Ɔwɔ-mɛ̀n-yrikàn 6:1 - Ɛmɛẅi ankà ankrànkràn 2003

¹ Zɛtɛn mɛ̀n kán Ɔwɔ kɔ̀kɔ̀sɛ́ ẅi srú ɛci-tɔn-ci hɔ̀n ɔbɔ̀ɛn lɔ kpàkpà tɛn lɔ, kɩ mɛ̀n yá ɛci kɔrɛkɔrɛ hɔ̀n anzɔ̀ lɔ, ɔtɔ̀n esùva mùan kɛ dɔ́ ankà ke shrì kɛ hán ɛwú kùdì hɔ́: “Và!”

Ɔwɔ-mɛ̀n-yrikàn 6:1 Iomraidhean Croise

Zhan 1:29

Ɛnvra léyi ɛcɛ̀n cüe nɔn, Zhan kán Zhezü, jí nɛ̀n nvà kɩ nɛ dɔ̀ le: “Nyàn Ɔwɔ Kɔ̀kɔ̀sɛ̀-ẅì léyi kɛ gbú ɛnhibù gbàn lɔ sɔhɔ́ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 4:20

Bɔ́ tɛn, bɔ́ sɩ̀ kɛ́n ɔmùan bɔ̀ hɛ́n rɔ́, eci léyi bɔ́ kàn hɩ bɔ̀ yá nɔn n'ɛwú.”

Ɔwɔ-mɛ̀n-yrikàn 11:19

Zɛtɛn, anhobɩ́-cice-wɔn lɔ gbɛ́ ɔmùan, kɩ mìrɛ̀n lakà lɔ srɔ́. Ɛyri kpɛ́n ɛnhyà, yɛ yá esùva hɔ̀n, kù-dì, ɛwú di nkù, ɛnhi jɔkɔ̀ kɩ ɛnshi vri tɔ̀n nnàn.

Ɔwɔ-mɛ̀n-yrikàn 13:8

Ɛnhi-wú-bɔ̀ lɔ fɛn ke le cüe nɛ̀n ankɔrɛ̀ ezìwúɛ, anwrɔn hɔ̀n léyi ye sɩ̀ merɛ́n yɔ bi ɔkɔrɛ wrú lɔ mɛ̀n ɛnhibù krubɔmɛ̀n hàn hɛ́n, ɔkɔrɛ wrú léyi dú Ɔwɔ kɔ̀kɔ̀sɛ̀-ẅì léyi ye wrì nɔn tɛn.

Ɔwɔ-mɛ̀n-yrikàn 14:2

Mɛ̀n yá esùva tɔ̀n dú anhobɩ́ kɛ và kɩ ke shrì kɛ hán ɛnshi vri léyi kɛ nàn, kɛ hán ɛwú-kù-dì hɔ́. Esùva léyi mɛ̀n yá nɔn, cá anhɛ́ mràn sùva ɛnvra léyi yɔ emú-bɔ̀ ke mú yɔ nɔn.

Ɔwɔ-mɛ̀n-yrikàn 19:6

Zɛtɛn mɛ̀n yá esùva tɔ̀n cá fɛcüè bobrebe hɔ̀n sùva; esùva lɔ ke shrì kɛ hán ɛnshi vri léyi kɛ nàn kɛ hán ɛwú-kù-dì hɔ́. Nyàn ankà léyi yɛ dɔ̀ nɔn: “Aleluyà! Nyɛ́n mrɛ́n Ɛẅɛnwrɔn! Ɔmuhi Ɛẅɛnwrɔn, bɔ́ ɛkɔrɛ̀srɔn-Wɔ lɔ, yrɛ́ n'ɛyri-ẅɛ̀n lɔ!

Ɔwɔ-mɛ̀n-yrikàn 4:8

Ɛci kɔrɛkɔrɛ anzɔ̀ lɔ, ɔwrɔnwrɔn ẅɛn ɛtùvàkɔrɛ̀ ɔwole, anvɛ̀ dú ɛwú mán anhɛ̀. Yɔ dú ɛcɔ̀-krɛmɛ̀n ɛnvra lɔ fɛn, ɛnnyran mán ɛcɛ̀n: “Prɔnprɔn, prɔnprɔn, prɔnprɔn dú Ɛẅɛnwrɔn, ɛkɔrɛ̀srɔn Wɔ, nɛ́n léyi nɛ́n go dù, nɛ́n dù kɩ nɛ và nɔn.”

Ɔwɔ-mɛ̀n-yrikàn 5:1

Mɛ̀n kán owrú tɔ̀n ye serɛ dú ɔwrɔn léyi yɛ́ ɛgbù-tòbù wú nɔn n'ezì-kɔrɛ̀ màn lɔ mɛ̀n; owrú zì anhyrɛ̀ lɔ wú ye merɛ́n eci kɩ yɛ sɛn owrú lɔ ɛyri dɛ̀n ɔbɔ̀ɛn.

Ɔwɔ-mɛ̀n-yrikàn 5:12

kɩ yɔ krɛ́ ɛcɔ̀ esùva cüìcüìemɛ̀n: “Ɔwɔ kɔ̀kɔ̀sɛ̀ ẅì léyi ye di owúemɛ̀n nɔn, krɔn kpehɛ́n kɛ̀ cɔ́ ɛkɔrɛ̀srɔn, ɛnnɛ̀ncüì-dì, ankà-nyrì mán ecüì, evrisì, eci-zrɔ mán ɛmrɛ́n!”

Ɔwɔ-mɛ̀n-yrikàn 5:8

Ɛnvra zri lɔ ɛci kɔrɛkɔrɛ anzɔ̀ lɔ mán ɛcüìcüì-bɔ̀ ɛẅia anzɔ lɔ shran annankruemɛ̀n Ɔwɔ kɔ̀kɔ̀sɛ̀-ẅì zìwú. Y'ɛmɛ̀n lɔ, ɔwrɔnwrɔn ẅɛn anhɛ́ mràn tɔ̀n mán ansikɛ grashɛ̀n, anjɔsàn ɛnhyì, hɩ lɔ de dú Ɔwɔ fɛcüè wɔ-sɛ̀n nɔn.

Ɔwɔ-mɛ̀n-yrikàn 6:3

Ɛnvra léyi Ɔwɔ kɔ̀kɔ̀sɛ̀ ẅì srú anhyrɛmɛ̀n ci-tɔ́n-ci lɔ nɔn, mɛ̀n yá anhyrɛmɛ̀n cí kɔrɛkɔrɛ lɔ kɛ dɔ̀ le: “Và!”

Ɔwɔ-mɛ̀n-yrikàn 6:5

Ɛnvra léyi Ɔwɔ kɔ̀kɔ̀sɛ̀ ẅì srú anhɔ́n mɛ̀n ci-tɔ́n-ci lɔ nɔn, mɛ̀n yá anhɔ́n mɛ̀n cí kɔrɛkɔrɛ lɔ kɛ dɔ̀ le: “Và!” Mɛ̀n nyan kɩ mɛ̀n kán kpangɔ yɔwɔ tɔ̀n. Ɔwrɔn léyi yɛ́ nɛ̀n ɛwú nɔn, ẅɛn eci-wɔɛn-ci tɔ̀n anta.

Ɔwɔ-mɛ̀n-yrikàn 6:7

Ɛnvra léyi Ɔwɔ-kɔ̀kɔ̀sɛ̀-ẅì srú anzɔ̀mɛ̀n ci-tɔ́n-ci lɔ nɔn, mɛ̀n yá anzɔmɛ̀n ci kɔrɛkɔrɛ lɔ kɛ dɔ̀ le: “Và!”

Ɔwɔ-mɛ̀n-yrikàn 8:1

Ɛnvra léyi Ɔwɔ Kɔ̀kɔ̀sɛ̀-ẅì boyɛ ɔbɔ́ɛn mɛ̀n ci-tɔ́n-ci lɔ nɔn, ɔmùan kɛ́nhɛ́n anhobɩ́, di wacɛ̀n cá.