Ɔwɔ-mɛ̀n-yrikàn 8:10 - Ɛmɛẅi ankà ankrànkràn 2003

¹⁰ Zɛtɛn anhɔ́n mɛ̀n Wɔ-kùyüre-wrɔn lɔ mú ɛbrɛ̀n. Okùcànkrò vrí tɔ̀n léyi ke wrù kɛ hán ɛnhyà lakà tɔ̀n hɔ́ nɔn, dú anhobɩ́ bore. Okùcànkro lɔ bore mancüè hɔ̀n lɔ y'anhɔnmɛ̀n cá mɛ̀n mán ɛnshi-bɛ́ hɔ̀n wú.

Ɔwɔ-mɛ̀n-yrikàn 8:10 Iomraidhean Croise

Matie 25:1

“Zɛtɛn Anhobɩ́ nɛ̀ncüì-dúyri kɛ lɛ cá wúyɔ̀-ẅì hɔ̀n ɛvà léyi bɩ́ yɔ kɛniɛn srɔ ɛntrɛ hɔ́n ɛnnyɔnwrɔn-nɛ́n-cüì ɛsù nɔn.

Lükɛ̀n 10:18

Kɩ Zhezü kɛ dɔ́ yɔ le: “Mɛ̀n kán anwa-wrɔn dú anhobɩ́ bore hán anhobɩ́ léyi kɛ kɛ́n ɛnhyà nɔn hɔ́.

Zhüdɛ̀n 1:13

Yɔ dù yɔ cá ecüe mù ɛvrivri hɔ̀n, yɔ cüe y'ezìwú y'anvɛvrà ci-hán dàfù. Yɔ dù hán okùcànkrò hɔ̀n léyi ke sɩ́ yɛ́ ɛyri zri, kɩ Ɔwɔ wá ɛnnyran yri yɔwɔ pipi hɛ́n yɔ ɛnvra lɔ fɛn.

Ɔwɔ-mɛ̀n-yrikàn 1:20

Nyàn ankà bán ankà léyi dú okùcankrò ɔbɔ̀ɛn hɔ̀n léyi ɛ kán m'ezì-kɔrɛ̀ kɔrɛ̀ màn lɔ mɛ̀n mán ansikɛ kɛniɛn hɔ̀n ɔbɔ̀ɛn lɔ mɛ̀n nɔn: okùcankrò ɔbɔ̀ɛn hɔ̀n lɔ dú Ɔwɔ fɛcüè hɔ̀n ɔbɔ̀ɛn lɔ y'Ɔwɔ kùyüre-bɔ̀, kɩ kɛniɛn hɔ̀n ɔbɔ̀ɛn lɔ, dú Ɔwɔ fɛcüè hɔ̀n ɔbɔ̀ɛn lɔ.”

Ɔwɔ-mɛ̀n-yrikàn 12:4

Nɛ̀n bɩ́ n'ɛẅiè lɔ nɛ́n tàka anhobɩ́ kùcànkrò hɔ̀n lɔ y'anhɔ́nmɛ̀n cá nɛ̀n cüe ɛnhi wú. Nɛ̀n nyɔn ɛnnyɔnwrɔn léyi kɛ vá ɛnẅì-bî-yri nɔn ezìwúɛ, ô ɛnvra léyi ne bî ɛnẅì lɔ nɔn, nɛ̀n ẅɛn ɛnẅì lɔ nɛ̀n rá.

Ɔwɔ-mɛ̀n-yrikàn 14:7

Nɛ dɔ́ esùva cüìcüìemɛ̀n le: “Nyɛ́n sɩ́ ny'edomɛ̀n ɛnhi nyɛ́n tán Ɔwɔ, ô nyɛ́n zrɔ nɛ̀n eci! Ɔmuhi, ɛnvra léyi ne le ci anwrɔnẅì ɛmrɛ̀n nɔn ncɔ̀a. Nyɛ́n cüe ɔwrɔn léyi hán anhobɩ́, ɛnhi, ecüe mán ɛnshi-bɛ́ hɔ̀n nɔn, ankɔrɛ̀ ezìwúɛ!”

Ɔwɔ-mɛ̀n-yrikàn 16:4

Anhɔ́n mɛ̀n Wɔ-kùyüre-wrɔn lɔ cüe nɛ́n grashɛ̀n lɔ mancüè hɔ̀n mán ɛnshi-bɛ́ hɔ̀n mɛ̀n, kɩ ɛnshi hɔ̀n lɔ srɔ ɛnkrɛ̀.

Ɔwɔ-mɛ̀n-yrikàn 6:13

okùcànkro hɔ̀n ke dú anhobɩ́ ke cüe ɛnhi wú, kɛ hán antɛ̀ẅì kɔ́ léyi ɛndɔ̀nwrɔn vri ke srú cüe nɔn.

Ɔwɔ-mɛ̀n-yrikàn 8:7

Kpàkpà Wɔ-kùyüre-wrɔn lɔ mú ɛbrɛ̀n. Ɛnshiẅian mán ɛnhyà gbro ɛnkrɛ̀ mɛ̀n dú ɛwú cüe ɛnhiɛ. Ɛnhi, n'anhɔnmɛ̀n cá mán antɛ̀, y'anhɔnmɛ̀n cá wrú ɛnhyà, ɔmu zri lɔ de dú tán ɛfi wɔ̀ lɔ fɛn mán nɔn.

Ɔwɔ-mɛ̀n-yrikàn 9:1

Zɛtɛn ɛnríemɛ̀n Wɔ-kùyüre-wrɔn mú ɛbrɛ̀n. Mɛ̀n kán ɔkùcànkrò tɔ̀n dú anhobɩ́ bore ɛnhi wú; yɛ tán nɛ̀n ovru léyi n'ɛvrɛn kè sɩ̀ ẅɛ̀n ɛnkrutrɔ nɔn nɛ́n safɛ̀.

Ɔwɔ-mɛ̀n-yrikàn 9:15

Ye tecüe Ɔwɔ-kùyüre-bɔ̀ anzɔ̀ lɔ; wacɛ̀n ndɔ lɔ mɛ̀n, ɛnbì ndɔ lɔ, okù ndɔ lɔ mɛ̀n mán ɛnnanwàn ndɔ lɔ mɛ̀n cehɛ́n de yɛ wá tán yɔ, yɔ hán anwrɔnẅì, y'anhɔ́nmɛ̀n cá kè wù.

Ɔwɔ-mɛ̀n-yrikàn 9:18

Ɛgbàn-hán-ci anhɔ̀n ndɔ hɔ̀n lɔ wrí anwrɔnẅì y'anhɔnmɛ̀n cá: ɛnhyà, ɛnhyàbri mán ɛnhyà-dɔ̀nwrɔ̀n léyi ke dú kpàngɔ hɔ̀n lɔ anmùan mɛ̀n kɛ srɔ ɛntrɛ nɔn mɛ̀n.