Ɔwɔ-mɛ̀n-yrikàn 7:14 - Ɛmɛẅi ankà ankrànkràn 2003

¹⁴ Mɛ̀n mrɛ́n nɛ̀n ɔmùan le: “Vɛ́n de e nyrì nɔn m'ɛẅɛnwrɔn.” Zɛtɛn nɛ dɔ́ mɛ̀n le: “Yɔ dú anwrɔn hɔ̀n léyi ci ɛgbànkàn vriemɛ̀n. Yɔ jru y'ɛceci she hɔ̀n lɔ kɩ yɔ srɔ yɔ ɛwosu Ɔwɔ Kɔ̀kɔ̀sɛ̀-ẅì krɛ̀ lɔ mɛ̀n.

Ɔwɔ-mɛ̀n-yrikàn 7:14 Iomraidhean Croise

Matie 24:21

Ɔmuhi, hɩ vra lɔ, muzhie gbànkàn ke le dù ke le sevri kɛ lɛ vrán yɔ hɔ̀n léyi yɛ kán ɛnhibù krubɔmɛ̀n hàn kɩ cɔ́ zɛtɛ̀, kɩ ɛnyàntɛn ke sɩ̀ vru krɔn nɛ̀n mrìmrì.

Markɛ̀n 13:19

Ɔmuhi hɩ vra lɔ, ɛgbànkàn ke le sevri kɛ lɛ vrán ɛgbànkàn hɔ̀n lɔ fɛn léyi bɔ́ gɔ̀ hɛ́ ezì bɔ́ kàn, ɛnvra léyi Ɔwɔ hán ɛnhibù hàn kɩ cɔ́ zɛtɛ̀ lɔ, kɩ ɛgbànkàn zriɛmɛ́n ke sɩ̀ vru dù kɛ̀ krɔn nɛ̀n mrìmrì.

Zhan 16:33

Mɛ̀n dɔ́ nyɛ̀n ankà ndɔ lɔ fɛn, ô nyɛ́n cɔ́ anwɔwɔ nyɛ́n mɛhi b'ɔbɔ̀sɔ̀ lɔ mɛ̀n. Nyɛ lɛ kán ɛgbàn ɛnhibù wú. Tɛ́n edù kè yɩ́ nyɛ̀n! Mɛ́n kɔ̀n ká ɛnhibù!”

Ɔkɔ̀hɔ̀n-wá-bɔ̀ kɔ̀hɔ̀n hán 14:22

Yɔ tán ankaẅì-bùtan-ẅɛn-bɔ̀ ɛnbɔrɛ sɔ́, yɔ tán yɔ edùyì ankaẅì-bùtan-ẅɛn mɛ̀n. Kɩ yɔ dɔ́ yɔ le: “Ke ji le bɔ̀ kán ɛgbàn bobrebe, ô bɔ̀ bru Anhobɩ́ nɛ̀ncüì-dúyri.”

Rɔmɛ̀n-anmàn-bɔ̀ 5:3

Hɩ le zrɔ dú ɛmɛ̀n nɔn, bɔ́ brá pɔpüɛ̀ bɔ́ ɛgbànkàn hɔ̀n lɔ mɛ̀n, ɔmuhi bɔ́ nyrì le ɛgbànkàn kɛ tán ɛnbɔrɛ-ẅɛ̀n-hɛ́n,

1 Korɛntɛ̀n anmàn-bɔ̀ 6:11

Nyàn eci léyi dú anwrɔn janbɔ̀ ny'ɛmɛ̀n lɔ nɔn. Tɛ́n ye fi nyɛ̀n edomɛ̀n, ye bɩ́ nyɛ̀n yɛ srɔ Ɔwɔ tɛn, yɛ srɔ nyɛ̀n ɛnnyrɔnnan-bɔ̀ Ɔwɔ zìwú, Ɛẅɛnwrɔn Zhezü Krisì bɩmɛ̀n mán b'Ɔwɔ Hɛ́n mɛ̀n.

2 Tesalonikɛ̀n anmàn-bɔ̀ 1:4

Hɩ le kruhú de bɔ́ dɔ́ ny'ankà ɔmùan-gbuemɛ̀n Ɔwɔ-fɛcüè hɔ̀n lɔ mɛ̀n, ɔmuhi nyɛ ẅɛn nɛ̀n ɛshishiemɛ̀n ankaẅì-bùtan mɛ̀n, kɩ ɛgbànkàn mán obòtò hɔ̀n léyi nyɛ srɔ́n ɛsù nɔn ke sɩ́ ẅɛn nyɛ̀n kɛ hɛ́n hán.

Ebre-bɔ̀ 13:12

Hɩ le kruhú de Zhezü mán wú anmàn mɛẅi, ô nɛ̀n fi fɛcüè edomɛ̀n nɛ́n dùku n'ɛnkrɛ̀ lɔ mɛ̀n.

Ebre-bɔ̀ 9:14

Ke dú ɔmu lɔ de ndù nɔn hô, andɛ̀n ɛ̀bɛ́ de Krisì krɛ̀ lɔ kɛ lɛ ẅɛn vɔnshɛ́! Ɛnhɛ́n léyi kè sɩ̀ ẅɛ̀n ɔtrɔ nɔn, n'ecüiemɛ̀n de nɛ̀n bɩ́ nɛ́n dùku n'edomɛ̀n nɛ̀n ce Ɔwɔ, dú nmù sà cice. N'ɛnkrɛ̀ ke le fi bɔ́ wàwúyɛ lɔ n'ɛci-hán gbàngbàn hɔ̀n lɔ mɛ̀n, ô Ɔwɔ kɔrɛkɔrɛ lɔ, bɔ́ dú n'eci-bɩ̀tan-bɔ̀.

1 Piɛrɛ̀n 1:19

de ye bɩ ye srú nyɛ̀n ɛgbàn mɛ̀n nɔn; hɔ̂, Krisì krɛ̀ prɔnprɔn lɔ n'ɛmɛ̀n de ye ce eci dú cá kɔ̀kɔ̀sɛ-ẅì léyi eci-fɔn mán nbrá bàdà edomɛ̀n nɔn.

1 Zhan 1:7

Tɛ́n ke dú kɛ bɔ̀ dú ɛwúvà-yrikàn mɛ̀n, hán Ɔwɔ mumù léyi dú ɛyrikàn mɛ̀n nɔn, zɛtɛn ɔmu lɔ bó dú ɔbɔ̀sɔ mɛ̀n bɔ́ mán bɔ́ nyran hɔ̀n mɛhi, kɩ n'Ɛnẅì Zhezü krɛ̀ lɔ, ke jru bɔ̀ ɛgbàn lɔ fɛn edomɛ̀n.

Ɔwɔ-mɛ̀n-yrikàn 1:5

kè dú Zhezü Krisì léyi dú ɔmùan-zri dì dalɛfuɛ-wrɔn, ezì-hɛ́ ẅì, kpàpkà-wrɔn léyi ye bɩ́ owú-bɔ̀ mɛ̀n ye sɩ́ ɔkɔrɛ-bɔ̀ mɛ̀n nɔn, mán ɛnhibù wú nɛ̀ncüì hɔ̀n nɛ̀ncüì, yri kɛ̀ và cɔ́ nyɛ̀n. Krisì kɛ cüɛn bɔ̀, kɩ n'eci ce mɛ̀n lɔ, nɛ̀n mrɛ́n bɔ̀ ɛgbàn mɛ̀n nɛ̀n sɔhɔ́,

Ɔwɔ-mɛ̀n-yrikàn 12:11

Bo muanẅì hɔ̀n kɔ́nká nɛ̀n Ɔwɔ Kɔ̀kɔ̀sɛ̀-ẅì krɛ̀ kɔrɛ̀levriemɛ̀n, mán ankà léyi yɔ di dalɛfuɛ n'ɛwú nɔn n'ɛmɛ̀n; yɔ sɩ̀ bàn y'ɛwúvà lɔ, yɔ krɔn kpehɛ́n, ô yɔ wù.

Ɔwɔ-mɛ̀n-yrikàn 15:2

Zɛtɛn mɛ̀n kán eci cá ecüe léyi ɛmɛ̀n bí hán zɛnci hɔ́, ɛnhyà dú nɛ̀n ɛmɛ̀n. Anwrɔn hɔ̀n lɔ fɛn léyi kɔ́nká ɔnɔ̀n lɔ, nɛ́n picɛ̀ mán eci-krɛ̀ léyi dú n'ebi lɔ wú nɔn, nyɔn ɛwú, ecüe zɛnci ndɔ lɔ wú. Anhɛ́ mràn léyi Ɔwɔ tán yɔ nɔn, dú yɔ antamɛ̀n.

Ɔwɔ-mɛ̀n-yrikàn 17:6

Mɛ̀n nyri ɔmu le ɛnnyɔnwrɔn ndɔ lɔ Ɔwɔ-fɛcüè mán anwrɔn hɔ̀n léyi ye wri y'ɔmùan-zri-dì Zhezü kruhú nɔn, yɔ krɛ̀ tàn kɛ kɔ́n nɛ̀n. Ɛnvra léyi mɛ̀n kán nɛ̀n nɔn, mɛ̀n dú anvɛmɛ̀n-frɛ́n vriemɛ̀n.

Ɔwɔ-mɛ̀n-yrikàn 2:9

Mɛ̀n nyri v'ejüedì mán v'ɛmiàn; tɛ́n annanwɔrɛ mɛ̀n lɔ, è di ɛnnɛ̀ncüì! Mɛ̀n nyri ankà gbàn léyi anwrɔn hɔ̀n léyi ke bú y'edomɛ̀n kɛ hán Zhüifɛ̀n-bɔ̀ hɔ́ hɩ kɛ dɔ́ tán mɛ́n nɔn, tɛ́n yɔ sɩ̀ dù Zhüifɛ̀n-bɔ̀: yɔ dú Anwa-wrɔn-fɛcüè tɔ̀n!

Ɔwɔ-mɛ̀n-yrikàn 22:14

Ɛnbɔrɛbru dú anwrɔn hɔ̀n léyi ke jru y'ɛceci hɔ̀n lɔ, kɩ ẅɛn ɛkɔrɛ̀levri ke le zî ɔkɔrɛ-tɛ̀ tɛ̀-ẅì hɔ̀n lɔ, ô kè ci ɛsù-gbàtà hɔ̀n mɛ̀n ke bru anmàn.

Ɔwɔ-mɛ̀n-yrikàn 5:9

Yɔ krɛ́ ɛcɔ̀ wrù tɔ̀n: “Ɛ̀krɔn kpehɛ́n e le bɩ́ owrú lɔ, kɩ ɛ lɛ bɔyɛ n'ɛci-tɔn-ci hɔ̀n lɔ. Ɔmuhi ye dí mɛ́n owuemɛ̀n, kɩ v'ɛgbànkàn cice lɔ mɛ̀n, è bɩ́ ɛmɛ̀n mɛ̀ntɛ mɛ̀ntɛ bɔ̀, fɛcüè mɛ̀ntɛ mɛ̀ntɛ bɔ̀ mán ɛnhi wú anmàn mɛ̀ntɛ mɛntɛ bɔ̀, ɛ và sɩ́ Ɔwɔ.

Ɔwɔ-mɛ̀n-yrikàn 7:9

Eci ndɔ lɔ n'ɛmɛẅi lɔ, mɛ̀n vru mɛ̀n nyan kɩ mɛ̀n kán anwrɔn fɛcüè vri léyi ɔwrɔn zriɛmɛ́n ke sɩ̀ krɛ̀ rɔ́ nɔn. Yɔ dú ɛnhi wú anmàn lɔ fɛn, ɔkpɔsɔ lɔ fɛn, fɛcüè lɔ fɛn mán ɛnbrɛ̀ lɔ fɛn bɔ̀. Yɔ nyɔn ɛgbú-tòbù mán Ɔwɔ Kɔ̀kɔ̀sɛ̀-ẅì zìwú, yɔ cɔ́ ɛceci she wosù kɩ ɛnnangbànkɔrɛ̀ dú yɔ ɛmàn mɛ̀n.