Ɔwɔ-mɛ̀n-yrikàn 5:13 - Ɛmɛẅi ankà ankrànkràn 2003

¹³ Mɛ̀n vru mɛ̀n yá Ɔwɔ-kɔrɛ̀-ci hɔ̀n lɔ fɛn léyi dú anhobɩ́, ɛnhi wú, ɛnhibɩ́ mán ecüemɛ̀n (Ɔwɔ-kɔrɛ̀-ci hɔ̀n lɔ fɛn léyi dú ɛnhibù mumù lɔ fɛn wú nɔn) kɛ krɛ́ ɛcɔ̀: “Nɛ́n léyi nɛ̀n yɛ́ ɛgbú-tòbù wú nɔn mán Ɔwɔ kɔ̀kɔ̀sɛ̀-ẅi lɔ, ɛmrɛ́n, ɛvrisì, eci-zrɔ mán ɛkɔrɛ̀srɔn kè dú nɛ tɛn ɛnvra lɔ fɛn!”

Ɔwɔ-mɛ̀n-yrikàn 5:13 Iomraidhean Croise

Matie 6:13

E bɩ́ teze bɔ̀ ɔwɔɛ̀nnyan mɛ̀n, tɛ́n ɛ̀ mrɛ́n bɔ̀ ɛgbàn mɛ̀n ɛ̀ sɔhɔ́. [Ɔmuhi ɛyri-ẅɛ̀n, ɛkɔrɛ̀srɔn mán eci-zrɔ, dú vɛ tɛn ɛnvra lɔ fɛn. Ke dú ɔmu lɔ.]’

Lükɛ̀n 2:14

“Eci-zrɔ dú ɛwú anhobɩ́ Wɔ tɛn, kɩ n'anwɔwɔ dú ɛnu ɛnhi anwrɔn hɔ̀n léyi nɛ cüɛ̀n nɔn tɛn!”

Zhan 1:29

Ɛnvra léyi ɛcɛ̀n cüe nɔn, Zhan kán Zhezü, jí nɛ̀n nvà kɩ nɛ dɔ̀ le: “Nyàn Ɔwɔ Kɔ̀kɔ̀sɛ̀-ẅì léyi kɛ gbú ɛnhibù gbàn lɔ sɔhɔ́ nɔn.

Rɔmɛ̀n-anmàn-bɔ̀ 11:36

Ɔmuhi eci lɔ fɛn dú n'eyri và, eci lɔ fɛn dú nɛ̀n ɛmɛ̀n kɩ dú nɛ tɛn. Eci-zrɔ kè dú Ɔwɔ tɛn ɛnvra lɔ fɛn! Kè dú ɔmu lɔ.

Rɔmɛ̀n-anmàn-bɔ̀ 16:27

Ɔwɔ zri léyi dú ankà-nyri-wrɔn nɔn eci-zrɔ kè dú nɛ tɛn, Zhezü Krisì bɩmɛ̀n, ɛnvra lɔ fɛn! Kè dú ɔmu lɔ.

Rɔmɛ̀n-anmàn-bɔ̀ 9:5

Yɔ dú bɔ́ nancüì hɔ̀n mɛẅi-bɔ̀ kɩ Krisì léyi dú ɔwrɔnẅì mɛ̀n nɔn, dú yɔ fɛcüè lɔ mɛ̀n, nɛ́n léyi nɛ̀n dú eci lɔ fɛn wú nɔn, Ɔwɔ léyi dú ɛmrɛ́n mɛ̀n ɛnvra lɔ fɛn nɔn. Kè dú ɔmu lɔ.

Efɛzɛ̀n anmàn-bɔ̀ 3:21

eci-zrɔ kè dú nɛ tɛn Ɔwɔ-fɛcüè mɛ̀n mán Zhezü Krisì mɛ̀n, ɛnvravra lɔ fɛn mán ɛnbì lɔ fɛn mɛ̀n! Kè dú ɔmu lɔ.

Filipɛ̀n anmàn-bɔ̀ 2:10

Nɛ̀n ji ɔmu le, ɛnvra léyi yɛ lɛ mrɛ́n Zhezü bɩ lɔ nɔn, ɛci hɔ̀n lɔ fɛn léyi dú ɔkɔrɛ mɛ̀n, anhobɩ́, ɛnhi mán ɛnhibɩ́ nɔn, kɛ̀ shran annankruemɛ̀n,

Kɔlɔsèn anmàn-bɔ̀ 1:23

Tɛ́n, ke ji le nyɛ́n dú ankaẅì-bùtan mɛ̀n, nyɛ́n nyɔn edùsɔmɛ̀n ɛbùnan-hiwú, nyɛ́n bɩ́ teze esɛ́ léyi dú nyɛ tɛn nɔn kɛ cɔhɔ́ nyɛ̀n ɛtɛ̀sɛ̀n ɛnvra léyi nyɛ́n gɔ̀ yá Ɛmɛẅi ankà Ankrankran lɔ nɔn. Ɛmɛẅi ankà Ankrankran ndɔ lɔ yɛ dɔ́ tán ɛnhi mumù lɔ fɛn, kɩ Ɛmɛẅi ankà Ankrankran ndɔ lɔ, de mɛ̀n, Pɔlɛ̀n, mɛ̀n srɔ n'eci-bɩ̀tan-wrɔn nɔn.

Kpàkpà timote 4:16

Ɛ̀ wá v'edomɛ̀n mán v'ankà-yé esùva. Ɛ̀ nyɔn ɛshishiemɛ̀n, ndɔ lɔ mɛ̀n. Annànwɔrɛ mɛ̀n lɔ, ke dú kɛ ɛ hán ɔmu lɔ hô, e le bɩ́ vɛ́n mumù mán anwrɔn hɔ̀n léyi ke die mɛ́n nukùɛ nɔn è die.

1 Piɛrɛ̀n 4:11

Ɔwrɔn léyi kɛ dɔ́ ankà anvrɛnvrɛn nɔn, ke ji le nɛ̀n dɔ́ Ɔwɔ ankà; ɔwrɔn léyi ẅɛn eci-bɩtan kɔrɛ̀-wá nɔn, kè bɩ́ nɛ̀n kɛ̀ hán eci Ɔwɔ kɔrɛ̀-wá cüìemɛ̀n: ke ji le eci lɔ fɛn mɛ̀n lɔ, Ɔwɔ kɛ̀ cɔ́ eci-zrɔ Zhezü Krisì bɩmɛ̀n, nɛ́n léyi ɛkɔrɛ̀srɔn mán eci-zrɔ dú nɛ tɛn ɛnvra lɔ fɛn! Kè dú ɔmu lɔ.

1 Piɛrɛ̀n 5:11

Ɛkɔrɛ̀srɔn dú nɛ tɛn ɛnvra lɔ fɛn! Kè dú ɔmu lɔ.

Zhüdɛ̀n 1:25

Ɔwɔ zri, bɔ́ bɩdie-wrɔn, Zhezü-Krisì bɔ́ Ẅɛnwrɔn bɩmɛ̀n, eci-zrɔ, evrisì, ɛkɔrɛ̀srɔn mán ɛkɔrɛ̀levri dú nɛ tɛn, ɛnkrubɔmɛ̀n, zɛtɛ̀ mán ɛnvra lɔ fɛn! Kè dú ɔmu lɔ.

Ɔwɔ-mɛ̀n-yrikàn 1:6

nɛ̀n srɔ bɔ̀ Ɔwɔ-cice-bɔ̀, ô bo dú nɛ́n Zi Ɔwɔ ci-bɩ̀tan kɔ̀hɔ́n mɛ̀n. Eci-zrɔ mán ɛkɔrɛ̀srɔn kè dú nɛ tɛn ɛnvra lɔ fɛn! Kè dú ɔmu lɔ.

Ɔwɔ-mɛ̀n-yrikàn 13:8

Ɛnhi-wú-bɔ̀ lɔ fɛn ke le cüe nɛ̀n ankɔrɛ̀ ezìwúɛ, anwrɔn hɔ̀n léyi ye sɩ̀ merɛ́n yɔ bi ɔkɔrɛ wrú lɔ mɛ̀n ɛnhibù krubɔmɛ̀n hàn hɛ́n, ɔkɔrɛ wrú léyi dú Ɔwɔ kɔ̀kɔ̀sɛ̀-ẅì léyi ye wrì nɔn tɛn.

Ɔwɔ-mɛ̀n-yrikàn 5:1

Mɛ̀n kán owrú tɔ̀n ye serɛ dú ɔwrɔn léyi yɛ́ ɛgbù-tòbù wú nɔn n'ezì-kɔrɛ̀ màn lɔ mɛ̀n; owrú zì anhyrɛ̀ lɔ wú ye merɛ́n eci kɩ yɛ sɛn owrú lɔ ɛyri dɛ̀n ɔbɔ̀ɛn.

Ɔwɔ-mɛ̀n-yrikàn 5:12

kɩ yɔ krɛ́ ɛcɔ̀ esùva cüìcüìemɛ̀n: “Ɔwɔ kɔ̀kɔ̀sɛ̀ ẅì léyi ye di owúemɛ̀n nɔn, krɔn kpehɛ́n kɛ̀ cɔ́ ɛkɔrɛ̀srɔn, ɛnnɛ̀ncüì-dì, ankà-nyrì mán ecüì, evrisì, eci-zrɔ mán ɛmrɛ́n!”

Ɔwɔ-mɛ̀n-yrikàn 5:3

Tɛ́n ɔwrɔn zriɛmɛ́n bàdà, anhobɩ́ mán, ɛnhi mán, ɛnhibɩ́ anhɛ̀ mán, hɩ ká vuru owrú lɔ tɛ̀, ô kɛ̀ nyan nɛ̀n ɛmɛ̀n nɔn.

Ɔwɔ-mɛ̀n-yrikàn 5:6

Kɩ mɛ̀n kán Ɔwɔ kɔ̀kɔ̀sɛ̀ ẅì nyɔn ɛgbú-tòbù wanzi, ɛci kɔrɛkɔrɛ anzɔ̀ hɔ̀n lɔ mán ɛcüìcüì-bɔ̀ gbrɛnkɛ́n nɛ̀n ɔmùan. Nɛ̀n cá eci léyi ye wi esùva nɔn. Nɛ̀n ẅɛn ɛtrù ɔbɔ̀ɛn mán anvɛ̀ ɔbɔ̀ɛn léyi dú Ɔwɔ hɛ́n ɔbɔ̀ɛn léyi yɛ hán dú ɛnhibù mumù lɔ fɛn wú và nɔn.

Ɔwɔ-mɛ̀n-yrikàn 5:9

Yɔ krɛ́ ɛcɔ̀ wrù tɔ̀n: “Ɛ̀krɔn kpehɛ́n e le bɩ́ owrú lɔ, kɩ ɛ lɛ bɔyɛ n'ɛci-tɔn-ci hɔ̀n lɔ. Ɔmuhi ye dí mɛ́n owuemɛ̀n, kɩ v'ɛgbànkàn cice lɔ mɛ̀n, è bɩ́ ɛmɛ̀n mɛ̀ntɛ mɛ̀ntɛ bɔ̀, fɛcüè mɛ̀ntɛ mɛ̀ntɛ bɔ̀ mán ɛnhi wú anmàn mɛ̀ntɛ mɛntɛ bɔ̀, ɛ và sɩ́ Ɔwɔ.

Ɔwɔ-mɛ̀n-yrikàn 6:16

Yɔ dɔ́ ɛnkpò hɔ̀n mán ɛbù hɔ̀n le: “Nyɛ́n ku bɔ̀ ɛwú, ô nyɛ́n bán bɔ̀ ɔwrɔn léyi yɛ́ ɛgbútòbù wú mán Ɔwɔ kɔ̀kɔ̀sɛ́-ẅì mɛ̀nhyì-bɩ́ tɛ̀sɛ̀n esù she mɛ̀n.