Ɔwɔ-mɛ̀n-yrikàn 5:6 - Ɛmɛẅi ankà ankrànkràn 2003

⁶ Kɩ mɛ̀n kán Ɔwɔ kɔ̀kɔ̀sɛ̀ ẅì nyɔn ɛgbú-tòbù wanzi, ɛci kɔrɛkɔrɛ anzɔ̀ hɔ̀n lɔ mán ɛcüìcüì-bɔ̀ gbrɛnkɛ́n nɛ̀n ɔmùan. Nɛ̀n cá eci léyi ye wi esùva nɔn. Nɛ̀n ẅɛn ɛtrù ɔbɔ̀ɛn mán anvɛ̀ ɔbɔ̀ɛn léyi dú Ɔwɔ hɛ́n ɔbɔ̀ɛn léyi yɛ hán dú ɛnhibù mumù lɔ fɛn wú và nɔn.

Ɔwɔ-mɛ̀n-yrikàn 5:6 Iomraidhean Croise

Lükɛ̀n 1:69

Nɛ̀n tán bɔ̀ ebidie kɔrɛ̀-srɔn wrɔn tɔ̀n, dú ɛnnɛ̀ncüì Davidɛ̀n n'eci-bi-tán-wrɔn, mɛẅi-bɔ̀ mɛ̀n wrɔn.

Zhan 1:29

Ɛnvra léyi ɛcɛ̀n cüe nɔn, Zhan kán Zhezü, jí nɛ̀n nvà kɩ nɛ dɔ̀ le: “Nyàn Ɔwɔ Kɔ̀kɔ̀sɛ̀-ẅì léyi kɛ gbú ɛnhibù gbàn lɔ sɔhɔ́ nɔn.

Zhan 1:36

Ɛnvra leyi nɛ̀n kán Zhezü ndù ke cì nɔn, nɛ dɔ̀ le: “Nyàn Ɔwɔ Kɔ̀kɔ̀sɛ̀-ẅì!”

Ɔkɔ̀hɔ̀n-wá-bɔ̀ kɔ̀hɔ̀n hán 8:32

Owrú Prɔnprɔn ankà-dɔ̀ léyi nɛ krɛ̀ nɔ̀n, dú ankà-dɔ̀ ndɔ lɔ: “Nɛ́n dù nɛ̀n hán kɔ̀kɔ̀sɛ̀ léyi ye sɩ́ owri-yri, (owú-kɔ̀ mɛ̀n) kɔkɔsɛ̀-ẅì léyi ke sɩ́ jɔ̀kɔa ɛnvra léyi yɛ kùa nɛ̀n ɛtù nɔn. Nɛ̀n sɩ̀ dɔ̀ ankà zriɛmɛ́n.

Ɔwɔ-mɛ̀n-yrikàn 1:4

Ebinyan ndɔ lɔ dú Zhan yri kɛ và, kè dú Ɔwɔ-fɛcüè ɔbɔ̀ɛn hɔ̀n léyi dú Azi kpɔsɔ wú nɔn tɛn: Nboafɔ̀n mán anwɔwɔ kè dú Ɔwɔ léyi ndù, ngo dù kɩ kɛ và nɔn, ne yri kɛ̀ và cɔ́ nyɛ̀n, kè dú anhɛ́n hɔ̀n ɔbɔ̀ɛn léyi nyɔn n'ɛgbú-tòbù zìwú, y'eyri kɛ̀ và cɔ́ nyɛ̀n,

Ɔwɔ-mɛ̀n-yrikàn 12:11

Bo muanẅì hɔ̀n kɔ́nká nɛ̀n Ɔwɔ Kɔ̀kɔ̀sɛ̀-ẅì krɛ̀ kɔrɛ̀levriemɛ̀n, mán ankà léyi yɔ di dalɛfuɛ n'ɛwú nɔn n'ɛmɛ̀n; yɔ sɩ̀ bàn y'ɛwúvà lɔ, yɔ krɔn kpehɛ́n, ô yɔ wù.

Ɔwɔ-mɛ̀n-yrikàn 13:8

Ɛnhi-wú-bɔ̀ lɔ fɛn ke le cüe nɛ̀n ankɔrɛ̀ ezìwúɛ, anwrɔn hɔ̀n léyi ye sɩ̀ merɛ́n yɔ bi ɔkɔrɛ wrú lɔ mɛ̀n ɛnhibù krubɔmɛ̀n hàn hɛ́n, ɔkɔrɛ wrú léyi dú Ɔwɔ kɔ̀kɔ̀sɛ̀-ẅì léyi ye wrì nɔn tɛn.

Ɔwɔ-mɛ̀n-yrikàn 14:1

Mɛ̀n vru mɛ̀n nyan: mɛ̀n kán Ɔwɔ kɔ̀kɔ̀sɛ̀-ẅì nyɔn Siɔn kpò wúɛ, nɛ́n mán anwrɔn tɛ̀buri kru ɛkoẅi ɔbɔɛ̀n mán ɛẅì anzɔ̀ léyi dí n'ebɩ́ mán nɛ́n Zi bɩ́ ye merɛ́n ezìwú.

Ɔwɔ-mɛ̀n-yrikàn 17:14

Yɔ lɛ kɔ́n Ɔwɔ-Kɔ̀kɔ̀sɛ̀-ẅì lɔ anhà, tɛ́n Ɔwɔ-Kɔ̀kɔ̀sɛ̀-ẅì kɛ lɛ kɔ̀nká yɔ, ɔmuhi nɛ̀n dú ɛẅɛn-bɔ̀ Ẅɛnwrɔn mán ɛnnɛncüi hɔ̀n Nɛncüì nɔn; nɛ lɛ kɔ̀nká yɔ, nɛ́n mán anwrɔn hɔ̀n léyi nɛ̀n bí, kɩ nɛ̀n mrɛ́n nɛ́n bɩ dú, n'ɔmùan-zri-dí-bɔ̀ nɔn.”

Ɔwɔ-mɛ̀n-yrikàn 21:22

Mɛ̀n sɩ̀ kán Ɔwɔ-cice-wɔn anmàn ndɔ lɔ mɛ̀n, ɔmuhi n'ecice-wɔn dú Ɛẅɛnwrɔn, ɛkɔrɛ̀srɔn-Wɔ lɔ, mán Ɔwɔ-Kɔ̀kɔ̀sɛ̀-ẅì mɛhi.

Ɔwɔ-mɛ̀n-yrikàn 21:23

Anmàn lɔ ke sɩ́ ji ɛnbrí mán okù, ô kɛ̀ tán nɛ̀n ɛyrikàn, ɔmuhi Ɔwɔ-ci-zrɔ lɔ kɛ gbrɛ́n ku nɛ̀n ɛwú kɩ Ɔwɔ-Kɔ̀kɔ̀sɛ̀-ẅì dú nɛ́n kɛ̀niɛn nɔn.

Ɔwɔ-mɛ̀n-yrikàn 22:1

Ɔwɔ-kùyüre-wrɔn lɔ vru yé mɛ̀n ɔkɔrɛ mancüè shi lɔ, kɛ gbrɛ́n kɛ hán obù ẅì fífí hɔ́, dú Ɔwɔ mán Ɔwɔ Kɔ̀kɔ̀sɛ̀-ẅì gbú-tòbù wú kɛ trɛ̀n,

Ɔwɔ-mɛ̀n-yrikàn 22:3

Ɔwɔ-ẅiɛ̀-dà ke sɩ̀ vru dú eci zriɛmɛ́n wúɛ. Ɔwɔ mán Ɔwɔ-Kɔ̀kɔ̀sɛ̀-ẅì gbú-tòbù ke le dú anmàn lɔ mɛ̀n, kɩ Ɔwɔ-ci-bɩtan-bɔ̀ ke le cüe nɛ̀n ankɔrɛ̀ ezìwúɛ.

Ɔwɔ-mɛ̀n-yrikàn 4:8

Ɛci kɔrɛkɔrɛ anzɔ̀ lɔ, ɔwrɔnwrɔn ẅɛn ɛtùvàkɔrɛ̀ ɔwole, anvɛ̀ dú ɛwú mán anhɛ̀. Yɔ dú ɛcɔ̀-krɛmɛ̀n ɛnvra lɔ fɛn, ɛnnyran mán ɛcɛ̀n: “Prɔnprɔn, prɔnprɔn, prɔnprɔn dú Ɛẅɛnwrɔn, ɛkɔrɛ̀srɔn Wɔ, nɛ́n léyi nɛ́n go dù, nɛ́n dù kɩ nɛ và nɔn.”

Ɔwɔ-mɛ̀n-yrikàn 5:11

Mɛ̀n vru mɛ̀n nyan kɩ mɛ̀n yá Ɔwɔ-kùyüre-bɔ̀ fɛcüè tɔ̀n sùva: yɔ dú fɛcüè bobrebe. Yɔ nyɔn, yɔ gbrɛnkɛ́n ɛgbú-tòbù lɔ ɔmùan ɛyri léyi ɛci kɔrɛkɔrɛ hɔ̀n mán ɛcüìcüì-bɔ̀ ndù nɔn,

Ɔwɔ-mɛ̀n-yrikàn 5:12

kɩ yɔ krɛ́ ɛcɔ̀ esùva cüìcüìemɛ̀n: “Ɔwɔ kɔ̀kɔ̀sɛ̀ ẅì léyi ye di owúemɛ̀n nɔn, krɔn kpehɛ́n kɛ̀ cɔ́ ɛkɔrɛ̀srɔn, ɛnnɛ̀ncüì-dì, ankà-nyrì mán ecüì, evrisì, eci-zrɔ mán ɛmrɛ́n!”

Ɔwɔ-mɛ̀n-yrikàn 5:13

Mɛ̀n vru mɛ̀n yá Ɔwɔ-kɔrɛ̀-ci hɔ̀n lɔ fɛn léyi dú anhobɩ́, ɛnhi wú, ɛnhibɩ́ mán ecüemɛ̀n (Ɔwɔ-kɔrɛ̀-ci hɔ̀n lɔ fɛn léyi dú ɛnhibù mumù lɔ fɛn wú nɔn) kɛ krɛ́ ɛcɔ̀: “Nɛ́n léyi nɛ̀n yɛ́ ɛgbú-tòbù wú nɔn mán Ɔwɔ kɔ̀kɔ̀sɛ̀-ẅi lɔ, ɛmrɛ́n, ɛvrisì, eci-zrɔ mán ɛkɔrɛ̀srɔn kè dú nɛ tɛn ɛnvra lɔ fɛn!”

Ɔwɔ-mɛ̀n-yrikàn 5:14

Ɛci kɔkɔrɛ anzɔ̀ hɔ̀n lɔ mrɛ́n ɔmùan le: “Kè dú ɔmu lɔ!” Kɩ ɛcüìcüì-bɔ̀ kɛ shran annankruemɛ̀n kɩ ke cüe nɛ̀n ankɔrɛ̀ ezìwúɛ.

Ɔwɔ-mɛ̀n-yrikàn 6:16

Yɔ dɔ́ ɛnkpò hɔ̀n mán ɛbù hɔ̀n le: “Nyɛ́n ku bɔ̀ ɛwú, ô nyɛ́n bán bɔ̀ ɔwrɔn léyi yɛ́ ɛgbútòbù wú mán Ɔwɔ kɔ̀kɔ̀sɛ́-ẅì mɛ̀nhyì-bɩ́ tɛ̀sɛ̀n esù she mɛ̀n.