Ɔwɔ-mɛ̀n-yrikàn 6:4 - Ɛmɛẅi ankà ankrànkràn 2003

⁴ Zɛtɛn kpangɔ nyantɛn tɔ̀n sɔ́n vá esì, nɛ̀n di edùwru wɔnsɛn. Ɔwrɔn léyi yɛ́ nɛ̀n ɛwú nɔn, cɔ́ ɛkɔrɛ̀srɔn kɛ̀ kɛ́n anwɔwɔ lɔ fɛn ɛnhi wú kɛ̀ sɔhɔ́, ô anwrɔnẅì ke wri y'edomɛ̀n. Yɛ tán nɛ̀n anhà-kɔ́n-nyan she tɔ̀n.

Ɔwɔ-mɛ̀n-yrikàn 6:4 Iomraidhean Croise

Matie 10:34

“Nyɛ́n bɩ́ tro le mɛ́n và, ô mɛ̀n sɩ́ anwɔwɔ ɛnhibù wú, mɛ̀n sɩ̀ sɩ̀ anwɔwɔ, tɛ́n anhà-kɔ̀n.

Matie 24:6

Nyɛ lɛ yá anhà-kɔ́n bobo ɛtɛ̀sɛ̀n mán esù-she anhà-kɔ̀n mɛẅi ankà; nyɛ́n bɩ́ tán ɛnjansù kɛ ẅɛn nyɛ̀n: ke ji le ndɔ lɔ kɛ hán, tɛ́n ke sɩ̀ dù ɛnhibù trɔ vra.

Zhan 19:11

Zhezü mrɛ́n nɛ̀n ɔmùan le: “È sɩ̀ ẅɛ̀n ɛkɔrɛ̀srɔn zriɛmɛ́n m'ɛwú, ke dú kɛ kè sì dù hɩ le Ɔwɔ tán mɛ́n nɔn. Hɩ le kruhú de ɔwrɔn léyi ẅɛn mɛ̀n tán mɛ́n nɔn dú ɛgbàn mɛ̀n vrán vɛ́n.”

Ɔwɔ-mɛ̀n-yrikàn 12:3

Eci-woroanci nyàntɛn tɔ̀n srɔ anhobɩ́: anwàn-lɛ̀brì wɔnsɛn vri tɔ̀n di ɛnkru ɔbɔ̀ɛn kɩ ɛtrù ɛvà mán ɛnkrusɔn-ci dú n'ɛnkru hɔ̀n ɔbɔ̀ɛn lɔ wú.

Ɔwɔ-mɛ̀n-yrikàn 13:10

Ɔwrɔn léyi yɛ wá le ne le dú anwɔn-mɛ̀n-wá-wɔn mɛ̀n nɔn, kɛ zrɔ, nɛ lɛ hɔ́n anwɔn-mɛ̀n-wá-wɔn mɛ̀n; ɔwrɔn léyi yɛ wá le ne le wú anhà-kɔ́n-nyan she mɛ̀n nɔn, kɛ zrɔ, ne le wú anhà-kɔ́n-nyan she mɛ̀n. Nyàn hɩ le kruhú de ke ji le Ɔwɔ fɛcüè kɛ̀ ẅɛn ɛnbɔrɛ kɛ̀ hɛ́n, ô kè dú ankàẅìbùtan-ẅɛn mɛ̀n.”

Ɔwɔ-mɛ̀n-yrikàn 17:3

Ɛnhɛ́n bru mɛ̀n edù kɩ Ɔwɔ-kùyüre-wrɔn lɔ bɩ́ mɛ̀n sɩ́ ɛnnùwì tɔ̀n wú. Nanvrɛn lɔ, mɛ̀n kán ɛnnyɔnwrɔn tɔ̀n yɛ́ ɔnɔ̀n wɔnsɛn vàà tɔ̀n wú, n'edomɛ̀n lɔ ye merɛ́n Ɔwɔ bɩ́ wora bobrebe; ɔnɔ̀n ndɔ lɔ di ɛnkru ɔbɔ̀ɛn mán ɛtrù ɛvà.

Ɔwɔ-mɛ̀n-yrikàn 17:6

Mɛ̀n nyri ɔmu le ɛnnyɔnwrɔn ndɔ lɔ Ɔwɔ-fɛcüè mán anwrɔn hɔ̀n léyi ye wri y'ɔmùan-zri-dì Zhezü kruhú nɔn, yɔ krɛ̀ tàn kɛ kɔ́n nɛ̀n. Ɛnvra léyi mɛ̀n kán nɛ̀n nɔn, mɛ̀n dú anvɛmɛ̀n-frɛ́n vriemɛ̀n.