Rɔmɛ̀n-anmàn-bɔ̀ 1:6 - Ɛmɛẅi ankà ankrànkràn 2003

⁶ Nyɛ́n mán nyɛ́n dú anwrɔn ndɔ hɔ̀n lɔ, nyɛ́n léyi Ɔwɔ bi nyɛ̀n, ô nyɛ́n dú Zhezü Krisì tɛn nɔn.

Rɔmɛ̀n-anmàn-bɔ̀ 1:6 Iomraidhean Croise

Rɔmɛ̀n-anmàn-bɔ̀ 9:24

Bɔ́ dú ɛmɛ̀n, bɔ́ léyi nɛ̀n bi bɔ̀, kè sɩ̀ dù Zhüifɛ̀n-bɔ̀ mɛ̀n zri kɩ, tɛ́n fɛcüè nyantɛn bɔ̀ mɛ̀n mán.

1 Korɛntɛ̀n anmàn-bɔ̀ 1:9

Ɔwɔ dùku bi nyɛ̀n nɛ́n ẅì Zhezü Krisì bɔ́ Ɛẅɛnwrɔn wúvà bɔ̀sɔ̀ lɔ mɛ̀n: ne di ɔmùan-zri n'ɔmùan-wá lɔ mɛ̀n.

Galasi anmàn-bɔ̀ 1:6

Ny'ejüi léyi nyɛ́n crɛ̀ sɔ́n Ɔwɔ esù-kpràkprà-nán mɛ̀n nɔn, hɩ ci-hán lɔ kɛ frɛ́n mɛ̀n anvɛmɛ̀n: nɛ̀n bi nyɛ̀n Krisì boafɔ̀n lɔ mɛ̀n, kɩ nyɛ tɛn nyɛ́n crɛ ezì nyɛ́n kɛ́n Ɛmɛẅi ankà nyantɛn léyi nye bɩ nyɛ hán Ɛmɛẅi ankà Ankrankran nɔn.

Efɛzɛ̀n anmàn-bɔ̀ 1:11

Bɔ́ mán Krisì mɛhi b'ɔbɔ̀sɔ̀ lɔ mɛ̀n, bɔ̀ cɔ́ b'ɔmùan-wá-ci lɔ, ɔmuhi Ɔwɔ gɔ́ mrɛ́n bɔ̀ nbɩ̀, n'ankɔ́nda ankà lɔ mɛ̀n; kɩ Ɔwɔ kɛ hán eci lɔ fɛn hán ɔmu le nɛ wá tán kɩ ne ji nɔn.

Kɔlɔsèn anmàn-bɔ̀ 1:21

Nyɛ́n mán, nyɛ́n gɔ̀ dú esùshe Ɔwɔ tɛ̀sɛ̀n, nyɛ́n gɔ̀ dú n'egbri-bɔ̀, eci-gbàngbàn-ankà lɔ fɛn léyi nye tro hɩ nyɛ hán nɔn, hɩ kruhú.

Kɔlɔsèn anmàn-bɔ̀ 1:6

Ɛmɛẅi ankà Ankrànkràn lɔ ke bonyì kɩ ke shi ɛẅì ɛnhi mumù lɔ fɛn wú, hán ɔmu le nɛ̀n hán ny'ɛmɛ̀n, bukru kpàkpà bì léyi nyɛ́n yá yɛ dɔ́ Ɔwɔ boafɔ̀n ankà, hɩ nyɛ́n cɔ̀ nyɛ́n nyri annanwɔrɛ mɛ̀n eci léyi dú nɛ̀n nɔn.

1 Tesalonikɛ̀n anmàn-bɔ̀ 2:12

Bɔ̀ yɩ́ nyɛ̀n edù kɩ bɔ́ bi ɛnbɔrɛ bɔ̀ wá nyɛ̀n, bɔ̀ wá tán nyɛ̀n ɛshishiemɛ̀n le ny'esùnàn kɛ̀ cüɛn Ɔwɔ ɛvɛ̀, nɛ́n léyi ne bi nyɛ̀n ô nyɛ́n bru n'Ɛnnɛ̀ncüì-dúyri mán n'ecizrɔ lɔ mɛ̀n nɔn.

2 Tesalonikɛ̀n anmàn-bɔ̀ 2:14

Ɛmɛẅi ankà Ankrànkràn léyi bɔ̀ dɔ́ nyɛ̀n yi ankà nɔn, hɩ wú de Ɔwɔ bi nyɛ̀n nɔn; nɛ̀n ji le nyɛ́n mán nyɛ́n dú bɔ́ Ɛẅɛnwrɔn Zhezü Krisì ci-zrɔ lɔ mɛ̀n.

Anhyrɛmɛ̀n timote 1:9

Nɛ́n de nɛ̀n bɩ́ bɔ̀ nɛ̀n die kɩ nɛ̀n bi bɔ̀ bo dú nɛ́n fɛcüè, kɩ kè sɩ̀ dù bɔ́ eci anvrɛnvrɛn hán mɛ̀n, tɛ́n nɛ́n dùku n'ankɔ́nda ci-hán mán nɛ́n nboafɔ̀n kruhú. Nɛ̀n tán bɔ̀ nboafɔ̀n ndɔ lɔ Zhezü Krisì bɩmɛ̀n, yakɛ cɔ́ ɛnvra hɔ̀n lɔ fɛn y'ɛnkrubɔmɛ̀n,

Ebre-bɔ̀ 3:1

Nmàn-ẅì hɔ̀n, nyɛ́n dú Ɔwɔ tɛn, nɛ́n léyi nɛ̀n bi nyɛ̀n nɔn. Zɛtɛn, nyɛ́n bɩ́ Zhezü kɛ̀ hán Ɔwɔ kɔ̀hɔ̀n-wá-wrɔn mán ankaẅìbùtan-cice-wrɔn cüìcüì léyi bɔ́ sɔ́n lele bɔ́ tán nɔn.

1 Piɛrɛ̀n 2:21

Eci ndɔ lɔ kruhú de nɛ̀n bi nyɛ̀n, ɔmuhi Krisì dùku mán kán ɛgbàn ny'ɛkruhú; nɛ̀n tán nyɛ̀n sɛnpò, ô nyɛ́n ci n'esùnàn wú.

1 Piɛrɛ̀n 2:9

Tɛ́n nyɛ́n, nyɛ́n dú ɛnbrɛ̀ léyi yɛ mrɛ́n ye bɩ, Ɛnnɛ̀ncüì cice-bɔ̀, ɛnhi wú anmàn prɔnprɔn, fɛcüè léyi dú Ɔwɔ tɛn nɔn. Nɛ̀n bi nyɛ̀n nyɛ́n dú ɛyri yɔwɔ mɛ̀n nyɛ́n srɔ n'ɛyrikàn anvrɛnvrɛn lɔ mɛ̀n, ô nyɛ́n dɔ́ ɔkɔ̀hɔ̀n fifi hɔ̀n léyi nɛ̀n hán nɔn hɩ ankà.

2 Piɛrɛ̀n 1:10

Hɩ le kruhú de, anwrɔn-nɛ́n-muan-ẅì hɔ̀n, nyɛ́n vru nyɛ́n hán kèkrèmɛ̀n, ô Ɔwɔ bì léyi bi nyɛ̀n mán ɛmrɛ̀n léyi nɛ̀n mrɛ́n nyɛ̀n nɛ́n bɩ nɔn, ɔmuhi ke dú kɛ ny'ɛhán ɔmu lɔ hô, nyɛ́n sɩ̀ bru ɛgbàn mɛ̀n mrìmrì.

Zhüdɛ̀n 1:1

Ebinyan ndɔ lɔ dú Zhüdɛ̀n yri kɛ và, nɛ́n léyi nɛ̀n dú Zhezü Krisì ci-bɩ̀tan-wrɔn mán Zhakɛ̀n nɛ́n muanẅì nɔn. Ebinyan zri lɔ dú anwrɔn hɔ̀n léyi Ɔwɔ bi, hɩ nɛ́n Ɔwɔ Zi nɛ cüɛ̀n, kɩ Zhezü-Krisì kɛ wá yɔ esùva nɔn tɛn:

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”