nyàn eci léyi mɛ sán m'Ɔwɔ-sɛ̀n lɔ mɛ̀n nɔn: ke ji le ny'ɛcüɛ̀n lɔ ke sevri ɛnvra lɔ fɛn, nɛ̀n di ɛnnɛ̀ncüì annanwɔrɛ-ci-nyriemɛ̀n mán ankà-yá anvrɛnvrɛn mɛ̀n,

Filipɛ̀n anmàn-bɔ̀ 3:6

kɩ mɛ̀n dú ankà-tro-zri-wrɔn ɛnyànmàn ci-hán mɛ̀n, kɩ mɛ hán Ɔwɔ-fɛcüè-bɔ̀ ɛgbàn. Eci léyi dú ɛwúvà nyrɔnnan-ci, hɩ ɛnyànmàn wá nɔn, mɛ̀n dú n'ɛẅɛnmɛ̀n ɛshishiemɛ̀n.

Kɔlɔsèn anmàn-bɔ̀ 4:13

Me le di nɛ̀n dalɛfuɛ ndɔ lɔ tɛ̀: nɛ kán ɛgbàn bobrebe ny'ɛkruhú, anwrɔn hɔ̀n léyi dú Laodise mán Hierapolisɛ̀n anmàn nɔn yɔ mán.