Ɔwɔ-mɛ̀n-yrikàn 4:8 - Ɛmɛẅi ankà ankrànkràn 2003

⁸ Ɛci kɔrɛkɔrɛ anzɔ̀ lɔ, ɔwrɔnwrɔn ẅɛn ɛtùvàkɔrɛ̀ ɔwole, anvɛ̀ dú ɛwú mán anhɛ̀. Yɔ dú ɛcɔ̀-krɛmɛ̀n ɛnvra lɔ fɛn, ɛnnyran mán ɛcɛ̀n: “Prɔnprɔn, prɔnprɔn, prɔnprɔn dú Ɛẅɛnwrɔn, ɛkɔrɛ̀srɔn Wɔ, nɛ́n léyi nɛ́n go dù, nɛ́n dù kɩ nɛ và nɔn.”

Ɔwɔ-mɛ̀n-yrikàn 4:8 Iomraidhean Croise

Ɔkɔ̀hɔ̀n-wá-bɔ̀ kɔ̀hɔ̀n hán 20:31

Nyɛ́n kpri ɛvɛ̀, ô kè bru nyɛ̀n le, ɛnnànwàn kru anhɔ̀n, ɛnnyran mán ɛcɛ̀n, de mɛ̀n dú nyɛ̀n ankà krosi mɛ̀n, m'anvɛ-shi cüe mɛ̀n.

2 Korɛntɛ̀n anmàn-bɔ̀ 6:18

Me le dú nyɛ́n Zi tɔ̀n kɩ nye le dú m'ɛẅì hɔ̀n wúcɔ̀ mán wúyɔ̀, ɔmu lɔ de Ɛẅɛnwrɔn, ɛkɔrɛ̀-srɔn-wrɔn kɛ dɔ̀ nɔn.”

1 Tesalonikɛ̀n anmàn-bɔ̀ 2:9

Anwrɔn-nɛ́n-muan-ẅì hɔ̀n, annanwɔrɛ mɛ̀n lɔ, bɔ́ ɛgbànkàn mán bɔ́ edùkà ke bru nyɛ̀n: bɔ̀ hán ɔkɔ̀hɔ̀n ɛnnyran mán ɛcɛ̀n ô bɔ́ bɩ́ srɔ ɛnlowru bɔ́ tán ɔwrɔn zriɛmɛ́n, ɔmu tɛ̀kɩ bɔ́ dɔ́ nyɛ̀n Ɔwɔ Mɛẅi ankà Ankrànkràn lɔ.

Kpàkpà timote 4:16

Ɛ̀ wá v'edomɛ̀n mán v'ankà-yé esùva. Ɛ̀ nyɔn ɛshishiemɛ̀n, ndɔ lɔ mɛ̀n. Annànwɔrɛ mɛ̀n lɔ, ke dú kɛ ɛ hán ɔmu lɔ hô, e le bɩ́ vɛ́n mumù mán anwrɔn hɔ̀n léyi ke die mɛ́n nukùɛ nɔn è die.

Anhyrɛmɛ̀n timote 4:2

ɛ̀ dɔ́ Ɔwɔ mùan ankà lɔ edù ke bɩ́ ká mɛ́n, ɛnvra totɔtɔ̀n lɔ fɛn mɛ̀n; ɛnkruemɛ̀n kè cüe mɛ́n, ke dú kɛ ɛkɔrɛ̀levri ke dù, kɩ badà mán, ɛ̀ dɔ́ ebrè di ankà mán edùyi ankà ɛ̀ tán anwrɔn, ô è yé ankà ɛnbɔrɛ-ẅɛ̀n-hɛ́n mɛ̀n anvrɛnvrɛn.

Ebre-bɔ̀ 13:8

Zhezü Krisì dú ɔwrɔn léyi dú ɛnɛ́n, ɛnyɔnci mán ɛnvra lɔ fɛn nɔn.

Ɔwɔ-mɛ̀n-yrikàn 1:4

Ebinyan ndɔ lɔ dú Zhan yri kɛ và, kè dú Ɔwɔ-fɛcüè ɔbɔ̀ɛn hɔ̀n léyi dú Azi kpɔsɔ wú nɔn tɛn: Nboafɔ̀n mán anwɔwɔ kè dú Ɔwɔ léyi ndù, ngo dù kɩ kɛ và nɔn, ne yri kɛ̀ và cɔ́ nyɛ̀n, kè dú anhɛ́n hɔ̀n ɔbɔ̀ɛn léyi nyɔn n'ɛgbú-tòbù zìwú, y'eyri kɛ̀ và cɔ́ nyɛ̀n,

Ɔwɔ-mɛ̀n-yrikàn 1:8

“Mɛ̀n dú kpàkpà-wrɔn mán ɛmɛẅitrɔ-wrɔn”, ɔmu lɔ de Ɛẅɛnwrɔn, ɛkɔrɛ̀srɔn Wɔ kɛ dɔ̀ nɔn, nɛ́n léyi nɛ́n dù, nɛ́n go dù, kɩ nɛ và nɔn.

Ɔwɔ-mɛ̀n-yrikàn 11:17

kɩ kɛ dɔ̀ le: “Ɛẅɛnwrɔn ɛkɔrɛ̀srɔn Wɔ, vɛ́n léyi e dù, kɩ ɛ gɔ́ dù nɔn, bɔ mrɛ́n mɛ́n, Ɔmuhi è bɩ́ v'ɛkɔrɛ̀srɔn vri lɔ ɛ̀ yrɛ́ v'ɛyri-ẅɛ̀n lɔ nɔn.

Ɔwɔ-mɛ̀n-yrikàn 14:11

Ɛnhyà-bri léyi kɛ hán yɔ, yɔ kán ɛgbàn nɔn, kɛ hɔ́n ɛwú ɛnvra lɔ fɛn. Yɔ sɩ̀ ẅɛ̀n ɛwrɔncüe ɛnnyran mán ɛcɛ̀n, anwrɔn hɔ̀n léyi ke cüe ɔnɔ̀n lɔ mán nɛ́n picɛ̀ ankorɛ̀ ezìwú mán ɔwrɔn totɔtɔ̀n léyi kɛ cɔ́ n'ebi lɔ n'ɛnrɛ̀n edòmɛ̀n nɔn.”

Ɔwɔ-mɛ̀n-yrikàn 14:3

Anwrɔn tɛ̀buri kru bobrebe ndɔ hɔ̀n lɔ kɛ krɛ́ ɛcɔ̀ wrù tɔ̀n ɛgbú-tòbù zìwú, ɛci kɔrɛkɔrɛ hɔ̀n anzɔ̀ lɔ mán ɛcüìcüì-bɔ̀ zìwú. Ɔwrɔn zriɛmɛ́n ke sɩ̀ ván ɛcɔ̀ ndɔ lɔ rɔ́, ke dú kɛ kè sɩ̀ dù anwrɔn tɛ̀buri kru ɛkoẅi ɔbɔ̀ɛn mán ɛẅì anzɔ̀ hɔ̀n léyi yɛ mrɛ́n anwɔ̀nẅiemɛ̀n yɛ sɔhɔ́ ɛnhi wú nɔn.

Ɔwɔ-mɛ̀n-yrikàn 15:3

Yɔ krɛ́ Mohizì cɔ̀, nɛ́n léyi nɛ̀n dú Ɔwɔ-ci-bɩtan-wrɔn nɔn, kɩ yɔ krɛ́ Ɔwɔ-Kɔ̀kɔ̀sɛ̀-ẅì cɔ̀: “Ɛẅɛnwrɔn, ɛkɔrɛsrɔn Wɔ, V'ɛkɔrɛ̀-ci hɔ̀n sevri kɩ zrɔ! Ɛnhi wú anmàn hɔ̀n nɛ̀ncüì, V'ankɔ́nda-ci-hán hɔ̀n nyrɔn kɩ dú annanwɔrɛ!

Ɔwɔ-mɛ̀n-yrikàn 15:7

Ɛci kɔrɛkɔrɛ hɔ̀n anzɔ̀ lɔ, ɔtɔ̀n tán Ɔwɔ-kùyüre-bɔ̀ ɔbɔ̀ɛn lɔ, ansikɛ grashɛ̀n ɔbɔ̀ɛn, Ɔwɔ mɛ̀nhyì yɩ́ ɛmɛ̀n, nɛ́n léyi nɛ̀n dú ɛnvra lɔ fɛn nɔn.

Ɔwɔ-mɛ̀n-yrikàn 16:14

Yɔ dú anwa-bɔ̀ hɛ́n hɔ̀n léyi kɛ hán anvɛmɛ̀n frɛ́n-ci nɔn. Yɔ hɔ́n ɛnhi mumù lɔ fɛn nɛ̀ncüì hɔ̀n tɛsɛ̀n, ô yɛ bɔrɛ yɔ ɛkru ɛkɔrɛ̀srɔn-Wɔ lɔ n'anhà-kɔ́n bì vri lɔ mɛ̀n.

Ɔwɔ-mɛ̀n-yrikàn 16:7

Zɛtɛn mɛ̀n yá esùva tɔ̀n dú ɛcice tɛbrɛ̀ wú nvà kɩ kɛ dɔ̀ le: “Hɛ̀ɛ̀, Ɛẅɛnwrɔn, ɛkɔrɛ̀srɔn Wɔ, v'ɛmrɛ̀ncì dú annanwɔrɛ kɩ nyrɔn!”

Ɔwɔ-mɛ̀n-yrikàn 19:15

Anhà-kɔ́n-nyan piɛnpiɛn tɔ́n dú nɛ̀n anmùan mɛ̀n srɔ, hɩ de ne bɩ ne gorɛ ɛnhi wú anmàn hɔ̀n nɔn. Nɛ lɛ nyrɔn yɔ ɛngbɛn ẅì kɔrɛ̀levriemɛ̀n, kɩ nɛ lɛ boyɛ ɛntàn wɔnsɛn tɛ̀-ẅì lɔ, ɛkɔrɛ̀srɔn Wɔ mɛ̀nhyì shishi tàn-borɛ-ci lɔ mɛ̀n.

Ɔwɔ-mɛ̀n-yrikàn 19:4

Ɛcüìcüì-bɔ̀ ɛẅia anzɔ̀ lɔ mán ɛci kɔrɛkɔrɛ hɔ̀n anzɔ̀ lɔ shran annankruemɛ̀n kɩ ke cüe Ɔwɔ ankɔrɛ̀ ezìwúɛ, nɛ́n léyi nɛ̀n yɛ́ ɛgbú-tòbù wú, kɩ yɔ dɔ̀ le: “Kè dú ɔmu lɔ! Aleluyà! Nyɛ́n mrɛ́n Ɛẅɛnwrɔn!”

Ɔwɔ-mɛ̀n-yrikàn 21:22

Mɛ̀n sɩ̀ kán Ɔwɔ-cice-wɔn anmàn ndɔ lɔ mɛ̀n, ɔmuhi n'ecice-wɔn dú Ɛẅɛnwrɔn, ɛkɔrɛ̀srɔn-Wɔ lɔ, mán Ɔwɔ-Kɔ̀kɔ̀sɛ̀-ẅì mɛhi.

Ɔwɔ-mɛ̀n-yrikàn 3:7

“È merɛ́n owrú è yüre Ɔwɔ-kuyüre-wrɔn léyi dú Filadɛlfi anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi, ɔwrɔn léyi dú prɔnprɔn mán annanwɔrɛ, nɛ́n léyi nɛ̀n ẅɛn ɛnnɛncüì Davidɛ̀n safɛ̀ lɔ, nɛ́n léyi ne srú kɩ ɔwrɔn zriɛmɛ́n ke sɩ́ sɛn rɔ́a nɔn, nɛ́n léyi nɛ sɛ̀n kɩ ɔwrɔn zriɛmɛ́n ke sɩ́ srú rɔ́a nɔn, nyan ankà léyi nɛ dɔ̀ nɔn:

Ɔwɔ-mɛ̀n-yrikàn 4:4

Ɛgbú-tòbù lɔ dòmɛ̀n, ɛgbú-tòbù ɛẅia anzɔ̀ nyantɛn hɔ̀n ndù, y'ɛwú lɔ ɛcüìcüì-bɔ̀ ɛẅia anzɔ̀ cɔ́ ɛceci wosú yɛ́, kɩ ansikɛ krusɔn-ci dú yɔ ɛnkru.

Ɔwɔ-mɛ̀n-yrikàn 4:6

Ɛgbú-tòbù zìwú lɔ eci tɔ̀n ndù cá ecüe léyi hán zɛnci hɔ́ kɩ vru bi cehɛ́n hán obùẅì ankrànkràn hɔ́. Awanzi, ɛgbú-tòbù dòmɛ̀n lɔ, ɛci kɔrɛkɔrɛ anzɔ̀ nyɔn, anvɛ̀ dú yɔ ezì mán ɛmɛẅi.

Ɔwɔ-mɛ̀n-yrikàn 4:9

Ɛnvra totɔtɔ̀n léyi ɛci kɔrɛkɔrɛ hɔ̀n anzɔ̀ lɔ kɛ krɛ́ ɛcɔ̀, kɛ zrɔ eci, kɛ mrɛ́n, ô kɛ̀ tán ɔwrɔn léyi yɛ́ Ɛgbú-tòbù wú ɔkùɛn nɔn, Ɔwrɔn léyi dú ɛwúvà mɛ̀n ɛnvra lɔ fɛn nɔn,

Ɔwɔ-mɛ̀n-yrikàn 5:6

Kɩ mɛ̀n kán Ɔwɔ kɔ̀kɔ̀sɛ̀ ẅì nyɔn ɛgbú-tòbù wanzi, ɛci kɔrɛkɔrɛ anzɔ̀ hɔ̀n lɔ mán ɛcüìcüì-bɔ̀ gbrɛnkɛ́n nɛ̀n ɔmùan. Nɛ̀n cá eci léyi ye wi esùva nɔn. Nɛ̀n ẅɛn ɛtrù ɔbɔ̀ɛn mán anvɛ̀ ɔbɔ̀ɛn léyi dú Ɔwɔ hɛ́n ɔbɔ̀ɛn léyi yɛ hán dú ɛnhibù mumù lɔ fɛn wú và nɔn.

Ɔwɔ-mɛ̀n-yrikàn 6:1

Zɛtɛn mɛ̀n kán Ɔwɔ kɔ̀kɔ̀sɛ́ ẅi srú ɛci-tɔn-ci hɔ̀n ɔbɔ̀ɛn lɔ kpàkpà tɛn lɔ, kɩ mɛ̀n yá ɛci kɔrɛkɔrɛ hɔ̀n anzɔ̀ lɔ, ɔtɔ̀n esùva mùan kɛ dɔ́ ankà ke shrì kɛ hán ɛwú kùdì hɔ́: “Và!”

Ɔwɔ-mɛ̀n-yrikàn 6:6

Mɛ̀n yá hán esùva tɔ̀n hɔ́, dú ɛci kɔrɛkɔrɛ hɔ̀n anzɔ̀ lɔ anwanzi srɔ kɩ kɛ dɔ̀ le: “Dùdu sɔ́n boasɛ́ zri dú nbɩ zri kɔ̀hɔ̀n-hán wɔ̀ɛn-dì, kɩ́ ɛnjüì boasɛ́ anhɔ̀n dú nbɩ zri kɔhɔ̀n-hán wɔ̀ɛn-dì. Tɛ́n ɛkɔrɛ̀ ke bɩ́ tɛ́ mɛ́n ɛnzhì mán ɛntàn wɔsɛ́n.”

Ɔwɔ-mɛ̀n-yrikàn 7:11

Ɔwɔ-kùyüre-bɔ̀ lɔ fɛn gbrɛnkɛn ɛgbú-tòbù lɔ ɔmùan, ɛcüìcüì-bɔ̀ mán ɛci kɔrɛkɔrɛ hɔ̀n anzɔ̀ lɔ mán. Yɔ bore, yɔ kɛ́n ezì ɛnhi ɛgbú-tòbù zìwú, kɩ yɔ cüe Ɔwɔ ankɔrɛ̀ ezìwúɛ

Ɔwɔ-mɛ̀n-yrikàn 7:15

Hɩ le kruhú de yɔ nyɔn Ɔwɔ gbú-tòbù zìwú kɩ yɔ sɛ́n nɛ̀n ɛnnyran mán ɛcɛ̀n, n'ecice wɔn lɔ mɛ̀n. Ɔwrɔn léyi yɛ́ ɛgbútòbù wú nɔn, kɛ lɛ wá yɔ esùva.