Ɔwɔ-mɛ̀n-yrikàn 7:16 - Ɛmɛẅi ankà ankrànkràn 2003

¹⁶ Ɛcizî mán ɛnshi mùanwù ke sɩ̀ vru ẅɛn yɔ mrìmrì; ɛnbri mán ke sɩ̀ ẅɛn yɔ, kɩ ɛyriyì vri zriɛmɛ́n ke sɩ̀ vru murɛn yɔa.

Ɔwɔ-mɛ̀n-yrikàn 7:16 Iomraidhean Croise

Matie 13:21

Tɛ́n yɔ sɩ́ teze nɛ̀n nɛ́n di annyràn y'ɛnbɔrɛ lɔ mɛ̀n, yɔ ẅɛn nɛ̀n yɔ hɛ́n ɛnvra cá mɛ̀n. Kɩ zɛtɛn, ɛnvra léyi ɛgbànkàn mán ejüezì kɛ vá Ɔwɔ-ankà-dɔ̀ kruhú nɔn, yɔ teze ɛnvra zri lɔ y'ankàẅì-bùtan lɔ.

Matie 13:6

Ɛnvra léyi ɛnbri vá ɛwú nɔn, ɛnbri hán ɛci hɔ̀n lɔ wrú, ɔmuhi annyràn ke sɩ̀ ẅɛ̀n yɔ ecüì nɔn.

Matie 5:6

Ɛnbɔrɛbru dú anwrɔn léyi Ɔwɔ kɔrɛ̀zì-ci-hán ke wrú ɛnhyà y'ɛnbɔrɛ lɔ mɛ̀n, ɔmuhi Ɔwɔ kɛ lɛ wá y'ɛnbɔrɛ lɔ mɛ̀n, n'ɛkɔrɛ̀zì-ci-hán ndɔ lɔ kokrohô nɔn!

Markɛ̀n 4:17

Tɛ́n yɔ sɩ́ teze ankà-dɔ̀ lɔ ke di annyràn; yɔ ẅɛn nɛ̀n yɔ hɛ́n ɛnvra cá. Kɩ zɛtɛn ɛnvra léyi ɛgbànkàn mán ejüezì kɛ srɔ́n yɔ ɛsù Ɔwɔ-ankà-dɔ̀ kruhú nɔn, yɔ teze y'ankàẅì-bùtan lɔ.

Markɛ̀n 4:6

Ɛnvra léyi ɛnbri vá ɛwú nɔn, ɛnbri wrú ɛci hɔ̀n léyi dì nɔn, ɔmuhi annyràn ke sɩ̀ ẅɛ̀n yɔ ecüì nɔn.

Lükɛ̀n 1:53

Nɛ̀n tán ɔmuanwú-bɔ̀ eci bobrebe, kɩ nɛ̀n srɔ ɛnnɛ̀ncüì hɔ̀n ɛmian-bɔ̀.

Lükɛ̀n 6:21

Ɛnbɔrɛbru dú nyɛ tɛn, nyɛ́n léyi nyɛ́n dú ɔmùanwuemɛ̀n zɛtɛ̀ lɔ, ɔmuhi nyɛ lɛ cɔ́ ɛci bobrebe nye le zî nɔn! Ɛnbɔrɛbru dú nyɛ tɛn, nyɛ́n léyi nyɛ́n dú eyúwùemɛ̀n zɛtɛ̀ lɔ, ɔmuhi nye le dú ɛnhyürɛ̀-yürɛ̀ mɛ̀n nɔn!

Zhan 4:14

tɛ́n ɔwrɔn léyi ke le mi ɛnshi léyi mɛ lɛ tán nɛ̀n nɔn, ɛnshi mùanwù ke sɩ̀ vru ẅɛn nɛ̀n mrìmrì. Ɔmuhi, ɛnshi léyi mɛ lɛ tán nɛ̀n nɔn, kɛ lɛ srɔ ɛnshi-bɛ léyi ɛwúvà léyi ke sɩ̀ trɔa nɔn ke le dú nɛ̀n ɛmɛ̀n kɛ̀ gbɛ́ nɔn.”

Zhakɛ̀n 1:11

Ɛnbri kɛ vá ɛwú kɩ n'ɛyri-yì, kɛ hán ɛtɛ̀ ke wrú; n'anhyrà kɛ kɔ́ bore, kɩ n'efì lɔ kɛ trɔ. Ɔmu zri lɔ, ɛnnɛ̀ncüì mán kɛ lɛ zrɛ́n n'ɔkɔ̀hɔ̀n-hán wanzi.

Ɔwɔ-mɛ̀n-yrikàn 21:4

Ne le wurɛn y'anvɛ-shi lɔ fɛn. Owù ke sɩ̀ vru dùɛ, ɛbrà ke sɩ̀ vru dùɛ, obòtò ke sɩ̀ vru dùɛ, ɛgbànkàn ke sɩ̀ vru dùɛ. Annanwɔrɛ mɛ̀n lɔ ɛnbiɛhɛ́n-ci hɔ̀n lɔ kɛ lɛ zrɛ́n.”