Rɔmɛ̀n-anmàn-bɔ̀ 1:13 - Ɛmɛẅi ankà ankrànkràn 2003

¹³ Anwrɔn-nɛ́n-muan-ẅì hɔ̀n, me ji le nyɛ́n nyrì le, ɛnvra zrizri mɛ wá mɛ̀n vá ɛyri léyi nyɛ́n dù nɔn, tɛ́n ankà kɛ ẅɛn mɛ̀n hɛ́n hàn kɩ cɔ́ zɛtɛ̀ lɔ. Mɛ ẅɛn esɛ́ le m'ɔkɔ̀hɔ̀n lɔ kè shi ɛẅì ny'ɛmɛ̀n mán, kɛ̀ hán ɔmu le nɛ̀n shi ɛẅì ɛnhi wú nyantɛn wú ɛnhibù wú nɔn.

Rɔmɛ̀n-anmàn-bɔ̀ 1:13 Iomraidhean Croise

Zhan 12:24

Mɛ dɔ́ nyɛ̀n annanwɔrɛ mɛ̀n le: dùdu ẅì ke le dú dùdu ẅì zri, ke dú kɛ ye sɩ̀ wá nɛ̀n ɛnhibɩ́ nɛ̀n wùɛ. Tɛ́n, ɛnvra léyi ne dì nɔn, ne shi ɛẅì bobrebe.

Zhan 15:16

Nyɛ́n sɩ̀ mrɛ́n mɛ̀n nyɛ́n bɩɛ; tɛ́n mɛ̀n, mɛ̀n mrɛ́n nyɛ̀n mɛ́n bɩ, mɛ̀n wá tán nyɛ̀n nyɛ́n hɔ̀n nyɛ́n shi ɛẅì, ɛẅì léyi kɛ ẅɛn vɔ̀nshɛ́ nɔn. Ɔmu lɔ de Dade kɛ lɛ tán nyɛ̀n eci lɔ fɛn léyi nye ji nɔn m'ebɩ́mɛ̀n.

Zhan 4:36

Ɔwrɔn léyi kɛ kuɛ ɛci nɔn, nɛ cɔ́ n'ɔwɔɛ̀n-dì, kɩ nɛ bɔrɛ ɛci ɛkru ô ke dú ɛwúvà léyi ke sɩ́ trɔa nɔn tɛ́n; ɔmu lɔ de ɛci-tɛ́-wrɔn mán ɛci-kuɛ-wrɔn kɛ bɔ́sɔ̀ kɛ brá pɔpüɛ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 1:15

Ɛnbì ndɔ hɔ̀n lɔ ɔtɔ̀n, ankaẅì-bùtan-ẅɛn-bɔ̀ léyi borɛkru nɔn, yɔ dú anwrɔn ɛkoẅi-ɔwole. Piɛrɛ̀n tɔhú y'anwanzi kɩ kɛ dɔ̀ le:

Ɔkɔ̀hɔ̀n-wá-bɔ̀ kɔ̀hɔ̀n hán 14:27

Ɛnvra léyi yɔ cɔ́ Antiɔshɛ̀n anmàn nɔn, yɔ bɔrɛ Krisì-fɛcüè-bɔ̀ lɔ ɛkru kɩ yɔ dɔ́ yɔ eci lɔ fɛn léyi Ɔwɔ hán yɔ, yɛ hán nɔn, mán ɔmu le Ɔwɔ srú ankaẅìbùtan levri tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yɔ mán.

Ɔkɔ̀hɔ̀n-wá-bɔ̀ kɔ̀hɔ̀n hán 15:12

Zɛtɛn, fɛcüè lɔ fɛn kɛ́n ɔmùan hɛ́n kɩ ye die Barnabasɛ̀n mán Pɔlɛ̀n nukùɛ kɛ dɔ́ anvɛmɛ̀n-frɛ́n-ci mán eci-woroan-ci hɔ̀n lɔ fɛn léyi Ɔwɔ ci y'ɛmɛ̀n hán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 19:21

Ankà ndɔ hɔ̀n lɔ fɛn mɛẅi lɔ, Pɔlɛ̀n wá kè ci Maseduhanɛ̀n mán Grɛsɛ̀n kpɔsɔ wú kɛ̀ hɔ́n Zherüzalɛmɛ̀n anmàn. Nɛ́n dɔ̀ le: “Ɛnvra léyi me le bru nanvrɛn nɔn, ke ji le mɛ̀n kán Rɔmɛ̀n anmàn mán.”

Ɔkɔ̀hɔ̀n-wá-bɔ̀ kɔ̀hɔ̀n hán 21:19

Pɔlɛ̀n bi yɔ nyan kɩ kɛ dɔ́ yɔ cɛcɛ eci léyi Ɔwɔ hán n'ɔkɔ̀hɔ̀n-hán mɛ̀n lɔ tán anwrɔn hɔ̀n léyi ke sɩ̀ dù Zhüifɛ̀n-bɔ̀ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 28:14

Nanvrɛn anmàn lɔ, bɔ̀ cɔ́ anwrɔn-nɛ́n-muan-ẅì hɔ̀n ẅɛn bɔ̀ hɛ́n ɛnbifɔn kru zri. Ɔmu lɔ de bɔ̀ hán bɔ̀ hɔ́n Rɔmɛ̀n anmàn nɔn.

Rɔmɛ̀n-anmàn-bɔ̀ 1:12

Mɛ̀n vru mɛ wá kpankpan mɛ̀n dú nyɛ̀n ɛmɛ̀n, ô bɔ́ lɔ fɛn bɔ̀ cɔ́ edùyì tɔ̀n, mɛ̀n, ny'ankaẅì-bùtan-ẅɛn mɛ̀n, nyɛ́n mán, m'ankaẅì-bùtan-ẅɛn mɛ̀n.

Rɔmɛ̀n-anmàn-bɔ̀ 11:25

Anwrɔn-nɛ́n-muan-ẅì hɔ̀n, me ji mɛ̀n hán nyɛ̀n nyɛ́n nyri Ɔwɔ ankɔ́nda-ci-hán ankà-bán-ankà lɔ, ô nyɛ́n bɩ́ bú ny'edomɛ̀n nyɛ́n hán ankà-nyri-bɔ̀: Izraɛlɛ̀n fɛcüè cá ke le dú ɔbrɔsa mɛ̀n hàn kɩ kɛ lɛ cɔ́ ɛnvra léyi ɛnhibù fɛcüè nyantɛn kɛ lɛ cɔ́ ɛnkru-kɔrɛ̀ nɔn.

Rɔmɛ̀n-anmàn-bɔ̀ 7:1

Anwrɔn-nɛ́n-muan-ẅì hɔ̀n, annanwɔrɛ mɛ̀n lɔ nyɛ́n nyri ankà léyi mɛ vá nyɛ̀n ɛ dɔ́ nyri nɔn. Ɔmuhi nyɛ́n nyri ɛnyànmàn nɔn: ɛnyànmàn ẅɛn ɛkɔrɛ̀-levri ɔwrɔnẅì wú hàn kɩ kɛ lɛ cɔ́ n'ɛmɛẅi trɔ vra.

1 Korɛntɛ̀n anmàn-bɔ̀ 1:10

Anwrɔn-nɛ́n-muan-ẅì hɔ̀n, mɛ sɛ́n nyɛ̀n, bɔ́ Ɛẅɛnwrɔn Zhezü Krisì bɩmɛ̀n, ɔmùan kɛ̀ krɔn nyɛ̀n, ɛsɔ̀nvoyan ke bɩ́ dú nyɛ̀n ɛmɛ̀n; nyɛ́n dú ɔbɔ̀sɔ mɛ̀n anvrɛnvrɛn, ô nyɛ́n ẅɛn ɔmùan-krɔn zri mán ankà-tro zri.

1 Korɛntɛ̀n anmàn-bɔ̀ 10:1

Anwrɔn-nɛ́n-muan-ẅì hɔ̀n, me ji le nyɛ́n kore ny'edomɛ̀n eci léyi wɔɛn bɔ́ nancüì hɔ̀n Mohizì vra lɔ nɔn. Yɔ lɛ fɛn anhobɩ́ wì-gbú wá yɔ esùva kɩ yɔ vɔ́n ecüe Wɔnsɛn.

1 Korɛntɛ̀n anmàn-bɔ̀ 12:1

Zɛtɛn lɔ bɔ̀ dɔ́ nyɛ̀n Ɛnhɛ́n Prɔnprɔn cice ankà: Anwrɔn-nɛ́n-muan-ẅì hɔ̀n, me ji le nyɛ́n nyri ankà annanwɔrɛ léyi dú ɛcice ndɔ hɔ̀n lɔ wú nɔn.

1 Korɛntɛ̀n anmàn-bɔ̀ 14:20

Anwrɔn-nɛ́n-muan-ẅì hɔ̀n nyɛ́n bɩ́ tro ankà kɛ hán ɛẅì hɔ̀n hɔ́; nyɛ́n srɔ ɛẅì hɔ̀n ɛgbàn tɛ̀sɛ̀n, tɛ́n nyɛ́n srɔ anwrɔn cüìcüì hɔ̀n ny'ankà-tro mɛ̀n.

1 Korɛntɛ̀n anmàn-bɔ̀ 14:26

Onwrɔn-nɛ́n-muan-ẅì hɔ̀n, ankà tán de yɛ lɛ dɔ̀ nɛ́n? Ɛnvra léyi nyɛ sá ny'edomɛ̀n ɛkru, ô nyɛ́n dú Ɔwɔ-sɛ̀n-ci-hán mɛ̀n nɔn, ny'ɛmɛ̀n lɔ ɔtɔ̀n kɛ lɛ krɛ́ ɔcɔ̀ tɔ̀n, ɔwrɔn tɔ̀n ke le sɩ́ ankà-yé tɔ̀n, ɔwrɔn nyàntɛn tɔ̀n ankà-bán-ankà tɔ̀n, ɔwrɔn nyàntɛn tɔ̀n ɛmɛẅi ankà-dɔ̀ ɛnbrɛ̀ nyàntɛn hɔ̀n mɛ̀n kɩ ɔwrɔn nyàntɛn tɔ̀n, kɛ lɛ dɔ́ ɛmɛẅi ankà léyi yɛ dɔ́ ɛnbrɛ̀ nyàntɛn hɔ̀n mɛ̀n nɔn y'ɛwú ankà: ndɔ lɔ fɛn de ke ji le kɛ wá Ɔwɔ-fɛcüè ɛkɔrɛ̀ kɛ̀ nán esù kɛ̀ hɔ́n ezì nɔn.

1 Korɛntɛ̀n anmàn-bɔ̀ 9:2

Kɩ ke dú kɛ anwrɔn ndɔ hɔ̀n kɛ kɔrɔ, ke sɩ́ ji ke bɩ́ mɛ̀n kɛ̀ hán ɔkɔ̀hɔ̀n-wá-wrɔn, nyɛ tɛn nyɛ́n nyri annanwɔrɛ mɛ̀n le mɛ̀n dú ɔkɔ̀hɔ̀n-wá-wrɔn. Annanwɔrɛ mɛ̀n lɔ, ɔmuhi nyɛ́n dú Ɛẅɛnwrɔn bɔ̀sɔ̀ lɔ mɛ̀n nɔn, nyɛ́n dùku nye yé le mɛ̀n dú ɔkɔ̀hɔ̀n-wá-wrɔn.

2 Korɛntɛ̀n anmàn-bɔ̀ 1:8

Anwrɔn-nɛ́n-muan-ẅì hɔ̀n annanwɔrɛ mɛ̀n lɔ, bɔ́ ji le nyɛ́n nyri ɛgbànkàn léyi bɔ̀ cɔ́ Azi kpɔsɔ wú nɔn: ɛgbànkàn lɔ srɔn ká bɔ̀, bɔ́ sɩ́ cɔ́ n'ɛẅɛn-yri, kɩ ɛwúvà-sɛ́ zriɛmɛ́n bàda bɔ̀ ɛmɛ̀n.

2 Korɛntɛ̀n anmàn-bɔ̀ 2:14

Tɛ́n ɛmrɛ́n kè dú Ɔwɔ tɛn, Ɔmuhi ɛnvra lɔ fɛn ne sɩ́ bɔ̀ Krisì kɔ̀nkà fɛcüè lɔ mɛ̀n. Ne ci bɔ́ ɛmɛ̀n nɛ hán ye nyri Krisì ɛyri lɔ fɛn, hán ɛnshi-bánbán léyi nɛ́n ndɔ̀ ke bɩ́ ɛyri lɔ fɛn nɔn.

Galasi anmàn-bɔ̀ 3:15

Anwrɔn-nɛ̀n-muan-ẅì hɔ̀n, me le bɩ́ sɛnpò tɔ̀n bɔ́ ɛwúvà lɔ mɛ̀n: ɛnvra léyi ɔwrɔn tɔ̀n kɛ hán n'ànja-di-wrú annanwɔrɛ mɛ̀n, ɔwrɔn zriɛmɛ́n ke sɩ̀ bɩ́ ànja-di-wrú ndɔ lɔ kɛ̀ crɔn rɔ́, kɩ nɛ́n sɩ̀ bɩ́ ankà-dɔ̀ nyantɛn nɛ̀n wá owrú lɔ mɛ̀n.

Galasi anmàn-bɔ̀ 6:18

Anwrɔn-nɛ́n-muan-ẅì hɔ̀n, bɔ́ Ɛẅɛnwrɔn Zhezü Krisì boafɔ̀n kè dú nyɛ̀n ɛmɛ̀n. Kè dú ɔmu lɔ.

Filipɛ̀n anmàn-bɔ̀ 1:22

Tɛ́n ke dú kɛ me dú ɛwúvà mɛ̀n, kɩ ndɔ lɔ kɛ lɛ tán mɛ̀n ɛkɔrɛ̀levri mɛ̀n hán eci ankrankran, zɛtɛn mɛ́n sɩ́ nyri hɩ le mɛ lɛ mrɛ́n mɛ̀n bɩ nɔn.

Filipɛ̀n anmàn-bɔ̀ 4:17

Kè sɩ̀ dù hɩ le me ji mɛ̀n cɔ́ ɛkɔrɛ̀-wá; tɛ́n mɛ cüɛn ɔmu le, vɔ̀nshɛ́ kè dú ny'eci-hán lɔ mɛ̀n.

Kɔlɔsèn anmàn-bɔ̀ 1:10

Ɔmu lɔ de, nyɛ lɛ nyrɔn ny'edomɛ̀n kɛ̀ cüɛn Ɛẅɛnwrɔn ɛvɛ̀, ɛnvra lɔ fɛn eci-hán léyi nɛ cüɛ̀n nɔn mɛ̀n. Nyɛ lɛ hán eci ankrankran mɛ̀ntɛ mɛ̀ntɛ, kɩ nyɛ lɛ hɔ́n ezì Ɔwɔ nyriemɛ̀n.

Kɔlɔsèn anmàn-bɔ̀ 1:6

Ɛmɛẅi ankà Ankrànkràn lɔ ke bonyì kɩ ke shi ɛẅì ɛnhi mumù lɔ fɛn wú, hán ɔmu le nɛ̀n hán ny'ɛmɛ̀n, bukru kpàkpà bì léyi nyɛ́n yá yɛ dɔ́ Ɔwɔ boafɔ̀n ankà, hɩ nyɛ́n cɔ̀ nyɛ́n nyri annanwɔrɛ mɛ̀n eci léyi dú nɛ̀n nɔn.

1 Tesalonikɛ̀n anmàn-bɔ̀ 2:18

Zɛtɛn bɔ̀ ji ɛyri ô bɔ̀ vru bɔ̀ hɔ́n ny'anmàn, kɩ mɛ̀n Pɔlɛ̀n mɛ̀n ji n'ɛhán-yri, wi ɛdɛ̀n zri. Tɛ́n Anwa-wrɔn kɛ́n bɔ̀ hɛ́n.

1 Tesalonikɛ̀n anmàn-bɔ̀ 4:13

Anwrɔn-nɛ́n-muan-ẅì hɔ̀n, bɔ́ ji le nyɛ́n nyri ankà annanwɔrɛ léyi dú owú-bɔ̀ ankà wú, ô nyɛ́n bɩ́ dú obòto mɛ̀n kɛ hán anwrɔn hɔ̀n léyi kè sɩ̀ ẅɛ̀n esɛ́ nɔn.

2 Tesalonikɛ̀n anmàn-bɔ̀ 2:7

Anbɔrɛ-wrɔn kɔrɛ̀-srɔn lɔ dú ɔkɔ̀hɔ̀n hán mɛ̀n ɛbán mɛ̀n; tɛ́n, ne le dú ɔkɔhɔ̀n lɔ n'ɛhán mɛ̀n cehɛ́n ɛnvra léyi ɔwrɔn léyi vru ẅɛn nɛ̀n hɛ́n nɔn, ke le srú nɛ̀n ɛnlevri-sù ke die nɔn.

Anhyrɛmɛ̀n timote 4:17

Tɛ́n Ɛẅɛnwrɔn wá mɛ̀n ɛkɔrɛ̀ kɩ tán mɛ̀n ecüì, hán tán kɩ mɛ̀n cɔ́ n'ɛmɛẅi ankà dɔ́ yri anvrɛnvrɛn, kɩ mɛ̀n hán tán anwrɔn hɔ̀n lɔ fɛn léyi kè sɩ̀ nyrì Ɔwɔ nɔn, cɔ́ n'ankà lɔ yá. Kɩ nɛ̀n mrɛ́n mɛ̀n gɔ̀ngɔ̀sɔvɛ̀ mùan mɛ̀n nɛ̀n sɔhɔ́.