Ɔwɔ-mɛ̀n-yrikàn 4:10 - Ɛmɛẅi ankà ankrànkràn 2003

¹⁰ ɛcüicüì-bɔ̀ ɛẅia anzɔ̀ lɔ, kɛ shran annankruemɛ̀n, ɔwrɔn léyi yɛ́ ɛgbù-tòbù wú nɔn zìwú, yɔ cüe ɔwrɔn léyi dú ɛwúvà mɛ̀n ɛnvra lɔ fɛn nɔn ankɔrɛ̀ ezìwúɛ. Yɔ kɔ́n y'ɛnkrusɔ́n-ci hɔ̀n lɔ cüe ɛgbú-tòbù zìwú kɩ yɔ dɔ̀ le:

Ɔwɔ-mɛ̀n-yrikàn 4:10 Iomraidhean Croise

Matie 2:11

Yɔ bru anwɔn mɛ̀n kɩ yɔ kán ɛnẅì lɔ mán nɛ́n muan Mari mɛhi. Yɔ shran annankruemɛ̀n kɩ yɔ cüe ɛnẅì lɔ ankɔ̀rɛ̀ ezìwúɛ; zɛtɛn, yɔ gbrɔ y'ɛnlowrú lɔ kɩ yɔ ce nɛ̀n ɛci: ansɩ̀kɛ, anjɔsàn mán ɛnzhì bánbán.

Lükɛ̀n 24:52

Yɔ tɛn, yɔ cüe nɛ̀n ankɔrɛ̀ ezìwúɛ, kɩ ye vru ɛmɛẅi yɔ hɔ́n Zherüzalɛmɛ̀n pɔpüɛ̀-brà-vriemɛ̀n.

1 Korɛntɛ̀n anmàn-bɔ̀ 15:10

Tɛ́n Ɔwɔ boafɔ̀n mɛ̀n lɔ, mɛ̀n dú eci léyi dú mɛ̀n nɔn, kɩ nboafɔ̀n léyi Ɔwɔ tán mɛ̀n nɔn kè sɩ̀ srɔ̀ eci woro: tɛ́n, mɛ̀n hán ɔkɔ̀hɔ̀n vrán ɔkɔ̀hɔ̀n-wá-bɔ̀ lɔ fɛn; annanwɔrɛ mɛ̀n lɔ kè sɩ̀ dù mɛ̀n, tɛ́n Ɔwɔ boafɔ̀n de hán ɔkɔ̀hɔ̀n m'ɛmɛ̀n nɔn.

Ɔwɔ-mɛ̀n-yrikàn 10:6

kɩ wá ɔmùan tɔ̀n, Ɔwɔ léyi dú ɛnvra lɔ fɛn, hán anhobɩ́ mán ɛnhi, ecüe mán eci lɔ fɛn léyi dú nɛ̀n ɛmɛ̀n nɔn, n'ebɩ́mɛ̀n. Ɔwɔ-kùyüre-wrɔn lɔ dɔ̀ le: “Ye sɩ̀ vru wá ɛnvra ha!

Ɔwɔ-mɛ̀n-yrikàn 11:16

Ɛcüìcüì bɔ̀ ɛẅia anzɔ̀ léyi yɛ́ y'ɛgbú-tòbù wú Ɔwɔ zìwú nɔn, bore, crɛ́ ezì kɛ́n ɛnhi, kɩ ke cüe Ɔwɔ ankɔrɛ̀ ezìwú

Ɔwɔ-mɛ̀n-yrikàn 15:4

Ɛẅɛnwrɔn, antɔn de ke sɩ̀ ẅɛn v'ɛwá nɛ́n? Antɔn de kɛ lɛ krɔ, ke sɩ̀ zrɔ mɛ́n eci nɛ́n? Ɔmuhi vɛ́n zri kɩ è dú prɔnprɔn, ɛnhi anmàn hɔ̀n lɔ fɛn kɛ lɛ và cüe mɛ́n ankɔrɛ̀ ezìwúɛ, ɔmuhi v'ɛnyrɔn ci-hán hɔ̀n ke yé tán yɔ, kpetemɛ̀n yɔ nyrì nɔn.”

Ɔwɔ-mɛ̀n-yrikàn 15:7

Ɛci kɔrɛkɔrɛ hɔ̀n anzɔ̀ lɔ, ɔtɔ̀n tán Ɔwɔ-kùyüre-bɔ̀ ɔbɔ̀ɛn lɔ, ansikɛ grashɛ̀n ɔbɔ̀ɛn, Ɔwɔ mɛ̀nhyì yɩ́ ɛmɛ̀n, nɛ́n léyi nɛ̀n dú ɛnvra lɔ fɛn nɔn.

Ɔwɔ-mɛ̀n-yrikàn 19:4

Ɛcüìcüì-bɔ̀ ɛẅia anzɔ̀ lɔ mán ɛci kɔrɛkɔrɛ hɔ̀n anzɔ̀ lɔ shran annankruemɛ̀n kɩ ke cüe Ɔwɔ ankɔrɛ̀ ezìwúɛ, nɛ́n léyi nɛ̀n yɛ́ ɛgbú-tòbù wú, kɩ yɔ dɔ̀ le: “Kè dú ɔmu lɔ! Aleluyà! Nyɛ́n mrɛ́n Ɛẅɛnwrɔn!”

Ɔwɔ-mɛ̀n-yrikàn 4:2

Ɛnvra zri lɔ, Ɛnhɛ́n bru mɛ̀n edù. Kɩ anhobɩ́, nanvrɛn lɔ, ɛgbú-tòbù tɔ̀n ndù. Ɛgbú-tòbù ndɔ lɔ wú ɔwrɔn tɔ̀n yɛ́;

Ɔwɔ-mɛ̀n-yrikàn 4:4

Ɛgbú-tòbù lɔ dòmɛ̀n, ɛgbú-tòbù ɛẅia anzɔ̀ nyantɛn hɔ̀n ndù, y'ɛwú lɔ ɛcüìcüì-bɔ̀ ɛẅia anzɔ̀ cɔ́ ɛceci wosú yɛ́, kɩ ansikɛ krusɔn-ci dú yɔ ɛnkru.

Ɔwɔ-mɛ̀n-yrikàn 4:9

Ɛnvra totɔtɔ̀n léyi ɛci kɔrɛkɔrɛ hɔ̀n anzɔ̀ lɔ kɛ krɛ́ ɛcɔ̀, kɛ zrɔ eci, kɛ mrɛ́n, ô kɛ̀ tán ɔwrɔn léyi yɛ́ Ɛgbú-tòbù wú ɔkùɛn nɔn, Ɔwrɔn léyi dú ɛwúvà mɛ̀n ɛnvra lɔ fɛn nɔn,

Ɔwɔ-mɛ̀n-yrikàn 5:14

Ɛci kɔkɔrɛ anzɔ̀ hɔ̀n lɔ mrɛ́n ɔmùan le: “Kè dú ɔmu lɔ!” Kɩ ɛcüìcüì-bɔ̀ kɛ shran annankruemɛ̀n kɩ ke cüe nɛ̀n ankɔrɛ̀ ezìwúɛ.

Ɔwɔ-mɛ̀n-yrikàn 5:8

Ɛnvra zri lɔ ɛci kɔrɛkɔrɛ anzɔ̀ lɔ mán ɛcüìcüì-bɔ̀ ɛẅia anzɔ lɔ shran annankruemɛ̀n Ɔwɔ kɔ̀kɔ̀sɛ̀-ẅì zìwú. Y'ɛmɛ̀n lɔ, ɔwrɔnwrɔn ẅɛn anhɛ́ mràn tɔ̀n mán ansikɛ grashɛ̀n, anjɔsàn ɛnhyì, hɩ lɔ de dú Ɔwɔ fɛcüè wɔ-sɛ̀n nɔn.

Ɔwɔ-mɛ̀n-yrikàn 7:11

Ɔwɔ-kùyüre-bɔ̀ lɔ fɛn gbrɛnkɛn ɛgbú-tòbù lɔ ɔmùan, ɛcüìcüì-bɔ̀ mán ɛci kɔrɛkɔrɛ hɔ̀n anzɔ̀ lɔ mán. Yɔ bore, yɔ kɛ́n ezì ɛnhi ɛgbú-tòbù zìwú, kɩ yɔ cüe Ɔwɔ ankɔrɛ̀ ezìwúɛ