Ɔwɔ-mɛ̀n-yrikàn 3:8 - Ɛmɛẅi ankà ankrànkràn 2003

⁸ Mɛ̀n nyri v'ɔkɔ̀hɔ̀n-hán-kɔhɔ̀n; mɛ̀n nyri ɔmu le ecüì ẅiɛ kɩ dú mɛ́n edomɛ̀n, kɩ ɔmu tɛ̀kɩ m'ɔmùan ankà-dɔ̀ wú, è dí ɔmùan zri kɩ è sɩ̀ krɔ mɛ̀n. Zɛtɛn, mɛ̀n srú esù tɔ̀n v'ezìwú, kɩ esù ndɔ lɔ ɔwrɔn zriɛmɛ́n ke sɩ̀ sɛ́n nɛ̀n rɔ́.

Ɔwɔ-mɛ̀n-yrikàn 3:8 Iomraidhean Croise

Lükɛ̀n 12:9

Tɛ́n ke dú kɛ ɔwrɔn kɛ dɔ̀ le, nɛ̀n sɩ̀ nyri mɛ̀n anwrɔn zìwú, ɔwrɔnẅì Ẅì mán kɛ lɛ dɔ́ Ɔwɔ kùyüre-bɔ̀ zìwú le: mɛ̀n sɩ̀ nyri nɛ̀n.

Zhan 15:20

Ke bru nyɛ̀n, ankà léyi mɛ̀n dɔ́ nyɛ̀n nɔn: ‘Eci-bɩtan-wrɔn zriɛmɛ́n ke sɩ̀ sevri kɛ̀ vrán n'ankà-yé-wrɔn.’ Ke dú kɛ yɔ kɔ́n mɛ̀n anhà hô, nyɛ́n mán yɔ lɛ kɔ́n nyɛ̀n anhà; ke dú kɛ yɔ ẅɛn m'ankà-yé lɔ yɔ hɛ́n hô, yɔ lɛ ẅɛn nyɛ tɛn lɔ mán yɔ hɛ́n.

Zhan 17:6

Anwrɔn hɔ̀n léyi ɛ̀ mrɛ́n ɛnhibù wú ɛ̀ tán mɛ̀n nɔn, mɛ̀n hán yɔ, yɔ nyri mɛ́n. Yɔ dú vɛ tɛn, ɛ̀ tán mɛ̀n yɔ, kɩ yɔ die v'ankà-dɔ̀ nukùɛ.

Ɔkɔ̀hɔ̀n-wá-bɔ̀ kɔ̀hɔ̀n hán 14:27

Ɛnvra léyi yɔ cɔ́ Antiɔshɛ̀n anmàn nɔn, yɔ bɔrɛ Krisì-fɛcüè-bɔ̀ lɔ ɛkru kɩ yɔ dɔ́ yɔ eci lɔ fɛn léyi Ɔwɔ hán yɔ, yɛ hán nɔn, mán ɔmu le Ɔwɔ srú ankaẅìbùtan levri tán anwrɔn hɔ̀n léyi kè sɩ̀ dù Zhüifɛ̀n-bɔ̀ nɔn, yɔ mán.

1 Korɛntɛ̀n anmàn-bɔ̀ 16:9

Ɔmuhi ɛnvra anvrɛnvrɛn tɔ̀n kɛ wá tán mɛ̀n vɔ̀nshɛ́ ci-hán tɔ̀n, kɩ mɛ̀n nyri ɔmu le ɛgbri-bɔ̀ cüɛn.

2 Korɛntɛ̀n anmàn-bɔ̀ 2:12

Ɛnvra léyi mɛ̀n bru Troasɛ̀n anmàn, ô mɛ̀n dɔ́ Krisì Mɛẅi ankà Ankrankran lɔ nɔn, mɛ̀n kán ɔmu le Ɛẅɛnwrɔn tán mɛ̀n ɛnvra anvrɛnvrɛn, ô mɛ̀n hán hɩ ci lɔ.

Filipɛ̀n anmàn-bɔ̀ 4:13

Mɛ lɛ kɛ́n ankà-jüedì lɔ fɛn ezì tɛ̀, Krisì léyi kɛ tán mɛ̀n ecüì nɔn, n'ɛkɔrɛ̀levri mɛ̀n.

Kɔlɔsèn anmàn-bɔ̀ 4:3

Ɛnvra zri lɔ mɛ̀n, nyɛ́n sɛ̀n nyɛ́n tán bɔ́ mán, ô Ɔwɔ kɛ̀ tán bɔ̀ ɛnvra ankrankran bɔ̀ yé n'ɔmùan-ankà lɔ, bɔ̀ dɔ́ Krisì ankà-bán-ankà lɔ. Annanwɔrɛ mɛ̀n lɔ, hɩ le kruhú de mɛ̀n dú zɛtɛ̀ lɔ anwɔ̀n-mɛ̀n-wá-wɔn mɛ̀n nɔn.

Kpàkpà timote 5:8

Ke dú kɛ ɔwrɔn tɔ̀n, ke sɩ́ wá n'ɛmɛ̀n-wrɔn esùva, annànnàn le nɛ́n dùku n'ɛmɛ̀n-bɔ̀, nɛ frɛ́n n'ankaẅì-bùtan kɩ, nɛ̀n krɛfɔn nɛ̀n vrán ɔwrɔn tɔ̀n léyi kè sɩ̀ ẅɛ̀n ankaẅì-bùtan nɔn.

Anhyrɛmɛ̀n timote 4:7

Mɛ̀n kɔ́n anhà ankrankran, mɛ́n hɔ̀n hàn mán mɛ̀n cɔ́ m'ɛsrɛ́-krutrɔ-yri, mɛ̀n ẅɛn ankàẅi-bùtan mɛ̀n hɛ́n.

Zhüdɛ̀n 1:4

Annanwɔrɛ mɛ̀n lɔ, anwrɔn gbàngbàn ndɔ hɔ̀n bru nyɛ̀n ɛmɛ̀n anbanmɛ̀n; yɔ jrɛ́ b'Ɔwɔ nboafɔ̀n, kɩ yɔ bɩ́ nɛ̀n yɔ wá y'ɛwúvà gbàngbàn ẅɛ̀n wú, kɩ ɔmu lɔ yɔ kɔ́n Zhezü-Krisì ze, nɛ́n léyi nɛ̀n dú b'Ankà-yé-wrɔn zri mán Ɛẅɛnwrɔn nɔn. Ɛnvra sheshe mɛ̀n de Ɛwrú Prɔnprɔn hɔ̀n kɛ dɔ́ nwù-bɔ̀ léyi ke le dú yɔ ɛwú nɔn yi ankà.

Ɔwɔ-mɛ̀n-yrikàn 2:13

Mɛ̀n nyri ɛyri léyi ɛ̀ sɔ́n ebɩ́ nɔn: ɛyri léyi anwa-bɔ̀ wrɔn cüìcüì gbú-tòbù ndù nɔn. Ɛ̀ brɛ́ mɛ̀n kɩkɩ ɛ̀ hɛ́n kɩ è sɩ̀ crɔ̀n ankàẅìbùtan léyi ɛ̀ ẅɛn mɛ̀n ɛmɛ̀n nɔn, annannan le ɛnvra léyi ye wri Antipasɛ̀n, mɛ́n dalɛfuɛ mùan-zri-di-wrɔn, ny'anmàn, ɛyri leyi anwa-bɔ̀ wrɔn cüìcüì sɔ́n ebɩ́ nɔn.

Ɔwɔ-mɛ̀n-yrikàn 2:2

Mɛ̀n nyri v'ɔkɔ̀hɔ̀n-hán-kɔ̀hɔ̀n, ɛgbànkàn léyi ɛ̀ tán v'edomɛ̀n mán v'ɛnbɔrɛ-ẅɛ̀n-hɛ́n-sɛ́. Mɛ̀n nyri ɔmu le e sɩ́ cüɛn anbɔrɛ-bɔ̀, anwrɔn hɔ̀n léyi kɛ krɛ́ y'edomɛ̀n ɔkɔ̀hɔ̀n-wá-bɔ̀ nɔn, ɛ̀ wɔɛn yɔ ɛ̀ nyan, tɛ́n yɔ sɩ̀ dù ɔkɔ̀hɔ̀n-wá-bɔ̀ kɩ ɛ cɔ̀ e nyrì le, yɔ dú anhyɔ̀n-bɔ̀.

Ɔwɔ-mɛ̀n-yrikàn 22:7

“Zhezü kɛ dɔ̀ le, è die nukù, mɛ vá ɛnvra bruemɛ̀n! Ɛnbɔrɛbru dú anwrɔn hɔ̀n léyi ke bɩ́ ɛshishiemɛ̀n Ɔwɔ-mùan-wú-ankà-dɔ̀ léyi dú owrú ndɔ lɔ mɛ̀n nɔn tɛ́n!”

Ɔwɔ-mɛ̀n-yrikàn 3:1

“È merɛ́n owrú è yüre Ɔwɔ kùyüre-wrɔn léyi dú Sardɛ̀n anmàn Wɔ fɛcüe-bɔ̀ mɛ̀n nɔn: Nyàn ankà léyi ɔwrɔn léyi ẅɛn Ɔwɔ Hɛ́n ɔbɔ̀ɛn hɔ̀n mán okùcankro hɔ̀n ɔbɔ̀ɛn kɛ dɔ̀ nɔn: Mɛ̀n nyri v'ɔkɔ̀hɔ̀n-hán-kɔ̀hɔ̀n; mɛ̀n nyri ɔmu le ɛ̀ ẅɛn ɛmrɛ́n ɔmuhi è dú ankɔrɛkɔrɛ mɛ̀n, zɛtɛn e wù.

Ɔwɔ-mɛ̀n-yrikàn 3:10

Ɔmuhi ɛ̀ ẅɛn m'ɔmùan ankà-dɔ̀ ɛ̀ hɛ́n esɛ́ mɛ̀n, mɛ̀n mán mɛ lɛ wá mɛ́n esùva ɛnvra léyi ɛgbànkàn kɛ lɛ vá ɛnhibù mumù lɔ wú, ô ɛnhi wú anmàn-bɔ̀ hɔ̀n kè dú ɔwɔ̀ɛn-nyan mɛ̀n.

Ɔwɔ-mɛ̀n-yrikàn 3:15

Mɛ̀n nyri v'ɔkɔ̀hɔ̀n-hán-kɔ̀hɔ̀n; mɛ̀n nyri ɔmu le è sɩ̀ wroà kɩ e sɩ́ friɛ mán. Ke dú kɛ eci d'anhyrɛ̀ lɔ è dú ɔtɔ̀n!

Ɔwɔ-mɛ̀n-yrikàn 3:7

“È merɛ́n owrú è yüre Ɔwɔ-kuyüre-wrɔn léyi dú Filadɛlfi anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi, ɔwrɔn léyi dú prɔnprɔn mán annanwɔrɛ, nɛ́n léyi nɛ̀n ẅɛn ɛnnɛncüì Davidɛ̀n safɛ̀ lɔ, nɛ́n léyi ne srú kɩ ɔwrɔn zriɛmɛ́n ke sɩ́ sɛn rɔ́a nɔn, nɛ́n léyi nɛ sɛ̀n kɩ ɔwrɔn zriɛmɛ́n ke sɩ́ srú rɔ́a nɔn, nyan ankà léyi nɛ dɔ̀ nɔn: