Rɔmɛ̀n-anmàn-bɔ̀ 1:12 - Ɛmɛẅi ankà ankrànkràn 2003

¹² Mɛ̀n vru mɛ wá kpankpan mɛ̀n dú nyɛ̀n ɛmɛ̀n, ô bɔ́ lɔ fɛn bɔ̀ cɔ́ edùyì tɔ̀n, mɛ̀n, ny'ankaẅì-bùtan-ẅɛn mɛ̀n, nyɛ́n mán, m'ankaẅì-bùtan-ẅɛn mɛ̀n.

Rɔmɛ̀n-anmàn-bɔ̀ 1:12 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 11:23

Ɛnvra léyi nɛ̀n cɔ́ nanvrɛn, hɩ nɛ̀n kán ɔmu le Ɔwɔ fú ankaẅì-bùtan-ẅɛn-bɔ̀ lɔ ɛnshi nɔn, nɛ̀n dú pɔpüɛ̀ mɛ̀n kɩ ne yɩ́ yɔ lɔ fɛn edù, ô yɔ di ɔmùan zri Ɛẅɛnwrɔn tɛ̀sɛ̀n.

Rɔmɛ̀n-anmàn-bɔ̀ 1:11

Annanwɔrɛ mɛ̀n lɔ, mɛ wá kpankpan mɛ̀n kán nyɛ̀n, ô mɛ̀n và sɩ́ nyɛ̀n Ɛnhɛ́n Prɔnprɔn cice tɔ̀n léyi kɛ lɛ tán nyɛ̀n ecüì nɔn.

Rɔmɛ̀n-anmàn-bɔ̀ 1:13

Anwrɔn-nɛ́n-muan-ẅì hɔ̀n, me ji le nyɛ́n nyrì le, ɛnvra zrizri mɛ wá mɛ̀n vá ɛyri léyi nyɛ́n dù nɔn, tɛ́n ankà kɛ ẅɛn mɛ̀n hɛ́n hàn kɩ cɔ́ zɛtɛ̀ lɔ. Mɛ ẅɛn esɛ́ le m'ɔkɔ̀hɔ̀n lɔ kè shi ɛẅì ny'ɛmɛ̀n mán, kɛ̀ hán ɔmu le nɛ̀n shi ɛẅì ɛnhi wú nyantɛn wú ɛnhibù wú nɔn.

Rɔmɛ̀n-anmàn-bɔ̀ 15:24

kɩ me ji mɛ̀n hán hɩ ci lɔ ɛnvra léyi mɛ lɛ hɔ́n Ɛspanyɛ̀n hi wú nɔn. Ɔmuhi mɛ̀n ẅɛn esɛ́ le mɛ lɛ kán nyɛ̀n m'eciemɛ̀n kɩ mɛ lɛ cɔ́ ny'ɛkɔrɛ̀-wá ô mɛ̀n hɔ́n ɛnhi wú anmàn ndɔ lɔ wú, ɛnvra léyi nyɛ́n mɛhi bɔ́ lɛ kán bɔ́ edomɛ̀n ɛnvra cá mɛ̀n nɔn.

Rɔmɛ̀n-anmàn-bɔ̀ 15:32

Ɔmu lɔ de mɛ lɛ cɔ́ ny'anmàn, pɔpüɛ̀ kè yɩ́ m'ɛnbɔrɛ lɔ mɛ̀n, ke dú kɛ Ɔwɔ ke ji ɔmu lɔ, kɩ me le bɩ́ ɔwrɔncüe jan ny'anwanzi.

2 Korɛntɛ̀n anmàn-bɔ̀ 7:13

Hɩ le kruhú de ny'ankà-tro ci-hán tán bɔ̀ ɛnbɔrɛ-bi-wá nɔn. Bɔ́ sɩ̀ cɔ̀ ɛnbɔrɛ-bi-wá tɛ̀kɩ; bɔ̀ cɔ́ pɔpüɛ̀-brà vru sevri ɛnvra léyi bɔ̀ kán Titɛ̀n dú ɛnbɔrɛ-bruemɛ̀n, ɔmu le nyɛ lɛ fɛn nyɛ́n hán nyɛ́n tán nɛ̀n esɛ́ nɔn.

Efɛzɛ̀n anmàn-bɔ̀ 4:5

Ɛẅɛnwrɔn zri kɩ ndù, ankaẅì-bùtan zri kɩ dù, ɛnshikru-wá zri kɩ dù;

Anhyrɛmɛ̀n timote 1:4

V'anvɛshi ankà ke bru mɛ̀n kɩ mɛ ẅɛn esɛ́ bobrebe le, mɛ̀n vru mɛ̀n kán mɛ́n, ô pɔpüɛ̀ kɛ̀ yɩ́ mɛ̀n edomɛ̀n.

Titɛ̀n 1:4

Titɛ̀n me yüre mɛ́n owrú ndɔ lɔ, vɛ́n léyi è dú m'ɛnẅì annanwɔrɛ ankaẅì-bùtan zri léyi kɛ bɔ̀sɔ bɔ̀ nɔn n'ɛmɛ̀n. Ɔwɔ bɔ́ Zi mán Zhezü Krisì bɔ́ Ebɩdie-wrɔn kɛ̀ tán mɛ́n nboafɔ̀n mán anwɔwɔ.

2 Piɛrɛ̀n 1:1

Ebinyan ndɔ lɔ dú Simɔn Piɛrɛ̀n yri kɛ và, nɛ́n léyi nɛ̀n dú Zhezü Krisì ci-bɩtan-wrɔn mán n'ɔkɔ̀hɔ̀n-wá-wrɔn nɔn. Ebinyan ndɔ lɔ dú anwrɔn léyi b'Ɔwɔ mán b'ebɩdie-wrɔn Zhezü Krisì krukɔrɛ̀ kɔrɛ̀wá mɛ̀n, ncɔ́ ankaẅìbùtan léyi ẅɛn anhàn hán bɔ́ tɛn lɔ hɔ́ nɔn:

2 Zhan 1:4

Mɛ̀n dú ɛnbɔrɛ-bruemɛ̀n ɛnvra léyi mɛ́n cɔ̀ mɛ́n nyrì le v'ɛẅì hɔ̀n janbɔ̀ dú ɛwúvà annanwɔrɛ mɛ̀n hán ɔmu le Ɔwɔ Zi wá tán nɔn.

Zhüdɛ̀n 1:3

Annyran anvrɛn hɔ̀n, mɛ̀n ẅɛn ny'owrú merɛ́n ankà dú mɛ̀n ɛnkruemɛ̀n kpankpan, ô mɛ̀n dɔ́ nyɛ̀n ɛnkrukɔrɛ̀ ankà léyi dú bɔ́ tɛn nɔn. Tɛ́n, mɛ kàn le, ke ji le mɛ̀n hán kèkrèmɛ̀n mɛ̀n yüre nyɛ̀n owrú ndɔ lɔ, ô mɛ̀n yɩ́ nyɛ̀n edù, nyɛ́n kɔ́n anhà nyɛ́n tán ankaẅìbùtan léyi Ɔwɔ tán n'anwrɔn hɔ̀n léyi nɛ̀n mrɛ́n nɛ̀n bɩ́ brɛzri nɔn.