Ɔwɔ-mɛ̀n-yrikàn 9:21 - Ɛmɛẅi ankà ankrànkràn 2003

²¹ Yɔ sɩ̀ tezɛ̀ y'anwrɔn wrì ankà, yɔ seke kɔ̀hɔ̀n-hán, y'esùnan gbàngbàn ci-hán mán y'ɛci-yerɛ kɔ̀hɔ̀n-hán.

Ɔwɔ-mɛ̀n-yrikàn 9:21 Iomraidhean Croise

Matie 15:19

Ɔmuhi ankà-tro gbàngbàn hɔ̀n léyi ke dú ɔwrɔnẅì ɛnbɔrɛ mɛ̀n kɛ và nɔn de kɛ wá tán le ye wri ɔwrɔn, yɛ hán ɛnnyɔnwrɔn mán ɛncɔnwrɔn-bi-gbàn, yɛ hán eci gbàngbàn, ye yerɛ ɛci, yɛ ẅɛn ɛyɔ̀n ye ku ɔwrɔn ɛwú kɩ yɛ dɔ́ anwrɔn ankà gbàngbàn ɛmɛẅi.

2 Korɛntɛ̀n anmàn-bɔ̀ 12:21

Mɛ ẅɛn ɛnjansù le m'ɛyri hɔ̀n lɔ mɛ̀n, m'Ɔwɔ kɛ lɛ trɔ mɛ̀n ezì ny'ezìwú, kɩ me le wú eyú mɛ̀n ku bobrebe hɔ̀n léyi dú ɛgbàn hán mɛ̀n nɔn ɛwú hán ɛnbiɛhɛ́n vra lɔ, kɩ yɔ sɩ̀ crɛ̀ ezì sɔhɔ́ ɛnbrá-ci-hán mɛ̀n, ɛwúvà gbàngbàn-ẅɛn mɛ̀n, mán ɛnkru-fé ci hɔ̀n léyi yɔ hán nɔn mɛ̀n.

Galasi anmàn-bɔ̀ 5:20

antɛ̀-buri-wɔ-sɛ̀n mán seke-kɔhɔ̀n-hán mɛ̀n. Anwrɔnẅì ke gbri y'edomɛ̀n, ke sî y'edomɛ̀n ankà kɩ kɛ kɔ́n ecüì-hi, yɔ dú ɛmɛ̀nhyì mán annankran kɔrɛ-levri wú. Yɔ grɔ y'edomɛ̀n ɔkpɔsɔ ɔkpɔsɔ ezì-kɛ́n-mɛ̀n;

Ɔwɔ-mɛ̀n-yrikàn 13:13

Anhyrɛmɛ̀n nɔ̀n ndɔ lɔ kɛ hán anvɛmɛ̀n-frɛ́n-ci ɛvrivri, nɛ hán ɛnhyà ke dú anhobɩ́ kɛ kakɛ ɛnhi wú anwrɔnẅì lɔ fɛn zìwú.

Ɔwɔ-mɛ̀n-yrikàn 13:15

Anhyrɛmɛ̀n nɔ̀n lɔ cɔ́ ɛkɔrɛ̀srɔn kɛ̀ hán kpàkpà nɔ̀n picɛ̀ lɔ kɛ̀ dɔ́ ankà, ô kɛ̀ hán ye wri anwrɔn hɔ̀n lɔ fɛn léyi ke sɩ̀ cüe nɛ̀n ankɔrɛ̀ ezìwúɛ nɔn.

Ɔwɔ-mɛ̀n-yrikàn 13:7

Yɛ tán ɛkɔrɛ̀levri nɛ̀n kɔ́n Ɔwɔ-fɛcüè anhà, ô nɛ̀n kɔ̀nkà; nɛ̀n cɔ́ ɛkɔrɛ̀srɔn ɛmɛ̀n lɔ fɛn wú, fɛcüè lɔ fɛn wú, ɛnbrɛ̀ lɔ fɛn wú mán ɛnhi wú anmàn lɔ fɛn wú.

Ɔwɔ-mɛ̀n-yrikàn 14:8

Anhyrɛmɛ̀n Wɔ-kùyüre-wrɔn tɔ̀n kɛ́n kpàkpà tɛn lɔ, kɩ kɛ dɔ̀ le: “Nɛ̀n bore, nɛ̀n bore Babilɔnɛ̀n cüìcüì lɔ! Nɛ̀n hán ɛnhi-wú-anmàn hɔ̀n lɔ fɛn mi n'ɛmɛ̀nhyì wúvà-gbàngbàn-ci-hán tàn wɔnsɛn!”

Ɔwɔ-mɛ̀n-yrikàn 16:6

Annanwɔrɛ mɛ̀n lɔ anwrɔn hɔ̀n léyi dú vɛtɛn mán v'ɔmùan-wú-ankà-dɔ́-bɔ̀ mɛhi, yɛ hán y'ɛnkrɛ̀ cüe, kɩ zɛtɛ̀ lɔ ɛ̀ tán yɔ ɛnkrɛ̀ yɔ mì. Yɔ cɔ́ eci léyi vɛn yɔ nɔn!”

Ɔwɔ-mɛ̀n-yrikàn 17:2

Ɛnhi wú nɛ̀ncüì hɔ̀n dú ɛwúvà gbàngbàn ẅɛn mɛ̀n, nɛ́n mán yɔ mɛhi kɩ ɛnhi-wú-anmàn-bɔ̀ dú n'ɛwúvà gbàngbàn ẅɛ̀n tàn kɔ́n mɛ̀n.”

Ɔwɔ-mɛ̀n-yrikàn 17:4

Ɛnnyɔnwrɔn lɔ ku ɛci wɔnsɛn vàà ankrankran edù, kɩ ansíkɛ-ci, anhàn shishi bùẅì mán abreci hɔ̀n dú nɛ̀n edomɛ̀n. N'ɛnbrá-mɛ̀n-ci-gbàngbàn-hán yí ansíkɛ grashɛ̀n tɔ̀n dú nɛ̀n antamɛ̀n.

Ɔwɔ-mɛ̀n-yrikàn 17:5

N'ezìwú lɔ ye merɛ́n ebi tɔ̀n léyi n'ɛmɛ̀n dú ɛbánmɛ̀n: “Babilɔnɛ̀n cüìcüì, wowie mán ɛnhibù-wú ci-gbangbàn-hán nɛ́n muan.”

Ɔwɔ-mɛ̀n-yrikàn 18:3

Ɛnhi-wú-anmàn hɔ̀n lɔ fɛn mi n'ɛnbramɛ̀n-ci-hán mɛ̀nhyì-tàn wɔnsɛn lɔ. Ɛnhi wú nɛncüì hɔ̀n lɔ dú eci-gbàngbàn-hán mɛ̀n nɛ́n mán yɔ mɛhi kɩ ɛnhi wú anhàn-zhrɛ-bɔ̀ di ɛnnɛ̀ncüì n'eci-ankrànkràn-cüɛ̀n léyi ke sɩ̀ ẅɛ̀n ɔtrɔ nɔn wú.”

Ɔwɔ-mɛ̀n-yrikàn 19:2

N'ɛmrɛ̀ncì hɔ̀n dú annanwɔrɛ mán ɛnyrɔnnan mɛ̀n! Ɔmuhi nɛ̀n bó wowie-nyɔnwrɔn vri lɔ nwù, nɛ́n léyi nɛ jrɛ́ ɛnhi, n'eci-gbàngbàn-kɔ̀hɔ̀n-hán mɛ̀n. Ɛẅɛnwrɔn hán nɛ̀n nɛ̀n krɛ́ ɛci, n'eci-bɩ̀tan-bɔ̀ hɔ̀n wù lɔ wú.”

Ɔwɔ-mɛ̀n-yrikàn 21:8

Zɛtɛn, nyɛ́n anbrá-di-bɔ̀, anmùan-anhyrɛ̀-dí-bɔ̀, ɛci-gbàngbàn-hán-bɔ̀, anwrɔn-wri-bɔ̀, ɛci-gbangbàn-kɔ̀hɔ̀n-hán-bɔ̀, seke-kɔ̀hɔ̀n-hán-bɔ̀, antɛ̀buri-sɛ́n-bɔ̀ mán anhyɔ̀n-bɔ̀ lɔ fɛn, ny'ɛyri dú ɛnhyà-ẅì nɛ́nbà lɔ mɛ̀n, nɛ́n de nɛ̀n dú anhyrɛmɛ̀n wù lɔ nɔn.”

Ɔwɔ-mɛ̀n-yrikàn 22:15

Tɛ́n yɔ le dú anmàn mɛẅi, ɛci-propromɛ̀n-hán-bɔ̀, yɔ hɔ̀n léyi kɛ hán seke-kɔ̀hɔ̀n, anwrɔn hɔ̀n léyi kɛ hán eci-gbàngbàn-kɔ̀hɔ̀n, anwrɔn-wrì-bɔ̀, anhyɔ̀n-wɔ-sɛ́n-bɔ̀ mán anwrɔn hɔ̀n léyi kɛ cüɛn ɛyɔ̀n-ankà-dɔ̀ mán n'ɔkɔ̀hɔ̀n-hán nɔn!

Ɔwɔ-mɛ̀n-yrikàn 9:20

Anwrɔnẅì léyi wɔrɔ dú ɛnhibù wú nɔn, yɔ lɔ fɛn léyi ɛgbán-hán-ci ndɔ hɔ̀n lɔ, kè sɩ̀ wrì yɔ nɔn, yɔ sɩ̀ crɛ̀ ejüì yɔ sɔ̀n antɛ̀buri-wɔ léyi yɔ dùku yɔ bɩ́ y'ɛmàn, yɔ hán nɔn; yɔ dú anwa-bɔ̀ sɛ́n mɛ̀n mán ansíkɛ, ɔkùa, pritù, obù mán antɛ̀buri hɔ̀n léyi ke sɩ́ kán ɛyri rɔ́a, ke sɩ́ yá ankà rɔ́a, ke sɩ́ nán esù rɔ́a nɔn, y'ɛsɛ́n mɛ̀n.