Rɔmɛ̀n-anmàn-bɔ̀ 1:3 - Ɛmɛẅi ankà ankrànkràn 2003

³ Ɛmɛẅi ankà ndɔ lɔ kɛ crɛ nyan n'ɛnẅì, bɔ́ Ɛẅɛnwrɔn Zhezü Krisì: anwrɔnẅiemɛ̀n lɔ, nɛ̀n dú Davidɛ̀n-mɛẅi-wrɔn;

Rɔmɛ̀n-anmàn-bɔ̀ 1:3 Iomraidhean Croise

Matie 1:1

Nyàn Zhezü Krisì nɛ́n nancüì hɔ̀n bi, nɛ́n léyi nɛ̀n dú Davidɛ̀n cokomɛ̀n-wrɔn hɩ Davidɛ̀n mumù mán dú Abrahamɛ̀n mɛ̀n mɛ̀n-wrɔn nɔn.

Matie 1:16

Zhakɔbɛ̀n dú Zhozɛfɛ̀n nɛ́n zi, Mari nɛ́n cüì, Mari léyi dú Zhezü, Ebɩdie-wrɔn, nɛ́n muan nɔn.

Matie 1:6

Zhese dú ɛnnɛ̀ncüì Davidɛ̀n nɛ́n zi. Davidɛ̀n dú Salomɔn nɛ́n zi (nɛ́n muan go dú Uri nɛ́n hi);

Matie 12:23

Fɛcüè hɔ̀n lɔ fɛn dú anvɛmɛ̀n-frɛ́n-mɛ̀n kɩ yɔ dɔ̀ le: “Ne le dú Davidɛ̀n ẅì hɛ̀?”

Matie 15:22

Kanan anmàn nyɔnwrɔn tɔ̀n léyi dú ɔkpɔsɔ ndɔ lɔ wú vá Zhezü ɛtɛ̀sɛ̀n kɩ ke di bobo dɔ́ nɛ̀n le: “Ankà-yé-wrɔn, Davidɛ̀n Ẅì, è nyri mɛ̀n ɛnhyɔ̀bɔ̀! Ɛnhɛ́n gbàngbàn tɔ̀n ke di m'ɛnnyɔnwrɔn-ẅì ejüe, nɛ̀n dú ɛgbànkàn mɛ̀n.”

Matie 26:63

Tɛ́n Zhezü kɛ kɛ́n ɔmùan hɛ́n. Zɛtɛn Ɔwɔ-cice-wrɔn cüìcüì kɛ dɔ́ nɛ̀n le: “Ɔkɔrɛ Wɔ lɔ n'ebɩ́ mɛ̀n, mɛ wá tán mɛ́n, è shri bɔ̀ anmùan mɛ̀n, ɔmùan-wá mɛ̀n: è dú Ebɩdie-wrɔn, Ɔwɔ Ẅì lɔa?”

Matie 27:43

Nɛ̀n bɩ́ n'esɛ́ nɛ̀n wá Ɔwɔ ɛwú kɩ nɛ́n dɔ̀ le: ‘Mɛ̀n dú Ɔwɔ Ẅì.’ Zɛtɛn, ke dú kɛ Ɔwɔ kɛ cüɛn nɛ̀n hô, ke bɩ́ nɛ̀n kè die zɛtɛ̀ lɔ!”

Matie 3:17

Kɩ esùva tɔ̀n dú anhobɩ́ kɛ dɔ̀ le: “Ɔwrɔn ndɔ lɔ dú m'ɛcüɛn Ẅì; mɛ́n pɔ̀püɛ̀ lɔ fɛn dú nɛ̀n ɛmɛ̀n.”

Matie 9:27

Ɛnvra léyi Zhezü cɔhɔ́ ɛyri léyi nɛ́n dù nɔn, anvɛ̀-bɔyɛ-bɔ̀ anhyrɛ̀ dú nɛ̀n ɛmɛẅi kɛ kɛ́n nɛ̀n ɛsɛ̀n kɩ ke di bobo kɛ dɔ̀ le: “È nyri bɔ̀ ɛnhyɔ̀bɔ̀, Davidɛ̀n ẅì!”

Lükɛ̀n 1:35

Ɔwɔ-kùyüre-wrɔn lɔ mrɛ̀n nɛ̀n ɔmuàn kɩ kɛ dɔ́ nɛ̀n le: “Ɛnhɛ́n Prɔnprɔn kɛ lɛ và cɔ́ mɛ́n, kɩ Ɔwɔ léyi dú ɛwú nɔn, n'ɛkɔrɛ̀srɔn kɛ lɛ vá mɛ́n ɛwú kɛ lɛ hán ɛnẅì-gbú hɔ́. Hɩ le kruhú de Ɛnẅì Prɔnprɔn léyi ye le bî nɔn, ye le bi nɛ̀n Ɔwɔ-ẅì.

Lükɛ̀n 1:69

Nɛ̀n tán bɔ̀ ebidie kɔrɛ̀-srɔn wrɔn tɔ̀n, dú ɛnnɛ̀ncüì Davidɛ̀n n'eci-bi-tán-wrɔn, mɛẅi-bɔ̀ mɛ̀n wrɔn.

Zhan 1:14

Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

Zhan 1:34

Zhan kɛ dɔ̀ le: “Mɛ̀n kán eci ndɔ lɔ kɩ zɛtɛn mɛ dɔ́ annanwɔrɛ mɛ̀n le, ɔwrɔn ndɔ lɔ dú Ɔwɔ Ẅì.”

Zhan 1:49

Zɛtɛn Natanaɛlɛ̀n kɛ dɔ́ nɛ̀n le: “Ankà-yé-wrɔn, è dú Ɔwɔ Ẅì, è dú Izraɛlɛ̀n nɛ̀ncüì!”

Zhan 10:30

Mɛ̀n mán Dade mɛhi bɔ́ dú eci zri.”

Zhan 10:36

Kɩ mɛ tɛn, Ɔwɔ mrɛ́n mɛ̀n nbɩ kɩ wá mɛ̀n ɔkɔhɔ̀n ɛnhibù wú. Anwɔntan de nyɛ lɛ dɔ̀ le, mɛ dɔ́ ankà gbangbàn ku Ɔwɔ ɛwú, ɔmuhi mɛ́n dɔ̀ le, mɛ̀n dú Ɔwɔ Ẅì nɛ́n?

Zhan 20:28

Toma mrɛ́n nɛ̀n ɔmùan le: “M'Ɛẅɛnwrɔn mán m'Ɔwɔ!”

Zhan 20:31

Tɛ́n ankà léyi dú nɛ̀n ɛmɛ̀n nɔn, ye merɛ́n nɛ̀n, ô nyɛ́n bùtan ankaẅì le Zhezü dú Ebɩ̀die-wrɔn, Ɔwɔ Ẅì. Kɩ ke dú kɛ nye bú n'ankà nyɛ tán ankaẅì hô, nyɛ lɛ cɔ́ ɛkɔrɛ̀ n'ebɩ́mɛ̀n.

Zhan 5:25

Annanwɔrɛ mɛ̀n mɛ dɔ́ nyɛ̀n le: ɛnvra dù kɛ và, kɩ ɛnvra lɔ mán cɔa, owú-bɔ̀ kɛ lɛ yá Ɔwɔ Ẅì sùva, kɩ anwrɔn hɔ̀n léyi kɛ lɛ yá esùva lɔ nɔn, ke le dú ɔkɔrɛ mɛ̀n.

Zhan 7:42

Owrú Prɔnprɔn kɛ dɔ̀ le, Ebɩ̀die-wrɔn ke le dú Davidɛ̀n mɛẅi wrɔn tɔ̀n, kɩ ne le dú Bɛtlehɛmɛ̀n nɛ̀n và, anmàn léyi Davidɛ̀n sɔ́n ebɩ́ nanvrɛn nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 2:30

Tɛ́n nɛ̀n dú Ɔwɔ-muanwú-ankà-dɔ́-wrɔn kɩ nɛ̀n nyri ɔmu le, Ɔwɔ wá nɛ̀n ɔmùan le, nɛ́n nan-ẅì hɔ̀n lɔ ɔtɔ̀n ke le dú ɛnnɛ̀ncüì kè bɩ́ n'ɛyɛ́-yri lɔ.

Ɔkɔ̀hɔ̀n-wá-bɔ̀ kɔ̀hɔ̀n hán 3:13

Abrahamɛ̀n, Izaakɛ̀n, Zhakɔbɛ̀n mán bɔ́ nancüì hɔ̀n Wɔ, yé n'eci-bɩtan-wrɔn Zhezü ci-zrɔ lɔ. Nyɛ́n dùku, nyɛ́n bɩ́ nɛ̀n nyɛ́n tán ɛyri-ẅɛn-bɔ̀, kɩ nyɛ́n kɔ́n nɛ̀n nyɛ́n ze Pilatɛ̀n zìwú, tɛ́n Pilatɛ̀n wá kè teze nɛ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 8:36

Yɔ dú ɛnlevri yɔ hɔ̀n kɩ yɔ cɔ́ ɛyri tɔ̀n léyi ɛnshi ndù nɔn. Zɛtɛn govràn-kɔ̀hɔ̀n-hán-wrɔn lɔ kɛ dɔ̀ le: “Nyàn ɛnshi; ecitan de kɛ lɛ kɛ́n m'ɛnshi-kru-wá lɔ kɛ̀ hɛ́n nɛ́n?” [

Ɔkɔ̀hɔ̀n-wá-bɔ̀ kɔ̀hɔ̀n hán 9:20

Nɛ̀n bukru kpatakpata lɔ nɛ dɔ́ Ɔwɔ ankà Ɔwɔ-sɛ́n-wɔn hɔ̀n lɔ mɛ̀n kɩ nɛ dɔ̀ le Zhezü dú Ɔwɔ Ẅì.

Rɔmɛ̀n-anmàn-bɔ̀ 1:9

Ɔwɔ nyri ɔmu le mɛ dɔ́ ankà annanwɔrɛ, nɛ́n léyi m'ɛnbɔrɛ lɔ fɛn mɛ̀n, mɛ̀n dú n'eci-bɩ̀tan-wrɔn, kɩ mɛ dɔ́ Ɛmɛẅi ankà Ankrankran léyi kɛ dɔ́ n'Ɛnẅì ankà nɔn. Nɛ̀n nyri ɔmu le me tro ny'ankà

Rɔmɛ̀n-anmàn-bɔ̀ 4:1

Abrahamɛ̀n léyi dú bɔ́ nancüì nɔn, ankà tán de bɔ́ lɛ ẅɛ̀n bɔ̀ dɔ́ n'ɛwú nɛ́n? Ɔwrɔnẅì léyi dú nɛ̀n nɔn, ecitan de nɛ́n cɔ̀ nɛ́n?

Rɔmɛ̀n-anmàn-bɔ̀ 9:3

Mɛ cüɛn ɔmu le mɛ́n mumù mɛ̀n dú Ɔwɔ ẅìɛ-dà lɔ mɛ̀n, ô yɛ mrɛ́n mɛ̀n yɛ sɔhɔ́ Krisì cüɛ̀n lɔ mɛ̀n, nmàn-ẅì hɔ̀n, ɛnbrɛ̀-zri-bɔ̀ anvrɛn kruhú.

Rɔmɛ̀n-anmàn-bɔ̀ 9:5

Yɔ dú bɔ́ nancüì hɔ̀n mɛẅi-bɔ̀ kɩ Krisì léyi dú ɔwrɔnẅì mɛ̀n nɔn, dú yɔ fɛcüè lɔ mɛ̀n, nɛ́n léyi nɛ̀n dú eci lɔ fɛn wú nɔn, Ɔwɔ léyi dú ɛmrɛ́n mɛ̀n ɛnvra lɔ fɛn nɔn. Kè dú ɔmu lɔ.

1 Korɛntɛ̀n anmàn-bɔ̀ 1:9

Ɔwɔ dùku bi nyɛ̀n nɛ́n ẅì Zhezü Krisì bɔ́ Ɛẅɛnwrɔn wúvà bɔ̀sɔ̀ lɔ mɛ̀n: ne di ɔmùan-zri n'ɔmùan-wá lɔ mɛ̀n.

1 Korɛntɛ̀n anmàn-bɔ̀ 10:18

Nyɛ́n nyan Izraɛlɛ̀n fɛcüè lɔ: anwrɔn hɔ̀n léyi kɛ rá ɛcice nɔ̀n lɔ nɔn, yɔ dú ɔbɔ̀sɔ mɛ̀n, yɔ mán Ɔwɔ mɛhi ecice-tɛbrɛ̀ prɔnprɔn lɔ wú.

Galasi anmàn-bɔ̀ 4:4

Tɛ́n ɛnvra léyi yɛ wá, ncɔ̀ nɔn, Ɔwɔ hán n'Ɛnẅì nvà: ye bî nɛ̀n ɛnnyɔnwrɔn mɛ̀n kɩ nɛ̀n dú Zhüifɛ̀n-bɔ̀ nyànmàn kɔrɛ̀-levri wú,

1 Tesalonikɛ̀n anmàn-bɔ̀ 1:10

Nyɛ vrá Zhezü léyi dú n'Ɛnẅì, kè dú anhobɩ́ kɛ̀ và. Nɛ́n de Ɔwɔ bɩ́ nɛ̀n owú-bɔ̀ mɛ̀n sɩ́ ɔkɔrɛ-bɔ̀ mɛ̀n; nɛ mrɛ́n bɔ̀ nɛ̀n sɔhɔ́ Ɔwɔ mrɛ̀ncì léyi kɛ́n eburi nɔn mɛ̀n.

Kpàkpà timote 2:5

Ɔmuhi Ɔwɔ zri kɩ dù kɩ ɔwrɔn zri Zhezü Krisì dú Ɔwɔ mán anwrɔnẅì granmɛ̀n nyɔnwrɔn, ɔwrɔnẅì Zhezü Krisì

Kpàkpà timote 3:16

Hɛ̀ɛ̀, ye sɩ̀ wrɔ́n anmanta rɔ́, nɛ̀n sevri ankà-bán-ankà léyi b'ankaẅì-bùtan ke yé nɔn! Krisì léyi srɔ, ndù hán ɔwrɔnẅì hɔ́ nɔn, Ɛnhɛ́n Prɔnprɔn yé le, nɛ̀n dú ɛnyrɔnnan-wrɔn kɩ Ɔwɔ-kùyüre-bɔ̀ cüe nɛ̀n ankɔrɛ̀ ezìwúɛ. Yɛ dɔ́ n'ankà ɛnhi wú anmàn hɔ̀n lɔ fɛn, bobrebe bú n'ankà tán ankaẅì ɛnhibù wú, ye sɩ́ nɛ̀n ɛwú anhobɩ́ ci-zrɔ lɔ mɛ̀n.

Anhyrɛmɛ̀n timote 2:8

Zhezü Krisì ankà ke bru mɛ́n, nɛ́n léyi nɛ̀n dú Davidɛ̀n mɛẅi-wrɔn, kɩ dú owú bɔ̀ mɛ̀n vá ɔkɔrɛ bɔ̀ mɛ̀n, hán ɔmu le Ɛmɛẅi ankà Ankrànkràn léyi mɛ dɔ́ n'ankà ke yé nɔn.

1 Zhan 1:3

Eci léyi bɔ́ kàn, mán ankà léyi bɔ̀ yá nɔn, nyɛ́n mán bɔ́ dɔ́ tán nyɛ̀n; ɔmu lɔ de nyɛ lɛ cɔ́ bɔ̀ bò dú ɔbɔ̀sɔ̀ léyi bɔ̀ ẅɛn Ɔwɔ Zi mán n'Ɛnẅì Zhezü-Krisì mɛ̀n nɔn.

1 Zhan 3:23

Nyàn eci léyi nɛ wá tán bɔ̀ nɔn: ke ji le bɔ̀ ẅɛn ankaẅìbùtan n'Ɛnẅì Zhezü Krisì bɩmɛ̀n, ô bɔ̀ cüɛn bɔ́ edomɛ̀n hán ɔmu le Krisì wá tán bɔ̀ nɔn.

1 Zhan 3:8

Ɔwrɔn léyi ke dú ɛgbàn-hán mɛ̀n nɔn, nɛ̀n dú anwawrɔn tɛn, ɔmuhi anwawrɔn hán ɛgbàn ɛnkrubɔmɛ̀n hàn hɛ́n nɔn. Ɔwɔ Ẅì srɔ ndɔ lɔ kruhú, ô kɛ̀ jrɛ́ anwawrɔn kɔrɛ̀-ci hɔ̀n lɔ.

1 Zhan 4:15

Ke dú kɛ ɔwrɔn tɔ̀n kɛ dɔ̀ le Zhezü dú Ɔwɔ ẅì, Ɔwɔ dú nɛ̀n ɛmɛ̀n, kɩ nɛ̀n dú Ɔwɔ mɛ̀n.

1 Zhan 5:1

Ɔwrɔn totɔtɔ̀n léyi ke bú tán le Zhezü dú Krisì nɔn, nɛ̀n dú Ɔwɔ ẅì; kɩ ɔwrɔn totɔtɔ̀n léyi kɛ cüɛn ɛẅì nɛ́n zi tɔ̀n nɔn, ɔwrɔn ndɔ lɔ nɛ cüɛn ɛẅì nɛ́n zi lɔ n'ɛẅì hɔ̀n.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.

1 Zhan 5:5

Antɔn de kɛ lɛ kɔ̀nká ɛnhibù tɛ̀ nɛ́n? Ɔwrɔn léyi ke bú tán le Zhezü dú Ɔwɔ Ẅì nɔn nɛ́n zri kɩ.

2 Zhan 1:7

Anhyɔ̀n-bɔ̀ bobrebe bonyi ɛnhibù wú; yɔ sɩ́ ji yɔ nyri ɔmu le Zhezü Krisì srɔ ɔwrɔnẅì annanwɔrɛ. Ndɔ lɔ mɛ̀n de ɛyɔ̀n-wrɔn lɔ ke yé n'edomɛ̀n, Krisì Gbri-wrɔn.

Ɔwɔ-mɛ̀n-yrikàn 2:18

“È merɛ́n owrú è yüre Ɔwɔ-kùyüre-wrɔn léyí dú Tiatirɛ̀n anmàn, Ɔwɔ-fɛcüè-bɔ̀ lɔ mɛ̀n nɔn: Nyàn ankà léyi Ɔwɔ Ẅì kɛ dɔ̀ nɔn, nɛ́n léyi anvɛ̀ kɛ gbrɛ́n nɛ̀n kɛ hán ɛnhyá hɔ́, kɩ annan kɛ kɛ̀n kɛ hán pritù ẅì léyi ye fi edomɛ̀n nɔn hɔ́.