Ɔwɔ-mɛ̀n-yrikàn 4:1 - Ɛmɛẅi ankà ankrànkràn 2003

¹ Ndɔ lɔ mɛẅi, mɛ̀n cɔ́ ɛyrikàn nyantɛn tɔ̀n: mɛ̀n kán esù tɔ̀n srú anhobɩ́. Esùva léyi mɛ́n gɔ̀ yá, hɩ ke dí nkù kɛ hán ɛbrɛ̀n-gbá hɔ́ nɔn, kɛ dɔ́ mɛ̀n le: “Ɛ̀ kà ɛ̀ vá ɛnu lɔ, kɩ me le yé mɛ́n eci léyi kɛ lɛ wɔɛn zɛtɛn nɔn.”

Ɔwɔ-mɛ̀n-yrikàn 4:1 Iomraidhean Croise

Matie 3:16

Ɛnvra léyi yɛ wá Zhezü ɛnshi ɛnkru trɔ nɔn, nɛ̀n dú ɛnshiemɛ̀n nɛ̀n srɔ ɛntrɛ. Ɛnvra zri lɔ anhobɩ́ gbɛ́ ɔmùan: nɛ̀n kán Ɔwɔ Hɛ́n kakɛ hán brɛndre hɔ́ kɩ hɔ́ncɔ́ nɛ̀n.

Markɛ̀n 1:10

Ɛnvra léyi Zhezü dú ɛnshiemɛ̀n srɔ nɔn, nɛ̀n kán anhobɩ́ gbɛ́ ɔmùan kɩ, Ɛnhɛ́n Prɔnprɔn bɩ́ brɛndre dùwrú kakɛ nɛ̀n ɛwúɛ.

Lükɛ̀n 3:21

Ɛnvra léyi yɔ wá fɛcüè lɔ fɛn ɛnshi ɛnkru trɔ nɔn, Zhezü mán yɛ wá ɛnshi ɛnkru. Ɛnvra léyi Zhezü dú Ɔwɔ-sɛ́n mɛ̀n nɔn, anhobɩ́ gbɛ́ ɔmùan,

Zhan 16:13

Ɛnvra léyi annanwɔrɛ Hɛ́n kɛ lɛ và nɔn, nɛ lɛ nyrɔn nyɛ̀n annanwɔrɛ lɔ fɛn mɛ̀n. Nɛ́n sɩ̀ dɔ́ ankà nɛ́n zri n'ɛkɔrɛ̀-levriemɛ̀n, tɛ́n nɛ lɛ dɔ́ ankà lɔ fɛn léyi nɛ̀n yá nɔn, kɩ nɛ lɛ dɔ́ nyɛ̀n eci léyi kɛ lɛ wɔ̀ɛn nɔn yi ankà.

Ɔkɔ̀hɔ̀n-wá-bɔ̀ kɔ̀hɔ̀n hán 10:11

Nɛ̀n kán anhobɩ́ gbɛ́ ɔmùan kɩ eci tɔ̀n dú nɛ̀n ɛmɛ̀n kakɛ: ndù cá tɛbrɛ̀ wú càsa vri tɔ̀n léyi yɛ ẅɛn ɛnkru d'anzɔ̀ lɔ, hɩ kɛ vá ɛnhi nɔn.

Ɔkɔ̀hɔ̀n-wá-bɔ̀ kɔ̀hɔ̀n hán 7:56

Nɛ dɔ̀ le: “Nyɛ́n die nukùɛ, mɛ kán anhobɩ́ gbɛ́ ɔmùan kɩ ɔwrɔnẅì Ẅì nyɔn Ɔwɔ zì-kɔrɛ̀a.”

Ɔwɔ-mɛ̀n-yrikàn 1:10

Ɛẅɛnwrɔn bì lɔ, Ɛnhɛ́n Prɔnprɔn yɛ́ mɛ̀n ɛwú, kɩ m'ɛmɛẅi lɔ mɛ̀n yá esùva cüicüi tɔ̀n ɔmùan, ke di nkù kɛ hán ɛbrɛ̀n-gbá tɔ̀n hɔ́;

Ɔwɔ-mɛ̀n-yrikàn 1:12

Mɛ̀n crɛ ɛmɛẅi, ô mɛ̀n kán ɔwrɔn léyi kɛ dɔ́ mɛ̀n ankà nɔn. Zɛtɛn mɛ̀n kán ansikɛ kɛ̀niɛn hɔ̀n ɔbɔ̀ɛn.

Ɔwɔ-mɛ̀n-yrikàn 1:19

Zɛtɛn è merɛ́n eci leyi ɛ̀ kàn: mán eci léyi ke ci mɛ́n ezìwú, mán hɩ léyi kɛ lɛ wɔ̀ɛn nɔn.

Ɔwɔ-mɛ̀n-yrikàn 11:12

Zɛtɛn Ɔwɔ-mùan-wú-ankà-dɔ́-bɔ̀ anhyrɛ̀ lɔ yá esùva cüìcüì tɔ̀n dú anhobɩ́ nvà, wá tán yɔ le: “Nyɛ́n kà nyɛ́n vá ɛnu lɔ!” Yɔ tɔhú, yɔ hɔ́n anhobɩ́ ɛnwì-gbuemɛ̀n, y'egbri-bɔ̀ zìwú.

Ɔwɔ-mɛ̀n-yrikàn 11:19

Zɛtɛn, anhobɩ́-cice-wɔn lɔ gbɛ́ ɔmùan, kɩ mìrɛ̀n lakà lɔ srɔ́. Ɛyri kpɛ́n ɛnhyà, yɛ yá esùva hɔ̀n, kù-dì, ɛwú di nkù, ɛnhi jɔkɔ̀ kɩ ɛnshi vri tɔ̀n nnàn.

Ɔwɔ-mɛ̀n-yrikàn 16:17

Ɔbɔ̀ɛn mɛ̀n Wɔ-kùyüre-wrɔn lɔ cüe nɛ́n grashɛ̀n lɔ ɔwràn mɛ̀n. Esùva cüìcüì tɔ̀n dú Ɔwɔ-cice-wɔn mɛ̀n, nɛ̀n dú ɛgbú-tòbù tɛ̀sɛ̀n nɛ và kɩ nɛ dɔ̀ le: “Yɛ hán trɔa!”

Ɔwɔ-mɛ̀n-yrikàn 19:11

Zɛtɛn mɛ̀n kán anhobɩ́ gbɛ́ ɔmùan, kɩ kpàngɔ wosu tɔ̀n srɔ. Ɔwrɔn léyi yɛ́ nɛ̀n ɛwú nɔn, ye bi nɛ̀n Ɔmùanzri-dì mán Annanwɔrɛ; ne ci ɛmrɛ̀n kɩ nɛ kɔ́n anhà ɛnyrɔnnan mɛ̀n.

Ɔwɔ-mɛ̀n-yrikàn 22:6

Zɛtɛn Ɔwɔ-kùyüre-wrɔn kɛ dɔ́ mɛ̀n le: “Ankà-dɔ̀ ndɔ hɔ̀n lɔ dú annanwɔrɛ kɩ ẅɛn esɛ́. Kɩ Ɛẅɛnwrɔn Ɔwɔ léyi kɛ tán n'ɔmùan-wú-ankà-dɔ́-bɔ̀ ankà-nyrì nɔn, wá n'ɛkùyüre-wrɔn ɔkɔhɔ̀n kè yé n'eci-bɩtan-bɔ̀ eci léyi kɛ lɛ wɔɛn ɛnvra bruemɛ̀n nɔn.”