Ɔwɔ-mɛ̀n-yrikàn 7:2 - Ɛmɛẅi ankà ankrànkràn 2003

² Kɩ mɛ̀n kán Ɔwɔ-kùyüre-wrɔn nyantɛn tɔ̀n kɛ nán esù hɔ́n ɛmɛẅiemɛ̀n, kɩ Ɔwɔ kɔrɛkɔrɛ lɔ n'eci-tɔ́n-ci dú nɛ̀n antamɛ̀n. Ne di bobo ecüemɛ̀n tán Ɔwɔ-kùyüre-bɔ̀ anzɔ̀ léyi cɔ́ ɛkɔrɛ̀srɔn kɛ̀ jrɛ́ ɛnhi mán ecüe nɔn le:

Ɔwɔ-mɛ̀n-yrikàn 7:2 Iomraidhean Croise

Matie 16:16

Simɔn Piɛrɛ̀n mrɛ́n ɔmùan le: “È dú Ebɩdie-wrɔn, ƆWɔ kɔrɛkɔrɛ lɔ n'Ɛnẅì.”

Matie 26:63

Tɛ́n Zhezü kɛ kɛ́n ɔmùan hɛ́n. Zɛtɛn Ɔwɔ-cice-wrɔn cüìcüì kɛ dɔ́ nɛ̀n le: “Ɔkɔrɛ Wɔ lɔ n'ebɩ́ mɛ̀n, mɛ wá tán mɛ́n, è shri bɔ̀ anmùan mɛ̀n, ɔmùan-wá mɛ̀n: è dú Ebɩdie-wrɔn, Ɔwɔ Ẅì lɔa?”

Zhan 6:27

Nyɛ́n bɩ́ hán ɛci-zî léyi kɛ jrɛ́ nɔn, n'ɔkɔhɔ̀n, tɛ́n nyɛ́n ji ɛci-zî léyi dú ɛnvra lɔ fɛn, hɩ kɛ tán ɛwúvà léyi ke sɩ́ trɔa nɔn. Ɛci-zî ndɔ lɔ, ɔwrɔnẅì Ẅì kɛ lɛ tán nyɛ̀n nɛ́n, ɔmuhi Ɔwɔ Zi di nɛ̀n n'ɛkorɛ̀srɔn nrɛ̀n edomɛ̀n nɔn.”

2 Korɛntɛ̀n anmàn-bɔ̀ 1:22

nɛ̀n tán bɔ̀ n'ebɩ kɩ nɛ̀n wá bɔ́ ɛnbɔrɛ hɔ̀n lɔ mɛ̀n Ɛnhɛ́n Prɔnprɔn kè dù kɛ̀ hán anhoba-ci, anvrɛn hɔ̀n léyi nɛ̀n wá nɛ̀n hɛ́n bɔ̀ hán nɔn hɩ kruhú.

Efɛzɛ̀n anmàn-bɔ̀ 1:13

Nyɛ́n mán ɛnvra léyi nyɛ́n yá annanwɔrɛ Mɛẅi ankà Ankrankran léyi vá sɩ́ nyɛ̀n ɛnkrukɔrɛ̀ nɔn, nyɛ́n bú Krisì ankà nyɛ́n tán ankaẅì; zɛtɛn, Ɔwɔ wá nyɛ̀n n'eci-woroan-ci ɛwú, ɛnvra léyi nɛ̀n tán nyɛ̀n Ɛnhɛ́n Prɔnprɔn léyi nɛ̀n wá ɔmùan nɔn.

Efɛzɛ̀n anmàn-bɔ̀ 4:30

Nyɛ́n bɩ́ hán Ɛnhɛ́n Prɔnprɔn léyi Ɔwɔ tán nyɛ̀n nɔn ɛnhyɔ̀bɔ̀ kɛ cɔ̀a; nɛ̀n dú dalɛfùɛ-di-wrɔn léyi ke yé le ɛnbì kɛ lɛ và, Ɔwɔ kɛ lɛ mrɛ́n nyɛ̀n ɛgbàn mɛ̀n kokroho kɛ̀ sɔhɔ́.

1 Tesalonikɛ̀n anmàn-bɔ̀ 1:9

Yɔ lɔ fɛn, yɔ dɔ́ ɔmu le nyɛ́n ẅɛn bɔ̀ ɛnvra léyi bɔ̀ hɔ́n ny'anmàn mán ɔmu le nyɛ́n hán nyɛ́n tecüe antɛ̀-buri-Wɔ, hɩ nyɛ́n crɛ ezì nyɛ́n kɛ́n Ɔwɔ, ô nyɛ́n srɔ n'eci-bɩ̀tan-bɔ̀, nɛ́n léyi nɛ̀n dú Ɔwɔ kɔrɛkɔrɛ mán annanwɔrɛ nɔn.

Anhyrɛmɛ̀n timote 2:19

Ɔmu tɛ̀kɩ ɛbù-hi-nan hɔ̀n léyi Ɔwɔ wá ɛnhibɩ́ nɔn dú edùsɔ mɛ̀n. Nyàn ankà-dɔ̀ hɔ̀n léyi ye merɛ́n yɛ wá yɔ ɛwú nɔn: “Ɛẅɛnwrɔn nyri nɛ́n fɛcüè hɔ̀n”, kɩ: “Ɔwrɔn totɔtɔ̀n léyi kɛ dɔ̀ le nɛ́n dú Ɛẅɛnwrɔn tɛn nɔn, ke ji le nɛ̀n crɛ ejüi nɛ̀n sɔ́n ɛgbàn.”

Ebre-bɔ̀ 12:22

Tɛ́n nyɛ tɛn nyɛ́n sɔ̀nba Siɔn kpò mán Ɔwɔ kɔrɛkɔrɛ dúyri tɛsɛ̀n, anhobɩ́ Zherüzalɛmɛ̀n, nyɛ́n mán n'ɛkùyüre-bɔ̀ fɛcüè mɛhi.

Ɔwɔ-mɛ̀n-yrikàn 1:3

Ɛnbɔrɛbru dú ɔwrɔn léyi kɛ krɛ́ owrú ndɔ lɔ nɔn tɛn, ɛnbɔrɛbru dú anwrɔn hɔ̀n léyi ke díe Ɔwɔ-mùanwú-ankà-dɔ̀ ndɔ lɔ nukùɛ, kɩ kɛ ẅɛn eci léyi ye merɛ́n nɔn n'ankà ɛshishiemɛ̀n kɛ hɛ́n nɔn tɛn! Ɔmuhi ɛnvra léyi yɛ wá ô ɛci hɔ̀n lɔ kɛ̀ hán nɔn, kɛ́n eburiɛ.

Ɔwɔ-mɛ̀n-yrikàn 10:1

Zɛtɛn mɛ̀n vru mɛ̀n kán Ɔwɔ kùyüre-wrɔn nyantɛn tɔ̀n dú anhobɩ́ kakɛ. Nɛ̀n dú ɛnwì-gbú tɔ̀n mɛ̀n kɩ nyàngɔ̀dɛ̀n dú n'ɛnkrusɔn-ci; n'ezì ndù cá ɛnbri hɔ́ kɩ n'annan hɔ̀n ndù hán ɛbùnan-hyà hɔ́.

Ɔwɔ-mɛ̀n-yrikàn 10:4

Mɛ vá ankà léyi nɛ́n dɔ̀ nɔn e merɛ́n yri, tɛ́n mɛ̀n yá esùva tɔ̀n dú anhobɩ́ kɛ tán mɛ̀n ɛnyanmàn ndɔ lɔ: “Ɛwú kù-dì ɔbɔ̀ɛn mɛẅi ankà lɔ, kè dú v'ankà bán ankà; e bɩ́ merɛ́n nɛ̀n.”

Ɔwɔ-mɛ̀n-yrikàn 16:12

Ɔwolemɛ̀n Wɔ-kùyüre-wrɔn lɔ cüe nɛ́n grashɛ̀n lɔ Efratɛ̀n mancüe vri lɔ mɛ̀n. Mancue shí lɔ wrú, ô kɛ̀ tán ɛnnɛ̀ncüì hɔ̀n léyi dú ɛmɛẅiemɛ̀n kɛ và nɔn, ɛnlevri kè ci.

Ɔwɔ-mɛ̀n-yrikàn 5:2

Kɩ mɛ̀n kán ɛkɔrɛ̀srɔn Wɔ-kùyüre-wrɔn tɔ̀n kɛ dɔ́ esùva cüìcüìemɛ̀n le: “Antɔn de krɔn kpehɛ́n kɛ lɛ bɔyɛ ɛci-tɔn-ci hɔ̀n léyi ye bɩ yɛ tɔ́n owrú lɔ, ô kè vuru owrú lɔ nɛ́n?”

Ɔwɔ-mɛ̀n-yrikàn 8:3

Ɔwɔ-kùyüre-wrɔn nyàntɛn tɔ̀n vá nyɔn Ɔwɔ-cice-tɛbrɛ̀ tɛ̀sɛ̀n; ansíkɛ kpokpo léyi yɛ biɛ ɛci bánbán ɛwú nɔn, ɔtɔ̀n dú nɛ̀n antamɛ̀n. Yɛ tán nɛ̀n anjɔsàn bobrebe ô nɛ̀n ce eci ansikɛ tɛbrɛ̀ léyi hɛ́n ɛgbú-tòbù zìwú nɔn n'ɛwú, hɩ mán Ɔwɔ-fecüè-bɔ̀ Wɔ-sɛ̀n mɛhi.

Ɔwɔ-mɛ̀n-yrikàn 9:14

Esùva lɔ kɛ dɔ́ ɔwolemɛ̀n Wɔ-kùyüre-wrɔn léyi ɛbrɛ̀n dú antamɛ̀n nɔn le: “È teze Ɔwɔ-kùyüre-bɔ̀ anzɔ̀ léyi dú gbràka mɛ̀n nyɔn mancüè vri Efratɛ̀n tɛ̀sɛ̀n nɔn kɛ̀ hɔ̀n.”

Ɔwɔ-mɛ̀n-yrikàn 9:4

Yɛ wá tán yɔ ye bɩ́ jrɛ́ ɛfi mán, antɛ̀ mán, antɛẅì nyàntɛn mán, tɛ́n yɔ crɛ́ ezì yɔ kɛ́n anwrɔn hɔ̀n léyi ye sɩ̀ dì Ɔwɔ nrɛ̀n ezì-wú nɔn.