Rɔmɛ̀n-anmàn-bɔ̀ 1:21 - Ɛmɛẅi ankà ankrànkràn 2003

²¹ Yɔ nyri Ɔwɔ, tɛ́n yɔ sɩ̀ ẅɛ̀n n'ɔwa kɩ yɔ sɩ́ tán nɛ̀n ɔkùɛn kɛ hán ɔmu le ke ji le yɛ hán n'ɛtɛ̀sɛ̀n nɔn hɔ́. Tɛ́n y'ankà-tro srɔ eci fe kɩ y'ɔbrɔ̀sà hɛ́n dú ɛyri-yɔwɔ mɛ̀n.

Rɔmɛ̀n-anmàn-bɔ̀ 1:21 Iomraidhean Croise

Zhan 3:19

Nyàn ɛyri léyi nwù bɔ̀ lɔ ke cì kɛ và nɔn: ɛyri-kàn vá ɛnhibù wú, kɩ anwrɔnẅì kɛ cüɛ́n ɛyri-yɔwɔ vrán ɛyri-kàn, ɔmuhi yɔ hán eci gbangbàn nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 26:18

Mɛ wá mɛ́n ɔkɔ̀hɔ̀n, ô è gbá y'anvɛ̀ hɔ̀n lɔ, ô è bɩ́ yɔ ɛ̀ sɔhɔ́ ɛyri yɔwɔ mɛ̀n, ô ɛ̀ sɩ́ yɔ ɛyri-kan mɛ̀n, kɩ anwa-wrɔn kɔrɛ̀srɔn wú léyi yɔ dù nɔn, è sɩ́ yɔ Ɔwɔ yri. Ke dú kɛ yɔ bú m'ankà yɔ tán ankaẅì hô, yɔ lɛ cɔ́ ɛgbàn-bɩ-ce, mán ɛyri léyi Ɔwɔ wá ɔmùan tán anwrɔn hɔ̀n léyi dú nɛ tɛn nɔn.’ ”

Rɔmɛ̀n-anmàn-bɔ̀ 1:19

Kɩ ankà léyi yɛ lɛ cɔ́ Ɔwɔ yri ye nyrì nɔn, ɛmɛ̀n nfì tán yɔ lɔ fɛn: Ɔwɔ mumù de yé yɔ ankà lɔ efifiemɛ̀n nɔn.

Rɔmɛ̀n-anmàn-bɔ̀ 1:28

Ɔmuhi yɔ krɔ, yɔ sɩ́ ji yɔ nyri Ɔwɔ nɔn, Ɔwɔ teze yɔ, y'ɔbrɔsà ankà-nyrì lɔ mɛ̀n kɩ, ɔmu lɔ de yɔ hán eci léyi ke sɩ́ ji le yɔ hán nɔn.

Rɔmɛ̀n-anmàn-bɔ̀ 11:10

Ke ji le y'anvɛ̀ hɔ̀n lɔ kè dú ɛyri yɔwɔ mɛ̀n, ô ɛyri-kàn kɛ̀ zrɛ́n yɔ ɛmɛ̀n; ɛ̀ hán yɔ ɛnvra lɔ fɛn yɔ vé.”

Rɔmɛ̀n-anmàn-bɔ̀ 15:9

Nɛ̀n vru nɛ́n và, ô anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn kɛ̀ mrɛ́n Ɔwɔ n'ɛnbɔrɛ-wɔ̀ lɔ kruhú, hán ɔmu le Owrú kɛ dɔ̀ nɔn: “Hɩ le kruhú de mɛ lɛ mrɛ́n mɛ́n ɛnhi wú anmàn hɔ̀n lɔ fɛn wú, kɩ mɛ lɛ krɛ́ v'ɛmrɛ́n cɔ̀.”

Anhyrɛmɛ̀n timote 3:2

Annànwɔrɛ mɛ̀n lɔ, anwrɔnẅì kɛ lɛ ẅɛn kɔ̀tɛ́, yɔ lɛ srɔ ɔkùa nɛ́n nyran anvrɛn hɔ̀n, yɔ lɛ dú ɔmùan-gbú-bɔ̀ mán tùtre-bɔ̀; yɔ lɛ wɔra Ɔwɔ kɩ yɔ lɛ kɛ́n yɔ zi mán yɔ muan hɔ̀n ezì, yɔ sɩ̀ nyri anvrɛn, kɩ yɔ sɩ̀ ẅɛn eci prɔnprɔn wá;

1 Piɛrɛ̀n 1:18

Annanwɔrɛ mɛ̀n lɔ, nyɛ́n nyri ɔwɔ̀ɛn-dì léyi srú nyɛ̀n ɛgbàn mɛ̀n sɔhɔ́, ny'ɔbrɔ̀sà wúvà léyi nyɛ́n nancüì hɔ̀n tán nyɛ̀n nɔn mɛ̀n. Ke sɩ̀ dù eci-jrɛ́ ci hɔ̀n léyi ndù hán ɔkùa mán ansíkɛ hɔ́,

1 Piɛrɛ̀n 2:9

Tɛ́n nyɛ́n, nyɛ́n dú ɛnbrɛ̀ léyi yɛ mrɛ́n ye bɩ, Ɛnnɛ̀ncüì cice-bɔ̀, ɛnhi wú anmàn prɔnprɔn, fɛcüè léyi dú Ɔwɔ tɛn nɔn. Nɛ̀n bi nyɛ̀n nyɛ́n dú ɛyri yɔwɔ mɛ̀n nyɛ́n srɔ n'ɛyrikàn anvrɛnvrɛn lɔ mɛ̀n, ô nyɛ́n dɔ́ ɔkɔ̀hɔ̀n fifi hɔ̀n léyi nɛ̀n hán nɔn hɩ ankà.

Ɔwɔ-mɛ̀n-yrikàn 14:7

Nɛ dɔ́ esùva cüìcüìemɛ̀n le: “Nyɛ́n sɩ́ ny'edomɛ̀n ɛnhi nyɛ́n tán Ɔwɔ, ô nyɛ́n zrɔ nɛ̀n eci! Ɔmuhi, ɛnvra léyi ne le ci anwrɔnẅì ɛmrɛ̀n nɔn ncɔ̀a. Nyɛ́n cüe ɔwrɔn léyi hán anhobɩ́, ɛnhi, ecüe mán ɛnshi-bɛ́ hɔ̀n nɔn, ankɔrɛ̀ ezìwúɛ!”

Ɔwɔ-mɛ̀n-yrikàn 15:4

Ɛẅɛnwrɔn, antɔn de ke sɩ̀ ẅɛn v'ɛwá nɛ́n? Antɔn de kɛ lɛ krɔ, ke sɩ̀ zrɔ mɛ́n eci nɛ́n? Ɔmuhi vɛ́n zri kɩ è dú prɔnprɔn, ɛnhi anmàn hɔ̀n lɔ fɛn kɛ lɛ và cüe mɛ́n ankɔrɛ̀ ezìwúɛ, ɔmuhi v'ɛnyrɔn ci-hán hɔ̀n ke yé tán yɔ, kpetemɛ̀n yɔ nyrì nɔn.”