Ɔwɔ-mɛ̀n-yrikàn 4:9 - Ɛmɛẅi ankà ankrànkràn 2003

⁹ Ɛnvra totɔtɔ̀n léyi ɛci kɔrɛkɔrɛ hɔ̀n anzɔ̀ lɔ kɛ krɛ́ ɛcɔ̀, kɛ zrɔ eci, kɛ mrɛ́n, ô kɛ̀ tán ɔwrɔn léyi yɛ́ Ɛgbú-tòbù wú ɔkùɛn nɔn, Ɔwrɔn léyi dú ɛwúvà mɛ̀n ɛnvra lɔ fɛn nɔn,

Ɔwɔ-mɛ̀n-yrikàn 4:9 Iomraidhean Croise

Ebre-bɔ̀ 7:25

Hɩ le kruhú de anwrɔn hɔ̀n léyi kɛ sɔnbá Ɔwɔ ɛtɛ̀sɛ̀n n'ebɩmɛ̀n nɔn, ne le bɩ́ yɔ tɛ̀ nɛ̀n die brɛzri, ɔmuhi nɛ̀n dú ɛnvra lɔ fɛn ankɔrɛkɔrɛ mɛ̀n, ô nɛ̀n sɛ́n Ɔwɔ nɛ̀n tán yɔ nɔn.

Ebre-bɔ̀ 7:8

Levi mɛẅi bɔ̀ hɔ̀n léyi kɛ cɔ́ ɛvámɛ̀n-ci lɔ nɔn, dú owú-bɔ̀; tɛ́n Mɛlkisedɛkɛ̀n wú ankà lɔ, ɛvámɛ̀n-ci ndɔ lɔ srɔ ɔwrɔn tɔ̀n léyi dú ankɔrɛkɔrɛ mɛ̀n nɔn tɛn, hán ɔmu le Owrú kɛ dɔ̀ nɔn.

Ɔwɔ-mɛ̀n-yrikàn 1:18

Mɛ̀n dú ɔkɔrɛ-wrɔn. Mɛ́n wù, tɛ́n zɛtɛ̀ lɔ mɛ̀n dú ɔkɔrɛ-wrɔn ɛnvra lɔ fɛn. Mɛ̀n ẅɛn ɛkɔrɛ̀srɔn owù mán owú-bɔ̀ hi wú.

Ɔwɔ-mɛ̀n-yrikàn 10:6

kɩ wá ɔmùan tɔ̀n, Ɔwɔ léyi dú ɛnvra lɔ fɛn, hán anhobɩ́ mán ɛnhi, ecüe mán eci lɔ fɛn léyi dú nɛ̀n ɛmɛ̀n nɔn, n'ebɩ́mɛ̀n. Ɔwɔ-kùyüre-wrɔn lɔ dɔ̀ le: “Ye sɩ̀ vru wá ɛnvra ha!

Ɔwɔ-mɛ̀n-yrikàn 15:7

Ɛci kɔrɛkɔrɛ hɔ̀n anzɔ̀ lɔ, ɔtɔ̀n tán Ɔwɔ-kùyüre-bɔ̀ ɔbɔ̀ɛn lɔ, ansikɛ grashɛ̀n ɔbɔ̀ɛn, Ɔwɔ mɛ̀nhyì yɩ́ ɛmɛ̀n, nɛ́n léyi nɛ̀n dú ɛnvra lɔ fɛn nɔn.

Ɔwɔ-mɛ̀n-yrikàn 21:5

Zɛtɛn ɔwrɔn léyi yɛ́ ɛgbú-tòbù wú nɔn kɛ dɔ̀ le: “Zɛtɛ̀ lɔ mɛ hán ecì hɔ̀n lɔ fɛn owrù.” Zɛtɛn nɛ dɔ́ mɛ̀n le: “È merɛ́n ndɔ lɔ, ɔmuhi m'ɔmùan-ankà-dɔ̀ hɔ̀n dú annanwɔrɛ kɩ ẅɛn esɛ́ nɔn.”

Ɔwɔ-mɛ̀n-yrikàn 4:2

Ɛnvra zri lɔ, Ɛnhɛ́n bru mɛ̀n edù. Kɩ anhobɩ́, nanvrɛn lɔ, ɛgbú-tòbù tɔ̀n ndù. Ɛgbú-tòbù ndɔ lɔ wú ɔwrɔn tɔ̀n yɛ́;

Ɔwɔ-mɛ̀n-yrikàn 4:8

Ɛci kɔrɛkɔrɛ anzɔ̀ lɔ, ɔwrɔnwrɔn ẅɛn ɛtùvàkɔrɛ̀ ɔwole, anvɛ̀ dú ɛwú mán anhɛ̀. Yɔ dú ɛcɔ̀-krɛmɛ̀n ɛnvra lɔ fɛn, ɛnnyran mán ɛcɛ̀n: “Prɔnprɔn, prɔnprɔn, prɔnprɔn dú Ɛẅɛnwrɔn, ɛkɔrɛ̀srɔn Wɔ, nɛ́n léyi nɛ́n go dù, nɛ́n dù kɩ nɛ và nɔn.”

Ɔwɔ-mɛ̀n-yrikàn 5:1

Mɛ̀n kán owrú tɔ̀n ye serɛ dú ɔwrɔn léyi yɛ́ ɛgbù-tòbù wú nɔn n'ezì-kɔrɛ̀ màn lɔ mɛ̀n; owrú zì anhyrɛ̀ lɔ wú ye merɛ́n eci kɩ yɛ sɛn owrú lɔ ɛyri dɛ̀n ɔbɔ̀ɛn.

Ɔwɔ-mɛ̀n-yrikàn 6:16

Yɔ dɔ́ ɛnkpò hɔ̀n mán ɛbù hɔ̀n le: “Nyɛ́n ku bɔ̀ ɛwú, ô nyɛ́n bán bɔ̀ ɔwrɔn léyi yɛ́ ɛgbútòbù wú mán Ɔwɔ kɔ̀kɔ̀sɛ́-ẅì mɛ̀nhyì-bɩ́ tɛ̀sɛ̀n esù she mɛ̀n.

Ɔwɔ-mɛ̀n-yrikàn 7:15

Hɩ le kruhú de yɔ nyɔn Ɔwɔ gbú-tòbù zìwú kɩ yɔ sɛ́n nɛ̀n ɛnnyran mán ɛcɛ̀n, n'ecice wɔn lɔ mɛ̀n. Ɔwrɔn léyi yɛ́ ɛgbútòbù wú nɔn, kɛ lɛ wá yɔ esùva.