Ɔwɔ-mɛ̀n-yrikàn 9:4 - Ɛmɛẅi ankà ankrànkràn 2003

⁴ Yɛ wá tán yɔ ye bɩ́ jrɛ́ ɛfi mán, antɛ̀ mán, antɛẅì nyàntɛn mán, tɛ́n yɔ crɛ́ ezì yɔ kɛ́n anwrɔn hɔ̀n léyi ye sɩ̀ dì Ɔwɔ nrɛ̀n ezì-wú nɔn.

Ɔwɔ-mɛ̀n-yrikàn 9:4 Iomraidhean Croise

Matie 24:24

Ɔmuhi ɛyɔ̀n bɩdie-bɔ̀ mán ɛyɔ̀n Wɔ-mùanwú-ankà-dɔ́-bɔ̀ kɛ lɛ srɔ; yɔ lɛ hán anvɛmɛ̀n-frɛ́n-ci ɛvrivri hɔ̀n mán eci-woroan-ci, ô yɔ frɛ́n anwrɔn, bɔ̀ sɩ̀ wá esùva hô, yɔ hɔ̀n léyi Ɔwɔ mrɛ́n bɩ nɔn mán ke le bore.

Efɛzɛ̀n anmàn-bɔ̀ 4:30

Nyɛ́n bɩ́ hán Ɛnhɛ́n Prɔnprɔn léyi Ɔwɔ tán nyɛ̀n nɔn ɛnhyɔ̀bɔ̀ kɛ cɔ̀a; nɛ̀n dú dalɛfùɛ-di-wrɔn léyi ke yé le ɛnbì kɛ lɛ và, Ɔwɔ kɛ lɛ mrɛ́n nyɛ̀n ɛgbàn mɛ̀n kokroho kɛ̀ sɔhɔ́.

Ɔwɔ-mɛ̀n-yrikàn 14:1

Mɛ̀n vru mɛ̀n nyan: mɛ̀n kán Ɔwɔ kɔ̀kɔ̀sɛ̀-ẅì nyɔn Siɔn kpò wúɛ, nɛ́n mán anwrɔn tɛ̀buri kru ɛkoẅi ɔbɔɛ̀n mán ɛẅì anzɔ̀ léyi dí n'ebɩ́ mán nɛ́n Zi bɩ́ ye merɛ́n ezìwú.

Ɔwɔ-mɛ̀n-yrikàn 6:6

Mɛ̀n yá hán esùva tɔ̀n hɔ́, dú ɛci kɔrɛkɔrɛ hɔ̀n anzɔ̀ lɔ anwanzi srɔ kɩ kɛ dɔ̀ le: “Dùdu sɔ́n boasɛ́ zri dú nbɩ zri kɔ̀hɔ̀n-hán wɔ̀ɛn-dì, kɩ́ ɛnjüì boasɛ́ anhɔ̀n dú nbɩ zri kɔhɔ̀n-hán wɔ̀ɛn-dì. Tɛ́n ɛkɔrɛ̀ ke bɩ́ tɛ́ mɛ́n ɛnzhì mán ɛntàn wɔsɛ́n.”

Ɔwɔ-mɛ̀n-yrikàn 7:1

Eci ndɔ lɔ n'ɛmɛẅi lɔ, mɛ̀n kán Ɔwɔ-kùyüre-bɔ̀ anzɔ̀. Yɔ nyɔn ɛnhibù kru d'anzɔ̀ lɔ wú, yɔ kɛ́n ɛndɔ̀nwrɔ̀n anzɔ̀ hɔ̀n lɔ hɛ́n, ô y'ɛmɛ̀n lɔ nzri mán ke bɩ́ cüɛn ɛnhi wú, ecüe wú mán, antɛ̀ wú mán.

Ɔwɔ-mɛ̀n-yrikàn 8:7

Kpàkpà Wɔ-kùyüre-wrɔn lɔ mú ɛbrɛ̀n. Ɛnshiẅian mán ɛnhyà gbro ɛnkrɛ̀ mɛ̀n dú ɛwú cüe ɛnhiɛ. Ɛnhi, n'anhɔnmɛ̀n cá mán antɛ̀, y'anhɔnmɛ̀n cá wrú ɛnhyà, ɔmu zri lɔ de dú tán ɛfi wɔ̀ lɔ fɛn mán nɔn.