Ɔwɔ-mɛ̀n-yrikàn 8:12 - Ɛmɛẅi ankà ankrànkràn 2003

¹² Zɛtɛn anzɔmɛ̀n Wɔ-kùyüre-wrɔn lɔ mú ɛbrɛ̀n. Ɛnbri, n'anhɔnmɛ̀n cá ezì murɛn, ɔmu zri lɔ de dú tán okù mán okùcànkrò hɔ̀n, hán tán kɩ y'ɛgbrɛ́n lɔ srɔ anhɔnmɛ̀n cá; ɛcɛ̀n, n'anhɔnmɛ̀n cá mán ɛnnyran n'anhɔnmɛ̀n cá ke sɩ̀ ẅɛ̀n ɛyrikàn.

Ɔwɔ-mɛ̀n-yrikàn 8:12 Iomraidhean Croise

Matie 24:29

“Ɛnvra zri léyi ɛci ndɔ lɔ y'ɛgbànkàn kɛ lɛ trɔ nɔn, ɛnbri ke sɩ̀ vru dìɛ, okù ke sɩ̀ vru wòɛ, okùcànkrò hɔ̀n ke le dú anhobɩ́ ke le cüe ɛnhibù wúɛ kɩ anhobɩ́ cüì hɔ̀n lɔ fɛn kɛ lɛ jɔ̀kɔ̀.

Matie 27:45

Ɛnvra léyi ɛnbri shɛ́n nɔn, ɛyri wá sɛ́n anmàn ɛnhi wú lɔ fɛn hàn kɩ cɔ́ ɔwɔɛmɛ̀n wacɛ̀n anhɔ̀n.

Markɛ̀n 13:24

“Tɛ́n ɛnvra hɔ̀n lɔ mɛ̀n, ɛgbànkàn vri lɔ n'ɔtrɔmɛ̀n, ɛnbri ke sɩ̀ vru dìɛ, okù ke sɩ̀ vru wóɛ,

Markɛ̀n 15:33

Ɛnvra léyi ɛnbri shɛ́n nɔn, ɛyri wá sɛ́n anmàn múmù lɔ fɛn hàn kɩ cɔ́ ɔwɔɛmɛ̀n wacɛ̀n anhɔ̀n.

Lükɛ̀n 21:25

“Eci-woroan-ci ke le dú ɛnbri mɛ̀n, okù mɛ̀n mán okùcankro mɛ̀n. Ɛnhibù wú anmàn hɔ̀n ke le dú ɛnkrɛ̀ta mɛ̀n mán gbɔ̀gbɔ̀ mɛ̀n, ecüe mán ecüe-afù bobo vri léyi yɔ lɛ yá nɔn kruhú.

Ɔkɔ̀hɔ̀n-wá-bɔ̀ kɔ̀hɔ̀n hán 2:20

ɛnbri kɛ lɛ tɛ̀wá, kɩ okù kɛ lɛ wɔ́n kɛ lɛ hán ɛnkrɛ̀ hɔ́, yakɛ Ɛẅɛnwrɔn bì lɔ kɛ lɛ và, eci-zrɔ bì vri ndɔ lɔ.

2 Korɛntɛ̀n anmàn-bɔ̀ 4:4

Yɔ sɩ̀ ẅɛ̀n ankaẅì-bùtan ɔmuhi Anwa-wrɔn léyi dú ɛnhibù ndɔ lɔ wɔ, boyɛ y'ɛnkruemɛ̀n-ẅɛn lɔ anvɛ̀. Ɔwɔ ndɔ lɔ ke sɩ́ tán yɔ ɛkɔrɛ̀levri yɔ cɔ́ ɛyri-kàn léyi Ɛmɛẅi ankà Ankrankran kɛ tán Krisì ci-zrɔ lɔ mɛ̀n, Krisì léyi dú Ɔwɔ mumù picɛ̀ nɔn.

Ɔwɔ-mɛ̀n-yrikàn 12:4

Nɛ̀n bɩ́ n'ɛẅiè lɔ nɛ́n tàka anhobɩ́ kùcànkrò hɔ̀n lɔ y'anhɔ́nmɛ̀n cá nɛ̀n cüe ɛnhi wú. Nɛ̀n nyɔn ɛnnyɔnwrɔn léyi kɛ vá ɛnẅì-bî-yri nɔn ezìwúɛ, ô ɛnvra léyi ne bî ɛnẅì lɔ nɔn, nɛ̀n ẅɛn ɛnẅì lɔ nɛ̀n rá.

Ɔwɔ-mɛ̀n-yrikàn 16:10

Ɛnriemɛ̀n Wɔ-kùyüre-wrɔn lɔ cüe nɛ́n grashɛ̀n lɔ ɔnɔ̀n lɔ n'ɛgbú-tòbù wú kɩ nɛ́n nɛ̀ncüì-dúyri dú ɛyri-yɔwɔ mɛ̀n. Anwrɔnẅì kɛ kɛ́n ɔwɔ̀ɛn ɛnnyî ɛgbànkan mɛ̀n;

Ɔwɔ-mɛ̀n-yrikàn 6:12

Zɛtɛn mɛ̀n kán Ɔwɔ kɔ̀kɔ̀sɛ̀-ẅì srú ɔwolemɛ̀n ci-tɔ́n-ci lɔ. Zɛtɛn ɛnhi jɔkɔ ecüíemɛ̀n; ɛnbri srɔ anhyɔwɔ hán ɛbrá-càsa hɔ́; kɩ okù mumù lɔ fɛn srɔ anhɔnsɛn hán ɛnkrɛ̀ hɔ́;

Ɔwɔ-mɛ̀n-yrikàn 9:15

Ye tecüe Ɔwɔ-kùyüre-bɔ̀ anzɔ̀ lɔ; wacɛ̀n ndɔ lɔ mɛ̀n, ɛnbì ndɔ lɔ, okù ndɔ lɔ mɛ̀n mán ɛnnanwàn ndɔ lɔ mɛ̀n cehɛ́n de yɛ wá tán yɔ, yɔ hán anwrɔnẅì, y'anhɔ́nmɛ̀n cá kè wù.

Ɔwɔ-mɛ̀n-yrikàn 9:18

Ɛgbàn-hán-ci anhɔ̀n ndɔ hɔ̀n lɔ wrí anwrɔnẅì y'anhɔnmɛ̀n cá: ɛnhyà, ɛnhyàbri mán ɛnhyà-dɔ̀nwrɔ̀n léyi ke dú kpàngɔ hɔ̀n lɔ anmùan mɛ̀n kɛ srɔ ɛntrɛ nɔn mɛ̀n.