Ɔwɔ-mɛ̀n-yrikàn 6:10 - Ɛmɛẅi ankà ankrànkràn 2003

¹⁰ Yɔ di bobo ecüiemɛ̀n: “Ankà-yé-wrɔn prɔnprɔn mán annanwɔrɛ, ɛnvra tán de ɛ wá, ô è ci ɛnhibùwú-bɔ̀ hɔ̀n ɛmrɛ̀n, ô yɔ krɛ́ ɛci yɔ tán mɛ́n b'owù lɔ wú nɛ́n?”

Ɔwɔ-mɛ̀n-yrikàn 6:10 Iomraidhean Croise

Lükɛ̀n 2:29

“Zɛtɛ̀ lɔ, Ɛẅɛnwrɔn v'ɔmùan-wá lɔ sá nmú: ɛkɔrɛ̀levri dù è teze v'eci-bɩ̀tan-wrɔn kɛ̀ hɔ̀n wú anwɔwɔ mɛ̀n.

Lükɛ̀n 21:22

Ɔmuhi, hɩ vra lɔ de dú ɛmrɛ̀n-ci bì kɩ ankà lɔ fɛn léyi ye merɛ́n Ɔwrú Prɔnprɔn lɔ mɛ̀n nɔn, de kɛ lɛ sá nmù.

Rɔmɛ̀n-anmàn-bɔ̀ 12:19

Annyran-anvrɛn-hɔ̀n, nyɛ́n bɩ́ hán ny'edomɛ̀n ɛwɔrɛ̀-tán-ci, tɛ́n nyɛ́n teze Ɔwɔ mɛ̀nhyì ke ci nyɛ̀n ɛmrɛ̀n, ɔmuhi Owrú kɛ dɔ̀ le: “Mɛ̀n de mɛ̀n dú ɛwɔrɛ̀-tán-wrɔn nɔn, mɛ̀n de me le di ɛwɔrɛ̀-tán-wɔ̀ɛn nɔn”, ɔmu de Ɛẅɛnwrɔn kɛ dɔ̀ nɔn.

Ebre-bɔ̀ 12:24

Nyɛ́n sɔ̀nba Zhezü ɛtɛ̀sɛ̀n, nɛ́n léyi nɛ̀n dú mìrɛ̀n wrù lɔ n'angranmɛ̀n nyɔnwrɔn mán n'ɛnkrɛ̀ léyi cüe, kɛ dɔ́ ankà anvrɛnvrɛn vrán Abɛlɛ̀n tɛn lɔ nɔn.

2 Piɛrɛ̀n 2:1

Ɛyɔ̀n wɔ-mùan-wú-ankà-dɔ́-bɔ̀ srɔ ɛnbiɛhɛ́n vra Izraɛlɛ̀n fɛcüè mɛ̀n; ɔmu zri lɔ de, ɛyɔ̀n ankà-yé-bɔ̀ kɛ lɛ srɔ nyɛ̀n ɛmɛ̀n. Yɔ le sɩ́ ɛyɔ̀n wɔ ankà léyi ẅɛn ɛnjansù kɩ yɔ le teze Ankà-yé-wrɔn léyi bɩ́ yɔ die nɔn; ɔmu lɔ de yɔ lɛ sɩ́ ɛjrɛ́ kpràkprà yɔ tán y'edomɛ̀n.

Ɔwɔ-mɛ̀n-yrikàn 11:18

Ɛnhi wú anmàn hɔ̀n sɩ́ y'edomɛ̀n ɛwú ɛmɛ̀nhyiemɛ̀n, tɛ́n zɛtɛ̀ lɔ, v'ɛmɛ̀nhyì bɩ de ke yé n'edomɛ̀n nɔn, owú-bɔ̀ mrɛ̀nci vra lɔ ncɔa, ɛnvra léyi ɛ lɛ bó, v'eci-bɩ̀tan-bɔ̀, Ɔwɔ-mùan-wú-ankà-dɔ́-bɔ̀ mán yɔ hɔ̀n léyi dú vɛ tɛn, kɩ kɛ wá mɛ́n, ɛcüìcüì mán ɛyriyri, anjakpà nɔn, ncɔa; ɛnvra léyi ke ji le yɛ jrɛ́ anwrɔn hɔ̀n léyi kɛ jrɛ́ ɛnhi nɔn, ncɔa!”

Ɔwɔ-mɛ̀n-yrikàn 18:20

Anhobɩ́, pɔpüɛ̀ kɛ̀ brá mɛ́n n'ɔgbɔ̀ngbɔ̀ lɔ wú! Ɔwɔ-fɛcüè-bɔ̀ pɔpüɛ̀ kɛ̀ brá nyɛ̀n, ɔkɔ̀hɔ̀n-wá-bɔ̀ mán Ɔwɔ-mùan-wú-ankà-dɔ́-bɔ̀! Ɔmuhi ɛgbàn léyi nɛ̀n hán nyɛ̀n nɔn, Ɔwɔ ci nɛ̀n ɛmrɛ̀n hɩ wú!

Ɔwɔ-mɛ̀n-yrikàn 18:24

Babilɔnɛ̀n anmàn de Ɔwɔ-mùan-wú-ankà-dɔ́-bɔ̀ mán Ɔwɔ-fɛcüè-bɔ̀ krɛ̀ cüe, anwrɔn lɔ fɛn léyi ye wri ɛnhi wú nɔn, y'ɛnkrɛ̀.

Ɔwɔ-mɛ̀n-yrikàn 19:2

N'ɛmrɛ̀ncì hɔ̀n dú annanwɔrɛ mán ɛnyrɔnnan mɛ̀n! Ɔmuhi nɛ̀n bó wowie-nyɔnwrɔn vri lɔ nwù, nɛ́n léyi nɛ jrɛ́ ɛnhi, n'eci-gbàngbàn-kɔ̀hɔ̀n-hán mɛ̀n. Ɛẅɛnwrɔn hán nɛ̀n nɛ̀n krɛ́ ɛci, n'eci-bɩ̀tan-bɔ̀ hɔ̀n wù lɔ wú.”

Ɔwɔ-mɛ̀n-yrikàn 3:10

Ɔmuhi ɛ̀ ẅɛn m'ɔmùan ankà-dɔ̀ ɛ̀ hɛ́n esɛ́ mɛ̀n, mɛ̀n mán mɛ lɛ wá mɛ́n esùva ɛnvra léyi ɛgbànkàn kɛ lɛ vá ɛnhibù mumù lɔ wú, ô ɛnhi wú anmàn-bɔ̀ hɔ̀n kè dú ɔwɔ̀ɛn-nyan mɛ̀n.

Ɔwɔ-mɛ̀n-yrikàn 3:7

“È merɛ́n owrú è yüre Ɔwɔ-kuyüre-wrɔn léyi dú Filadɛlfi anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi, ɔwrɔn léyi dú prɔnprɔn mán annanwɔrɛ, nɛ́n léyi nɛ̀n ẅɛn ɛnnɛncüì Davidɛ̀n safɛ̀ lɔ, nɛ́n léyi ne srú kɩ ɔwrɔn zriɛmɛ́n ke sɩ́ sɛn rɔ́a nɔn, nɛ́n léyi nɛ sɛ̀n kɩ ɔwrɔn zriɛmɛ́n ke sɩ́ srú rɔ́a nɔn, nyan ankà léyi nɛ dɔ̀ nɔn: