Rɔmɛ̀n-anmàn-bɔ̀ 1:9 - Ɛmɛẅi ankà ankrànkràn 2003

⁹ Ɔwɔ nyri ɔmu le mɛ dɔ́ ankà annanwɔrɛ, nɛ́n léyi m'ɛnbɔrɛ lɔ fɛn mɛ̀n, mɛ̀n dú n'eci-bɩ̀tan-wrɔn, kɩ mɛ dɔ́ Ɛmɛẅi ankà Ankrankran léyi kɛ dɔ́ n'Ɛnẅì ankà nɔn. Nɛ̀n nyri ɔmu le me tro ny'ankà

Rɔmɛ̀n-anmàn-bɔ̀ 1:9 Iomraidhean Croise

Markɛ̀n 1:1

Ɛnu lɔ de Ɛmɛẅi ankà Ankrànkràn léyi kɛ dɔ́ Ɔwɔ ẅì Zhezü Krisì ankà nɔn, dú n'ɛnkrubɔmɛ̀n.

Lükɛ̀n 18:1

Zhezü kɛ dɔ́ yɔ nyandrɛn ndɔ lɔ mɛ̀n ankà, ô kè yé yɔ le, ke ji le yɛ sɛ́n Ɔwɔ, edùyiemɛ̀n ɛnvra lɔ fɛn, ô edù ke bɩ́ ká yɔ mrìmrì.

Ɔkɔ̀hɔ̀n-wá-bɔ̀ kɔ̀hɔ̀n hán 12:5

Piɛrɛ̀n dú anwɔn-mɛ̀n-wá-wɔn mɛ̀n, tɛ́n Ɔwɔ-fɛcüè-bɔ̀ kɛ sɛ́n Ɔwɔ tán nɛ̀n edùyiemɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 19:21

Ankà ndɔ hɔ̀n lɔ fɛn mɛẅi lɔ, Pɔlɛ̀n wá kè ci Maseduhanɛ̀n mán Grɛsɛ̀n kpɔsɔ wú kɛ̀ hɔ́n Zherüzalɛmɛ̀n anmàn. Nɛ́n dɔ̀ le: “Ɛnvra léyi me le bru nanvrɛn nɔn, ke ji le mɛ̀n kán Rɔmɛ̀n anmàn mán.”

Ɔkɔ̀hɔ̀n-wá-bɔ̀ kɔ̀hɔ̀n hán 24:14

Tɛ́n, v'ezìwú lɔ, me nyrì le: mɛ̀n wá ɔmùan, esùnàn ɛnlevri wrù nyantɛn wú léyi yɔ tro le dú ɛzɛ́n levri nɔn. Tɛ́n mɛ̀n dú bɔ́ nancüì hɔ̀n Wɔ-ci-bɩtan-wrɔn kɩ me bú ankà hɔ̀n lɔ fɛn léyi ye merɛ́n ɛnyànmàn wrú hɔ̀n lɔ mɛ̀n mán Ɔwɔ-mùanwú-ankà-dɔ́-bɔ̀ tɛn lɔ mɛ̀n, tán ankaẅì.

Ɔkɔ̀hɔ̀n-wá-bɔ̀ kɔ̀hɔ̀n hán 27:23

Ɛnnyran ndɔ lɔ, Ɔwɔ-kùyüre-wrɔn tɔ̀n léyi mɛ̀n dú nɛ tɛn, hɩ mɛ̀n vru mɛ̀n dú n'eci-bɩ̀tan-wrɔn nɔn, vá mɛ̀n ɛtɛ̀sɛ̀n,

Ɔkɔ̀hɔ̀n-wá-bɔ̀ kɔ̀hɔ̀n hán 3:26

Zɛtɛn, ɔmu lɔ de, Ɔwɔ hán n'eci-bɩ̀tan-wrɔn gɔ́ srɔ nyɛ̀n ɛmɛ̀n, nɛ̀n hán yi và, ô kè fú nyɛ̀n ɛnshi, kɛ̀ mrɛ́n Ɔwrɔn wrɔn n'eci-gbàngbàn-hán tɛ̀sɛ̀n kɛ̀ sɔhɔ́.”

Rɔmɛ̀n-anmàn-bɔ̀ 9:1

Ankà léyi mɛ vá ɛ dɔ́ yri nɔn dú ankà annanwɔrɛ; mɛ́n sɩ́ ẅɛn ɔyɔ̀n, ɔmuhi mɛ̀n dú Krisì tɛn nɔn; m'ɛnbɔrɛ léyi Ɛnhɛ́n Prɔnprɔn kɛ nyrɔn nɔn ke yé le mɛ dɔ́ ankà annanwɔrɛ:

2 Korɛntɛ̀n anmàn-bɔ̀ 1:23

Me bɩ́ Ɔwɔ, dú mɛ́n dalɛfuɛ-di-wrɔn, ankà ndɔ lɔ mɛ̀n (nɛ̀n hán mɛ̀n, mɛ̀n wù ke dú kɛ mɛ ẅɛn ɛyɔ̀n): mɛ́n sɩ́ ji mɛ̀n wá nyɛ̀n ejüe hɩ le kruhú de mɛ̀n sɩ̀ vrù ɛmɛẅi mɛ̀n vá Korɛntɛ̀n anmàn nɔn.

2 Korɛntɛ̀n anmàn-bɔ̀ 11:31

Ɔwɔ, Ɛẅɛnwrɔn Zhezü nɛ́n Zi (kè dú ɛmrɛ́n mɛ̀n ɛnvra lɔ fɛn!) nyri ɔmu le mɛ́n sɩ́ ẅɛn ɛyɔ̀n.

Galasi anmàn-bɔ̀ 1:20

Owrú ndɔ léyi me merɛ́n nyɛ̀n nɔn, dú annanwɔrɛ; Ɔwɔ zìwú lɔ mɛ wá kpankpan le mɛ́n sɩ́ ẅɛn ɛyɔ̀n.

Efɛzɛ̀n anmàn-bɔ̀ 6:18

Ndɔ lɔ fɛn, nyɛ́n sán nɛ̀n Ɔwɔ-sɛ́n mɛ̀n. Hɛ̀ɛ̀, nyɛ́n sɛ́n ɛnvra lɔ fɛn, Ɛnhɛ́n Prɔnprɔn kɔrɛ̀-wá mɛ̀n. Hɩ mɛ̀n lɔ, anvɛmɛ̀n ke cüe nyɛ̀n, ô nyɛ́n dú ɛnvra lɔ fɛn ɔmùan-zri-diemɛ̀n. Nyɛ́n sɛ̀n nyɛ́n tán Ɔwɔ-fɛcüè lɔ fɛn;

Filipɛ̀n anmàn-bɔ̀ 1:3

Mɛ tán m'Ɔwɔ ɔkùɛn ɛnvra totɔtɔ̀n léyi me tro ny'ankà nɔn.

Filipɛ̀n anmàn-bɔ̀ 1:4

Ɛnvra hɔ̀n lɔ fɛn léyi mɛ sɛ́n tán nyɛ̀n nɔn, mɛ hán nɛ̀n pɔpüɛ̀ mɛ̀n,

Filipɛ̀n anmàn-bɔ̀ 2:22

Nyɛ́n dùku nyɛ́n nyri ɔmu le, Timote yé n'ɔmùan-zri-dì lɔ: hán ɛnẅì mán nɛ́n zi mɛhi, nɛ̀n yɩ́ edù nɛ́n mán mɛ̀n mɛhi Ɛmɛẅi ankà Ankrankran ci-bɩ̀tan-kɔ̀hɔ̀n lɔ mɛ̀n.

Filipɛ̀n anmàn-bɔ̀ 3:3

Annanwɔrɛ mɛ̀n lɔ, bɔ́ de bɔ̀ ẅɛn annanwɔrɛ ankà wúcɔ̀-dòmɛ̀n-wì ankà wú nɔn, ɔmuhi bɔ̀ dú Ɔwɔ ci-bɩtan-bɔ̀ n'Ɛnhɛ́n Prɔnprɔn mɛ̀n, bɔ́ dú ɔmùan-gbuemɛ̀n kɩ bɔ̀ dú Zhezü Krisì tɛn, kɩ bɔ́ sɩ́ wá bɔ́ esɛ́ lɔ anwrɔnẅì nyànmàn wú nɔn.

1 Tesalonikɛ̀n anmàn-bɔ̀ 1:2

Bɔ́ tán ɛnvra lɔ fɛn Ɔwɔ ɔkùɛn ny'ɛkruhú kɩ bɔ́ tro ny'ankà b'ɔwɔ-sɛ̀n hɔ̀n lɔ fɛn mɛ̀n.

1 Tesalonikɛ̀n anmàn-bɔ̀ 3:10

Ɛnnyran mán ɛcɛ̀n, bɔ́ sán nɛ̀n edùyiemɛ̀n, nɛ̀n tán bɔ̀ ɛkɔrɛ̀levri bɔ̀ vru bɔ̀ kán nyɛ̀n edùwrú-ẅia mɛ̀n, ô bɔ̀ trɔ ny'ankaẅì-bùtan-ẅɛ̀n kɔ̀hɔ̀n-hán.

1 Tesalonikɛ̀n anmàn-bɔ̀ 5:17

nyɛ́n sɛ́n ɛnvra lɔ fɛn,

Kpàkpà timote 2:7

Ndɔ lɔ kruhú de, yɛ wá mɛ̀n ɔkɔ̀hɔ̀n-wá-wrɔn léyi ke ji le kè yé anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, ankaẅì-bùtan mán annànwɔrɛ ankà. Mɛ́n sɩ́ ẅɛn ɛyɔ̀n, mɛ dɔ́ annànwɔrɛ ankà.

Anhyrɛmɛ̀n timote 1:3

Mɛ tán Ɔwɔ ɔkùɛn, nɛ́n léyi mɛ̀n dú n'eci-bɩ̀tan-wrɔn wàwúyɛ fifiemɛ̀n, hán ɔmu le annancüì hɔ̀n hán nɔn. Mɛ tán nɛ̀n ɔkùɛn ɛnvra lɔ fɛn léyi, ɛnnyran mán ɛcɛ̀n, me tro v'ankà m'ɔwɔ-sɛ̀n hɔ̀n lɔ mɛ̀n nɔn.

Filemɔn 1:4

Ɛnvra hɔ̀n lɔ fɛn léyi mɛ sɛ́n Ɔwɔ nɔn, me tro v'ankà, Filemɔn, kɩ mɛ tán Ɔwɔ ɔkùɛn;