Ɔwɔ-mɛ̀n-yrikàn 8:7 - Ɛmɛẅi ankà ankrànkràn 2003

⁷ Kpàkpà Wɔ-kùyüre-wrɔn lɔ mú ɛbrɛ̀n. Ɛnshiẅian mán ɛnhyà gbro ɛnkrɛ̀ mɛ̀n dú ɛwú cüe ɛnhiɛ. Ɛnhi, n'anhɔnmɛ̀n cá mán antɛ̀, y'anhɔnmɛ̀n cá wrú ɛnhyà, ɔmu zri lɔ de dú tán ɛfi wɔ̀ lɔ fɛn mán nɔn.

Ɔwɔ-mɛ̀n-yrikàn 8:7 Iomraidhean Croise

Zhakɛ̀n 1:11

Ɛnbri kɛ vá ɛwú kɩ n'ɛyri-yì, kɛ hán ɛtɛ̀ ke wrú; n'anhyrà kɛ kɔ́ bore, kɩ n'efì lɔ kɛ trɔ. Ɔmu zri lɔ, ɛnnɛ̀ncüì mán kɛ lɛ zrɛ́n n'ɔkɔ̀hɔ̀n-hán wanzi.

1 Piɛrɛ̀n 1:24

Ɔmuhi ye merɛ́n le: “Anwrɔnẅì lɔ fɛn ndù cá ɛfi hɔ́ kɩ y'ecizrɔ lɔ ndù hán ankɛ̀tɛ́mɛ̀n anhyrà hɔ́; ɛfi ke wrú kɩ anhyrà kɛ kɔ́ bore,

Ɔwɔ-mɛ̀n-yrikàn 12:4

Nɛ̀n bɩ́ n'ɛẅiè lɔ nɛ́n tàka anhobɩ́ kùcànkrò hɔ̀n lɔ y'anhɔ́nmɛ̀n cá nɛ̀n cüe ɛnhi wú. Nɛ̀n nyɔn ɛnnyɔnwrɔn léyi kɛ vá ɛnẅì-bî-yri nɔn ezìwúɛ, ô ɛnvra léyi ne bî ɛnẅì lɔ nɔn, nɛ̀n ẅɛn ɛnẅì lɔ nɛ̀n rá.

Ɔwɔ-mɛ̀n-yrikàn 16:2

Kpàkpà Wɔ-kùyüre-wrɔn lɔ hɔ̀n kɩ cüe nɛ́n grashɛ̀n lɔ ɛnhi wú. Zɛtɛn ɛcífɔn gbàngbàn hɔ̀n léyi kɛ hán yɛ kán ɛgbàn nɔn, ke ku anwrɔnẅì edòmɛ̀n yɔ léyi ɔnɔ̀n nrɛ̀n dɛ́ yɔ edòmɛ̀n, kɩ kɛ sɛ́n ɔnɔ̀n lɔ nɛ́n picɛ̀ lɔ nɔn.

Ɔwɔ-mɛ̀n-yrikàn 16:21

Ɛnshi ẅian srɔnsrɔn vri dú anhobɩ́ ku anwrɔnẅì ɛwú. Kɩ anwrɔnẅi kɛ wora Ɔwɔ n'ɛgban-hán-ci hɔ̀n léyi dú ɛnshi ẅian lɔ nɔn kruhú, ɔmuhi nɛ̀n dú ɛgbàn-hán-ci shishi tɔ̀n nɔn.

Ɔwɔ-mɛ̀n-yrikàn 6:8

Mɛ̀n nyan kɩ mɛ̀n kán kpangɔ tɔ̀n léyi di ɛẅi wɔ̀ dùwru nɔn. Ɔwrɔn léyi yɛ́ nɛ̀n ɛwú nɔn, ye bi nɛ̀n Owù, kɩ ɛnhibùwú-bɔ̀ kɛ kɛ́n nɛ̀n ɛsɛ̀n. Yɛ tán yɔ ɛkɔrɛ̀srɔn ɛnhibù anzɔmɛ̀n cá wú, ô yɛ hán anwrɔn ke wú anhà-kɔ́n mɛ̀n, ɔmùanwúemɛ̀n, ɛnlɔẅiɛ mɛ̀n, ô annɔ̀n gbàngbàn hɔ̀n kɛ̀ hán yɔ yɔ wù.

Ɔwɔ-mɛ̀n-yrikàn 7:1

Eci ndɔ lɔ n'ɛmɛẅi lɔ, mɛ̀n kán Ɔwɔ-kùyüre-bɔ̀ anzɔ̀. Yɔ nyɔn ɛnhibù kru d'anzɔ̀ lɔ wú, yɔ kɛ́n ɛndɔ̀nwrɔ̀n anzɔ̀ hɔ̀n lɔ hɛ́n, ô y'ɛmɛ̀n lɔ nzri mán ke bɩ́ cüɛn ɛnhi wú, ecüe wú mán, antɛ̀ wú mán.

Ɔwɔ-mɛ̀n-yrikàn 9:15

Ye tecüe Ɔwɔ-kùyüre-bɔ̀ anzɔ̀ lɔ; wacɛ̀n ndɔ lɔ mɛ̀n, ɛnbì ndɔ lɔ, okù ndɔ lɔ mɛ̀n mán ɛnnanwàn ndɔ lɔ mɛ̀n cehɛ́n de yɛ wá tán yɔ, yɔ hán anwrɔnẅì, y'anhɔ́nmɛ̀n cá kè wù.

Ɔwɔ-mɛ̀n-yrikàn 9:18

Ɛgbàn-hán-ci anhɔ̀n ndɔ hɔ̀n lɔ wrí anwrɔnẅì y'anhɔnmɛ̀n cá: ɛnhyà, ɛnhyàbri mán ɛnhyà-dɔ̀nwrɔ̀n léyi ke dú kpàngɔ hɔ̀n lɔ anmùan mɛ̀n kɛ srɔ ɛntrɛ nɔn mɛ̀n.

Ɔwɔ-mɛ̀n-yrikàn 9:4

Yɛ wá tán yɔ ye bɩ́ jrɛ́ ɛfi mán, antɛ̀ mán, antɛẅì nyàntɛn mán, tɛ́n yɔ crɛ́ ezì yɔ kɛ́n anwrɔn hɔ̀n léyi ye sɩ̀ dì Ɔwɔ nrɛ̀n ezì-wú nɔn.