Ɔwɔ-mɛ̀n-yrikàn 7:17 - Ɛmɛẅi ankà ankrànkràn 2003

¹⁷ Ɔmuhi Ɔwɔ Kɔ̀kɔ̀sɛ̀-ẅì léyi nyɔn ɛgbú-tòbù wanzi nɔn, kɛ lɛ srɔ y'ɔkua-wrɔn, kɩ ke le sɩ́ yɔ ɔkɔrɛ shi-bɛ́ mùan mɛ̀n. Kɩ Ɔwɔ ke le wurɛn yɔ anvɛ-shi lɔ fɛn anvɛmɛ̀n.”

Ɔwɔ-mɛ̀n-yrikàn 7:17 Iomraidhean Croise

Matie 2:6

‘Vɛ́n Bɛtlehɛmɛ̀n, Zhüde ɛnhi wú anmàn, è sɩ̀ dù Zhüde kpɔsɔ wú lɔ, anmàn léyi kè sɩ̀ ẅɛ̀n vɔ̀nshɛ́ nɔn; ɔmuhi v'ebɩ́ lɔ mɛ̀n de ke le dù kɛ̀ srɔ ɛnhi-nɛ́n-zi léyi kɛ lɛ nyrɔn Izraɛlɛ̀n fɛcüè lɔ nɔn.’ ”

Matie 5:4

Ɛnbɔrɛbru dú anwrɔn hɔ̀n léyi dú obòto mɛ̀n, ɔmuhi yɔ lɛ cɔ́ ɛnbɔrɛ-bi-wá nɔn!

Zhan 10:11

Mɛ̀n dú annɔ̀n-kua-wrɔn ankrankran. Annɔ̀n-kua-wrɔn ankrankran lɔ, ne wú nɛ́n kɔ̀kɔ̀sɛ̀ hɔ̀n kruhú.

Zhan 10:14

Mɛ̀n dú annɔ̀n-kua-wrɔn ankrankran. Ɔmu zri léyi Dade nyri mɛ̀n nɔn, hɩ mɛ̀n mán mɛ̀n nyri Dade nɔn, ɔmu zri lɔ mɛ̀n nyri mɛ́n kɔ̀kɔ̀sɛ̀ hɔ̀n, kɩ mɛ́n kɔ̀kɔ̀sɛ̀ hɔ̀n mán nyri mɛ̀n. Kɩ me bɩ́ m'ɛwúvà mɛ tán mɛ́n kɔ̀kɔ̀sɛ̀ hɔ̀n lɔ.

Zhan 4:10

Zhezü mrɛ́n nɛ̀n ɔmùan le: “Ke dú kɛ è nyri eci léyi Ɔwɔ kɛ tán nɔn, kɩ è nyri ɔwrɔn léyi kɛ sán mɛ́n ɛnshi kè mì nɔn, vɛ́n de ɛ lɛ gɔ̀ sán nɛ̀n ɛnshi kɩ nɛ lɛ tán mɛ́n ɔkɔrɛ shi.”

Zhan 4:11

Ɛnnyɔnwrɔn lɔ kɛ dɔ́ nɛ̀n le: “Ankà-yé-wrɔn, è sɩ̀ ẅɛ̀n sonu, kɩ ovru lɔ mán vrɛ́n. Anwɔntan de ɛ lɛ hán, ô ɛ̀ cɔ́ ɔkɔrɛ shi nɛ́n?

Zhan 4:14

tɛ́n ɔwrɔn léyi ke le mi ɛnshi léyi mɛ lɛ tán nɛ̀n nɔn, ɛnshi mùanwù ke sɩ̀ vru ẅɛn nɛ̀n mrìmrì. Ɔmuhi, ɛnshi léyi mɛ lɛ tán nɛ̀n nɔn, kɛ lɛ srɔ ɛnshi-bɛ léyi ɛwúvà léyi ke sɩ̀ trɔa nɔn ke le dú nɛ̀n ɛmɛ̀n kɛ̀ gbɛ́ nɔn.”

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

1 Piɛrɛ̀n 5:2

nyɛ́n wá esùva kɛ̀ hán annɔn-kua-bɔ̀ léyi Ɔwɔ bɩ́ nɛ́n kɔ̀kɔ̀sɛ̀-kà wá antamɛ̀n nɔn, nyɛ́n wá nɛ̀n esùvá kɩ kè sɩ̀ dù kèkrèmɛ̀n, tɛ́n ɛnbɔrɛ ankrankran mɛ̀n, hán ɔmu le Ɔwɔ ke ji nɔn. Nyɛ́n hán eci ke bɩ́ dú ɔkùa jiemɛ̀n, tɛ́n ɛnbɔrɛ ankrankran mɛ̀n.

Ɔwɔ-mɛ̀n-yrikàn 14:4

Anwrɔn ndɔ hɔ̀n lɔ, kè sɩ̀ wá nbrá edomɛ̀n yɔ mán wúyɔ̀ mɛhi, yɔ dú ɛfifiemɛ̀n. Yɔ dú Ɔwɔ Kɔ̀kɔ̀sɛ̀-ẅì ɛmɛẅi ɛyri lɔ fɛn léyi nɛ hɔ̀n nɔn; yɛ mrɛ́n yɔ anwɔ̀nẅìemɛ̀n yɛ sɔhɔ́ anwrɔnẅiemɛ̀n, ô yɔ dú Ɔwɔ mán Ɔwɔ Kɔ̀kɔ̀sɛ̀-ẅì kpàkpà cice.

Ɔwɔ-mɛ̀n-yrikàn 21:22

Mɛ̀n sɩ̀ kán Ɔwɔ-cice-wɔn anmàn ndɔ lɔ mɛ̀n, ɔmuhi n'ecice-wɔn dú Ɛẅɛnwrɔn, ɛkɔrɛ̀srɔn-Wɔ lɔ, mán Ɔwɔ-Kɔ̀kɔ̀sɛ̀-ẅì mɛhi.

Ɔwɔ-mɛ̀n-yrikàn 21:23

Anmàn lɔ ke sɩ́ ji ɛnbrí mán okù, ô kɛ̀ tán nɛ̀n ɛyrikàn, ɔmuhi Ɔwɔ-ci-zrɔ lɔ kɛ gbrɛ́n ku nɛ̀n ɛwú kɩ Ɔwɔ-Kɔ̀kɔ̀sɛ̀-ẅì dú nɛ́n kɛ̀niɛn nɔn.

Ɔwɔ-mɛ̀n-yrikàn 21:4

Ne le wurɛn y'anvɛ-shi lɔ fɛn. Owù ke sɩ̀ vru dùɛ, ɛbrà ke sɩ̀ vru dùɛ, obòtò ke sɩ̀ vru dùɛ, ɛgbànkàn ke sɩ̀ vru dùɛ. Annanwɔrɛ mɛ̀n lɔ ɛnbiɛhɛ́n-ci hɔ̀n lɔ kɛ lɛ zrɛ́n.”

Ɔwɔ-mɛ̀n-yrikàn 21:6

Kɩ nɛ dɔ̀ le: “Ɔmu lɔ de ndù nɔn! Mɛ̀n dú ɛnkrubɔmɛ̀n mán ɔtrɔmɛ̀n. Ɔwrɔn léyi ɛnshi-mùanwù kɛ ẅɛ̀n nɔn, mɛ lɛ tán nɛ̀n ɛnshi ne le mi ankora ɛwúvà-shi-bɛ́ mɛ̀n.

Ɔwɔ-mɛ̀n-yrikàn 22:1

Ɔwɔ-kùyüre-wrɔn lɔ vru yé mɛ̀n ɔkɔrɛ mancüè shi lɔ, kɛ gbrɛ́n kɛ hán obù ẅì fífí hɔ́, dú Ɔwɔ mán Ɔwɔ Kɔ̀kɔ̀sɛ̀-ẅì gbú-tòbù wú kɛ trɛ̀n,

Ɔwɔ-mɛ̀n-yrikàn 4:11

“Ɛẅɛnwrɔn, b'Ɔwɔ, eci-zrɔ, ɛmrɛ́n mán ɛkɔrɛ̀srɔn dú vɛ tɛn. Ɔmuhi vɛ́n de ɛ̀ hán ɛci hɔ̀n lɔ fɛn, yɔ dú ɛwúvà mɛ̀n ɔmuhi è ji ɔmu lɔ nɔn.”

Ɔwɔ-mɛ̀n-yrikàn 5:6

Kɩ mɛ̀n kán Ɔwɔ kɔ̀kɔ̀sɛ̀ ẅì nyɔn ɛgbú-tòbù wanzi, ɛci kɔrɛkɔrɛ anzɔ̀ hɔ̀n lɔ mán ɛcüìcüì-bɔ̀ gbrɛnkɛ́n nɛ̀n ɔmùan. Nɛ̀n cá eci léyi ye wi esùva nɔn. Nɛ̀n ẅɛn ɛtrù ɔbɔ̀ɛn mán anvɛ̀ ɔbɔ̀ɛn léyi dú Ɔwɔ hɛ́n ɔbɔ̀ɛn léyi yɛ hán dú ɛnhibù mumù lɔ fɛn wú và nɔn.