Ɔwɔ-mɛ̀n-yrikàn 7:9 - Ɛmɛẅi ankà ankrànkràn 2003

⁹ Eci ndɔ lɔ n'ɛmɛẅi lɔ, mɛ̀n vru mɛ̀n nyan kɩ mɛ̀n kán anwrɔn fɛcüè vri léyi ɔwrɔn zriɛmɛ́n ke sɩ̀ krɛ̀ rɔ́ nɔn. Yɔ dú ɛnhi wú anmàn lɔ fɛn, ɔkpɔsɔ lɔ fɛn, fɛcüè lɔ fɛn mán ɛnbrɛ̀ lɔ fɛn bɔ̀. Yɔ nyɔn ɛgbú-tòbù mán Ɔwɔ Kɔ̀kɔ̀sɛ̀-ẅì zìwú, yɔ cɔ́ ɛceci she wosù kɩ ɛnnangbànkɔrɛ̀ dú yɔ ɛmàn mɛ̀n.

Ɔwɔ-mɛ̀n-yrikàn 7:9 Iomraidhean Croise

Lükɛ̀n 12:1

Hɩ vra lɔ anwrɔn tɛ̀bru bɔrɛkru, kɩ̀ anwrɔn janbɔ̀, yɔ esùnan mɛ̀n lɔ, yɔ kasrɛ yɔ nyran hɔ̀n. Zhezü bukru kɛ dɔ́ n'ɛsɛnkɛn-bɔ̀ ankà: “Nyɛ́n wá ny'edomɛ̀n esùva Ɔwɔ-nyanmàn-sùva-wá-bɔ̀ ci-fɔ́-ci tɛsɛ̀n, hɩ mɛ̀n kɛ dɔ̀ le, y'anbrádì ci-hán tɛsɛ̀n.

Lükɛ̀n 21:36

Nyɛ́n bɩ́ di ndà, nyɛ́n sɛ́n ɛnvra lɔ fɛn, ô nyɛ́n cɔ́ ecüì nyɛ́n di ɛci hɔ̀n lɔ kɛ và nɔn anta, ô nyɛ́n tɔhú nyɛ́n nyɔn ɔwrɔnẅì Ẅì zìwúɛ.”

Zhan 12:13

Anwrɔn bɩ́ ɛnnangbàn kɔrɛ̀ kɩ srɔ ɛntrɛ hɔ́n Zhezü ɛsù; Yɔ dí bobo yɔ dɔ̀ le: “Eci-zrɔ kè dú Ɔwɔ tɛn! Ɔwɔ kè fú ɔwrɔn léyi kɛ và nɔn ɛnshi ɛẅɛnwrɔn bɩmɛ̀n! Ɔwɔ kè fú Izraɛlɛ̀n nɛncüì lɔ ɛnshi!”

Rɔmɛ̀n-anmàn-bɔ̀ 11:25

Anwrɔn-nɛ́n-muan-ẅì hɔ̀n, me ji mɛ̀n hán nyɛ̀n nyɛ́n nyri Ɔwɔ ankɔ́nda-ci-hán ankà-bán-ankà lɔ, ô nyɛ́n bɩ́ bú ny'edomɛ̀n nyɛ́n hán ankà-nyri-bɔ̀: Izraɛlɛ̀n fɛcüè cá ke le dú ɔbrɔsa mɛ̀n hàn kɩ kɛ lɛ cɔ́ ɛnvra léyi ɛnhibù fɛcüè nyantɛn kɛ lɛ cɔ́ ɛnkru-kɔrɛ̀ nɔn.

Efɛzɛ̀n anmàn-bɔ̀ 6:13

Hɩ le kruhú de zɛtɛ lɔ, ke ji le nyɛ́n bɩ́ Ɔwɔ anhà-kɔ́n-ci hɔ̀n lɔ fɛn! Ɔmu lɔ de, ɛnvra léyi ɛnbì gbàngbàn lɔ kɛ lɛ và nɔn, nyɛ lɛ kɛ́n egbri-wrɔn lɔ ezì, kɩ anhà-kɔ̀n trɔ mɛ̀n lɔ, nye le vru nyɛ́n nyɔn ɛshishiemɛ̀n.

Ebre-bɔ̀ 11:12

Ɔmu lɔ de ɔwrɔn zri ndɔ léyi owù di ɛnrɛ̀n edomɛ̀n nɔn, n'ɛmɛ̀n de n'ɛmɛẅì-bɔ̀ bobrebe hɔ̀n léyi cüɛ́n hán anhobɩ́ kùcànkro mán ecüe gbata-mùan hiẅia hɔ́ nɔn, ndù srɔ nɔn.

Ebre-bɔ̀ 12:22

Tɛ́n nyɛ tɛn nyɛ́n sɔ̀nba Siɔn kpò mán Ɔwɔ kɔrɛkɔrɛ dúyri tɛsɛ̀n, anhobɩ́ Zherüzalɛmɛ̀n, nyɛ́n mán n'ɛkùyüre-bɔ̀ fɛcüè mɛhi.

Ɔwɔ-mɛ̀n-yrikàn 11:15

Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”

Ɔwɔ-mɛ̀n-yrikàn 22:3

Ɔwɔ-ẅiɛ̀-dà ke sɩ̀ vru dú eci zriɛmɛ́n wúɛ. Ɔwɔ mán Ɔwɔ-Kɔ̀kɔ̀sɛ̀-ẅì gbú-tòbù ke le dú anmàn lɔ mɛ̀n, kɩ Ɔwɔ-ci-bɩtan-bɔ̀ ke le cüe nɛ̀n ankɔrɛ̀ ezìwúɛ.

Ɔwɔ-mɛ̀n-yrikàn 3:18

Hɩ le kruhú de me wore-ankà mɛ̀n yé mɛ́n, ô ɛ̀ wɔ́ ansikɛ léyi ɛnhyá nfi nɔn, m'antamɛ̀n, ô ɛ̀ srɔ ɛnnɛ̀ncüì annanwɔrɛ mɛ̀n. È vru ɛ̀ wɔ́ ɛceci wosú, ɛ̀ ẅɛn edomɛ̀n, ô ɛsɛ̀n-kora-nyɔn anvɛvrà ke bɩ́ ẅɛn mɛ́n, ɔmu zri lɔ ɛ̀ wɔ́ anvɛ̀ háwi, ɛ̀ hán v'anvɛ̀ ɛci ô yɔ kán ɛyri.

Ɔwɔ-mɛ̀n-yrikàn 4:4

Ɛgbú-tòbù lɔ dòmɛ̀n, ɛgbú-tòbù ɛẅia anzɔ̀ nyantɛn hɔ̀n ndù, y'ɛwú lɔ ɛcüìcüì-bɔ̀ ɛẅia anzɔ̀ cɔ́ ɛceci wosú yɛ́, kɩ ansikɛ krusɔn-ci dú yɔ ɛnkru.

Ɔwɔ-mɛ̀n-yrikàn 5:11

Mɛ̀n vru mɛ̀n nyan kɩ mɛ̀n yá Ɔwɔ-kùyüre-bɔ̀ fɛcüè tɔ̀n sùva: yɔ dú fɛcüè bobrebe. Yɔ nyɔn, yɔ gbrɛnkɛ́n ɛgbú-tòbù lɔ ɔmùan ɛyri léyi ɛci kɔrɛkɔrɛ hɔ̀n mán ɛcüìcüì-bɔ̀ ndù nɔn,

Ɔwɔ-mɛ̀n-yrikàn 5:9

Yɔ krɛ́ ɛcɔ̀ wrù tɔ̀n: “Ɛ̀krɔn kpehɛ́n e le bɩ́ owrú lɔ, kɩ ɛ lɛ bɔyɛ n'ɛci-tɔn-ci hɔ̀n lɔ. Ɔmuhi ye dí mɛ́n owuemɛ̀n, kɩ v'ɛgbànkàn cice lɔ mɛ̀n, è bɩ́ ɛmɛ̀n mɛ̀ntɛ mɛ̀ntɛ bɔ̀, fɛcüè mɛ̀ntɛ mɛ̀ntɛ bɔ̀ mán ɛnhi wú anmàn mɛ̀ntɛ mɛntɛ bɔ̀, ɛ và sɩ́ Ɔwɔ.

Ɔwɔ-mɛ̀n-yrikàn 6:11

Y'ɛmɛ̀n lɔ, yɛ tán ɔwrɔnwrɔn ɛceci wosu she, kɩ yɛ dɔ́ yɔ le, yɔ ẅɛn ɛnbɔrɛ yɔ hɛ́n ɛnvra jan, ô yɔ muanẅì hɔ̀n mán y'ɛkɔrɛ̀-wá-bɔ̀ léyi ye le wrì kɛ̀ hán yɔ hɔ́ nɔn, kɛ̀ sá ɛkru yakɛ.

Ɔwɔ-mɛ̀n-yrikàn 7:8

anwrɔn tɛ̀buri kru ɛvà anhyrɛ̀ dú Jozɛfɛ̀n mɛ̀n mɛ̀n-bɔ̀; anwrɔn tɛ̀buri kru ɛvà anhyrɛ̀ dú Bɛnzhamɛn mɛ̀n mɛ̀n-bɔ̀.