Rɔmɛ̀n-anmàn-bɔ̀ 1:25 - Ɛmɛẅi ankà ankrànkràn 2003

²⁵ Yɔ bɩ́ ɛyɔ̀n yɔ crɔn annanwɔrɛ, Ɔwɔ ankà-dɔ́ mɛ̀n; Ɔwɔ kɔrɛ̀-ci léyi hán nɔn, de yɔ sɛ̀n kɩ yɔ srɔ n'eci-bɩtan-bɔ̀, kɩ Ɔwɔ léyi ke ji le yɔ cüe ankɔrɛ̀ ezìwú ɛnvra lɔ fɛn nɔn, yɔ bɩ́ n'ankà yɔ yuru esùva! Ke dú ɔmu lɔ.

Rɔmɛ̀n-anmàn-bɔ̀ 1:25 Iomraidhean Croise

Matie 10:37

Ɔwrɔn léyi kɛ cüɛn nɛ́n zi mán nɛ́n muan kɛ vrán mɛ̀n nɔn, nɛ̀n sɩ̀ dù m'esɛ́-wrɔn.

Matie 6:24

“Ɔwrɔn zriɛmɛ́n ke sɩ̀ dú ankà-yé-bɔ̀ anhyrɛ̀ ci-bɩtan-wrɔn rɔ́: ne le gbri ɔtɔ̀n kɩ nɛ lɛ cüɛn ɔtɔ̀n; ne le di ɔmùan zri tán ɔtɔ̀n kɩ ne le gbri ndɔ lɔ. Ɔwrɔn zriɛmɛ́n ke sɩ̀ dú Ɔwɔ mán ɔkùa ci-bɩtan-wrɔn rɔ́.”

Zhan 2:8

Zɛtɛn Zhezü kɛ dɔ́ yɔ le: “Nyɛ́n wúyɛ zɛtɛ lɔ ɛnshi lɔ jan nyɛ́n hɔ̀n sɩ́ ɛkoran-nɛ́n-zi.” Yɔ wúyɛ ɛnshi lɔ yɔ hɔ́n sɩ́ ɛkoran-nɛ́n-zi.

Rɔmɛ̀n-anmàn-bɔ̀ 1:18

Anhobɩ́ ɛwú, Ɔwɔ ke bɩ́ ɛmɛ̀nhyì ku ɛgbàn mán eci gbangbàn léyi anwrɔnẅì kɛ hán y'eci-hán gbàngbàn mɛ̀n, kɩ kɛ kɛ́n annanwɔrɛ hɛ́n.

Rɔmɛ̀n-anmàn-bɔ̀ 1:23

hɩ le yɔ le cüe Ɔwɔ léyi ke sɩ́ wúɛ n'eci-zrɔ lɔ ankɔrɛ̀ ezìwúɛ nɔn, yɔ sɛ́n antɛ̀buri-Wɔ léyi dú ɔwrɔnẅì léyi ke wù nɔn n'ɛkɔrɛ̀-ci, annrɛn hɔ̀n, annan-anzɔ̀-nɔ̀n mán ɛnhibɩ́-wore-nɔ̀n.

Rɔmɛ̀n-anmàn-bɔ̀ 9:5

Yɔ dú bɔ́ nancüì hɔ̀n mɛẅi-bɔ̀ kɩ Krisì léyi dú ɔwrɔnẅì mɛ̀n nɔn, dú yɔ fɛcüè lɔ mɛ̀n, nɛ́n léyi nɛ̀n dú eci lɔ fɛn wú nɔn, Ɔwɔ léyi dú ɛmrɛ́n mɛ̀n ɛnvra lɔ fɛn nɔn. Kè dú ɔmu lɔ.

2 Korɛntɛ̀n anmàn-bɔ̀ 11:31

Ɔwɔ, Ɛẅɛnwrɔn Zhezü nɛ́n Zi (kè dú ɛmrɛ́n mɛ̀n ɛnvra lɔ fɛn!) nyri ɔmu le mɛ́n sɩ́ ẅɛn ɛyɔ̀n.

Efɛzɛ̀n anmàn-bɔ̀ 3:21

eci-zrɔ kè dú nɛ tɛn Ɔwɔ-fɛcüè mɛ̀n mán Zhezü Krisì mɛ̀n, ɛnvravra lɔ fɛn mán ɛnbì lɔ fɛn mɛ̀n! Kè dú ɔmu lɔ.

1 Tesalonikɛ̀n anmàn-bɔ̀ 1:9

Yɔ lɔ fɛn, yɔ dɔ́ ɔmu le nyɛ́n ẅɛn bɔ̀ ɛnvra léyi bɔ̀ hɔ́n ny'anmàn mán ɔmu le nyɛ́n hán nyɛ́n tecüe antɛ̀-buri-Wɔ, hɩ nyɛ́n crɛ ezì nyɛ́n kɛ́n Ɔwɔ, ô nyɛ́n srɔ n'eci-bɩ̀tan-bɔ̀, nɛ́n léyi nɛ̀n dú Ɔwɔ kɔrɛkɔrɛ mán annanwɔrɛ nɔn.

Kpàkpà timote 1:11

Ankà-yé ndɔ lɔ yɛ cɔ́ nɛ̀n Ɛmɛẅi ankà Ankrankran léyi yɛ wá mɛ̀n antamɛ̀n, hɩ dú eci-zrɔ-Wɔ yri nvà, nɛ́n léyi nɛ̀n dú ɛnbɔrɛbru-shi-bɛ́ nɔn.

Kpàkpà timote 1:17

Ɛnnɛ̀ncüì léyi kè sɩ̀ ẅɛ̀n ɔtrɔ, ke sɩ́ wúɛ, ye sɩ́ kán kɩ dú Ɔwɔ zri nɔn, ɛmrɛ́n mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

Anhyrɛmɛ̀n timote 3:4

yɔ lɛ dú ankà-mrɛ́n-bɔ̀ kɩ tùtre ke le yɩ́ yɔ ɛnbɔrɛ mɛ̀n, yɔ lɛ cüɛn ɛmankɔ̀n kɛ lɛ vrán Ɔwɔ;

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.