Ɔwɔ-mɛ̀n-yrikàn 9:1 - Ɛmɛẅi ankà ankrànkràn 2003

¹ Zɛtɛn ɛnríemɛ̀n Wɔ-kùyüre-wrɔn mú ɛbrɛ̀n. Mɛ̀n kán ɔkùcànkrò tɔ̀n dú anhobɩ́ bore ɛnhi wú; yɛ tán nɛ̀n ovru léyi n'ɛvrɛn kè sɩ̀ ẅɛ̀n ɛnkrutrɔ nɔn nɛ́n safɛ̀.

Ɔwɔ-mɛ̀n-yrikàn 9:1 Iomraidhean Croise

Lükɛ̀n 10:18

Kɩ Zhezü kɛ dɔ́ yɔ le: “Mɛ̀n kán anwa-wrɔn dú anhobɩ́ bore hán anhobɩ́ léyi kɛ kɛ́n ɛnhyà nɔn hɔ́.

Lükɛ̀n 8:31

Kɩ anhɛ́n hɔ̀n lɔ kɛ sɛ́n Zhezü ô, ke bɩ́ kɔ́n yɔ ku ɛnnànmàn léyi n'ɛvrɛ́n kè sɩ̀ ẅɛ̀n ɛnkru-trɔ nɔn mɛ̀n.

Rɔmɛ̀n-anmàn-bɔ̀ 10:7

E bɩ́ dɔ́ ndɔ lɔ mán: “Antɔnwrɔn de kɛ lɛ kakɛ ɛnhibù wú anhɛ̀ nɛ́n?” (ô kɛ̀ hán Krisì kè dú owú-bɔ̀ mɛ̀n kɛ̀ srɔ).

Ɔwɔ-mɛ̀n-yrikàn 1:18

Mɛ̀n dú ɔkɔrɛ-wrɔn. Mɛ́n wù, tɛ́n zɛtɛ̀ lɔ mɛ̀n dú ɔkɔrɛ-wrɔn ɛnvra lɔ fɛn. Mɛ̀n ẅɛn ɛkɔrɛ̀srɔn owù mán owú-bɔ̀ hi wú.

Ɔwɔ-mɛ̀n-yrikàn 1:20

Nyàn ankà bán ankà léyi dú okùcankrò ɔbɔ̀ɛn hɔ̀n léyi ɛ kán m'ezì-kɔrɛ̀ kɔrɛ̀ màn lɔ mɛ̀n mán ansikɛ kɛniɛn hɔ̀n ɔbɔ̀ɛn lɔ mɛ̀n nɔn: okùcankrò ɔbɔ̀ɛn hɔ̀n lɔ dú Ɔwɔ fɛcüè hɔ̀n ɔbɔ̀ɛn lɔ y'Ɔwɔ kùyüre-bɔ̀, kɩ kɛniɛn hɔ̀n ɔbɔ̀ɛn lɔ, dú Ɔwɔ fɛcüè hɔ̀n ɔbɔ̀ɛn lɔ.”

Ɔwɔ-mɛ̀n-yrikàn 11:7

Ɛnvra léyi yɔ lɛ trɔ y'ɛmɛẅi ankà lɔ dɔ̀ nɔn, ɔnɔ̀n léyi dú ɛnnànmàn vrɛ́n lɔ mɛ̀n nɔn, kɛ lɛ kɔ́n yɔ anhà. Nɛ lɛ ká yɔ, kɩ ne le wri yɔ.

Ɔwɔ-mɛ̀n-yrikàn 17:8

Ɔnɔ̀n léyi ɛ kàn nɔn, ɛnbiɛhɛ́n lɔ nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ankɔrɛkɔrɛ mɛ̀n hàn; ke ji le nɛ̀n dú gbàzrɔ mɛ̀n nɛ̀n srɔ ɛntrɛ, ô nɛ̀n hɔ́n n'ɛzrɛ́n mɛ̀n. Ɛnhi-wú-anmàn-bɔ̀ léyi ɛnhibù krubɔmɛ̀n hàn-hɛ́n ye sɩ̀ mrɛ̀n yɔ bi, kè dù ɔkɔrɛ wrú lɔ mɛ̀n nɔn, ke le dú anvɛmɛ̀n-frɛ́n mɛ̀n ɛnvra léyi yɔ lɛ kán ɔnɔ̀n lɔ nɔn: annanwɔrɛ mɛ̀n lɔ, ɛnbiɛhɛ́n vra lɔ, nɛ̀n dú ankɔrɛkɔrɛ mɛ̀n, tɛ́n nɛ̀n sɩ̀ vrù dù ɔmu lɔa, kɩ ne le vru nɛ̀n srɔ.

Ɔwɔ-mɛ̀n-yrikàn 20:1

Zɛtɛn mɛ̀n kán Ɔwɔ-kùyüre-wrɔn tɔ̀n dú anhobɩ́ kakɛ; owú-bɔ̀ dúyri safɛ̀ mán gbràka vri tɔ̀n dú nɛ̀n antamɛ̀n.

Ɔwɔ-mɛ̀n-yrikàn 20:10

Zɛtɛn anwa-wrɔn léyi kɛ frɛ́n yɔ nɔn, yɛ kɔ́n nɛ̀n di ɛnhyà-ẅì nɛ́nbà lɔ mɛ̀n, ɛyri léyi ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ gɔ́ dù nɔn. Yɔ le dú nanvrɛn ejüediemɛ̀n ɛnnyran mán ɛcɛ̀n ɛnvra lɔ fɛn.

Ɔwɔ-mɛ̀n-yrikàn 6:13

okùcànkro hɔ̀n ke dú anhobɩ́ ke cüe ɛnhi wú, kɛ hán antɛ̀ẅì kɔ́ léyi ɛndɔ̀nwrɔn vri ke srú cüe nɔn.

Ɔwɔ-mɛ̀n-yrikàn 8:10

Zɛtɛn anhɔ́n mɛ̀n Wɔ-kùyüre-wrɔn lɔ mú ɛbrɛ̀n. Okùcànkrò vrí tɔ̀n léyi ke wrù kɛ hán ɛnhyà lakà tɔ̀n hɔ́ nɔn, dú anhobɩ́ bore. Okùcànkro lɔ bore mancüè hɔ̀n lɔ y'anhɔnmɛ̀n cá mɛ̀n mán ɛnshi-bɛ́ hɔ̀n wú.

Ɔwɔ-mɛ̀n-yrikàn 8:12

Zɛtɛn anzɔmɛ̀n Wɔ-kùyüre-wrɔn lɔ mú ɛbrɛ̀n. Ɛnbri, n'anhɔnmɛ̀n cá ezì murɛn, ɔmu zri lɔ de dú tán okù mán okùcànkrò hɔ̀n, hán tán kɩ y'ɛgbrɛ́n lɔ srɔ anhɔnmɛ̀n cá; ɛcɛ̀n, n'anhɔnmɛ̀n cá mán ɛnnyran n'anhɔnmɛ̀n cá ke sɩ̀ ẅɛ̀n ɛyrikàn.

Ɔwɔ-mɛ̀n-yrikàn 8:2

Zɛtɛn mɛ̀n kán Ɔwɔ-kùyüre-bɔ̀ ɔbɔ̀ɛn lɔ nyɔn Ɔwɔ zìwú; yɛ tán yɔ anbrɛ̀n ɔbɔ̀ɛn.

Ɔwɔ-mɛ̀n-yrikàn 9:2

Okùcànkro lɔ srú ovru lɔ ɔmùan kɩ ɛnhyàbrì tɔ̀n dú nɛ̀n ɛmɛ̀n srɔ hán ɛnhyà gbú hyàbri hɔ́. Ɛnhyàbri ndɔ lɔ hán ɛnbri mán ɛndɔ̀nwrɔ̀n srɔ anhyɔwɔ.