Rɔmɛ̀n-anmàn-bɔ̀ 1:16 - Ɛmɛẅi ankà ankrànkràn 2003

¹⁶ Ɛnbɔrɛ shishiemɛ̀n de mɛ dɔ́ Ɛmɛẅi ankà Ankrankran lɔ nɔn: annanwrɔrɛ mɛ̀n lɔ, nɛ̀n dú ecüì léyi Ɔwɔ ke bɩ ke bi ɔwrɔn hɔ̀n léyi ẅɛn ankaẅì-bùtan nɔn ke die, bukru Zhüifɛ̀n-bɔ̀, tɛ́n yɔ hɔ̀n léyi kè sɩ̀ dù Zhüifɛ̀n-bɔ̀ nɔn mán dú ɛmɛ̀n.

Rɔmɛ̀n-anmàn-bɔ̀ 1:16 Iomraidhean Croise

Markɛ̀n 8:38

Ke dú kɛ mɛ kruhú mán m'ankà-dɔ̀ kruhú ɔwrɔn anvɛvrà kɛ ẅɛ̀n, ɛgbàn-hán-bɔ̀ wanzi, ke ji le nɛ̀n nyrì le Ɔwrɔnẅì ẅì mán anvɛvrà kɛ lɛ ẅɛn n'ɛkruhú, ɛnvra léyi nɛ lɛ vá nɛ́n Zi ci-zrɔ lɔ mɛ̀n nɛ́n mán Ɔwɔ-kùyüre-bɔ̀ prɔnprɔn hɔ̀n mɛhi.”

Lükɛ̀n 9:26

Ke dú kɛ ɔwrɔn tɔ̀n anvɛvrà kɛ ẅɛn, m'ɛkruhú mán m'ankà-dɔ́ kruhú, zɛtɛn, ɔwrɔnẅì Ẅì mán anvɛvrà kɛ lɛ ẅɛn n'ɛkruhú, ɛnvra léyi nɛ lɛ vá n'eci-zrɔ, nɛ́n zi ci-zrɔ, mán Ɔwɔ-kùyüre-bɔ̀ Prɔnprɔn hɔ̀n ci-zrɔ lɔ mɛ̀n nɔn.

Zhan 7:35

Zhüifɛ̀n-bɔ̀ ke yrɛ y'edomɛ̀n le: “Tɛyri de nɛ lɛ hɔ̀n ô bɔ́ bɩ́ cɔ́ nɛ̀n nɛ́n? Nɛ lɛ hɔ̀n nɛ̀n cɔ́ Zhüifɛ̀n-bɔ̀ léyi bonyi Grɛkɛ̀n-bɔ̀ granmɛ̀n, ô nɛ̀n yé Grɛkɛ̀n-bɔ̀ ankà?

Ɔkɔ̀hɔ̀n-wá-bɔ̀ kɔ̀hɔ̀n hán 3:26

Zɛtɛn, ɔmu lɔ de, Ɔwɔ hán n'eci-bɩ̀tan-wrɔn gɔ́ srɔ nyɛ̀n ɛmɛ̀n, nɛ̀n hán yi và, ô kè fú nyɛ̀n ɛnshi, kɛ̀ mrɛ́n Ɔwrɔn wrɔn n'eci-gbàngbàn-hán tɛ̀sɛ̀n kɛ̀ sɔhɔ́.”

Rɔmɛ̀n-anmàn-bɔ̀ 10:17

Ɔmu lɔ de, ankaẅì-bùtan kɛ và ɛnvra léyi ye die ɛmɛẅi ankà-dɔ̀ nukùɛ, kɩ ɛmɛẅi ankà ndɔ lɔ dú Krisì ankà-dɔ̀.

Rɔmɛ̀n-anmàn-bɔ̀ 15:19

anvɛmɛ̀n-frɛ́n-ci mán eci-woroan-ci kɔrɛ̀-srɔn mɛ̀n, mán Ɔwɔ Hɛ́n kɔrɛ̀-srɔn mɛ̀n. Ɔmu lɔ de mɛ̀n dɔ́ anvrɛnvrɛn mɛ̀n Krisì mɛẅi ankà ankrànkràn lɔ, me ci ɛyri lɔ fɛn bukru Zherüzalɛmɛ̀n anmàn, hàn kɩ cɔ́ Iliri kpɔsɔ wú.

Rɔmɛ̀n-anmàn-bɔ̀ 15:29

Kɩ mɛ̀n nyri ɔmu le, ɛnvra léyi mɛ lɛ cɔ́ ny'anmàn nɔn, mɛ lɛ vá Krisì shifúemɛ̀n.

Rɔmɛ̀n-anmàn-bɔ̀ 2:9

Gbɔ̀gbɔ̀ mán ɛnjansù vri ke le dù tán anwrɔn hɔ̀n léyi kɛ hán eci gbàngbàn, bukru Zhüifɛ̀n-bɔ̀, tɛ́n anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn mán dú ɛmɛ̀n.

Rɔmɛ̀n-anmàn-bɔ̀ 4:11

Ɛnvra sheshe vacì yakɛ ye wí Abrahamɛ̀n wúcɔ̀-domɛ̀n dú eci-woroan-ci tɔ̀n: ndɔ lɔ dú eci-woroan-ci léyi ke yé le Ɔwɔ srɔ Abrahamɛ̀n ɛnyrɔnnan-wrɔn ankaẅì-bùtan léyi nɛ̀n ẅɛ̀n nɔn kruhú, tɛ́n hɩ vra lɔ mɛ̀n, yɛ vá wí nɛ̀n wúcɔ̀-domɛ̀n. Ɔmu lɔ de Abrahamɛ̀n srɔ anwrɔnẅì lɔ fɛn léyi ke bú Ɔwɔ ankà kɛ tán ankaẅì, hɩ yɛ vá wí wúcɔ̀-domɛ̀n nɔn, yɔ zi, kɩ Ɔwɔ ke bɩ́ yɔ mán kɛ hán ɛnyrɔnnan-bɔ̀.

1 Korɛntɛ̀n anmàn-bɔ̀ 15:2

N'ɛmɛ̀n de nyɛ lɛ cɔ́ ebɩ̀die, ke dú kɛ nyɛ ẅɛn nɛ̀n nyɛ hɛ́n hán ɔmu le mɛ̀n dɔ́ nyɛ̀n nɔn hɔ́; kè sɩ̀ dù ɔmu lɔ hô, nyɛ lɛ ẅɛn ankaẅì-bùtan woro.

1 Korɛntɛ̀n anmàn-bɔ̀ 2:2

Ɔmuhi mɛ̀n wá le mɛ́n sɩ̀ dɔ́ eci zriɛmɛ́n ankà ɛnvra léyi me le bɩ, mɛ̀n dú nyɛ̀n ɛmɛ̀n, ke dú kɛ kè sɩ̀ dù Zhezü Krisì ankà, annannan le Zhezü Krisì léyi yɛ gɔ́n-brɛ́ ɛgbàn-hán-tɛ̀ domɛ̀n nɔn.

1 Korɛntɛ̀n anmàn-bɔ̀ 2:4

m'ankà-yé mán m'ankà-dɔ̀ ke sɩ́ cá anwrɔnẅiemɛ̀n ankà-nyrì ankà-dɔ̀, tɛ́n Ɔwɔ Hɛ́n Prɔnprɔn kɔrɛ̀-srɔn de kɛ tán ankà-yé ndɔ lɔ n'ankaẅì-bùtan nɔn.

1 Korɛntɛ̀n anmàn-bɔ̀ 9:12

Ke dú kɛ anwrɔn ndɔ hɔ̀n ẅɛn ɛkɔrɛ̀-levri ndɔ lɔ ny'ɛwú, annannan le bɔ́ tɛn bɔ̀ sɩ̀ ẅɛn nɛ́n? Ɔmu tɛ̀kɩ, bɔ̀ sɩ̀ hàn ɛkɔrɛ̀-levri ndɔ lɔ n'eci. Tɛ́n, bɔ̀ ẅɛn ɛnbɔrɛ bɔ̀ hɛ́n, ô ɛtɛ̀ ke bɩ́ dabra dɛ́ Krisì Mɛẅi ankà Ankrankran lɔ n'ɛnlevri wúɛ.

1 Korɛntɛ̀n anmàn-bɔ̀ 9:18

Zɛtɛn, m'ɔwɔ̀ɛn-dì dú tɛtán? M'ɔwɔ̀ɛn-dì dú ɛnbɔrɛbru léyi mɛ cɔ́ Ɛmɛẅi ankà Ankrankran léyi mɛ dɔ́ ankora, kɩ mɛ́n sɩ́ hán ɛkɔrɛ̀-levri ẅɛn ci léyi Ɛmɛẅi ankà-dɔ̀ ankrankran ndɔ lɔ kɛ tán mɛ̀n nɔn.

2 Korɛntɛ̀n anmàn-bɔ̀ 2:12

Ɛnvra léyi mɛ̀n bru Troasɛ̀n anmàn, ô mɛ̀n dɔ́ Krisì Mɛẅi ankà Ankrankran lɔ nɔn, mɛ̀n kán ɔmu le Ɛẅɛnwrɔn tán mɛ̀n ɛnvra anvrɛnvrɛn, ô mɛ̀n hán hɩ ci lɔ.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

2 Korɛntɛ̀n anmàn-bɔ̀ 9:13

Vɔ̀nshɛ́ ci-bɩ̀tan kɔ̀hɔ̀n ndɔ lɔ, kɛ lɛ tán anwrɔn bobrebe Ɔwɔ ci-zrɔ kè dú ɔwá léyi nye di nɛ́n dalɛfuɛ ny'ɔmùan-zri-diemɛ̀n Krisì Mɛẅi ankà Ankrankran lɔ wú; yɔ lɛ vru yɔ zrɔ nɛ̀n eci kè dú ny'ɛkɔrɛ̀-wá léyi kɛ tán nyɛ̀n ny'anvrɛn-ci dɛ̀, nyɛ́n mán anwrɔn ndɔ hɔ̀n mɛhi.

Galasi anmàn-bɔ̀ 1:7

Annanwɔrɛ mɛ̀n lɔ, ɛnyàntɛn zriɛmɛ́n bàdà; anwrɔn kɩ dù kɛ frɛ́n nyɛ̀n ɛnkruemɛ̀n, kɩ ke ji kɛ̀ crɔn Krisì Mɛẅi ankà Ankrankran lɔ.

1 Tesalonikɛ̀n anmàn-bɔ̀ 2:13

Ɛnvra lɔ fɛn bɔ́ tán Ɔwɔ ɔkùɛn ankà nyàntɛn kruhú: ɛnvra léyi bɔ̀ dɔ́ nyɛ̀n Ɔwɔ-mùan-ankà lɔ nɔn, nyɛ́n die nɛ̀n nukùɛ kɩ nyɛ́n bɩ́ nɛ̀n, kɩ kè sɩ̀ dù kɛ̀ hàn anwrɔnẅì mùan-ankà hɔ́, tɛ́n nyɛ́n bɩ́ nɛ̀n hán Ɔwɔ-mùan-ankà hɔ́, eci léyi dú nɛ̀n annanwɔrɛ nɔn. Ɔmu lɔ de n'eci-hán dú nyɛ̀n ɛmɛ̀n, nyɛ́n ankaẅì-bùtan-ẅɛn-bɔ̀.

Kpàkpà timote 1:11

Ankà-yé ndɔ lɔ yɛ cɔ́ nɛ̀n Ɛmɛẅi ankà Ankrankran léyi yɛ wá mɛ̀n antamɛ̀n, hɩ dú eci-zrɔ-Wɔ yri nvà, nɛ́n léyi nɛ̀n dú ɛnbɔrɛbru-shi-bɛ́ nɔn.

Anhyrɛmɛ̀n timote 1:12

kɩ ndɔ lɔ kruhú de mɛ kán ɛgbàn ndɔ hɔ̀n lɔ nɔn. Tɛ́n ɛnjansù ke sɩ́ ẅɛn mɛ̀n, ɔmuhi mɛ̀n nyri ɔwrɔn léyi mɛ̀n ẅɛn esɛ́ n'ɛwú kɩ mɛ̀n nyri ɔmu le nɛ̀n ẅɛn ɛkɔrɛ̀srɔn nɛ lɛ hɛ́n eci léyi nɛ̀n wá mɛ̀n antamɛ̀n, hàn kɩ kɛ lɛ cɔ́ ɛmrɛ̀nci bì lɔ nɔn.

Anhyrɛmɛ̀n timote 1:16

Ɛẅɛnwrɔn yɔ̀bɔ̀-nyrì lɔ, kɛ̀ wá Onesifɔrɛ̀n mɛ̀n mɛ̀n-bɔ̀ ɛkɔrɛ̀, ɔmuhi ne bi ɛnbɔrɛ nɛ wá mɛ̀n frɛfrɛ nɔn. Anvɛvrà kè sɩ̀ ẅɛn nɛ̀n m'ɛkruhú, mɛ̀n léyi mɛ̀n dú anwɔn-mɛ̀n-wá-wɔn mɛ̀n nɔn;

Anhyrɛmɛ̀n timote 1:8

Anvɛvrà ke bɩ́ ẅɛn mɛ́n bɔ́ Ɛẅɛnwrɔn dalɛfue-diemɛ̀n; m'ɛkruhú mán, anvɛvrà ke bɩ́ ẅɛn mɛ́n, mɛ̀n dú anwɔn-mɛ̀n-wa-wɔn mɛ̀n n'ɛkruhú. Tɛ́n, è shri ɛgbànkàn è bɩ vɛ́n mán mɛ̀n mɛhi Ɛmɛẅi ankà Ankrankran kruhú, ô ɛ̀ ẅɛn esɛ́ ecüì léyi Ɔwɔ kɛ tán nɔn hɩ wú.

Ebre-bɔ̀ 4:12

Annanworɛ mɛ̀n Ɔwɔ mùan ankà-dɔ̀ dú ankɔrɛkɔrɛ kɩ ẅɛn vɔ̀nshɛ́. Ne wì kɛ vrán anhà-kɔ́n-nyan-she totɔtɔ̀n léyi ẅɛn ezì anhyrɛ̀ nɔn. Nɛ hɔ̀n hàn mán nɛ cɔ́ ɛyri léyi nɛ gbɛ́ wàwúyɛ mán ɛnhɛ́n angranmɛ̀n, ɛsrú-yrí mán ɛnkru-shi-wɔ̀ mɛ̀n. Ne cí ɔwrɔnẅì cüɛn-ci hɔ̀n mán n'ɛnbɔrɛ mɛ̀n ankàtro hɔ̀n ɛmrɛ̀n.

1 Piɛrɛ̀n 4:16

Tɛ́n ke dú kɛ ɔwrɔn tɔ̀n kɛ kán ɛgbàn ɔmuhi nɛ̀n dú Krisì sɛ̀nkɛn-wrɔn nɔn, anvɛvrà ke bɩ́ ẅɛn nɛ̀n; nɛ̀n gɔ̀ tán Ɔwɔ ɔkùɛn ɔmuhi nɛ̀n cɔ́ ɛkɔrɛ̀levri nɛ̀n bɩ́ ebi ndɔ lɔ nɔn.