Ɔwɔ-mɛ̀n-yrikàn 5:5 - Ɛmɛẅi ankà ankrànkràn 2003

⁵ Zɛtɛn ɛcüìcüì-bɔ̀ lɔ, ɔtɔ̀n kɛ dɔ́ mɛ̀n le: “E bɩ́ wú eyú. Ɛ̀ nyan: Zhüda mɛ̀n mɛ̀n gɔ̀ngɔsɔvɛ̀ lɔ, ɛnnɛncüi Davidɛ̀n mɛẅi wrɔn, nɛ́n kɔ́nkà; nɛ lɛ bɔyɛ ɛci-tɔn-ci ɔbɔɛ̀n hɔ̀n lɔ tɛ̀, kɩ ne le vuru owrú lɔ.”

Ɔwɔ-mɛ̀n-yrikàn 5:5 Iomraidhean Croise

Lükɛ̀n 23:28

Zhezü crɛ̀ nyan wúyɔ̀ hɔ̀n lɔ kɩ kɛ dɔ́ le: “Zherüzalɛmɛ̀n wúyɔ̀, nyɛ́n bɩ́ wú eyú m'ɛkruhú! Nyɛ́n wú eyú nyɛ́n tán ny'edomɛ̀n mán ny'ɛẅì hɔ̀n.

Lükɛ̀n 7:13

Ɛnvra léyi, Ɛẅɛnwrɔn kán nɛ̀n nɔn, ɛnhyɔ̀bɔ̀ cɔ́ nɛ̀n, kɩ nɛ dɔ́ ɛngrɔn-hi lɔ le: “E bɩ́ wú eyú.”

Lükɛ̀n 8:52

Yɔ lɔ fɛn, ye dú eyú wúemɛ̀n mán oboto mɛ̀n, ɛnẅì lɔ kruhú. Zɛtɛn Zhezü kɛ dɔ́ yɔ le: “Nyɛ́n bɩ́ wú eyú, nɛ̀n sɩ̀ wúɛ, tɛ́n ndà nɛ dà.”

Zhan 20:13

Ɔwɔ-kùyüre-bɔ̀ lɔ ke yrɛ nɛ̀n le: “Cɛci kruhú kɛ e wú eyúɛ?” Nɛ̀n mrɛ́n yɔ ɔmùan le: “Ye bɩ́ m'Ɛẅɛnwrɔn yɛ sɔhɔ́ kɩ mɛ̀n sɩ̀ nyrì ɛyri léyi yɛ hɛ́n nɛ̀n hàn nɔn.”

Rɔmɛ̀n-anmàn-bɔ̀ 1:3

Ɛmɛẅi ankà ndɔ lɔ kɛ crɛ nyan n'ɛnẅì, bɔ́ Ɛẅɛnwrɔn Zhezü Krisì: anwrɔnẅiemɛ̀n lɔ, nɛ̀n dú Davidɛ̀n-mɛẅi-wrɔn;

Rɔmɛ̀n-anmàn-bɔ̀ 15:12

Ezahi mán kɛ dɔ̀ le: “Zhese mɛẅi-wrɔn kɛ lɛ và, ne le tɔhú, ô nɛ̀n nyrɔn ɛnhi-wú anmàn hɔ̀n, kɩ fɛcüè hɔ̀n ke bɩ́ y'esɛ́ lɔ kɛ wá nɛ̀n ɛmɛ̀n.”

Ebre-bɔ̀ 7:14

Ebîemɛ̀n lɔ, ye nyri ɔmu le nɛ̀n dú Zhüda mɛ̀n lɔ mɛ̀n, kɩ Mohizì kè sɩ̀ dɔ̀ ankà zriɛmɛ́n ɛnvra léyi nɛ̀n dɔ́ Ɔwɔ-cice-bɔ̀ ankà nɔn.

Ɔwɔ-mɛ̀n-yrikàn 1:1

Owrú ndɔ lɔ kɛ dɔ́ ɛyrikàn léyi Zhezü Krisì ncɔ̀ nɔn n'ankà. Ɔwɔ tán nɛ̀n ɛyrikàn ndɔ lɔ, ô nɛ̀n yé n'eci-bɩ̀tan bɔ̀ eci léyi kɛ lɛ wɔɛn ɛnvra bruemɛ̀n nɔn. Krisì wá n'ɛkùyüre-wrɔn ɔkɔ̀hɔ̀n Zhan yri, ô kɛ̀ tán nɛ̀n nɛ̀n nyri eci léyi kɛ lɛ wɔɛ̀n nɔn.

Ɔwɔ-mɛ̀n-yrikàn 22:16

“Mɛ̀n Zhezü, mɛ̀n wá m'ɛkùyüre-wrɔn ɔkɔhɔ̀n kɛ̀ và kè yé eci ndɔ lɔ Ɔwɔ fɛcüè-bɔ̀ mɛ̀n. Mɛ̀n dú Davidɛ̀n mɛ̀n mɛ̀n mɛẅi-wrɔn, ɛcɛ̀n-dɔ̀gbɔ̀.”

Ɔwɔ-mɛ̀n-yrikàn 3:21

Anwrɔn hɔ̀n léyi kɛ kɔ́nkà nɔn, mɛ lɛ tán yɔ ɛkɔrɛ̀levri yɔ le bɩ́ ɛyri m'ɛgbú-tòbù lɔ wú, hán ɔmu le ɛnvra léyi mɛ́n kɔ́nkà nɔn, mɛ́n hɔ̀n mɛ̀n yɛ́, mɛ̀n mán Dade mɛhi n'ɛgbú-tòbù lɔ wú.

Ɔwɔ-mɛ̀n-yrikàn 4:10

ɛcüicüì-bɔ̀ ɛẅia anzɔ̀ lɔ, kɛ shran annankruemɛ̀n, ɔwrɔn léyi yɛ́ ɛgbù-tòbù wú nɔn zìwú, yɔ cüe ɔwrɔn léyi dú ɛwúvà mɛ̀n ɛnvra lɔ fɛn nɔn ankɔrɛ̀ ezìwúɛ. Yɔ kɔ́n y'ɛnkrusɔ́n-ci hɔ̀n lɔ cüe ɛgbú-tòbù zìwú kɩ yɔ dɔ̀ le:

Ɔwɔ-mɛ̀n-yrikàn 4:4

Ɛgbú-tòbù lɔ dòmɛ̀n, ɛgbú-tòbù ɛẅia anzɔ̀ nyantɛn hɔ̀n ndù, y'ɛwú lɔ ɛcüìcüì-bɔ̀ ɛẅia anzɔ̀ cɔ́ ɛceci wosú yɛ́, kɩ ansikɛ krusɔn-ci dú yɔ ɛnkru.

Ɔwɔ-mɛ̀n-yrikàn 5:4

Mɛ̀n wú eyú bobrebe, ɔmuhi ye sɩ̀ cɔ̀ ɔwrɔn zriɛmɛ́n léyi krɔn kpehɛ́n kè vuru owrú lɔ, ô kɛ̀ nyan nɛ̀n ɛmɛ̀n nɔn.

Ɔwɔ-mɛ̀n-yrikàn 6:1

Zɛtɛn mɛ̀n kán Ɔwɔ kɔ̀kɔ̀sɛ́ ẅi srú ɛci-tɔn-ci hɔ̀n ɔbɔ̀ɛn lɔ kpàkpà tɛn lɔ, kɩ mɛ̀n yá ɛci kɔrɛkɔrɛ hɔ̀n anzɔ̀ lɔ, ɔtɔ̀n esùva mùan kɛ dɔ́ ankà ke shrì kɛ hán ɛwú kùdì hɔ́: “Và!”

Ɔwɔ-mɛ̀n-yrikàn 7:13

Ɛcüìcüì-bɔ̀ lɔ ɔtɔ̀n ke yrɛ mɛ̀n le: “Antɔn hɔ̀n dú anwrɔn hɔ̀n léyi cɔ́ ɛceci she wosu, kɩ tɛyri de yɔ dù yɔ và nɛ́n?”