Ɔwɔ-mɛ̀n-yrikàn 5:9 - Ɛmɛẅi ankà ankrànkràn 2003

⁹ Yɔ krɛ́ ɛcɔ̀ wrù tɔ̀n: “Ɛ̀krɔn kpehɛ́n e le bɩ́ owrú lɔ, kɩ ɛ lɛ bɔyɛ n'ɛci-tɔn-ci hɔ̀n lɔ. Ɔmuhi ye dí mɛ́n owuemɛ̀n, kɩ v'ɛgbànkàn cice lɔ mɛ̀n, è bɩ́ ɛmɛ̀n mɛ̀ntɛ mɛ̀ntɛ bɔ̀, fɛcüè mɛ̀ntɛ mɛ̀ntɛ bɔ̀ mán ɛnhi wú anmàn mɛ̀ntɛ mɛntɛ bɔ̀, ɛ và sɩ́ Ɔwɔ.

Ɔwɔ-mɛ̀n-yrikàn 5:9 Iomraidhean Croise

Matie 20:28

ɔmu lɔ de ɔwrɔnẅì Ẅì mán kè sɩ̀ và, ô kɛ̀ ẅɛ̀n eci-bɩtan-bɔ̀, tɛ́n nɛ́n và, ô nɛ̀n srɔ eci-bɩtan-wrɔn, nɛ̀n bɩ́ n'ɛwúvà nɛ̀n wá *anhɔ́ba, ô nɛ̀n srú anwrɔn bobrebe nɛ̀n ze.”

Matie 26:28

ɔmuhi ndɔ lɔ dú m'ɛnkrɛ̀, ɛnkrɛ̀ léyi ke di Ɔwɔ mìrɛ̀n lɔ dalɛfuɛ, hɩ cüe anwrɔn bobrebe gbàn-wɔɛ̀n-dì kruhú nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 20:28

Nyɛ́n nán ny'edomɛ̀n mán anwrɔn kà léyi Ɛnhɛ́n Prɔnprɔn wá ny'antamɛ̀n nɔn. Ɔwɔ-fɛcüè léyi Ɔwɔ bɩ́ n'ɛnẅì wù, wɔ́ tán nyɛ̀n nɔn, nyɛ́n wá nɛ̀n esùva.

1 Korɛntɛ̀n anmàn-bɔ̀ 6:20

nyɛ́n srɔ Ɔwɔ tɛn, nɛ̀n di yi wɔ̀ɛn. Nyɛ́n bɩ́ ny'edùwrú dùku lɔ, nyɛ́n wá Ɔwɔ ci-zrɔ ci-bɩ̀tan kɔ̀hɔn mɛ̀n.

1 Korɛntɛ̀n anmàn-bɔ̀ 7:23

Nyɛ́n dú Ɔwɔ tɛn, ɔmuhi nɛ̀n di yi wɔ̀ɛn nɔn; nyɛ́n bɩ́ srɔ anwrɔnẅì wɔ̀n-bɔ̀.

Efɛzɛ̀n anmàn-bɔ̀ 1:7

Ɔmuhi, Krisì cice léyi dú nɛ́n dùku nɔn, n'ɛmɛ̀n lɔ bɔ̀ cɔ́ esrúze, kɩ bɔ́ ɛgbàn hɔ̀n lɔ bɩ́ ce bɔ̀. Ɔmu lɔ de Ɔwɔ yé bɔ̀ n'ɛnshifù nɛncüì-dì,

Efɛzɛ̀n anmàn-bɔ̀ 5:19

Nyɛ́n yɩ́ ny'edomɛ̀n edù Ɔwɔ mrɛ́n mán Ɔwɔ ci-zrɔ cɔ̀ prɔnprɔn léyi Ɛnhɛ́n Prɔnprɔn kɛ wá nyɛ̀n ɛnbɔrɛ mɛ̀n nɔn, n'ɛkrɛmɛ̀n; nyɛ́n krɛ́ ɛcɔ̀, ô nyɛ́n mrɛ́n Ɛẅɛnwrɔn ny'ɛnbɔrɛ mumù lɔ fɛn mɛ̀n.

Kɔlɔsèn anmàn-bɔ̀ 1:14

N'ɛmɛ̀n de nɛ̀n mrɛ́n bɔ̀ eci-gbàngbàn tamɛ̀n nɛ̀n sɔhɔ́ kɩ bɔ̀ cɔ́ ɛgbàn-bɩ̀-ce nɔn.

Kɔlɔsèn anmàn-bɔ̀ 1:23

Tɛ́n, ke ji le nyɛ́n dú ankaẅì-bùtan mɛ̀n, nyɛ́n nyɔn edùsɔmɛ̀n ɛbùnan-hiwú, nyɛ́n bɩ́ teze esɛ́ léyi dú nyɛ tɛn nɔn kɛ cɔhɔ́ nyɛ̀n ɛtɛ̀sɛ̀n ɛnvra léyi nyɛ́n gɔ̀ yá Ɛmɛẅi ankà Ankrankran lɔ nɔn. Ɛmɛẅi ankà Ankrankran ndɔ lɔ yɛ dɔ́ tán ɛnhi mumù lɔ fɛn, kɩ Ɛmɛẅi ankà Ankrankran ndɔ lɔ, de mɛ̀n, Pɔlɛ̀n, mɛ̀n srɔ n'eci-bɩ̀tan-wrɔn nɔn.

Titɛ̀n 2:14

Nɛ̀n bɩ́ n'edomɛ̀n nɛ́n dí bɔ́ ɛgbàn-ẅɔ̀ɛn, ô nɛ̀n srɔ bɔ̀ fɛcüè fifi tɔ̀n léyi ke le dú nɛ́n zri nɛ tɛn, ô kɛ̀ ẅɛn edùyì ɛci-ankrànkràn-hán mɛ̀n.

Ebre-bɔ̀ 11:14

Anwrɔn hɔ̀n léyi kɛ dɔ́ ɔmu lɔ nɔn, ke yé kpetee le yɔ ji ɛnhi wú anmàn tɔ̀n.

2 Piɛrɛ̀n 2:1

Ɛyɔ̀n wɔ-mùan-wú-ankà-dɔ́-bɔ̀ srɔ ɛnbiɛhɛ́n vra Izraɛlɛ̀n fɛcüè mɛ̀n; ɔmu zri lɔ de, ɛyɔ̀n ankà-yé-bɔ̀ kɛ lɛ srɔ nyɛ̀n ɛmɛ̀n. Yɔ le sɩ́ ɛyɔ̀n wɔ ankà léyi ẅɛn ɛnjansù kɩ yɔ le teze Ankà-yé-wrɔn léyi bɩ́ yɔ die nɔn; ɔmu lɔ de yɔ lɛ sɩ́ ɛjrɛ́ kpràkprà yɔ tán y'edomɛ̀n.

1 Zhan 1:7

Tɛ́n ke dú kɛ bɔ̀ dú ɛwúvà-yrikàn mɛ̀n, hán Ɔwɔ mumù léyi dú ɛyrikàn mɛ̀n nɔn, zɛtɛn ɔmu lɔ bó dú ɔbɔ̀sɔ mɛ̀n bɔ́ mán bɔ́ nyran hɔ̀n mɛhi, kɩ n'Ɛnẅì Zhezü krɛ̀ lɔ, ke jru bɔ̀ ɛgbàn lɔ fɛn edomɛ̀n.

1 Zhan 2:2

Ɔmuhi Zhezü Krisì bɩ́ n'edomɛ̀n ce eci, kè dú bɔ́ ɛgbàn wɔ̀ɛndì, kɩ kè sɩ̀ dù bɔ́ ɛgbàn zri kɩ, tɛ́n anwrɔn hɔ̀n léyi dú ɛnhibù mumù lɔ fɛn wú nɔn yɔ mán y'ɛgbàn kruhú.

Ɔwɔ-mɛ̀n-yrikàn 10:11

Zɛtɛn yɛ dɔ́ mɛ̀n le: “Ke ji le è vru ɛ̀ dɔ́ ankà léyi Ɔwɔ wá hɛ́n kè dú fɛcüè, ɛnhi wú anmàn hɔ̀n, ɛnbrɛ̀ hɔ̀n mán ɛnnɛ̀ncüì bobrebe hɔ̀n tɛn nɔn.”

Ɔwɔ-mɛ̀n-yrikàn 11:9

Fɛcüè lɔ fɛn mɛ̀n-bɔ̀, ɛmɛ̀n hɔ̀n lɔ fɛn bɔ̀, ɛnbrɛ̀ hɔ̀n lɔ fɛn bɔ̀, mán ɛnhi wú anmàn hɔ̀n lɔ fɛn bɔ̀, kɛ lɛ nyan y'ezhe dùwru lɔ ɛbi anhɔ̀n mán ɛcá, kɩ yɔ sɩ̀ tán ɛkɔrɛ̀levri yɛ wá edùwru hɔ̀n lɔ annanmàn mɛ̀n.

Ɔwɔ-mɛ̀n-yrikàn 13:7

Yɛ tán ɛkɔrɛ̀levri nɛ̀n kɔ́n Ɔwɔ-fɛcüè anhà, ô nɛ̀n kɔ̀nkà; nɛ̀n cɔ́ ɛkɔrɛ̀srɔn ɛmɛ̀n lɔ fɛn wú, fɛcüè lɔ fɛn wú, ɛnbrɛ̀ lɔ fɛn wú mán ɛnhi wú anmàn lɔ fɛn wú.

Ɔwɔ-mɛ̀n-yrikàn 13:8

Ɛnhi-wú-bɔ̀ lɔ fɛn ke le cüe nɛ̀n ankɔrɛ̀ ezìwúɛ, anwrɔn hɔ̀n léyi ye sɩ̀ merɛ́n yɔ bi ɔkɔrɛ wrú lɔ mɛ̀n ɛnhibù krubɔmɛ̀n hàn hɛ́n, ɔkɔrɛ wrú léyi dú Ɔwɔ kɔ̀kɔ̀sɛ̀-ẅì léyi ye wrì nɔn tɛn.

Ɔwɔ-mɛ̀n-yrikàn 14:6

Zɛtɛn mɛ̀n kán Ɔwɔ-kùyüre-wrɔn tɔ̀n nyantɛn ke tú ɔwràn mɛ̀n ɛwú-hɛ́n; nɛ̀n ẅɛn Ɛmɛẅi ankà Ankrankran tɔ̀n léyi ke sɩ́ trɔa nɔn, ne ji nɛ̀n dɔ́ tán ɛnhi-wú-anmàn-bɔ̀ lɔ fɛn, ɛmɛ̀n lɔ fɛn, ɛnbrɛ̀ lɔ fɛn mán fɛcüè lɔ fɛn.

Ɔwɔ-mɛ̀n-yrikàn 15:3

Yɔ krɛ́ Mohizì cɔ̀, nɛ́n léyi nɛ̀n dú Ɔwɔ-ci-bɩtan-wrɔn nɔn, kɩ yɔ krɛ́ Ɔwɔ-Kɔ̀kɔ̀sɛ̀-ẅì cɔ̀: “Ɛẅɛnwrɔn, ɛkɔrɛsrɔn Wɔ, V'ɛkɔrɛ̀-ci hɔ̀n sevri kɩ zrɔ! Ɛnhi wú anmàn hɔ̀n nɛ̀ncüì, V'ankɔ́nda-ci-hán hɔ̀n nyrɔn kɩ dú annanwɔrɛ!

Ɔwɔ-mɛ̀n-yrikàn 17:15

Ɔwɔ-kùyüre-wrɔn lɔ vru kɛ dɔ́ mɛ̀n le: “Ɛnshi hɔ̀n léyi ɛ̀ kán nanvrɛn ɛyri léyi wowie-nyɔnwrɔn lɔ nyɔn nɔn, yɔ dú fɛcüè hɔ̀n, ɛnhi-wú-anmàn-hɔ̀n mán ɛnbrɛ̀ hɔ̀n.

Ɔwɔ-mɛ̀n-yrikàn 4:11

“Ɛẅɛnwrɔn, b'Ɔwɔ, eci-zrɔ, ɛmrɛ́n mán ɛkɔrɛ̀srɔn dú vɛ tɛn. Ɔmuhi vɛ́n de ɛ̀ hán ɛci hɔ̀n lɔ fɛn, yɔ dú ɛwúvà mɛ̀n ɔmuhi è ji ɔmu lɔ nɔn.”

Ɔwɔ-mɛ̀n-yrikàn 5:12

kɩ yɔ krɛ́ ɛcɔ̀ esùva cüìcüìemɛ̀n: “Ɔwɔ kɔ̀kɔ̀sɛ̀ ẅì léyi ye di owúemɛ̀n nɔn, krɔn kpehɛ́n kɛ̀ cɔ́ ɛkɔrɛ̀srɔn, ɛnnɛ̀ncüì-dì, ankà-nyrì mán ecüì, evrisì, eci-zrɔ mán ɛmrɛ́n!”

Ɔwɔ-mɛ̀n-yrikàn 5:6

Kɩ mɛ̀n kán Ɔwɔ kɔ̀kɔ̀sɛ̀ ẅì nyɔn ɛgbú-tòbù wanzi, ɛci kɔrɛkɔrɛ anzɔ̀ hɔ̀n lɔ mán ɛcüìcüì-bɔ̀ gbrɛnkɛ́n nɛ̀n ɔmùan. Nɛ̀n cá eci léyi ye wi esùva nɔn. Nɛ̀n ẅɛn ɛtrù ɔbɔ̀ɛn mán anvɛ̀ ɔbɔ̀ɛn léyi dú Ɔwɔ hɛ́n ɔbɔ̀ɛn léyi yɛ hán dú ɛnhibù mumù lɔ fɛn wú và nɔn.