Ɔwɔ-mɛ̀n-yrikàn 8:5 - Ɛmɛẅi ankà ankrànkràn 2003

⁵ Zɛtɛn Ɔwɔ-kùyüre-wrɔn lɔ bɩ́ kpokpo léyi yɛ bíɛ ɛci banban ɛwú nɔn, ku Ɔwɔ-cice-tɛbrɛ̀ hyà lɔ ɛmɛ̀n ɛnhyì kɩ kɔ́nze ɛnhi wú. Ɛnvra zri lɔ ɛwú di nkù bobrebe, esùva bobo ke shrì, ɛwú hyà hɔ̀n kɛ gbrɛ́n kɩ ɛnhi jɔkɔ̀.

Ɔwɔ-mɛ̀n-yrikàn 8:5 Iomraidhean Croise

Matie 24:7

Ɛnhibù wú fɛcüè tɔ̀n kɛ lɛ kɔ́n fɛcüè nyàntɛn tɔ̀n anhà, kɩ ɛnhibù wú nɛ̀ncüì anmàn tɔ̀n kɛ lɛ kɛ́n ɛnnɛ̀ncüì anmàn nyàntɛn tɔ̀n ezì; ebrè kɛ lɛ kɛ́ kɩ ɛnhibù kɛ lɛ jɔ̀kɔ́ ɔpkɔsɔ nyàntɛn hɔ̀n wú.

Lükɛ̀n 12:49

“Mɛ́n và, mɛ̀n sɩ́ ɛnhyà tɔ̀n ɛnhibù wú, kɩ me ji le ɛnhyà ndɔ lɔ kè bukru kè wrì.

Ɔkɔ̀hɔ̀n-wá-bɔ̀ kɔ̀hɔ̀n hán 16:26

Ɛnvra zri lɔ mɛ̀n, ɛnhi jɔkɔ́ ecüemɛ̀n hán tán kɩ, anwɔn-mɛ̀n-wá-wɔn lɔ jɔkɔ̀. Ɛsù hɔ̀n lɔ fɛn srú ɛnvra zri lɔ kɩ anwɔn-mɛ̀n-wá-bɔ̀ gbraka hɔ̀n lɔ fɛn srú cüe.

Ɔkɔ̀hɔ̀n-wá-bɔ̀ kɔ̀hɔ̀n hán 4:31

Ɛnvra léyi yɔ sɛ́n Ɔwɔ trɔ nɔn, ɛyri léyi yɔ bɔrɛkru yɔ nyɔn nɔn jɔkɔ̀. Yɔ lɛ fɛn, yɔ cɔ́ Ɛnhɛ́n Prɔnprɔn kɩ yɔ bukru yɔ dɔ́ Ɔwɔ ankà esɛ́ mɛ̀n.

Ɔwɔ-mɛ̀n-yrikàn 11:13

Ɛnvra zri lɔ, ɛnhi jɔkɔ ecüiemɛ̀n; anmàn lɔ, n'ɛvamɛ̀n cá gbɔngbɔ̀ kɩ anwrɔn tɛ̀buri kru ɔbɔ̀ɛn wú ɛnhi jɔ̀kɔ̀ ndɔ lɔ mɛ̀n. Anwrɔn nyàntɛn hɔ̀n lɔ gbɔ̀gbɔ̀ bru edù kɩ yɔ zrɔ anhobɩ́ Wɔ lɔ eci.

Ɔwɔ-mɛ̀n-yrikàn 11:19

Zɛtɛn, anhobɩ́-cice-wɔn lɔ gbɛ́ ɔmùan, kɩ mìrɛ̀n lakà lɔ srɔ́. Ɛyri kpɛ́n ɛnhyà, yɛ yá esùva hɔ̀n, kù-dì, ɛwú di nkù, ɛnhi jɔkɔ̀ kɩ ɛnshi vri tɔ̀n nnàn.

Ɔwɔ-mɛ̀n-yrikàn 4:5

Ɛgbú-tòbù wú lɔ, anhobɩ́ hyà, esùva bobo mán ɛwú kù-dì ke dù kɛ và. Ɛnhyà lakà ɔbɔ̀ɛn ke wrú ɛgbú-tòbù zìwú; ndɔ lɔ de dú Ɔwɔ hɛ́n ɔbɔ̀ɛn hɔ̀n lɔ nɔn.

Ɔwɔ-mɛ̀n-yrikàn 6:12

Zɛtɛn mɛ̀n kán Ɔwɔ kɔ̀kɔ̀sɛ̀-ẅì srú ɔwolemɛ̀n ci-tɔ́n-ci lɔ. Zɛtɛn ɛnhi jɔkɔ ecüíemɛ̀n; ɛnbri srɔ anhyɔwɔ hán ɛbrá-càsa hɔ́; kɩ okù mumù lɔ fɛn srɔ anhɔnsɛn hán ɛnkrɛ̀ hɔ́;

Ɔwɔ-mɛ̀n-yrikàn 8:3

Ɔwɔ-kùyüre-wrɔn nyàntɛn tɔ̀n vá nyɔn Ɔwɔ-cice-tɛbrɛ̀ tɛ̀sɛ̀n; ansíkɛ kpokpo léyi yɛ biɛ ɛci bánbán ɛwú nɔn, ɔtɔ̀n dú nɛ̀n antamɛ̀n. Yɛ tán nɛ̀n anjɔsàn bobrebe ô nɛ̀n ce eci ansikɛ tɛbrɛ̀ léyi hɛ́n ɛgbú-tòbù zìwú nɔn n'ɛwú, hɩ mán Ɔwɔ-fecüè-bɔ̀ Wɔ-sɛ̀n mɛhi.