Ɔwɔ-mɛ̀n-yrikàn 8:2 - Ɛmɛẅi ankà ankrànkràn 2003

² Zɛtɛn mɛ̀n kán Ɔwɔ-kùyüre-bɔ̀ ɔbɔ̀ɛn lɔ nyɔn Ɔwɔ zìwú; yɛ tán yɔ anbrɛ̀n ɔbɔ̀ɛn.

Ɔwɔ-mɛ̀n-yrikàn 8:2 Iomraidhean Croise

Matie 18:10

“Nyɛ́n wá esùva, nyɛ́n bɩ́ ẅɛn ɛẅì hɔ̀n ndɔ hɔ̀n lɔ ɛnzri mán egbrì; mɛ dɔ́ nyɛ̀n le, y'ɛnan-bɔ̀ léyi dú Ɔwɔ-kùyüre-bɔ̀ nɔn, dú ɛnvra lɔ fɛn Dade léyi dú anhobɩ́ nɔn zìwú. [

Matie 24:31

Ɛbrɛ̀n vri lɔ ke le di nkù kɩ nɛ lɛ wá n'ɛkùyüre-bɔ̀ ɔkɔ̀hɔ̀n ɛnhibù kpɔsɔ d'anzɔ̀ lɔ wú; yɔ lɛ borɛ anwrɔn hɔ̀n léyi nɛ̀n mrɛ́n nɛ́n bɩ, ezì mán ɛmɛẅi nɔn ɛkru.”

Lükɛ̀n 1:19

Ɔwɔ-kùyüre-wrɔn lɔ mrɛ́n nɛ̀n ɔmùan kɩ kɛ dɔ́ nɛ̀n le: “Mɛ̀n dú Gabriɛlɛ̀n, mɛ nyɔn Ɔwɔ zìwú, mɛ̀n dú n'eci-bɩ̀tan-wrɔn; nɛ̀n wá mɛ̀n ɔkɔhɔ̀n mɛ̀n và dɔ́ mɛ̀n ankà, ô mɛ̀n bɩ́ ankà ankrànkràn ndɔ lɔ mɛ̀n và sɩ́ mɛ́n.

Lükɛ̀n 21:36

Nyɛ́n bɩ́ di ndà, nyɛ́n sɛ́n ɛnvra lɔ fɛn, ô nyɛ́n cɔ́ ecüì nyɛ́n di ɛci hɔ̀n lɔ kɛ và nɔn anta, ô nyɛ́n tɔhú nyɛ́n nyɔn ɔwrɔnẅì Ẅì zìwúɛ.”

1 Korɛntɛ̀n anmàn-bɔ̀ 15:52

ɛnvra zriemɛ̀n hàn ɔmu le ye nyî anvɛ̀ kɩ yɛ gbɛ̀ nɔn hɔ́, ɛmɛẅitrɔ brɛ̀n-kù-diemɛ̀n. Ɔmuhi ɛnvra léyi ɛbrɛ̀n ke le di nkù nɔn, owú-bɔ̀ kɛ lɛ frɔ́ ô ke bɩ́ vru wúɛ, kɩ yɛ lɛ crɔn bɔ́ lɛ fɛn lɔ.

1 Tesalonikɛ̀n anmàn-bɔ̀ 4:16

Yɛ lɛ yá ɛnyànmàn-tán bobo tɔ̀n, Ɔwɔ-kùyüre-wrɔn cüìcüì sùva mán Ɔwɔ brɛ̀n kù-dì, kɩ Ɛẅɛnwrɔn dùku ke le dú anhobɩ́ kɛ lɛ kàkɛ. Anwrɔn hɔ̀n léyi wú Krisì ankàẅì-bùtan lɔ mɛ̀n nɔn, yɔ le dú kpàkpà-bɔ̀ yɔ vá ɔkɔrɛ-bɔ̀ mɛ̀n;

Ɔwɔ-mɛ̀n-yrikàn 1:4

Ebinyan ndɔ lɔ dú Zhan yri kɛ và, kè dú Ɔwɔ-fɛcüè ɔbɔ̀ɛn hɔ̀n léyi dú Azi kpɔsɔ wú nɔn tɛn: Nboafɔ̀n mán anwɔwɔ kè dú Ɔwɔ léyi ndù, ngo dù kɩ kɛ và nɔn, ne yri kɛ̀ và cɔ́ nyɛ̀n, kè dú anhɛ́n hɔ̀n ɔbɔ̀ɛn léyi nyɔn n'ɛgbú-tòbù zìwú, y'eyri kɛ̀ và cɔ́ nyɛ̀n,

Ɔwɔ-mɛ̀n-yrikàn 11:15

Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”

Ɔwɔ-mɛ̀n-yrikàn 15:1

Zɛtɛn mɛ̀n kán eci woroanci nyantɛn tɔ̀n anhobɩ́, sevri kɩ nfì: Ɔwɔ-kùyüre-bɔ̀ ɔbɔ̀ɛn léyi ẅɛn ɛgbàn-hán-ci ɔbɔ̀ɛn anta nɔn. Yɔ dú ɛmɛẅì-trɔ gbàn-hán-ci, ɔmuhi yɔ dú Ɔwɔ mɛẅì-trɔ mɛ̀nhyì-bɩ́-ci hɔ̀n nɔn.

Ɔwɔ-mɛ̀n-yrikàn 16:1

Zɛtɛn mɛ̀n yá esùva cüìcüì tɔ̀n dú Ɔwɔ-cice-wɔn mɛ̀n nvà kɩ kɛ dɔ́ Ɔwɔ-kùyüre-bɔ̀ ɔbɔ̀ɛn lɔ le: “Nyɛ́n hɔ́n ɛnhi wú nyɛ́n cüe Ɔwɔ-mɛ̀nhyì-grashɛ̀n ɔbɔ̀ɛn hɔ̀n lɔ!”

Ɔwɔ-mɛ̀n-yrikàn 8:13

Mɛ̀n vru mɛ̀n nyan, kɩ mɛ̀n yá gbohò tɔ̀n ɔmùan dú ɛwú hɛ hɛ́n ke tú kɩ kɛ dɔ́ esùva cüìcüì tɔ̀n mɛ̀n le: “Mùzhie! Mùzhie! Mùzhie dú ɛnhi-wú-bɔ̀ tɛn, ɛnvra léyi Ɔwɔ-kùyüre-bɔ̀ anhɔ̀n léyi worɔ nɔn, ke le mú y'anbrɛ̀n hɔ̀n lɔ nɔn!”

Ɔwɔ-mɛ̀n-yrikàn 8:6

Zɛtɛn Ɔwɔ-kùyüre-bɔ̀ léyi ẅɛn anbrɛ́n-gbá ɔbɔ̀ɛn lɔ nɔn, kɛ wá y'edomɛ̀n esùva, ô kè mú anbrɛ̀n.

Ɔwɔ-mɛ̀n-yrikàn 9:1

Zɛtɛn ɛnríemɛ̀n Wɔ-kùyüre-wrɔn mú ɛbrɛ̀n. Mɛ̀n kán ɔkùcànkrò tɔ̀n dú anhobɩ́ bore ɛnhi wú; yɛ tán nɛ̀n ovru léyi n'ɛvrɛn kè sɩ̀ ẅɛ̀n ɛnkrutrɔ nɔn nɛ́n safɛ̀.