Ɔwɔ-mɛ̀n-yrikàn 6:12 - Ɛmɛẅi ankà ankrànkràn 2003

¹² Zɛtɛn mɛ̀n kán Ɔwɔ kɔ̀kɔ̀sɛ̀-ẅì srú ɔwolemɛ̀n ci-tɔ́n-ci lɔ. Zɛtɛn ɛnhi jɔkɔ ecüíemɛ̀n; ɛnbri srɔ anhyɔwɔ hán ɛbrá-càsa hɔ́; kɩ okù mumù lɔ fɛn srɔ anhɔnsɛn hán ɛnkrɛ̀ hɔ́;

Ɔwɔ-mɛ̀n-yrikàn 6:12 Iomraidhean Croise

Matie 11:21

“Muzhie dú vɛ tɛn, Korazɛn! Muzhie dú vɛ tɛn, Bɛtsahida! Ɔmuhi anvɛmɛ̀n-frɛ́n-ci hɔ̀n léyi yɛ hán nye yri nɔn, ke dú kɛ yɛ hán yɔ, Tirɛ̀n mán Sidɔn anmàn hô, ɛnvra sheshemɛ̀n de y'anmàn-bɔ̀ kɛ lɛ cɔ́ ɛceci gbrɔ̀, kɛ wá ɛnwɔ̀n edomɛ̀n, ô kè yé le, yɔ ji yɔ crɔn y'eci-hán-ci.

Matie 24:29

“Ɛnvra zri léyi ɛci ndɔ lɔ y'ɛgbànkàn kɛ lɛ trɔ nɔn, ɛnbri ke sɩ̀ vru dìɛ, okù ke sɩ̀ vru wòɛ, okùcànkrò hɔ̀n ke le dú anhobɩ́ ke le cüe ɛnhibù wúɛ kɩ anhobɩ́ cüì hɔ̀n lɔ fɛn kɛ lɛ jɔ̀kɔ̀.

Matie 24:7

Ɛnhibù wú fɛcüè tɔ̀n kɛ lɛ kɔ́n fɛcüè nyàntɛn tɔ̀n anhà, kɩ ɛnhibù wú nɛ̀ncüì anmàn tɔ̀n kɛ lɛ kɛ́n ɛnnɛ̀ncüì anmàn nyàntɛn tɔ̀n ezì; ebrè kɛ lɛ kɛ́ kɩ ɛnhibù kɛ lɛ jɔ̀kɔ́ ɔpkɔsɔ nyàntɛn hɔ̀n wú.

Matie 27:45

Ɛnvra léyi ɛnbri shɛ́n nɔn, ɛyri wá sɛ́n anmàn ɛnhi wú lɔ fɛn hàn kɩ cɔ́ ɔwɔɛmɛ̀n wacɛ̀n anhɔ̀n.

Matie 27:54

Rɔmɛ̀n gɔliɛ-wrɔn cüìcüì lɔ mán gɔliɛ-bɔ̀ léyi kɛ nán Zhezü nɔn kán ɛnhi léyi jɔ́kɔ̀ mán ɛci hɔ̀n léyi wɔɛ̀n nɔn; ɛnjansù vri ẅɛn yɔ kɩ yɔ dɔ̀ le: “Annànwɔrɛ mɛ̀n lɔ nɛ̀n dú Ɔwɔ ẅì!”

Matie 28:2

Kpatakpata lɔ, ɛnhi jɔ́kɔ́ ecüìemɛ̀n; Ɛẅɛnwrɔn-kùyüre-wrɔn tɔ̀n dú anhobɩ́ kakɛ, vá vlá obù vri léyi sɛ́n ɛnnànmàn mùan nɔn kɩ ci ɛwú yɛ́.

Markɛ̀n 15:33

Ɛnvra léyi ɛnbri shɛ́n nɔn, ɛyri wá sɛ́n anmàn múmù lɔ fɛn hàn kɩ cɔ́ ɔwɔɛmɛ̀n wacɛ̀n anhɔ̀n.

Ɔwɔ-mɛ̀n-yrikàn 11:13

Ɛnvra zri lɔ, ɛnhi jɔkɔ ecüiemɛ̀n; anmàn lɔ, n'ɛvamɛ̀n cá gbɔngbɔ̀ kɩ anwrɔn tɛ̀buri kru ɔbɔ̀ɛn wú ɛnhi jɔ̀kɔ̀ ndɔ lɔ mɛ̀n. Anwrɔn nyàntɛn hɔ̀n lɔ gbɔ̀gbɔ̀ bru edù kɩ yɔ zrɔ anhobɩ́ Wɔ lɔ eci.

Ɔwɔ-mɛ̀n-yrikàn 16:18

Zɛtɛn ɛyri kpɛ́n ɛnhyà, esùva hɔ̀n dɔ́ ankà, ɛwú di nkù kɩ ɛnhi jɔkɔ́ ecüìemɛ̀n. Ɛnhi jɔ̀kɔ̀ ndɔ lɔ zeze ẅɛn ecüì kɩ, yɛ vá kán nɛ̀n ɛnbì zriɛmɛ́n mrìmrì ɔwrɔnẅì krubɔmɛ̀n hàn-hɛ́n!

Ɔwɔ-mɛ̀n-yrikàn 16:8

Anzɔmɛ̀n Wɔ-kùyüre-wrɔn cüe nɛ́n grashɛ̀n lɔ ɛnbri wú, nɛ́n léyi yɛ tán nɛ̀n ɛkɔrɛ̀levri nɛ̀n bɩ́ n'ɛnhyà lɔ nɛ̀n bíɛ anwrɔnẅì nɔn.

Ɔwɔ-mɛ̀n-yrikàn 8:12

Zɛtɛn anzɔmɛ̀n Wɔ-kùyüre-wrɔn lɔ mú ɛbrɛ̀n. Ɛnbri, n'anhɔnmɛ̀n cá ezì murɛn, ɔmu zri lɔ de dú tán okù mán okùcànkrò hɔ̀n, hán tán kɩ y'ɛgbrɛ́n lɔ srɔ anhɔnmɛ̀n cá; ɛcɛ̀n, n'anhɔnmɛ̀n cá mán ɛnnyran n'anhɔnmɛ̀n cá ke sɩ̀ ẅɛ̀n ɛyrikàn.

Ɔwɔ-mɛ̀n-yrikàn 8:5

Zɛtɛn Ɔwɔ-kùyüre-wrɔn lɔ bɩ́ kpokpo léyi yɛ bíɛ ɛci banban ɛwú nɔn, ku Ɔwɔ-cice-tɛbrɛ̀ hyà lɔ ɛmɛ̀n ɛnhyì kɩ kɔ́nze ɛnhi wú. Ɛnvra zri lɔ ɛwú di nkù bobrebe, esùva bobo ke shrì, ɛwú hyà hɔ̀n kɛ gbrɛ́n kɩ ɛnhi jɔkɔ̀.