Rɔmɛ̀n-anmàn-bɔ̀ 1:23 - Ɛmɛẅi ankà ankrànkràn 2003

²³ hɩ le yɔ le cüe Ɔwɔ léyi ke sɩ́ wúɛ n'eci-zrɔ lɔ ankɔrɛ̀ ezìwúɛ nɔn, yɔ sɛ́n antɛ̀buri-Wɔ léyi dú ɔwrɔnẅì léyi ke wù nɔn n'ɛkɔrɛ̀-ci, annrɛn hɔ̀n, annan-anzɔ̀-nɔ̀n mán ɛnhibɩ́-wore-nɔ̀n.

Rɔmɛ̀n-anmàn-bɔ̀ 1:23 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 10:12

Kɩ n'ɛmɛ̀n lɔ, annan-anzɔ̀-nɔ̀n mɛ̀ntɛ-mɛntɛ̀ lɔ fɛn mán ɛnhibɩ́-wore-nɔ̀n mán annrɛ́n mɛ̀ntɛ-mɛntɛ̀ lɔ fɛn ndù.

Ɔkɔ̀hɔ̀n-wá-bɔ̀ kɔ̀hɔ̀n hán 17:29

Ɔmuhi bɔ́ dú n'ɛẅì hɔ̀n nɔn, ke sɩ́ ji le bɔ́ tro le Ɔwɔ dù cá ansɩ̀kɛ tɛ̀buri-Wɔ, ɔkùa mán obù picɛ̀ léyi ɔwrɔnẅì ankà-tro mɛ̀n lɔ, ẅɛn srɔ Ɔwɔ nɔn.

Rɔmɛ̀n-anmàn-bɔ̀ 1:25

Yɔ bɩ́ ɛyɔ̀n yɔ crɔn annanwɔrɛ, Ɔwɔ ankà-dɔ́ mɛ̀n; Ɔwɔ kɔrɛ̀-ci léyi hán nɔn, de yɔ sɛ̀n kɩ yɔ srɔ n'eci-bɩtan-bɔ̀, kɩ Ɔwɔ léyi ke ji le yɔ cüe ankɔrɛ̀ ezìwú ɛnvra lɔ fɛn nɔn, yɔ bɩ́ n'ankà yɔ yuru esùva! Ke dú ɔmu lɔ.

1 Korɛntɛ̀n anmàn-bɔ̀ 12:2

Nyɛ́n nyrì le ɛnvra léyi nyɛ vá nyri Ɔwɔ ankà nɔn, ecüì tɔ̀n kɛ kɛ́n nyɛ̀n sɩ́ ɔmùan-kɛ́n-tɛ̀-buri-Wɔ tɛ̀sɛ̀n.

1 Piɛrɛ̀n 4:3

Annanwɔrɛ mɛ̀n lɔ, ɛnbiɛhɛ́n vra lɔ, nyɛ́n bɩ́ ɛnvra bobrebe nyɛ́n hán ɛci hɔ̀n léyi kɛ cüɛn anwrɔn hɔ̀n léyi kè sɩ̀ nyrì Ɔwɔ nɔn ɛvɛ̀. Ny'ɛwúvà dú eci-gbàngbàn-hán mɛ̀n, ankàtro gbàngbàn hɔ̀n mɛ̀n, ɛntàn-mí-kɔ̀hɔ̀n-hán mɛ̀n, wowie-kɔ̀hɔ̀n-hán mɛ̀n, ɛci-cüì-dì-kɔ̀hɔ̀n-hán mán eci fɔ́n ci-hán léyi dú antɛ̀buri-sɛ̀n nɔn kɔhɔ̀n-hán mɛ̀n.

Ɔwɔ-mɛ̀n-yrikàn 9:20

Anwrɔnẅì léyi wɔrɔ dú ɛnhibù wú nɔn, yɔ lɔ fɛn léyi ɛgbán-hán-ci ndɔ hɔ̀n lɔ, kè sɩ̀ wrì yɔ nɔn, yɔ sɩ̀ crɛ̀ ejüì yɔ sɔ̀n antɛ̀buri-wɔ léyi yɔ dùku yɔ bɩ́ y'ɛmàn, yɔ hán nɔn; yɔ dú anwa-bɔ̀ sɛ́n mɛ̀n mán ansíkɛ, ɔkùa, pritù, obù mán antɛ̀buri hɔ̀n léyi ke sɩ́ kán ɛyri rɔ́a, ke sɩ́ yá ankà rɔ́a, ke sɩ́ nán esù rɔ́a nɔn, y'ɛsɛ́n mɛ̀n.