Ɔwɔ-mɛ̀n-yrikàn 6:2 - Ɛmɛẅi ankà ankrànkràn 2003

² Mɛ̀n nyan kɩ mɛ̀n kán kpàngɔ wosu tɔ̀n. Ɔwrɔn léyi yɛ́ kpàngɔ lɔ wú nɔn, anlɛbɛn tɔ̀n dú nɛ̀n antamɛ̀n kɩ yɛ tán nɛ̀n ɛnkrusɔn-cì tɔ̀n. Nɛ̀n hɔ́n ɛkɔ̀nká mɛ̀n, ô nɛ̀n vru nɛ̀n kɔ̀nkà.

Ɔwɔ-mɛ̀n-yrikàn 6:2 Iomraidhean Croise

Matie 28:18

Zhezü sɔnba yɔ ɛtɛ̀sɛ̀n kɩ kɛ dɔ́ yɔ le: “Yɛ tán mɛ̀n ɛkɔrɛ̀srɔn lɔ fɛn anhobɩ́ mán ɛnhi wú.

1 Korɛntɛ̀n anmàn-bɔ̀ 15:25

Ɔmuhi ke ji le Krisì kɛ̀ ẅɛn ɛyri hàn kɩ kɛ̀ krɔn ɛnvra léyi Ɔwɔ kɛ lɛ hán n'egbri-bɔ̀ lɔ fɛn kè cüe nɛ̀n annantrɛ̀ mɛ̀n hán nɔn.

Ɔwɔ-mɛ̀n-yrikàn 11:15

Zɛtɛn ɔbɔɛn mɛ̀n Wɔ kùyüre-wrɔn lɔ mú ɛbrɛ̀n. Esùva cüìcüì hɔ̀n dú anhobɩ́ ke di nkù; yɔ dɔ̀ le: “Ɛnhibù yri ẅɛ̀n zɛtɛ̀ lɔ dú Ɛẅɛnwrɔn mán n'Ebɩdie-wrɔn tɛn, kɩ ɛyri ẅɛ̀n ndɔ lɔ ke le dú ɛnvra lɔ fɛn!”

Ɔwɔ-mɛ̀n-yrikàn 11:18

Ɛnhi wú anmàn hɔ̀n sɩ́ y'edomɛ̀n ɛwú ɛmɛ̀nhyiemɛ̀n, tɛ́n zɛtɛ̀ lɔ, v'ɛmɛ̀nhyì bɩ de ke yé n'edomɛ̀n nɔn, owú-bɔ̀ mrɛ̀nci vra lɔ ncɔa, ɛnvra léyi ɛ lɛ bó, v'eci-bɩ̀tan-bɔ̀, Ɔwɔ-mùan-wú-ankà-dɔ́-bɔ̀ mán yɔ hɔ̀n léyi dú vɛ tɛn, kɩ kɛ wá mɛ́n, ɛcüìcüì mán ɛyriyri, anjakpà nɔn, ncɔa; ɛnvra léyi ke ji le yɛ jrɛ́ anwrɔn hɔ̀n léyi kɛ jrɛ́ ɛnhi nɔn, ncɔa!”

Ɔwɔ-mɛ̀n-yrikàn 14:14

Mɛ̀n vru mɛ̀n nyan, kɩ mɛ̀n kán ɛnwì-gbú wosu tɔ̀n, kɩ ɛnwì-gbú lɔ wú eci tɔ̀n yɛ́, cá ɔwrɔnẅì. Ansíkɛ krusɔn-cí tɔ̀n dú nɛ̀n ɛnkru kɩ kpàndì cici tɔ̀n dú nɛ̀n ɛmàn mɛ̀n.

Ɔwɔ-mɛ̀n-yrikàn 15:2

Zɛtɛn mɛ̀n kán eci cá ecüe léyi ɛmɛ̀n bí hán zɛnci hɔ́, ɛnhyà dú nɛ̀n ɛmɛ̀n. Anwrɔn hɔ̀n lɔ fɛn léyi kɔ́nká ɔnɔ̀n lɔ, nɛ́n picɛ̀ mán eci-krɛ̀ léyi dú n'ebi lɔ wú nɔn, nyɔn ɛwú, ecüe zɛnci ndɔ lɔ wú. Anhɛ́ mràn léyi Ɔwɔ tán yɔ nɔn, dú yɔ antamɛ̀n.

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”

Ɔwɔ-mɛ̀n-yrikàn 19:14

Anhobɩ́ anhà-kɔ́n fɛcüè hɔ̀n dú nɛ̀n ɛmɛẅi, yɔ yɛ́ kpàngɔ wosu wú, kɩ yɔ cɔ́ ɛcàsa ẅì ceci wosu fifi.

Ɔwɔ-mɛ̀n-yrikàn 3:21

Anwrɔn hɔ̀n léyi kɛ kɔ́nkà nɔn, mɛ lɛ tán yɔ ɛkɔrɛ̀levri yɔ le bɩ́ ɛyri m'ɛgbú-tòbù lɔ wú, hán ɔmu le ɛnvra léyi mɛ́n kɔ́nkà nɔn, mɛ́n hɔ̀n mɛ̀n yɛ́, mɛ̀n mán Dade mɛhi n'ɛgbú-tòbù lɔ wú.

Ɔwɔ-mɛ̀n-yrikàn 9:7

Cɛncecrèva ndɔ hɔ̀n lɔ kɛ cá kpàngɔ hɔ̀n léyi krɔn kpehɛ́n kɛ̀ hɔ̀n kɛ kɔ́n anhà; y'ɛnkru hɔ̀n lɔ wú, eci dù hán ansíkɛ krusɔn-ci, kɩ y'ezì hɔ̀n lɔ cá anwrɔnẅì zì.