Ɔwɔ-mɛ̀n-yrikàn 6:11 - Ɛmɛẅi ankà ankrànkràn 2003

¹¹ Y'ɛmɛ̀n lɔ, yɛ tán ɔwrɔnwrɔn ɛceci wosu she, kɩ yɛ dɔ́ yɔ le, yɔ ẅɛn ɛnbɔrɛ yɔ hɛ́n ɛnvra jan, ô yɔ muanẅì hɔ̀n mán y'ɛkɔrɛ̀-wá-bɔ̀ léyi ye le wrì kɛ̀ hán yɔ hɔ́ nɔn, kɛ̀ sá ɛkru yakɛ.

Ɔwɔ-mɛ̀n-yrikàn 6:11 Iomraidhean Croise

Matie 10:21

Anwrɔn ndɔ hɔ̀n kɛ lɛ hɛ́ yɔ muan-ẅì hɔ̀n ô ye di yɔ owúemɛ̀n, kɩ ɛẅì-nɛ́n-zi hɔ̀n kɛ lɛ hán eci zri lɔ y'ɛẅì hɔ̀n tɛ̀sɛ̀n; ɛẅì hɔ̀n kɛ lɛ kɛ́n yɔ zi hɔ̀n ezì kɩ kɛ lɛ di yɔ owúemɛ̀n.

Lükɛ̀n 15:22

Tɛ́n ɛnẅì-nɛ́n-zi kɛ dɔ́ n'eci-bɩtan-bɔ̀ le: ‘Nyɛ́n kpramàn nyɛ́n bɩ́ ɛceci fifi nyɛ́n cɔ́ nɛ̀n; nyɛ́n wá nɛ̀n kpɛ̀trɛva ɛtiɛ, nyɛ́n wá nɛ̀n annanwrú.

Zhan 16:2

Yɛ lɛ wrɔ́ nyɛ̀n Ɔwɔ-sɛ́n-wɔn hɔ̀n lɔ mɛ̀n. Kɩ ɔmu lɔ, ɛnvra kɛ lɛ và, zɛtɛn anwrɔn hɔ̀n léyi ke le wri nyɛ̀n nɔn, ke le tro le Ɔwɔ kɔhɔ̀n de yɔ hán ɔmu lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 20:24

Tɛ́n mɛ́n dùku m'ɛwúvà, kè sɩ̀ dù eci zriɛmɛ́n m'ezìwú; hɩ le dú ɛshishi nɔn, dú hɩ le, ke ji le mɛ̀n hɔ̀n mɛ̀n cɔ́ m'ɔkɔ̀hɔ̀n lɔ n'ɛnkrutrɔ, ô mɛ̀n trɔ ɔkɔ̀hɔ̀n léyi Ɛẅɛnwrɔn Zhezü tán mɛ̀n nɔn n'ɛhán: Ɔwɔ boafɔ̀n lɔ, n'Ɛmɛẅi ankà Ankrankran lɔ, mɛ̀n dɔ́ nɛ̀n.

2 Tesalonikɛ̀n anmàn-bɔ̀ 1:7

kɩ nɛ lɛ tán nyɛ̀n anwɔwɔ, nyɛ́n léyi nyɛ kán ɛgbàn mán bɔ́ mɛhi. Ndɔ lɔ kɛ lɛ wɔɛ̀n ɛnvra léyi Ɛẅɛnwrɔn Zhezü ke le dú anhobɩ́ kɛ̀ srɔ nɛ́n mán n'ɛkɔrɛ̀-srɔn wɔ-kùyüre-bɔ̀ mɛhi;

Anhyrɛmɛ̀n timote 4:7

Mɛ̀n kɔ́n anhà ankrankran, mɛ́n hɔ̀n hàn mán mɛ̀n cɔ́ m'ɛsrɛ́-krutrɔ-yri, mɛ̀n ẅɛn ankàẅi-bùtan mɛ̀n hɛ́n.

Ebre-bɔ̀ 11:40

Annanwɔrɛ mɛ̀n lɔ, Ɔwɔ wá bɔ̀ ɔmùan vrán ndɔ lɔ, kɩ nɛ́n sɩ́ ji le, yɔ zri kɩ yɔ cɔ́ ɛzrɔ-krutrɔ ke dú kɛ bɔ̀ sɩ̀ dù yɔ ɛmɛ̀n.

Ebre-bɔ̀ 12:23

Nyɛ́n sɔ̀nba fɛcüè tɔ̀n léyi dú ɔkoran mɛ̀n, fɛcüè léyi dú Ɔwɔ kpàkpà ẅì hɔ̀n tɛ́n, yɔ léyi ye merɛ́n y'ebɩ dú anhobɩ́ nɔn. Nyɛ́n sɔ̀nbà Ɔwɔ ɛtɛ̀sɛ̀n, anwrɔnẅi lɔ fɛn mrɛ̀nci-wrɔn, mán anhɛ́n hɔ̀n léyi dú ɛnyrɔnnan mɛ̀n, hɩ cɔ́ ɛzrɔ krutrɔ nɔn.

Ebre-bɔ̀ 4:10

Ɔmuhi ɔwrɔn léyi ke bru ɛwrɔncüe yri léyi Ɔwɔ hán hɛ́n nɛ̀n nɔn, ne bɩ́ n'ɔkɔ̀hɔ̀n-hán wrɔncüe, hán ɔmu le Ɔwɔ mán bɩ́ n'ɛwrɔncüe nɔn hɔ́.

Ɔwɔ-mɛ̀n-yrikàn 10:6

kɩ wá ɔmùan tɔ̀n, Ɔwɔ léyi dú ɛnvra lɔ fɛn, hán anhobɩ́ mán ɛnhi, ecüe mán eci lɔ fɛn léyi dú nɛ̀n ɛmɛ̀n nɔn, n'ebɩ́mɛ̀n. Ɔwɔ-kùyüre-wrɔn lɔ dɔ̀ le: “Ye sɩ̀ vru wá ɛnvra ha!

Ɔwɔ-mɛ̀n-yrikàn 13:15

Anhyrɛmɛ̀n nɔ̀n lɔ cɔ́ ɛkɔrɛ̀srɔn kɛ̀ hán kpàkpà nɔ̀n picɛ̀ lɔ kɛ̀ dɔ́ ankà, ô kɛ̀ hán ye wri anwrɔn hɔ̀n lɔ fɛn léyi ke sɩ̀ cüe nɛ̀n ankɔrɛ̀ ezìwúɛ nɔn.

Ɔwɔ-mɛ̀n-yrikàn 14:13

Zɛtɛn mɛ̀n yá anhobɩ́ sùva tɔ̀n kɛ dɔ́ mɛ̀n le: “È merɛ́n ankà ndɔ lɔ: ‘Ɛnbɔrɛbru dú anwrɔn hɔ̀n léyi zɛtɛ̀ lɔ ke wú Ɛẅɛnwrɔn ci-bɩ̀tan kɔ̀hɔ́n mɛ̀n nɔn!’ – ‘Hɛ̀ɛ̀, yɔ dú ɛnbɔrɛbruemɛ̀n, ɔmu lɔ de Ɛnhɛ́n kɛ dɔ̀ nɔn. Yɔ lɛ cɔ́ y'ɔkɔ̀hɔ̀n-shishi-hán wrɔncüe, ɔmuhi anvrɛn léyi yɔ hán nɔn, kɛ kɛ́n yɔ ɛsɛ̀n!’ ”

Ɔwɔ-mɛ̀n-yrikàn 17:6

Mɛ̀n nyri ɔmu le ɛnnyɔnwrɔn ndɔ lɔ Ɔwɔ-fɛcüè mán anwrɔn hɔ̀n léyi ye wri y'ɔmùan-zri-dì Zhezü kruhú nɔn, yɔ krɛ̀ tàn kɛ kɔ́n nɛ̀n. Ɛnvra léyi mɛ̀n kán nɛ̀n nɔn, mɛ̀n dú anvɛmɛ̀n-frɛ́n vriemɛ̀n.

Ɔwɔ-mɛ̀n-yrikàn 7:14

Mɛ̀n mrɛ́n nɛ̀n ɔmùan le: “Vɛ́n de e nyrì nɔn m'ɛẅɛnwrɔn.” Zɛtɛn nɛ dɔ́ mɛ̀n le: “Yɔ dú anwrɔn hɔ̀n léyi ci ɛgbànkàn vriemɛ̀n. Yɔ jru y'ɛceci she hɔ̀n lɔ kɩ yɔ srɔ yɔ ɛwosu Ɔwɔ Kɔ̀kɔ̀sɛ̀-ẅì krɛ̀ lɔ mɛ̀n.

Ɔwɔ-mɛ̀n-yrikàn 7:9

Eci ndɔ lɔ n'ɛmɛẅi lɔ, mɛ̀n vru mɛ̀n nyan kɩ mɛ̀n kán anwrɔn fɛcüè vri léyi ɔwrɔn zriɛmɛ́n ke sɩ̀ krɛ̀ rɔ́ nɔn. Yɔ dú ɛnhi wú anmàn lɔ fɛn, ɔkpɔsɔ lɔ fɛn, fɛcüè lɔ fɛn mán ɛnbrɛ̀ lɔ fɛn bɔ̀. Yɔ nyɔn ɛgbú-tòbù mán Ɔwɔ Kɔ̀kɔ̀sɛ̀-ẅì zìwú, yɔ cɔ́ ɛceci she wosù kɩ ɛnnangbànkɔrɛ̀ dú yɔ ɛmàn mɛ̀n.