Ɔwɔ-mɛ̀n-yrikàn 4:5 - Ɛmɛẅi ankà ankrànkràn 2003

⁵ Ɛgbú-tòbù wú lɔ, anhobɩ́ hyà, esùva bobo mán ɛwú kù-dì ke dù kɛ và. Ɛnhyà lakà ɔbɔ̀ɛn ke wrú ɛgbú-tòbù zìwú; ndɔ lɔ de dú Ɔwɔ hɛ́n ɔbɔ̀ɛn hɔ̀n lɔ nɔn.

Ɔwɔ-mɛ̀n-yrikàn 4:5 Iomraidhean Croise

Matie 25:1

“Zɛtɛn Anhobɩ́ nɛ̀ncüì-dúyri kɛ lɛ cá wúyɔ̀-ẅì hɔ̀n ɛvà léyi bɩ́ yɔ kɛniɛn srɔ ɛntrɛ hɔ́n ɛnnyɔnwrɔn-nɛ́n-cüì ɛsù nɔn.

Matie 3:11

Mɛ tɛn, ɛnshi de me bɩ mɛ wá nyɛ̀n ɛnkru ô ke yé le nyɛ́n crɔn ɛnkruɛ; tɛ́n ɔwrɔn léyi dú mɛ̀n ɛmɛẅi kɛ và nɔn, kɛ lɛ wá nyɛ̀n ɛnshi ɛnkru Ɛnhɛ́n Prɔnprɔn mɛ̀n mán ɛnhyà mɛ̀n. Ɛkɔrɛ̀ srɔ́n nɛ̀n vrán mɛ̀n: mɛ̀n sɩ̀ zeze mɛ̀n zrɔa hɩ m'á sɩ́ m'edomɛ̀n ɛnhi ô mɛ̀n gbrɔ n'annanwrú hɛ́ lɔ nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 2:3

Zɛtɛn, yɔ kán ɛnhyà wɔɛ̀n bobrebe srɔ; yɔ gbɛ́ angranmɛ̀n ɔmùan kɩ ɛnzri zri hɔ́n nyɔn ɔwrɔn wrɔn ɛnkru wanzi.

Ɔwɔ-mɛ̀n-yrikàn 1:4

Ebinyan ndɔ lɔ dú Zhan yri kɛ và, kè dú Ɔwɔ-fɛcüè ɔbɔ̀ɛn hɔ̀n léyi dú Azi kpɔsɔ wú nɔn tɛn: Nboafɔ̀n mán anwɔwɔ kè dú Ɔwɔ léyi ndù, ngo dù kɩ kɛ và nɔn, ne yri kɛ̀ và cɔ́ nyɛ̀n, kè dú anhɛ́n hɔ̀n ɔbɔ̀ɛn léyi nyɔn n'ɛgbú-tòbù zìwú, y'eyri kɛ̀ và cɔ́ nyɛ̀n,

Ɔwɔ-mɛ̀n-yrikàn 10:3

Nɛ̀n dí nkù ecüemɛ̀n hán gɔngɔ̀sɔvɛ̀ léyi esuvamɛ̀n ke shrì nɔn hɔ́. Ɛwú-kù-di ɔbɔ̀ɛn mrɛ́n n'ɛnkù-dì lɔ ɔmùan.

Ɔwɔ-mɛ̀n-yrikàn 11:19

Zɛtɛn, anhobɩ́-cice-wɔn lɔ gbɛ́ ɔmùan, kɩ mìrɛ̀n lakà lɔ srɔ́. Ɛyri kpɛ́n ɛnhyà, yɛ yá esùva hɔ̀n, kù-dì, ɛwú di nkù, ɛnhi jɔkɔ̀ kɩ ɛnshi vri tɔ̀n nnàn.

Ɔwɔ-mɛ̀n-yrikàn 3:1

“È merɛ́n owrú è yüre Ɔwɔ kùyüre-wrɔn léyi dú Sardɛ̀n anmàn Wɔ fɛcüe-bɔ̀ mɛ̀n nɔn: Nyàn ankà léyi ɔwrɔn léyi ẅɛn Ɔwɔ Hɛ́n ɔbɔ̀ɛn hɔ̀n mán okùcankro hɔ̀n ɔbɔ̀ɛn kɛ dɔ̀ nɔn: Mɛ̀n nyri v'ɔkɔ̀hɔ̀n-hán-kɔ̀hɔ̀n; mɛ̀n nyri ɔmu le ɛ̀ ẅɛn ɛmrɛ́n ɔmuhi è dú ankɔrɛkɔrɛ mɛ̀n, zɛtɛn e wù.

Ɔwɔ-mɛ̀n-yrikàn 5:6

Kɩ mɛ̀n kán Ɔwɔ kɔ̀kɔ̀sɛ̀ ẅì nyɔn ɛgbú-tòbù wanzi, ɛci kɔrɛkɔrɛ anzɔ̀ hɔ̀n lɔ mán ɛcüìcüì-bɔ̀ gbrɛnkɛ́n nɛ̀n ɔmùan. Nɛ̀n cá eci léyi ye wi esùva nɔn. Nɛ̀n ẅɛn ɛtrù ɔbɔ̀ɛn mán anvɛ̀ ɔbɔ̀ɛn léyi dú Ɔwɔ hɛ́n ɔbɔ̀ɛn léyi yɛ hán dú ɛnhibù mumù lɔ fɛn wú và nɔn.

Ɔwɔ-mɛ̀n-yrikàn 8:5

Zɛtɛn Ɔwɔ-kùyüre-wrɔn lɔ bɩ́ kpokpo léyi yɛ bíɛ ɛci banban ɛwú nɔn, ku Ɔwɔ-cice-tɛbrɛ̀ hyà lɔ ɛmɛ̀n ɛnhyì kɩ kɔ́nze ɛnhi wú. Ɛnvra zri lɔ ɛwú di nkù bobrebe, esùva bobo ke shrì, ɛwú hyà hɔ̀n kɛ gbrɛ́n kɩ ɛnhi jɔkɔ̀.