Ɔwɔ-mɛ̀n-yrikàn 7:10 - Ɛmɛẅi ankà ankrànkràn 2003

¹⁰ Yɔ di bobo ecüiemɛ̀n le: “Ɛnkrukɔrɛ̀ dú b'Ɔwɔ yri và, nɛ́n léyi nɛ̀n yɛ́ ɛgbú-tòbù wú nɛ́n mán Ɔwɔ Kɔ̀kɔ̀sɛ̀-ẅì mɛhi!”

Ɔwɔ-mɛ̀n-yrikàn 7:10 Iomraidhean Croise

Lükɛ̀n 3:6

Kɩ anwrɔn lɔ fɛn kɛ lɛ kán ɛnkrukɔrɛ̀ léyi Ɔwɔ tán bɔ̀ nɔn.”

Zhan 1:29

Ɛnvra léyi ɛcɛ̀n cüe nɔn, Zhan kán Zhezü, jí nɛ̀n nvà kɩ nɛ dɔ̀ le: “Nyàn Ɔwɔ Kɔ̀kɔ̀sɛ̀-ẅì léyi kɛ gbú ɛnhibù gbàn lɔ sɔhɔ́ nɔn.

Zhan 1:36

Ɛnvra leyi nɛ̀n kán Zhezü ndù ke cì nɔn, nɛ dɔ̀ le: “Nyàn Ɔwɔ Kɔ̀kɔ̀sɛ̀-ẅì!”

Zhan 4:22

Nyɛ́n Samari-bɔ̀, nyɛ́n sɩ̀ nyrì eci léyi nyɛ sɛ̀n nɔn; bɔ́, Zhüifɛ̀n-bɔ̀, bɔ̀ nyri eci léyi bɔ́ sɛ̀n nɔn, ɔmuhi ɛnkrukɔrɛ̀ dú Zhüifɛ̀n-bɔ̀ yri và nɔn.

Efɛzɛ̀n anmàn-bɔ̀ 2:8

Ɔmuhi Ɔwɔ boafɔ̀n mɛ̀n de nyɛ́n cɔ́ ebɩ̀die ankaẅì-bùtan-ẅɛn mɛ̀n nɔn. Ɛnkrukɔrɛ̀ ndɔ lɔ, kè sɩ̀ dù ny'eyri kɛ̀ và, nɛ̀n dú Ɔwɔ cice tɔ̀n;

Ɔwɔ-mɛ̀n-yrikàn 12:10

Zɛtɛn mɛ̀n yá esùva cüìcüì tɔ̀n dú anhobɩ́ kɛ dɔ̀ le: “Zɛtɛ̀ lɔ ɛnkrukɔrɛ̀ vra ncɔ̀a! Zɛtɛ̀ lɔ b'Ɔwɔ lɔ yé n'ɛkɔrɛ̀srɔn mán n'ɛyri-ẅɛ̀n! Zɛtɛ̀ lɔ ɛkɔrɛlevri dú n'Ebɩdie-wrɔn antamɛ̀n. Ɔmuhi ye dú anhobɩ́ yɛ kɔ́n nɛ̀n ze, nɛ́n léyi nɛ ẅɛn ɛyɔ̀n tán bɔ́ muan-ẅì hɔ̀n, ɛnnyran mán ɛcɛ̀n b'Ɔwɔ zìwú nɔn.

Ɔwɔ-mɛ̀n-yrikàn 19:1

Ndɔ lɔ n'ɛmɛẅi, mɛ̀n yá esùva cüìcüì tɔ̀n dú anhobɩ́ cá fɛcüè bobrebe hɔ̀n sùva; nɛ dɔ̀ le: “Aleluyà! Nyɛ́n mrɛ́n Ɛẅɛnwrɔn! Ɛnkrukɔrɛ̀, eci-zrɔ mán ɛkɔrɛ̀srɔn dú b'Ɔwɔ tɛ́n!

Ɔwɔ-mɛ̀n-yrikàn 21:5

Zɛtɛn ɔwrɔn léyi yɛ́ ɛgbú-tòbù wú nɔn kɛ dɔ̀ le: “Zɛtɛ̀ lɔ mɛ hán ecì hɔ̀n lɔ fɛn owrù.” Zɛtɛn nɛ dɔ́ mɛ̀n le: “È merɛ́n ndɔ lɔ, ɔmuhi m'ɔmùan-ankà-dɔ̀ hɔ̀n dú annanwɔrɛ kɩ ẅɛn esɛ́ nɔn.”

Ɔwɔ-mɛ̀n-yrikàn 22:3

Ɔwɔ-ẅiɛ̀-dà ke sɩ̀ vru dú eci zriɛmɛ́n wúɛ. Ɔwɔ mán Ɔwɔ-Kɔ̀kɔ̀sɛ̀-ẅì gbú-tòbù ke le dú anmàn lɔ mɛ̀n, kɩ Ɔwɔ-ci-bɩtan-bɔ̀ ke le cüe nɛ̀n ankɔrɛ̀ ezìwúɛ.

Ɔwɔ-mɛ̀n-yrikàn 4:6

Ɛgbú-tòbù zìwú lɔ eci tɔ̀n ndù cá ecüe léyi hán zɛnci hɔ́ kɩ vru bi cehɛ́n hán obùẅì ankrànkràn hɔ́. Awanzi, ɛgbú-tòbù dòmɛ̀n lɔ, ɛci kɔrɛkɔrɛ anzɔ̀ nyɔn, anvɛ̀ dú yɔ ezì mán ɛmɛẅi.

Ɔwɔ-mɛ̀n-yrikàn 5:7

Ɔwɔ kɔ̀kɔ̀sɛ̀ ẅì lɔ sɔnba ezì kɩ bɩ́ owru léyi dú ɔwrɔn léyi yɛ́ ɛgbú-tòbù wú nɔn, n'ezì-kɔrɛ̀-màn mɛ̀n.