Rɔmɛ̀n-anmàn-bɔ̀ 10:10 - Ɛmɛẅi ankà ankrànkràn 2003

¹⁰ Annanwɔrɛ mɛ̀n lɔ, ɛnbɔrɛ mɛ̀n de ankaẅì-bùtan ke dù kɛ srɔ, kɩ ɔwrɔn léyi kɛ ẅɛn ankaẅì-bùtan nɔn, Ɔwɔ kɛ srɔ nɛ̀n ɛnyrɔnnan-wrɔn; anmùan mɛ̀n de yɛ dɔ́ ankaẅì-bùtan ankà nɔn, kɩ Ɔwɔ kɛ tán ɔwrɔn léyi kɛ dɔ́ ankaẅì-bùtan ankà nɔn, ebɩ̀die.

Rɔmɛ̀n-anmàn-bɔ̀ 10:10 Iomraidhean Croise

Markɛ̀n 9:23

Zhezü mrɛ́n ɔmùan: “Ɛ lɛ hán tɛ̀, ɔmu lɔ de ɛ dɔ̀ nɔn. Tɛ́n ke dú kɛ ɛ̀ ẅɛn ankàẅì-bùtan hô, ɛ̀ cɔ̀ è nyrì le eci lɔ kɛ lɛ hán.”

Lükɛ̀n 8:15

Antɛ̀-ẅì léyi ke cüe ɛnhi ankrànkràn mɛ̀n nɔn, dú yɔ léyi yɔ die ankà-dɔ̀ lɔ nukùɛ, yɔ ẅɛn nɛ̀n yɔ hɛ́n ɛnbɔrɛ anvrɛnvrɛn mɛ̀n, yɔ di ɔmuan zri, kɩ yɔ shi ɛẅì.”

Ɔkɔ̀hɔ̀n-wá-bɔ̀ kɔ̀hɔ̀n hán 8:37

Filipɛ̀n kɛ dɔ́ nɛ̀n le: “Ke dú kɛ ankaẅì-bùtan dú v'ɛnbɔrɛ lɔ fɛn mɛ̀n, yɛ lɛ wá mɛ́n ɛnshi ɛnkru tɛ̀.” Kɩ ɔwrɔn lɔ mrɛ́n ɔmùan le: “Me bú tán ankaẅì le Zhezü-Krisì dú Ɔwɔ Ẅì.”]

Rɔmɛ̀n-anmàn-bɔ̀ 10:11

Annanwɔrɛ mɛ̀n lɔ, Owrú kɛ dɔ̀ le: “Ɔwrɔn totɔtɔ̀n léyi kɛ ẅɛn ankaẅì-bùtan n'ɛwú nɔn, ke sɩ̀ cɔ́ anvɛvrà.”

Rɔmɛ̀n-anmàn-bɔ̀ 10:9

Ke dú kɛ, e ci v'anmùan mɛ̀n, ɛ dɔ́ anwrɔn lɔ fɛn zìwú le Zhezü dú Ɛẅɛnwrɔn kɩ v'ɛnborɛ mumù lɔ fɛn mɛ̀n, ɛ ẅɛn ankaẅì-bùtan le Ɔwɔ bɩ́ Zhezü owú-bɔ̀ mɛ̀n vá ɛkɔrɛ-bɔ̀ mɛ̀n hô, ɛ lɛ cɔ́ ebɩ̀die.

Galasi anmàn-bɔ̀ 2:16

Kɩ, bɔ́ nyri ɔmu le ɔwrɔnẅì dú ɛnyrɔnnan mɛ̀n Ɔwɔ zìwú ankaẅì-bùtan léyi nɛ̀n ẅɛn Zhezü Krisì mɛ̀n, tɛ́n kè sɩ̀ dù hɩ le nɛ wá Mohizì nyànmàn lɔ nɔn. Hɩ le kruhú de, bɔ́ mán, bɔ̀ ẅɛn ankaẅì-bùtan Zhezü Krisì mɛ̀n, ô ye nyri ɔmu le bɔ̀ dú ɛnyrɔnnan-bɔ̀ ankaẅì-bùtan léyi bɔ̀ ẅɛn Krisì mɛ̀n, tɛ́n kè sɩ̀ dù hɩ le bɔ́ wá ɛnyànmàn ndɔ lɔ nɔn. Ɔmuhi ɔwrɔn zriɛmɛ́n ke sɩ̀ dú ɛnyrɔnnan-wrɔn Ɔwɔ zìwú ɔmuhi eci lɔ fɛn mɛ̀n lɔ nɛ wá Ɔwɔ nyànmàn nɔn.

Filipɛ̀n anmàn-bɔ̀ 3:9

ô nɛ́n mɛhi bɔ́ dú ɔbɔ̀sɔ mɛ̀n kokroho. Mɛ́n sɩ́ vru ẅɛn ankà-tro le mɛ̀n dú ɛnyrɔnnan-wrɔn m'ɛnyànmàn ci-hán mɛ̀n. Krisì ankaẅì-bùtan-ẅɛn mɛ̀n de mɛ̀n dú ɛnyrɔnnan-wrɔn, ɛkɔrɛ̀levri ci-hán ndɔ lɛ́yi, Ɔwɔ hán kè dú ankàẅì-bùtan-ẅɛ̀n ci-tán nɔn.

Ebre-bɔ̀ 10:22

Zɛtɛn bɔ̀ sɔ̀nba Ɔwɔ ɛtɛ̀sɛ̀n ɛnbɔrɛ zriemɛ̀n mán esɛ́ mɛ̀n; bɔ̀ bɩ́ ɛnbɔrɛ fifi léyi ankàtro gbangbàn cɔhɔ́ ɛmɛ̀n, mán edùwru léyi ye bɩ́ ɛnshi fifi ye jru nɔn.

Ebre-bɔ̀ 3:12

Nmàn-ẅì hɔ̀n, nyɛ́n wá esùva, ɔwrɔn zriɛmɛ́n ny'ɛmɛ̀n lɔ, ke bɩ́ ẅɛn ɛnbɔrɛ gbàngbàn léyi ankaẅìbùtan bàdà ɛmɛ̀n, kɩ kɛ wá tán nɛ̀n, nɛ̀n kɛ́n Ɔwɔ kɔrɛkɔrɛ lɔ ezì.

1 Zhan 4:15

Ke dú kɛ ɔwrɔn tɔ̀n kɛ dɔ̀ le Zhezü dú Ɔwɔ ẅì, Ɔwɔ dú nɛ̀n ɛmɛ̀n, kɩ nɛ̀n dú Ɔwɔ mɛ̀n.

Ɔwɔ-mɛ̀n-yrikàn 2:13

Mɛ̀n nyri ɛyri léyi ɛ̀ sɔ́n ebɩ́ nɔn: ɛyri léyi anwa-bɔ̀ wrɔn cüìcüì gbú-tòbù ndù nɔn. Ɛ̀ brɛ́ mɛ̀n kɩkɩ ɛ̀ hɛ́n kɩ è sɩ̀ crɔ̀n ankàẅìbùtan léyi ɛ̀ ẅɛn mɛ̀n ɛmɛ̀n nɔn, annannan le ɛnvra léyi ye wri Antipasɛ̀n, mɛ́n dalɛfuɛ mùan-zri-di-wrɔn, ny'anmàn, ɛyri leyi anwa-bɔ̀ wrɔn cüìcüì sɔ́n ebɩ́ nɔn.