Ɔwɔ-mɛ̀n-yrikàn 5:14 - Ɛmɛẅi ankà ankrànkràn 2003

¹⁴ Ɛci kɔkɔrɛ anzɔ̀ hɔ̀n lɔ mrɛ́n ɔmùan le: “Kè dú ɔmu lɔ!” Kɩ ɛcüìcüì-bɔ̀ kɛ shran annankruemɛ̀n kɩ ke cüe nɛ̀n ankɔrɛ̀ ezìwúɛ.

Ɔwɔ-mɛ̀n-yrikàn 5:14 Iomraidhean Croise

1 Korɛntɛ̀n anmàn-bɔ̀ 14:16

Annanwɔrɛ mɛ̀n lɔ, ke dú kɛ ɛ tán Ɔwɔ ɔkùɛn ɛnhɛ́n mɛ̀n tɛ̀kɩ, anwɔntan de ɔwrɔn léyi dú nukù-die-wrɔn fɛcüè lɔ mɛ̀n, kɛ lɛ hán kɛ̀ mrɛ́n ɔmùan le “Kè du ɔmu lɔ” v'ɛnyrì-kùɛn-tán Wɔ-sɛ́n lɔ mɛ̀n nɛ́n? Annanwɔrɛ mɛ̀n lɔ, nɛ̀n sɩ̀ nyrì ankà léyi ɛ dɔ̀ nɔn.

Ɔwɔ-mɛ̀n-yrikàn 19:4

Ɛcüìcüì-bɔ̀ ɛẅia anzɔ̀ lɔ mán ɛci kɔrɛkɔrɛ hɔ̀n anzɔ̀ lɔ shran annankruemɛ̀n kɩ ke cüe Ɔwɔ ankɔrɛ̀ ezìwúɛ, nɛ́n léyi nɛ̀n yɛ́ ɛgbú-tòbù wú, kɩ yɔ dɔ̀ le: “Kè dú ɔmu lɔ! Aleluyà! Nyɛ́n mrɛ́n Ɛẅɛnwrɔn!”

Ɔwɔ-mɛ̀n-yrikàn 4:4

Ɛgbú-tòbù lɔ dòmɛ̀n, ɛgbú-tòbù ɛẅia anzɔ̀ nyantɛn hɔ̀n ndù, y'ɛwú lɔ ɛcüìcüì-bɔ̀ ɛẅia anzɔ̀ cɔ́ ɛceci wosú yɛ́, kɩ ansikɛ krusɔn-ci dú yɔ ɛnkru.

Ɔwɔ-mɛ̀n-yrikàn 4:6

Ɛgbú-tòbù zìwú lɔ eci tɔ̀n ndù cá ecüe léyi hán zɛnci hɔ́ kɩ vru bi cehɛ́n hán obùẅì ankrànkràn hɔ́. Awanzi, ɛgbú-tòbù dòmɛ̀n lɔ, ɛci kɔrɛkɔrɛ anzɔ̀ nyɔn, anvɛ̀ dú yɔ ezì mán ɛmɛẅi.

Ɔwɔ-mɛ̀n-yrikàn 5:11

Mɛ̀n vru mɛ̀n nyan kɩ mɛ̀n yá Ɔwɔ-kùyüre-bɔ̀ fɛcüè tɔ̀n sùva: yɔ dú fɛcüè bobrebe. Yɔ nyɔn, yɔ gbrɛnkɛ́n ɛgbú-tòbù lɔ ɔmùan ɛyri léyi ɛci kɔrɛkɔrɛ hɔ̀n mán ɛcüìcüì-bɔ̀ ndù nɔn,

Ɔwɔ-mɛ̀n-yrikàn 5:6

Kɩ mɛ̀n kán Ɔwɔ kɔ̀kɔ̀sɛ̀ ẅì nyɔn ɛgbú-tòbù wanzi, ɛci kɔrɛkɔrɛ anzɔ̀ hɔ̀n lɔ mán ɛcüìcüì-bɔ̀ gbrɛnkɛ́n nɛ̀n ɔmùan. Nɛ̀n cá eci léyi ye wi esùva nɔn. Nɛ̀n ẅɛn ɛtrù ɔbɔ̀ɛn mán anvɛ̀ ɔbɔ̀ɛn léyi dú Ɔwɔ hɛ́n ɔbɔ̀ɛn léyi yɛ hán dú ɛnhibù mumù lɔ fɛn wú và nɔn.

Ɔwɔ-mɛ̀n-yrikàn 5:8

Ɛnvra zri lɔ ɛci kɔrɛkɔrɛ anzɔ̀ lɔ mán ɛcüìcüì-bɔ̀ ɛẅia anzɔ lɔ shran annankruemɛ̀n Ɔwɔ kɔ̀kɔ̀sɛ̀-ẅì zìwú. Y'ɛmɛ̀n lɔ, ɔwrɔnwrɔn ẅɛn anhɛ́ mràn tɔ̀n mán ansikɛ grashɛ̀n, anjɔsàn ɛnhyì, hɩ lɔ de dú Ɔwɔ fɛcüè wɔ-sɛ̀n nɔn.

Ɔwɔ-mɛ̀n-yrikàn 7:12

kɩ yɔ dɔ̀ le: “Kè dú ɔmu lɔ! Hɛ̀ɛ̀, ɛmrɛ́n, ecizrɔ, ankà-nyrì, ɛnyri-kùɛn-tán, evrisì, ɛkɔrɛ̀srɔn mán ecüì dú b'Ɔwɔ tɛn ɛnvra lɔ fɛn! Kè dú ɔmu lɔ.”