Ɔwɔ-mɛ̀n-yrikàn 9:18 - Ɛmɛẅi ankà ankrànkràn 2003

¹⁸ Ɛgbàn-hán-ci anhɔ̀n ndɔ hɔ̀n lɔ wrí anwrɔnẅì y'anhɔnmɛ̀n cá: ɛnhyà, ɛnhyàbri mán ɛnhyà-dɔ̀nwrɔ̀n léyi ke dú kpàngɔ hɔ̀n lɔ anmùan mɛ̀n kɛ srɔ ɛntrɛ nɔn mɛ̀n.

Ɔwɔ-mɛ̀n-yrikàn 9:18 Iomraidhean Croise

Ɔwɔ-mɛ̀n-yrikàn 8:10

Zɛtɛn anhɔ́n mɛ̀n Wɔ-kùyüre-wrɔn lɔ mú ɛbrɛ̀n. Okùcànkrò vrí tɔ̀n léyi ke wrù kɛ hán ɛnhyà lakà tɔ̀n hɔ́ nɔn, dú anhobɩ́ bore. Okùcànkro lɔ bore mancüè hɔ̀n lɔ y'anhɔnmɛ̀n cá mɛ̀n mán ɛnshi-bɛ́ hɔ̀n wú.

Ɔwɔ-mɛ̀n-yrikàn 8:11

(Okùcànkrò ndɔ lɔ n'ebi dú eci-drɔ́.) Ɛnshi hɔ̀n lɔ y'anhɔ́nmɛ̀n cá srɔ eci drɔ́ kɩ anwrɔn bobrebe léyi mi ɛnshí hɔ̀n lɔ nɔn, yɔ wù, ɔmuhi ɛnshi hɔ̀n lɔ owù-shi dú yɔ ɛmɛ̀n nɔn.

Ɔwɔ-mɛ̀n-yrikàn 8:12

Zɛtɛn anzɔmɛ̀n Wɔ-kùyüre-wrɔn lɔ mú ɛbrɛ̀n. Ɛnbri, n'anhɔnmɛ̀n cá ezì murɛn, ɔmu zri lɔ de dú tán okù mán okùcànkrò hɔ̀n, hán tán kɩ y'ɛgbrɛ́n lɔ srɔ anhɔnmɛ̀n cá; ɛcɛ̀n, n'anhɔnmɛ̀n cá mán ɛnnyran n'anhɔnmɛ̀n cá ke sɩ̀ ẅɛ̀n ɛyrikàn.

Ɔwɔ-mɛ̀n-yrikàn 8:7

Kpàkpà Wɔ-kùyüre-wrɔn lɔ mú ɛbrɛ̀n. Ɛnshiẅian mán ɛnhyà gbro ɛnkrɛ̀ mɛ̀n dú ɛwú cüe ɛnhiɛ. Ɛnhi, n'anhɔnmɛ̀n cá mán antɛ̀, y'anhɔnmɛ̀n cá wrú ɛnhyà, ɔmu zri lɔ de dú tán ɛfi wɔ̀ lɔ fɛn mán nɔn.

Ɔwɔ-mɛ̀n-yrikàn 8:8

Zɛtɛ̀n anhyrɛmɛ̀n Wɔ-kùyüre-wrɔn lɔ mú ɛbrɛ̀n. Eci mù tɔ̀n cá ɛnkpò vri tɔ̀n léyi ke wrù, eci mù ndɔ lɔ, yɛ kɔ́n nɛ̀n di ecüe mɛ̀n. Ecüe, n'anhɔnmɛ̀n cá srɔ ɛnkrɛ̀.

Ɔwɔ-mɛ̀n-yrikàn 8:9

Ɛci-kɔrɛkɔrɛ hɔ̀n lɔ fɛn léyi Ɔwɔ hán dú ecüemɛ̀n nɔn, y'anhɔnmɛ̀n cá nwù kɩ ɛnhyà-bri-hɛ̀ hɔ̀n lɔ fɛn y'anhɔ́nmɛ̀n cá jrɛ́.

Ɔwɔ-mɛ̀n-yrikàn 9:15

Ye tecüe Ɔwɔ-kùyüre-bɔ̀ anzɔ̀ lɔ; wacɛ̀n ndɔ lɔ mɛ̀n, ɛnbì ndɔ lɔ, okù ndɔ lɔ mɛ̀n mán ɛnnanwàn ndɔ lɔ mɛ̀n cehɛ́n de yɛ wá tán yɔ, yɔ hán anwrɔnẅì, y'anhɔ́nmɛ̀n cá kè wù.

Ɔwɔ-mɛ̀n-yrikàn 9:17

Kɩ nyàn ɔmu le m'Ɔwɔ-mɛ̀n-yrikàn mɛ̀n lɔ, kpàngɔ mán y'ɛwú-yɛ́-bɔ̀ mɛhi srɔ mɛ̀n ezìwú nɔn: yɔ ẅɛn pritù ceci wɔnsɛn hán ɛnhyà hɔ́, gàlɛ̀, hán anhàn shishi bù hɔ́ kɩ dú ɛwosu-vàà hán ɛnhyà-dɔ̀nwrɔ̀n hɔ́. Kpàngɔ kru hɔ̀n lɔ kɛ cá gɔ̀ngɔ̀sɔvɛ̀ hɔ̀n kru hɔ́; y'ɔmùan lɔ mɛ̀n, ɛnhyà, ɛnhyàbri mán ɛnhyà-dɔ̀nwrɔ̀n ke dù kɛ srɔ ɛntrɛ.

Ɔwɔ-mɛ̀n-yrikàn 9:19

Ɔmuhi kpàngɔ hɔ̀n korɛ̀srɔn lɔ dú y'anmùan mɛ̀n mán y'ɛẅiè hɔ̀n lɔ mɛ̀n. Annanwɔrɛ mɛ̀n lɔ y'ɛẅiè hɔ̀n lɔ kɛ cá ɛnlɛ̀brì; yɔ di ɛnkru, hɩ de yɔ bɩ yɔ hán anwrɔnẅì anbɔrɛ-ci nɔn.