Ɔwɔ-mɛ̀n-yrikàn 7:3 - Ɛmɛẅi ankà ankrànkràn 2003

³ “Nyɛ́n bɩ́ jrɛ́ ɛnhi mán, ecüe mán, antɛ̀ mán, ke dú kɛ b'Ɔwɔ lɔ n'eci-bɩtan-bɔ̀ lɔ, bɔ̀ sɩ̀ dì yɔ ɛnrɛ̀n ezìwú.”

Ɔwɔ-mɛ̀n-yrikàn 7:3 Iomraidhean Croise

Matie 24:22

Ke dú kɛ Ɔwɔ ke sɩ̀ vɔ̀n ɛgbànkàn ndɔ lɔ eburi, ɔwrɔnẅì zriɛmɛ́n ke sɩ̀ vru dú ɛnhibù wúɛ. Tɛ́n nɛ̀n vɔ́n ɛnbì ndɔ lɔ eburi, anwrɔn hɔ̀n léyi nɛ̀n mrɛ́n nɛ́n bɩ nɔn yɔ kruhú.

Matie 24:31

Ɛbrɛ̀n vri lɔ ke le di nkù kɩ nɛ lɛ wá n'ɛkùyüre-bɔ̀ ɔkɔ̀hɔ̀n ɛnhibù kpɔsɔ d'anzɔ̀ lɔ wú; yɔ lɛ borɛ anwrɔn hɔ̀n léyi nɛ̀n mrɛ́n nɛ́n bɩ, ezì mán ɛmɛẅi nɔn ɛkru.”

Zhan 12:26

Ke dú kɛ ɔwrɔn tɔ̀n ke ji kɛ̀ srɔ m'eci-bɩ̀tan-wrɔn hô, ke ji le nɛ̀n kɛ́n mɛ̀n ɛsɛ̀n; ɔmu lɔ de m'eci-bɩ̀tan-wrɔn ke le dú ɛyri léyi mɛ́n dù nɔn mán. Dade kɛ lɛ cüɛ́n ɔwrɔn léyi dú m'eci-bɩ̀tan-wrɔn nɔn.”

Zhan 3:33

Ɔwrɔn léyi ke shri nɛ́n dalɛfuɛ-dì lɔ nɔn, ke yé tán le Ɔwɔ kɛ dɔ́ ankà annanwɔrɛ.

Rɔmɛ̀n-anmàn-bɔ̀ 6:22

Tɛ́n zɛtɛ̀ lɔ nyɛ́n dú ɛgbàn mɛ̀n nyɛ́n kàkɛ kɩ nyɛ́n dú Ɔwɔ ci-bɩtan-kɔ̀hɔ̀n-hán mɛ̀n; nyɛ́n vɔ̀nshɛ́ dú ɛnyrɔn léyi ke sɩ́ nyɛ̀n ɛwúvà prɔnprɔn mɛ̀n, kɩ ɔtrɔmɛ̀n lɔ, nyɛ cɔ́ ɛwúvà léyi ke sɩ́ trɔa nɔn.

Ɔwɔ-mɛ̀n-yrikàn 13:16

Ɔnɔ̀n lɔ, kɛ wá tán ɛci hɔ̀n lɔ fɛn, ɛcɛ́ mán ɛcüicüì, ɛnnɛ̀ncüì hɔ̀n mán ɛmian-bɔ̀, anwɔ̀n-bɔ̀ mán anwrɔn kora hɔ̀n, kɛ̀ cɔ́ ɛnrɛ̀n kɛ dɛ́ yɔ ezì-kɔrɛ̀ mànmɛ̀n mán ezìwú.

Ɔwɔ-mɛ̀n-yrikàn 13:17

Ɔwrɔn zriɛmɛ́n kè sɩ̀ ẅɛ̀n ɛci-wɔ̀ mán ɛci-hɛ̀ kɔrɛ̀levri ke dú kɛ ɛnrɛ̀n ndɔ lɔ badá nɛ̀n edomɛ̀n, hɩ mɛ̀n kɛ dɔ̀ le, ɔnɔ̀n lɔ n'ebi, mán n'owrúẅì-ci-krɛ̀ léyi ke yé ebi ndɔ lɔ nɔn.

Ɔwɔ-mɛ̀n-yrikàn 14:1

Mɛ̀n vru mɛ̀n nyan: mɛ̀n kán Ɔwɔ kɔ̀kɔ̀sɛ̀-ẅì nyɔn Siɔn kpò wúɛ, nɛ́n mán anwrɔn tɛ̀buri kru ɛkoẅi ɔbɔɛ̀n mán ɛẅì anzɔ̀ léyi dí n'ebɩ́ mán nɛ́n Zi bɩ́ ye merɛ́n ezìwú.

Ɔwɔ-mɛ̀n-yrikàn 14:9

Anhɔnmɛ̀n Wɔ-kùyüre-wrɔn tɔ̀n kɛ́n anhyrɛ̀ hɔ̀n lɔ, kɩ kɛ dɔ́ esùva cüìcüìemɛ̀n le: “Ɔwrɔn totɔtɔ̀n léyi ke cüe ɔnɔ̀n lɔ mán nɛ́n pícɛ̀ ankɔrɛ̀ ezìwú, kɩ ɛnrɛ̀n kɛ dɛ́ ezìwú, ɛnvra tɔ̀n hô ɛmànmɛ̀n nɔn,

Ɔwɔ-mɛ̀n-yrikàn 19:2

N'ɛmrɛ̀ncì hɔ̀n dú annanwɔrɛ mán ɛnyrɔnnan mɛ̀n! Ɔmuhi nɛ̀n bó wowie-nyɔnwrɔn vri lɔ nwù, nɛ́n léyi nɛ jrɛ́ ɛnhi, n'eci-gbàngbàn-kɔ̀hɔ̀n-hán mɛ̀n. Ɛẅɛnwrɔn hán nɛ̀n nɛ̀n krɛ́ ɛci, n'eci-bɩ̀tan-bɔ̀ hɔ̀n wù lɔ wú.”

Ɔwɔ-mɛ̀n-yrikàn 20:4

Zɛtɛn mɛ̀n kán ɛgbú-tòbù hɔ̀n: anwrɔn hɔ̀n léyi yɛ́ yɔ ɛwúɛ nɔn, cɔ́ ɛkɔrɛ̀srɔn yɔ ci ɛmrɛ̀n. Mɛ̀n vru mɛ̀n kán anhɛ́n hɔ̀n léyi ye wri y'ɔmùan-zri-dì annanwɔrɛ ankà léyi Zhezü yé mán Ɔwɔ mùan-ankà-dɔ̀ wú nɔn. Yɔ sɩ̀ cüè ɔnɔ̀n lɔ mán nɛ́n picɛ̀ lɔ ankɔrɛ̀ ezìwúɛ, kɩ yɔ sɩ̀ cɔ̀ ɔnɔ̀n nrɛ̀n lɔ, ezìwú mán ɛmànmɛ̀n. Yɔ vru yɔ vá ɔkɔrɛ-bɔ̀ mɛ̀n kɩ yɔ ẅɛn ɛyri yɔ mán Krisì mɛhi ɛnnanwàn tɛ̀buri.

Ɔwɔ-mɛ̀n-yrikàn 22:4

Yɔ lɛ kán nɛ̀n anvɛmɛ̀n, kɩ ye le merɛ́n n'ebi y'ezìwú.

Ɔwɔ-mɛ̀n-yrikàn 6:6

Mɛ̀n yá hán esùva tɔ̀n hɔ́, dú ɛci kɔrɛkɔrɛ hɔ̀n anzɔ̀ lɔ anwanzi srɔ kɩ kɛ dɔ̀ le: “Dùdu sɔ́n boasɛ́ zri dú nbɩ zri kɔ̀hɔ̀n-hán wɔ̀ɛn-dì, kɩ́ ɛnjüì boasɛ́ anhɔ̀n dú nbɩ zri kɔhɔ̀n-hán wɔ̀ɛn-dì. Tɛ́n ɛkɔrɛ̀ ke bɩ́ tɛ́ mɛ́n ɛnzhì mán ɛntàn wɔsɛ́n.”

Ɔwɔ-mɛ̀n-yrikàn 7:1

Eci ndɔ lɔ n'ɛmɛẅi lɔ, mɛ̀n kán Ɔwɔ-kùyüre-bɔ̀ anzɔ̀. Yɔ nyɔn ɛnhibù kru d'anzɔ̀ lɔ wú, yɔ kɛ́n ɛndɔ̀nwrɔ̀n anzɔ̀ hɔ̀n lɔ hɛ́n, ô y'ɛmɛ̀n lɔ nzri mán ke bɩ́ cüɛn ɛnhi wú, ecüe wú mán, antɛ̀ wú mán.

Ɔwɔ-mɛ̀n-yrikàn 7:2

Kɩ mɛ̀n kán Ɔwɔ-kùyüre-wrɔn nyantɛn tɔ̀n kɛ nán esù hɔ́n ɛmɛẅiemɛ̀n, kɩ Ɔwɔ kɔrɛkɔrɛ lɔ n'eci-tɔ́n-ci dú nɛ̀n antamɛ̀n. Ne di bobo ecüemɛ̀n tán Ɔwɔ-kùyüre-bɔ̀ anzɔ̀ léyi cɔ́ ɛkɔrɛ̀srɔn kɛ̀ jrɛ́ ɛnhi mán ecüe nɔn le:

Ɔwɔ-mɛ̀n-yrikàn 9:4

Yɛ wá tán yɔ ye bɩ́ jrɛ́ ɛfi mán, antɛ̀ mán, antɛẅì nyàntɛn mán, tɛ́n yɔ crɛ́ ezì yɔ kɛ́n anwrɔn hɔ̀n léyi ye sɩ̀ dì Ɔwɔ nrɛ̀n ezì-wú nɔn.