Ɔwɔ-mɛ̀n-yrikàn 6:16 - Ɛmɛẅi ankà ankrànkràn 2003

¹⁶ Yɔ dɔ́ ɛnkpò hɔ̀n mán ɛbù hɔ̀n le: “Nyɛ́n ku bɔ̀ ɛwú, ô nyɛ́n bán bɔ̀ ɔwrɔn léyi yɛ́ ɛgbútòbù wú mán Ɔwɔ kɔ̀kɔ̀sɛ́-ẅì mɛ̀nhyì-bɩ́ tɛ̀sɛ̀n esù she mɛ̀n.

Ɔwɔ-mɛ̀n-yrikàn 6:16 Iomraidhean Croise

Matie 26:64

Zhezü mrɛ́n nɛ̀n ɔmùan le: “Vɛ́n de ɛ dɔ̀ nɔn. Tɛ́n mɛ dɔ́ nyɛ̀n le: bukru zɛtɛ̀ lɔ nyɛ lɛ kán ɔwrɔnẅì Ẅì kɛ lɛ yɛ́ ɛkɔrɛ̀srɔn Wɔ zì-kɔrɛ̀ kɔrɛ̀a; nye le vru nyɛ́n kán nɛ̀n ne le dú anhobɩ́ nwì-gbúemɛ̀n nɛ lɛ và.”

Markɛ̀n 3:5

Zhezü kɛ nyan yɔ lɔ fɛn ɛmɛ̀nhyiemɛ̀n; kɩ nɛ̀n vru nɛ̀n dú obòto mɛ̀n y'ankà-tro gbàngbàn ẅɛ̀n kruhú. Zɛtɛn nɛ dɔ́ ɛnlɔẅiɛ-wrɔn lɔ le: “Sɩ̀ v'ɛkɔrɛ̀ lɔ ezì.” Ɔwrɔn lɔ sɩ́ ɛkɔrɛ̀ ezì kɩ ɛkɔrɛ̀ lɔ wore.

Lükɛ̀n 23:30

Zɛtɛn anwrɔn kɛ lɛ bukru kɛ dɔ́ ɛnkpò hɔ̀n le: ‘Nyɛ́n ku bɔ̀ ɛwú!’ mán ɛnkpò-cɛ le: ‘Nyɛ́n bán bɔ̀!’

Ɔwɔ-mɛ̀n-yrikàn 10:6

kɩ wá ɔmùan tɔ̀n, Ɔwɔ léyi dú ɛnvra lɔ fɛn, hán anhobɩ́ mán ɛnhi, ecüe mán eci lɔ fɛn léyi dú nɛ̀n ɛmɛ̀n nɔn, n'ebɩ́mɛ̀n. Ɔwɔ-kùyüre-wrɔn lɔ dɔ̀ le: “Ye sɩ̀ vru wá ɛnvra ha!

Ɔwɔ-mɛ̀n-yrikàn 19:15

Anhà-kɔ́n-nyan piɛnpiɛn tɔ́n dú nɛ̀n anmùan mɛ̀n srɔ, hɩ de ne bɩ ne gorɛ ɛnhi wú anmàn hɔ̀n nɔn. Nɛ lɛ nyrɔn yɔ ɛngbɛn ẅì kɔrɛ̀levriemɛ̀n, kɩ nɛ lɛ boyɛ ɛntàn wɔnsɛn tɛ̀-ẅì lɔ, ɛkɔrɛ̀srɔn Wɔ mɛ̀nhyì shishi tàn-borɛ-ci lɔ mɛ̀n.

Ɔwɔ-mɛ̀n-yrikàn 20:11

Zɛtɛn mɛ̀n kán ɛgbú-tòbù wosu vri tɔ̀n mán ɔwrɔn léyi yɛ́ nɛ̀n ɛwú nɔn. Ɛnhi mán anhobɩ́ srɛ́ esù she n'ɛtɛ̀sɛ̀n, kɩ ye sɩ̀ vru kàn yɔa.

Ɔwɔ-mɛ̀n-yrikàn 4:2

Ɛnvra zri lɔ, Ɛnhɛ́n bru mɛ̀n edù. Kɩ anhobɩ́, nanvrɛn lɔ, ɛgbú-tòbù tɔ̀n ndù. Ɛgbú-tòbù ndɔ lɔ wú ɔwrɔn tɔ̀n yɛ́;

Ɔwɔ-mɛ̀n-yrikàn 4:5

Ɛgbú-tòbù wú lɔ, anhobɩ́ hyà, esùva bobo mán ɛwú kù-dì ke dù kɛ và. Ɛnhyà lakà ɔbɔ̀ɛn ke wrú ɛgbú-tòbù zìwú; ndɔ lɔ de dú Ɔwɔ hɛ́n ɔbɔ̀ɛn hɔ̀n lɔ nɔn.

Ɔwɔ-mɛ̀n-yrikàn 4:9

Ɛnvra totɔtɔ̀n léyi ɛci kɔrɛkɔrɛ hɔ̀n anzɔ̀ lɔ kɛ krɛ́ ɛcɔ̀, kɛ zrɔ eci, kɛ mrɛ́n, ô kɛ̀ tán ɔwrɔn léyi yɛ́ Ɛgbú-tòbù wú ɔkùɛn nɔn, Ɔwrɔn léyi dú ɛwúvà mɛ̀n ɛnvra lɔ fɛn nɔn,

Ɔwɔ-mɛ̀n-yrikàn 5:1

Mɛ̀n kán owrú tɔ̀n ye serɛ dú ɔwrɔn léyi yɛ́ ɛgbù-tòbù wú nɔn n'ezì-kɔrɛ̀ màn lɔ mɛ̀n; owrú zì anhyrɛ̀ lɔ wú ye merɛ́n eci kɩ yɛ sɛn owrú lɔ ɛyri dɛ̀n ɔbɔ̀ɛn.

Ɔwɔ-mɛ̀n-yrikàn 6:10

Yɔ di bobo ecüiemɛ̀n: “Ankà-yé-wrɔn prɔnprɔn mán annanwɔrɛ, ɛnvra tán de ɛ wá, ô è ci ɛnhibùwú-bɔ̀ hɔ̀n ɛmrɛ̀n, ô yɔ krɛ́ ɛci yɔ tán mɛ́n b'owù lɔ wú nɛ́n?”

Ɔwɔ-mɛ̀n-yrikàn 9:6

Okù ɛnrì lɔ mɛ̀n, anwrɔnẅì ke le ji owù, tɛ́n yɔ sɩ̀ wù; yɔ lɛ ji owú-yri, tɛ́n owù kɛ lɛ srɛ́ tèze yɔ.