Ɔwɔ-mɛ̀n-yrikàn 7:15 - Ɛmɛẅi ankà ankrànkràn 2003

¹⁵ Hɩ le kruhú de yɔ nyɔn Ɔwɔ gbú-tòbù zìwú kɩ yɔ sɛ́n nɛ̀n ɛnnyran mán ɛcɛ̀n, n'ecice wɔn lɔ mɛ̀n. Ɔwrɔn léyi yɛ́ ɛgbútòbù wú nɔn, kɛ lɛ wá yɔ esùva.

Ɔwɔ-mɛ̀n-yrikàn 7:15 Iomraidhean Croise

Zhan 1:14

Ɔwrɔn léyi dú ankà-dɔ̀ nɔn srɔ ɔwrɔnẅì kɩ vá dú bɔ̀ ɛmɛ̀n, nboafɔ̀n mán annanwɔrɛ yɩ́ nɛ̀n ɛmɛ̀n. Bɔ̀ kán n'eci-zrɔ, eci-zrɔ léyi Ɛnẅì zri kpokpo kɛ cɔ́ nɛ́n zi yri nɔn.

1 Korɛntɛ̀n anmàn-bɔ̀ 3:16

Annanwɔrɛ mɛ̀n lɔ nyɛ́n nyri ɔmu le nyɛ́n dú Ɔwɔ wɔn, kɩ Ɔwɔ Hɛ́n dú nyɛ̀n ɛmɛ̀n.

2 Korɛntɛ̀n anmàn-bɔ̀ 6:16

Ɔmùan-krɔn tán de ke le dú Ɔwɔ-cice-wɔn mán antɛ̀-buri-Wɔ wɔn angranmɛ̀n nɛ́n? Ɔmuhi bɔ́ dùku bɔ̀ dú Ɔwɔ kɔrɛkɔrɛ lɔ n'ecice-wɔn, hán ɔmu le Ɔwɔ dùku dɔ̀ nɔn: “Me le dú yɔ ɛmɛ̀n, kɩ yɔ mɛhi bɔ́ lɛ nán esù, me le dú y'Ɔwɔ kɩ yɔ le dú mɛ́n fɛcüè.”

Ebre-bɔ̀ 12:2

Bɔ̀ crɛ anvɛ̀ bɔ̀ kɛ́n Zhezü, nɛ́n léyi b'ankaẅìbùtan kɛ crɛ nyan nɛ̀n, ɛnkrubɔmɛ̀n hàn mán ɔtrɔmɛ̀n nɔn. Nɛ́n shrì nɛ̀n wú ɛgbàn-hán-tɛ̀ wú, kɩ anvɛvrà wù ndɔ lɔ, nɛ̀n sɩ̀ mrɛ̀n yi ankà zriɛmɛ́n, ɔmuhi nɛ̀n kán pɔpüɛ̀ léyi yɛ wá yɛ hɛ́n nɛ̀n hàn nɔn; kɩ zɛtɛ̀ lɔ nɛ̀n yɛ́ Ɔwɔ-gbútòbù lɔ n'ezìkɔrɛ̀ kɔrɛ̀a.

Ebre-bɔ̀ 8:1

Nyàn ankà krugbɔ́ léyi bɔ́ ẅɛ̀n bɔ lɛ dɔ̀ nɔn: Ɔwɔ cice-wrɔn cüìcüì tɔ̀n ɔmu lɔ de bɔ́ ẅɛ̀n, nɛ́n léyi nɛ̀n yɛ́ anhobɩ́ ɛkɔrɛ̀srɔn-vri-Wɔ gbú-tobù zì-kɔrɛ̀a nɔn.

Ɔwɔ-mɛ̀n-yrikàn 11:19

Zɛtɛn, anhobɩ́-cice-wɔn lɔ gbɛ́ ɔmùan, kɩ mìrɛ̀n lakà lɔ srɔ́. Ɛyri kpɛ́n ɛnhyà, yɛ yá esùva hɔ̀n, kù-dì, ɛwú di nkù, ɛnhi jɔkɔ̀ kɩ ɛnshi vri tɔ̀n nnàn.

Ɔwɔ-mɛ̀n-yrikàn 13:6

Nɛ̀n bukru nɛ dɔ́ Ɔwɔ ankà-gbàn, nɛ wora Ɔwɔ bi mán n'edúyri, mán anwrɔn hɔ̀n léyi, yɔ mɛhi yɛ sɔ́n ebɩ́ anhobɩ́ nɔn.

Ɔwɔ-mɛ̀n-yrikàn 20:10

Zɛtɛn anwa-wrɔn léyi kɛ frɛ́n yɔ nɔn, yɛ kɔ́n nɛ̀n di ɛnhyà-ẅì nɛ́nbà lɔ mɛ̀n, ɛyri léyi ɔnɔ̀n lɔ mán ɛyɔ̀n-wɔ-mùan-wú-ankà-dɔ́-wrɔn lɔ gɔ́ dù nɔn. Yɔ le dú nanvrɛn ejüediemɛ̀n ɛnnyran mán ɛcɛ̀n ɛnvra lɔ fɛn.

Ɔwɔ-mɛ̀n-yrikàn 21:22

Mɛ̀n sɩ̀ kán Ɔwɔ-cice-wɔn anmàn ndɔ lɔ mɛ̀n, ɔmuhi n'ecice-wɔn dú Ɛẅɛnwrɔn, ɛkɔrɛ̀srɔn-Wɔ lɔ, mán Ɔwɔ-Kɔ̀kɔ̀sɛ̀-ẅì mɛhi.

Ɔwɔ-mɛ̀n-yrikàn 22:3

Ɔwɔ-ẅiɛ̀-dà ke sɩ̀ vru dú eci zriɛmɛ́n wúɛ. Ɔwɔ mán Ɔwɔ-Kɔ̀kɔ̀sɛ̀-ẅì gbú-tòbù ke le dú anmàn lɔ mɛ̀n, kɩ Ɔwɔ-ci-bɩtan-bɔ̀ ke le cüe nɛ̀n ankɔrɛ̀ ezìwúɛ.

Ɔwɔ-mɛ̀n-yrikàn 22:5

Ɛnnyran ke sɩ̀ vru dùɛ, kɩ ye sɩ̀ vru ji kɛ̀níɛn mán ɛnbrí yrikàn, ɔmuhi Ɛẅɛnwrɔn Ɔwɔ kɛ lɛ tán yɔ n'ɛyri-kàn, kɩ yɔ lɛ ẅɛn ɛyri ɛnvra lɔ fɛn nɔn.

Ɔwɔ-mɛ̀n-yrikàn 4:4

Ɛgbú-tòbù lɔ dòmɛ̀n, ɛgbú-tòbù ɛẅia anzɔ̀ nyantɛn hɔ̀n ndù, y'ɛwú lɔ ɛcüìcüì-bɔ̀ ɛẅia anzɔ̀ cɔ́ ɛceci wosú yɛ́, kɩ ansikɛ krusɔn-ci dú yɔ ɛnkru.

Ɔwɔ-mɛ̀n-yrikàn 4:8

Ɛci kɔrɛkɔrɛ anzɔ̀ lɔ, ɔwrɔnwrɔn ẅɛn ɛtùvàkɔrɛ̀ ɔwole, anvɛ̀ dú ɛwú mán anhɛ̀. Yɔ dú ɛcɔ̀-krɛmɛ̀n ɛnvra lɔ fɛn, ɛnnyran mán ɛcɛ̀n: “Prɔnprɔn, prɔnprɔn, prɔnprɔn dú Ɛẅɛnwrɔn, ɛkɔrɛ̀srɔn Wɔ, nɛ́n léyi nɛ́n go dù, nɛ́n dù kɩ nɛ và nɔn.”

Ɔwɔ-mɛ̀n-yrikàn 4:9

Ɛnvra totɔtɔ̀n léyi ɛci kɔrɛkɔrɛ hɔ̀n anzɔ̀ lɔ kɛ krɛ́ ɛcɔ̀, kɛ zrɔ eci, kɛ mrɛ́n, ô kɛ̀ tán ɔwrɔn léyi yɛ́ Ɛgbú-tòbù wú ɔkùɛn nɔn, Ɔwrɔn léyi dú ɛwúvà mɛ̀n ɛnvra lɔ fɛn nɔn,

Ɔwɔ-mɛ̀n-yrikàn 7:9

Eci ndɔ lɔ n'ɛmɛẅi lɔ, mɛ̀n vru mɛ̀n nyan kɩ mɛ̀n kán anwrɔn fɛcüè vri léyi ɔwrɔn zriɛmɛ́n ke sɩ̀ krɛ̀ rɔ́ nɔn. Yɔ dú ɛnhi wú anmàn lɔ fɛn, ɔkpɔsɔ lɔ fɛn, fɛcüè lɔ fɛn mán ɛnbrɛ̀ lɔ fɛn bɔ̀. Yɔ nyɔn ɛgbú-tòbù mán Ɔwɔ Kɔ̀kɔ̀sɛ̀-ẅì zìwú, yɔ cɔ́ ɛceci she wosù kɩ ɛnnangbànkɔrɛ̀ dú yɔ ɛmàn mɛ̀n.