Ɔwɔ-mɛ̀n-yrikàn 3:7 - Ɛmɛẅi ankà ankrànkràn 2003

⁷ “È merɛ́n owrú è yüre Ɔwɔ-kuyüre-wrɔn léyi dú Filadɛlfi anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi, ɔwrɔn léyi dú prɔnprɔn mán annanwɔrɛ, nɛ́n léyi nɛ̀n ẅɛn ɛnnɛncüì Davidɛ̀n safɛ̀ lɔ, nɛ́n léyi ne srú kɩ ɔwrɔn zriɛmɛ́n ke sɩ́ sɛn rɔ́a nɔn, nɛ́n léyi nɛ sɛ̀n kɩ ɔwrɔn zriɛmɛ́n ke sɩ́ srú rɔ́a nɔn, nyan ankà léyi nɛ dɔ̀ nɔn:

Ɔwɔ-mɛ̀n-yrikàn 3:7 Iomraidhean Croise

Matie 16:19

Mɛ lɛ tán mɛ́n Anhobɩ́ Nɛ̀ncüì-dúyri safɛ̀ hɔ̀n lɔ: eci léyi ɛ lɛ mrɛ́n sɔhɔ́ ɛnhi wú nɔn, anhobɩ́ mán yɛ lɛ mrɛ́n sɔhɔ́; eci léyi e le bɩ́ ɛnhi wú nɔn anhobɩ́ mán ye le bɩ.”

Matie 24:35

Anhobɩ́ mán ɛnhibù kɛ lɛ vàcì, tɛ́n m'ɔmùan ankà-dɔ̀ ke sɩ̀ vàcí mrìmrì.”

Markɛ̀n 1:24

“Zhezü Nazarɛtɛ̀n anmàn wrɔn, ecitan e ji ɛ̀ hán bɔ̀a? Bɔ́ ɛjrɛ́-yri ɛ vàà? Mɛ̀n nyri anvrɛnvrɛn mɛ̀n ɔwrɔn léyi dú mɛ́n nɔn: è dú ɔwrɔn prɔnprɔn léyi Ɔwɔ yüre nɔn!”

Lükɛ̀n 1:32

Nɛ lɛ srɔ ɔwrɔn vri, kɩ ye le bi nɛ̀n Ɔwɔ léyi dù ɛwú nɔn n'Ɛnẅì. Ɛẅɛnwrɔn Ɔwɔ kɛ lɛ srɔ nɛ̀n Ɛnnɛ̀ncüì kɛ lɛ hán Davidɛ̀n léyi dú nɛ́n nancüì nɔn hɔ́.

Lükɛ̀n 4:34

“Ecitan de e ji bɔ̀ edomɛ̀n, Nazarɛtɛ̀n anmàn wrɔn Zhezü? Ɛ̀ vá ɛ và hô ɛ̀ jrɛ́ bɔ̀a? Mɛ̀n nyri anvrɛnvrɛn ɔwrɔn léyi dú mɛ́n nɔn: Ɔwɔ-kɔhɔ́n-wá-wrɔn Prɔnprɔn!”

Zhan 14:6

Zhezü mrɛ́n nɛ̀n ɔmùan le: “Mɛ̀n dú ɛnlevri, mɛ̀n dú ankà-annanwɔrɛ, mɛ̀n dú ɛwúvà-kɔrɛ̀. Ɔwrɔn zriɛmɛ́n ke sɩ̀ hɔ́n Dade nanvrɛn ke dú kɛ nɛ̀n sɩ̀ cì m'eyri.

Ɔkɔ̀hɔ̀n-wá-bɔ̀ kɔ̀hɔ̀n hán 3:14

Nyɛ́n kɔ́n nɛ́n, léyi nɛ̀n dú prɔnprɔn mán ɛnyrɔnnan mɛ̀n nɔn nyɛ́n ze, kɩ nyɛ́n cüɛ̀n le ye teze nɛ́n léyi nɛ̀n dú ɔwrɔn-wri-wrɔn nɔn.

1 Zhan 5:20

Bɔ̀ nyri ɔmu le Ɔwɔ Ẅì nvà, kɩ nɛ̀n tán bɔ̀ ɛnkruemɛ̀n-ẅɛ̀n, ô bɔ̀ nyri Ɔwɔ annanwɔrɛ lɔ. Bɔ̀ dú Ɔwɔ annanwɔrɛ lɔ n'ɔbɔ̀sɔ̀ lɔ mɛ̀n n'Ɛnẅì Zhezü Krisì mɛ̀n. Nɛ́n de nɛ̀n dú Ɔwɔ annanwɔrɛ lɔ nɔn, nɛ́n de nɛ̀n dú ɛwúvà léyi ke sɩ́ trɔa nɔn.

Ɔwɔ-mɛ̀n-yrikàn 1:11

esùva lɔ kɛ dɔ̀ le: “È merɛ́n owrú tɔ̀n mɛ̀n eci léyi ɛ kàn nɔn, ô, è bɩ́ owrú lɔ è yüre Ɔwɔ fɛcüè hɔ̀n ɔbɔ̀ɛn lɔ: Efɛzɛ̀n anmàn, Smirnɛ̀n anmàn, Pergamɛ̀n anmàn, Tiatirɛ̀n anmàn, Sardɛ̀n anmàn, Filadɛlfi mán Laodise anmàn.”

Ɔwɔ-mɛ̀n-yrikàn 1:18

Mɛ̀n dú ɔkɔrɛ-wrɔn. Mɛ́n wù, tɛ́n zɛtɛ̀ lɔ mɛ̀n dú ɔkɔrɛ-wrɔn ɛnvra lɔ fɛn. Mɛ̀n ẅɛn ɛkɔrɛ̀srɔn owù mán owú-bɔ̀ hi wú.

Ɔwɔ-mɛ̀n-yrikàn 1:5

kè dú Zhezü Krisì léyi dú ɔmùan-zri dì dalɛfuɛ-wrɔn, ezì-hɛ́ ẅì, kpàpkà-wrɔn léyi ye bɩ́ owú-bɔ̀ mɛ̀n ye sɩ́ ɔkɔrɛ-bɔ̀ mɛ̀n nɔn, mán ɛnhibù wú nɛ̀ncüì hɔ̀n nɛ̀ncüì, yri kɛ̀ và cɔ́ nyɛ̀n. Krisì kɛ cüɛn bɔ̀, kɩ n'eci ce mɛ̀n lɔ, nɛ̀n mrɛ́n bɔ̀ ɛgbàn mɛ̀n nɛ̀n sɔhɔ́,

Ɔwɔ-mɛ̀n-yrikàn 15:3

Yɔ krɛ́ Mohizì cɔ̀, nɛ́n léyi nɛ̀n dú Ɔwɔ-ci-bɩtan-wrɔn nɔn, kɩ yɔ krɛ́ Ɔwɔ-Kɔ̀kɔ̀sɛ̀-ẅì cɔ̀: “Ɛẅɛnwrɔn, ɛkɔrɛsrɔn Wɔ, V'ɛkɔrɛ̀-ci hɔ̀n sevri kɩ zrɔ! Ɛnhi wú anmàn hɔ̀n nɛ̀ncüì, V'ankɔ́nda-ci-hán hɔ̀n nyrɔn kɩ dú annanwɔrɛ!

Ɔwɔ-mɛ̀n-yrikàn 16:7

Zɛtɛn mɛ̀n yá esùva tɔ̀n dú ɛcice tɛbrɛ̀ wú nvà kɩ kɛ dɔ̀ le: “Hɛ̀ɛ̀, Ɛẅɛnwrɔn, ɛkɔrɛ̀srɔn Wɔ, v'ɛmrɛ̀ncì dú annanwɔrɛ kɩ nyrɔn!”

Ɔwɔ-mɛ̀n-yrikàn 19:11

Zɛtɛn mɛ̀n kán anhobɩ́ gbɛ́ ɔmùan, kɩ kpàngɔ wosu tɔ̀n srɔ. Ɔwrɔn léyi yɛ́ nɛ̀n ɛwú nɔn, ye bi nɛ̀n Ɔmùanzri-dì mán Annanwɔrɛ; ne ci ɛmrɛ̀n kɩ nɛ kɔ́n anhà ɛnyrɔnnan mɛ̀n.

Ɔwɔ-mɛ̀n-yrikàn 19:2

N'ɛmrɛ̀ncì hɔ̀n dú annanwɔrɛ mán ɛnyrɔnnan mɛ̀n! Ɔmuhi nɛ̀n bó wowie-nyɔnwrɔn vri lɔ nwù, nɛ́n léyi nɛ jrɛ́ ɛnhi, n'eci-gbàngbàn-kɔ̀hɔ̀n-hán mɛ̀n. Ɛẅɛnwrɔn hán nɛ̀n nɛ̀n krɛ́ ɛci, n'eci-bɩ̀tan-bɔ̀ hɔ̀n wù lɔ wú.”

Ɔwɔ-mɛ̀n-yrikàn 2:1

“È merɛ́n owrú è yüre Ɔwɔ kùyüre-wrɔn léyi dú Efɛzɛ̀n anmàn Wɔ-fɛcüè-bɔ̀ mɛ̀n nɔn: Nyàn ankà léyi, ɔwrɔn léyi ẅɛn okùcankro hɔ̀n ɔbɔ̀ɛn lɔ n'ezi-kɔrɛ̀ màn mɛ̀n, kɩ kɛ nán esù ansikɛ kɛniɛn hɔ̀n ɔbɔ̀ɛn lɔ y'anwanzi kɛ dɔ̀ nɔn:

Ɔwɔ-mɛ̀n-yrikàn 21:5

Zɛtɛn ɔwrɔn léyi yɛ́ ɛgbú-tòbù wú nɔn kɛ dɔ̀ le: “Zɛtɛ̀ lɔ mɛ hán ecì hɔ̀n lɔ fɛn owrù.” Zɛtɛn nɛ dɔ́ mɛ̀n le: “È merɛ́n ndɔ lɔ, ɔmuhi m'ɔmùan-ankà-dɔ̀ hɔ̀n dú annanwɔrɛ kɩ ẅɛn esɛ́ nɔn.”

Ɔwɔ-mɛ̀n-yrikàn 3:14

“È merɛ́n owrú è yüre Ɔwɔ-kùyüre-wrɔn léyi dú Laodise anmàn Ɔwɔ-fɛcüè-bɔ̀ mɛ̀n nɔn: Nyàn ankà léyi Krisì kɛ dɔ̀, nɛ́n léyi nɛ̀n dú ɔmùan-zri dalɛfuɛ-di-wrɔn mán annanwɔrɛ, nɛ̀n dú eci lɔ fɛn léyi Ɔwɔ hán nɔn, n'ɛnkrubɔmɛ̀n, nɛ dɔ̀ le:

Ɔwɔ-mɛ̀n-yrikàn 4:8

Ɛci kɔrɛkɔrɛ anzɔ̀ lɔ, ɔwrɔnwrɔn ẅɛn ɛtùvàkɔrɛ̀ ɔwole, anvɛ̀ dú ɛwú mán anhɛ̀. Yɔ dú ɛcɔ̀-krɛmɛ̀n ɛnvra lɔ fɛn, ɛnnyran mán ɛcɛ̀n: “Prɔnprɔn, prɔnprɔn, prɔnprɔn dú Ɛẅɛnwrɔn, ɛkɔrɛ̀srɔn Wɔ, nɛ́n léyi nɛ́n go dù, nɛ́n dù kɩ nɛ và nɔn.”

Ɔwɔ-mɛ̀n-yrikàn 5:9

Yɔ krɛ́ ɛcɔ̀ wrù tɔ̀n: “Ɛ̀krɔn kpehɛ́n e le bɩ́ owrú lɔ, kɩ ɛ lɛ bɔyɛ n'ɛci-tɔn-ci hɔ̀n lɔ. Ɔmuhi ye dí mɛ́n owuemɛ̀n, kɩ v'ɛgbànkàn cice lɔ mɛ̀n, è bɩ́ ɛmɛ̀n mɛ̀ntɛ mɛ̀ntɛ bɔ̀, fɛcüè mɛ̀ntɛ mɛ̀ntɛ bɔ̀ mán ɛnhi wú anmàn mɛ̀ntɛ mɛntɛ bɔ̀, ɛ và sɩ́ Ɔwɔ.

Ɔwɔ-mɛ̀n-yrikàn 6:10

Yɔ di bobo ecüiemɛ̀n: “Ankà-yé-wrɔn prɔnprɔn mán annanwɔrɛ, ɛnvra tán de ɛ wá, ô è ci ɛnhibùwú-bɔ̀ hɔ̀n ɛmrɛ̀n, ô yɔ krɛ́ ɛci yɔ tán mɛ́n b'owù lɔ wú nɛ́n?”