Biblia Todo Logo
Bìoball air-loidhne

- Sanasan -




Rɔmɛ̀n-anmàn-bɔ̀ 10:16 - Ɛmɛẅi ankà ankrànkràn 2003

16 Tɛ́n yɔ lɛ fɛn yɔ sɩ̀ bɩ́ Ɛmɛẅi ankà Ankrankran lɔ. Annanwɔrɛ mɛ̀n lɔ Ezàhi kɛ dɔ̀ le: “Ɛẅɛnwrɔn, antɔnwrɔn de bú Ɛmɛẅi ankà Ankrankran léyi bɔ́ dɔ̀ nɔn, n'ankà tán ankaẅì nɛ́n?”

Faic an caibideil Dèan lethbhreac




Rɔmɛ̀n-anmàn-bɔ̀ 10:16
21 Iomraidhean Croise  

Ɔmu lɔ de Ezàhi ankà lɔ dɔ́ y'ɛwú nɔn, kɛ lɛ sá nmù: nɛ́n dɔ̀ le: ‘Nyɛ lɛ yá anvrɛnvrɛn, tɛ́n nyɛ́n sɩ̀ nyrì; nyɛ lɛ nyan anvrɛnvrɛn, tɛ́n nyɛ́n sɩ̀ kàn.


Tɛ́n nyɛ́n sɩ́ bútan ankaẅì, ɔmuhi nyɛ́n sɩ̀ dù mɛ́n kɔ̀kɔ̀sɛ̀ hɔ̀n lɔ mɛ̀n nɔn.


Anwrɔn ndɔ hɔ̀n ke bɩ́ ankà hɔ̀n léyi nɛ dɔ̀ nɔn, tɛ́n ɛnjanbɔ̀ ke sɩ̀ ji ke bú tán ankaẅì.


N'ɛmɛ̀n lɔ, Ɔwɔ tán mɛ̀n n'ɛcüɛ̀n, ô mɛ̀n dú ɔkɔ̀hɔ̀n-wá-wrɔn Krisì ci-zrɔ mɛ̀n, ô mɛ̀n hán anwrɔn hɔ̀n lɔ fɛn léyi dú ɛnhi wú nɔn kè bú n'ankà kɛ̀ tán ankaẅì, ô kɛ̀ hán n'ɛkɔrɛ̀zì-ci.


Izraɛlɛ̀n dú cá ɛẅì-shi-tɛ̀ tɔ̀n léyi ye bi olivie, hɩ Ɔwɔ voyan n'andá hɔ̀n lɔ jan nɔn; kɩ andá hɔ̀n yri lɔ, nɛ̀n bɩ́ mɛ́n nɛ̀n hɛ́n, vɛ́n léyi è sɩ̀ dù Zhüifɛ̀n-wrɔn, hán ovú-tɛ̀-dá léyi yɛ kora bá ɛtɛ̀ nyantɛn domɛ̀n nɔn: vɛ́n mán zɛtɛ̀ lɔ, ɛ cɔ́ ɛtɛ̀ nyràn shi lɔ ke ci mɛ́n anẅia mɛ̀n.


tɛ́n zɛtɛ̀ lɔ, ye sɩ́ nɛ̀n ɛyri-kán mɛ̀n, Ɔwɔ-mùanwú-ankà-dɔ́-bɔ̀ wrú hɔ̀n lɔ mɛ̀n; hán ɔmu le godogodo Wɔ wá tán nɔn, yɛ tán ɛnhi wú anmàn hɔ̀n lɔ fɛn nyrì, ô yɔ bú n'ankà yɔ tán ankaẅì, yɔ ẅɛn n'ɔwá.


Tɛ́n, ne le bɩ́ n'ɛmɛ̀nhyì mán nɛ́n gbɔ̀kɔ̀ nɛ̀n yé anwrɔn hɔ̀n léyi kɛ kɛ́n nɛ̀n ezì, ke sɩ́ ji annanwɔrɛ ankà kɩ ke bɩ́ eci-gbàngbàn-hán ankà nɔn.


Annanwɔrɛ mɛ̀n lɔ, y'ɛmɛ̀n lɔ, ɛnjanbɔ̀ kè sɩ̀ dì ɔmùan-zri. Tɛ́n ecitan, Ɔwɔ kɛ lɛ wrɔ́ n'ɔmùan-zri-dì lɔ ɛmɛẅi, ɔmuhi yɔ tɛn yɔ sɩ̀ dì ɔmùan-zri nɛ́n?


Tɛ́n Ɔwɔ kɛ̀ cɔ́ ɛmrɛ́n: nyɛ́n léyi nyɛ́n gɔ̀ dú ɛgbàn wɔ̀n-bɔ̀ nɔn, zɛtɛ̀ lɔ nyɛ́n bɩ́ ny'ɛnbɔrɛ lɔ fɛn nyɛ́n wá ankà-yé léyi nyɛ́n cɔ̀ nɔn wú.


Galasi anmàn-bɔ̀, ɔbrɔ̀sà-bɔ̀! Antɔnwrɔn de wá nyɛ̀n anwa ɛnkruemɛ̀n nɛ́n? Tɛ́n, Zhezü Krisì wù lɔ cehɛ́n de ye yé nyɛ̀n ɛgbàn-hán-tɛ̀ wú nɔn.


Nyɛ́n bɩ́ esùnàn ankrankran ɛhɔ́n mɛ̀n lɔ! Antɔnwrɔn de jrɛ́ ny'edùyì sùnàn, ô ke bɩ́ tán nyɛ̀n ankà annanwɔrɛ kɔrɛ̀zì ci-hán-yri nɛ́n?


nɛ lɛ vá ɛnhyà wɔnsɛ́n mɛ̀n, ô nɛ̀n hán anwrɔn hɔ̀n léyi kɛ kɔrɔ ke sɩ́ ji kè nyri Ɔwɔ, hɩ ke sɩ́ ẅɛn bɔ́ Ɛẅɛnwrɔn Zhezü Mɛẅi ankà Ankrankran lɔ kɛ hɛ́n hàn nɔn, ɛgbàn.


Ankaẅìbùtan de hán Abrahamɛ̀n wá Ɔwɔ ɛnvra léyi Ɔwɔ bí nɛ̀n nɔn: nɛ̀n hɔ́n ɛnhi wú anmàn tɔ̀n wú léyi Ɔwɔ kɛ tán nɛ̀n kè dú nɛ tɛn nɔn. Nɛ́n hɔ̀n, kɩ nɛ́n sɩ́ nyri ɛyri léyi nɛ hɔ̀n nɔn.


Ɔmuhi bɔ̀ cɔ́ Ɔwɔ mùan ankà-dɔ̀ hán anwrɔn hɔ̀n léyi dú ɛnnùwì nɔn hɔ́. Tɛ́n, yɔ yá ɛmɛẅi ankà ndɔ lɔ kɩ yɔ sɩ̀ cɔ̀ nɛ́n vɔ̀nshɛ́, ɔmuhi ɛnvra léyi yɔ yá ankà lɔ nɔn, yɔ sɩ̀ bɩ́ nɛ̀n ankaẅìbùtan mɛ̀n.


Ɛnvra léyi ye sɩ́ nɛ̀n ɛwú n'eci-ankrànkràn-hán mɛ̀n nɔn, nɛ̀n srɔ ɛnkrukɔrɛ̀ léyi ke sɩ́ trɔa nɔn yi ɛnshibɛ́ nɛ̀n tán anwrɔn hɔ̀n léyi ẅɛn n'ɔwá nɔn.


Ankà annanwɔrɛ anhyɛyì de fi nyɛ̀n edòmɛ̀n nɔn, ô nyɛ́n cüɛn ny'edomɛ̀n kɛ̀ hán anwrɔn-nɛ́n-muan-ẅì hɔ̀n hɔ́. Zɛtɛn nyɛ́n cüɛn ny'edomɛ̀n anvrɛnvrɛn mɛ̀n, ɛnbɔrɛ fifiemɛ̀n.


Kɩ ɛyri nyantɛn ye vru yɛ dɔ̀ le: “Nɛ̀n dú ɔbù léyi ɛnvra léyi nɛ sɔ́n mɛ́n ɛnan nɔn, nɛ hán mɛ́n ɛ trɛnshɛn, ɔbù tɔ̀n léyi kɛ hán mɛ́n e bore.” Anwrɔn ndɔ hɔ̀n lɔ, ɔbù sɔ́n yɔ ɛnan, yɔ trɛnshɛn, yɔ krɔ, yɔ sɩ̀ die Ɔwɔ muan-ankà nukùɛ, kɩ eci-hán-ci ndɔ lɔ de yɛ wá yɛ hɛ́n yɔ nɔn.


Wúyɔ nyɛ́n mán ɔmu zri lɔ, nyɛ́n sɩ́ ny'edomɛ̀n ɛnhi nyɛ́n tán nyɛ́n cüi hɔ̀n, ô ke dú kɛ ɛnjanbɔ̀ y'ɛmɛ̀n lɔ, ke sɩ́ bú Ɔwɔ ankà kɛ tán ankàẅì hô, ny'esùnàn anvrɛnvrɛn kɛ̀ hán tán yɔ cɔ́ ankaẅìbùtan. Ankà-dɔ̀ mán, ke sɩ̀ dú eci zriɛmɛ́n y'ɛwú:


Lean sinn:

Sanasan


Sanasan