Ɔwɔ-mɛ̀n-yrikàn 8:13 - Ɛmɛẅi ankà ankrànkràn 2003

¹³ Mɛ̀n vru mɛ̀n nyan, kɩ mɛ̀n yá gbohò tɔ̀n ɔmùan dú ɛwú hɛ hɛ́n ke tú kɩ kɛ dɔ́ esùva cüìcüì tɔ̀n mɛ̀n le: “Mùzhie! Mùzhie! Mùzhie dú ɛnhi-wú-bɔ̀ tɛn, ɛnvra léyi Ɔwɔ-kùyüre-bɔ̀ anhɔ̀n léyi worɔ nɔn, ke le mú y'anbrɛ̀n hɔ̀n lɔ nɔn!”

Ɔwɔ-mɛ̀n-yrikàn 8:13 Iomraidhean Croise

Ebre-bɔ̀ 1:14

Ɔwɔ kùyüre-bɔ̀ dú anhɛ́n hɔ̀n léyi dú Ɔwɔ ci-bɩtan kɔ̀hɔ́n mɛ̀n nɔn kɩ: nɛ wá yɔ ɔkɔ̀hɔ̀n yɔ bɩ́ ɛkɔrɛ̀-wá yɔ hɔ́n sɩ́ anwrɔn hɔ̀n léyi kɛ lɛ cɔ́ ɛnkrukɔrɛ̀ nɔn.

Ɔwɔ-mɛ̀n-yrikàn 11:14

Anhyrɛ̀ mɛ̀n muzhie lɔ vaciɛ. Tɛ́n nyɛ́n wá esùva! Anhɔ̀n mɛ̀n tɛn lɔ kɛ lɛ vá ɛnvra bruemɛ̀n.

Ɔwɔ-mɛ̀n-yrikàn 12:12

Hɩ le kruhú de nyɛ́n, anhobɩ́-anmàn-bɔ̀ pɔpüɛ̀ kɛ̀ brá nyɛ̀n! Tɛ́n, ɛnhi mán ecüe, muzhie dú nyɛ tɛn! Anwawrɔn dú ɛwú kakɛ nyɛ̀n ɛmɛ̀n, ɛgbàn-dì yɩ́ ɛnbɔrɛmɛ̀n, ɔmuhi nɛ̀n nyri ɔmu le ɛnvra kè sɩ̀ vrù gbɔ́ nɛ̀n hàn nɔn.”

Ɔwɔ-mɛ̀n-yrikàn 14:3

Anwrɔn tɛ̀buri kru bobrebe ndɔ hɔ̀n lɔ kɛ krɛ́ ɛcɔ̀ wrù tɔ̀n ɛgbú-tòbù zìwú, ɛci kɔrɛkɔrɛ hɔ̀n anzɔ̀ lɔ mán ɛcüìcüì-bɔ̀ zìwú. Ɔwrɔn zriɛmɛ́n ke sɩ̀ ván ɛcɔ̀ ndɔ lɔ rɔ́, ke dú kɛ kè sɩ̀ dù anwrɔn tɛ̀buri kru ɛkoẅi ɔbɔ̀ɛn mán ɛẅì anzɔ̀ hɔ̀n léyi yɛ mrɛ́n anwɔ̀nẅiemɛ̀n yɛ sɔhɔ́ ɛnhi wú nɔn.

Ɔwɔ-mɛ̀n-yrikàn 14:6

Zɛtɛn mɛ̀n kán Ɔwɔ-kùyüre-wrɔn tɔ̀n nyantɛn ke tú ɔwràn mɛ̀n ɛwú-hɛ́n; nɛ̀n ẅɛn Ɛmɛẅi ankà Ankrankran tɔ̀n léyi ke sɩ́ trɔa nɔn, ne ji nɛ̀n dɔ́ tán ɛnhi-wú-anmàn-bɔ̀ lɔ fɛn, ɛmɛ̀n lɔ fɛn, ɛnbrɛ̀ lɔ fɛn mán fɛcüè lɔ fɛn.

Ɔwɔ-mɛ̀n-yrikàn 19:17

Zɛtɛn mɛ̀n kán Ɔwɔ-kùyüre-wrɔn tɔ̀n nyɔn ɛnbriemɛ̀n. Ne di bobo ecüìemɛ̀n tán annrɛn hɔ̀n lɔ fɛn léyi ke tú ɔwràn mɛ̀n ɛwúɛ hɛ́n le: “Nyɛ́n và, nyɛ́n bɔrɛ ɛkru Ɔwɔ ci-zî vri lɔ mɛ̀n!

Ɔwɔ-mɛ̀n-yrikàn 3:10

Ɔmuhi ɛ̀ ẅɛn m'ɔmùan ankà-dɔ̀ ɛ̀ hɛ́n esɛ́ mɛ̀n, mɛ̀n mán mɛ lɛ wá mɛ́n esùva ɛnvra léyi ɛgbànkàn kɛ lɛ vá ɛnhibù mumù lɔ wú, ô ɛnhi wú anmàn-bɔ̀ hɔ̀n kè dú ɔwɔ̀ɛn-nyan mɛ̀n.

Ɔwɔ-mɛ̀n-yrikàn 8:2

Zɛtɛn mɛ̀n kán Ɔwɔ-kùyüre-bɔ̀ ɔbɔ̀ɛn lɔ nyɔn Ɔwɔ zìwú; yɛ tán yɔ anbrɛ̀n ɔbɔ̀ɛn.

Ɔwɔ-mɛ̀n-yrikàn 9:1

Zɛtɛn ɛnríemɛ̀n Wɔ-kùyüre-wrɔn mú ɛbrɛ̀n. Mɛ̀n kán ɔkùcànkrò tɔ̀n dú anhobɩ́ bore ɛnhi wú; yɛ tán nɛ̀n ovru léyi n'ɛvrɛn kè sɩ̀ ẅɛ̀n ɛnkrutrɔ nɔn nɛ́n safɛ̀.

Ɔwɔ-mɛ̀n-yrikàn 9:12

Ɛnvrakpà muzhie lɔ vacì; ndɔ lɔ mɛẅi lɔ, muzhie anhyrɛ̀ vrú dù kɛ lɛ và.