Rɔmɛ̀n-anmàn-bɔ̀ 1:10 - Ɛmɛẅi ankà ankrànkràn 2003

¹⁰ ɛnvra totɔtɔ̀n léyi mɛ sɛ̀n nɔn. Mɛ sán Ɔwɔ le, ke dú kɛ ndɔ lɔ de dú n'ɛkɔrɛ̀-zì-ci nɔn hô, ɛkɔrɛ̀-levri kè dù tán, ô mɛ̀n và nyan nyɛ̀n.

Rɔmɛ̀n-anmàn-bɔ̀ 1:10 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 18:21

Nɛ́n teze yɔ kɩ nɛ́n dɔ̀ le: “Ke dú kɛ Ɔwɔ ke ji hô, me le vru mɛ̀n vá ny'anmàn.” Kɩ nɛ̀n bɩ́ ɛnhyàbri-hɛ̀ Efɛzɛ̀n anmàn nɛ́n hɔ̀n.

Ɔkɔ̀hɔ̀n-wá-bɔ̀ kɔ̀hɔ̀n hán 19:21

Ankà ndɔ hɔ̀n lɔ fɛn mɛẅi lɔ, Pɔlɛ̀n wá kè ci Maseduhanɛ̀n mán Grɛsɛ̀n kpɔsɔ wú kɛ̀ hɔ́n Zherüzalɛmɛ̀n anmàn. Nɛ́n dɔ̀ le: “Ɛnvra léyi me le bru nanvrɛn nɔn, ke ji le mɛ̀n kán Rɔmɛ̀n anmàn mán.”

Ɔkɔ̀hɔ̀n-wá-bɔ̀ kɔ̀hɔ̀n hán 21:14

Ɔmuhi nɛ́n sɩ́ shrí nɛ́n tán bɔ̀ ankà kɔrɛ̀levri nɔn, bɔ́ mán bɔ̀ sɩ̀ ẅɛn nɛ̀n ɛshishiemɛ̀n, kɩ bɔ́ dɔ̀ le: “Ke ji le Ɛẅɛnwrɔn kɔrɛ̀zì-ci lɔ kɛ̀ hán!”

Rɔmɛ̀n-anmàn-bɔ̀ 15:29

Kɩ mɛ̀n nyri ɔmu le, ɛnvra léyi mɛ lɛ cɔ́ ny'anmàn nɔn, mɛ lɛ vá Krisì shifúemɛ̀n.

1 Korɛntɛ̀n anmàn-bɔ̀ 1:1

Ebinyan ndɔ lɔ dú Pɔlɛ̀n yri kɛ và, nɛ́n Pɔlɛ̀n léyi Ɔwɔ kɔrɛ̀levriemɛ̀n ye bi nɛ̀n, nɛ̀n srɔ Zhezü Krisì kɔ̀hɔ̀n-wá-wrɔn mán Sostɛnɛ̀n, bɔ́ muan-ẅì.

1 Korɛntɛ̀n anmàn-bɔ̀ 4:19

Tɛ́n ke dú kɛ Ɛẅɛnwrɔn kɛ tán ɛkɔrɛ̀-levri hô, ɛnvra cá mɛ̀n me le dú nyɛ̀n ɛmɛ̀n. Zɛtɛn me le nyri ɛgbúgbú-ci-hán-bɔ̀ lɔ, ke sɩ̀ dú y'ankà-dɔ̀ zri kɩ, tɛ́n eci léyi yɔ ẅɛn ɛkɔrɛ̀levri yɔ lɛ hán tɛ̀ nɔn!

Filipɛ̀n anmàn-bɔ̀ 4:6

Ɛnkrɛ̀ta ke bɩ́ ku nyɛ̀n eci zriɛmɛ́n mán mɛ̀n, tɛ́n eci lɔ fɛn mɛ̀n lɔ, nyɛ́n sán Ɔwɔ ny'Ɔwɔ-sɛ̀n lɔ mɛ̀n, eci léyi kɛ ẅɛn nyɛ̀n ɛmian nɔn, ô nyɛ́n sán eci lɔ enyri-kùɛn-tán bɔrɛ mɛ̀n.

1 Tesalonikɛ̀n anmàn-bɔ̀ 2:18

Zɛtɛn bɔ̀ ji ɛyri ô bɔ̀ vru bɔ̀ hɔ́n ny'anmàn, kɩ mɛ̀n Pɔlɛ̀n mɛ̀n ji n'ɛhán-yri, wi ɛdɛ̀n zri. Tɛ́n Anwa-wrɔn kɛ́n bɔ̀ hɛ́n.

Filemɔn 1:22

Ɛnvra zri lɔ mɛ̀n, ɛ̀ wá m'ɛdɛ́yri tɔ̀n esùva, ɔmuhi, mɛ̀n ẅɛn esɛ́ le ny'ɔwɔ-sɛ̀n lɔ kɛ lɛ hán tán mɛ̀n và cɔ́ nyɛ̀n.

Ebre-bɔ̀ 13:19

Mɛ sán nyɛ̀n ɔwɔ-sɛ̀n kè dú mɛ tɛn, ô Ɔwɔ kè shrì kɛ̀ tán ɛkɔrɛ̀levri, mɛ̀n vru ɛmɛẅi mɛ̀n vá kpràkprà ny'ɛtɛ̀sɛ̀n.

Zhakɛ̀n 4:15

Nyàn ankà léyi ke ji le nyɛ́n dɔ̀ nɔn: “Ke dú kɛ Ɛẅɛnwrɔn ke ji hô, bɔ́ le dú ɔkɔrɛ-bɔ̀ mɛ̀n kɩ bɔ́ lɛ hán eci ndɔ lɔ.”